ԵՐԵՎԱՆ, 14 մայիսի – Sputnik. ՀՀ առողջապահության նախարար Արսեն Թորոսյանի մոտ կորոնավիրուս չի հայտնաբերվել։ Թորոսյանը լավ լուրը հայտնել է Facebook սոցցանցի իր էջում։
«Իմ կորոնավիրուսի թեստի պատասխանը բացասական է: Ես որևէ գանգատ չունեմ»,–գրել է նա։
Նախարարի խոսքով` առաջիկայում իր շփումները կհասցնի գրեթե զրոյական մակարդակի, որ չվտանգի որևէ մեկին:
Հիշեցնենք, որ Sputnik Արմենիային նախարարի մամուլի քարտուղար Ալինա Նիկողոսյանը հայտնել էր, որ նախարարությունում կան կորոնավիրուսով վարակված աշխատակիցներ, որոնց մոտ հիվանդությունը հաստատվել է: Թորոսյանը մեկուսացվել էր որպես նրանց հետ շփում ունեցած անձ:
Նշենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 142–ով և դարձել 3860։ Այս պահին փաստացի բուժում է ստանում 2218 մարդ, կատարվել է 36016 թեստավորում, արդեն առողջացել են վարակվածներից 1572–ը։ Ընդհանուր առմամբ գրանցվել է կորոնավիրուսային հիվանդությունից մահանալու 49 դեպք և մահվան 21 անուղղակի դեպք:
Հայաստանում գրանցվել է կորոնավիրուսի 142 նոր դեպք․ վարակվածների ընդհանուր թիվը 3860 է
