Ռուստամ Բադասյան

Սոցիալական հեռավորության պահպանման առումով ՔԿՀ–ներն ամենաապահով տեղն են. նախարար

37
(Թարմացված է 13:40 14.05.2020)
Դատապարտյալների հիվանդանոցում 2 մասնաշենք առանձնացվել է և հատուկ կահավորել, որպեսզի եթե լինեն կորոնավիրուսով վարակված դատապարտյալներ, համապատասխան բուժում ստանան։

ԵՐԵՎԱՆ, 14 մայիսի — Sputnik. Հայաստանի քրեակատարողական հիմնարկներում որևէ դատապարտյալ և կալանավորված անձ այս պահի դրությամբ կարոնավիրուսով վարակված չէ։ Տեղեկությունը կառավարությունում հրավիրված մամուլի ասուլիսի ժամանակ հայտնեց ՀՀ արդարադատության նախարար Ռուստամ Բադասյանը։

Նրա խոսքով` սա վկայում է այն մասին, որ վիրուսի տարածման կանխարգելման միջոցառումները, որոնք իրականացվում են քրեակատարողական ծառայության և արդարադատության նախարարության կողմից իրենց արդյունքը տալիս են։ «Իհարկե, վիրուսի տարածման տեմպերը հաշվի առնելով` չեմ կարծում, որ այս իրավիճակը երկար կտևի, քանի որ, կգա մի օր, որ կունենանք վարակված դատապարտյալ։ Դա չի նշանակում, որ կատաստրոֆա կլինի, քանի որ մենք դատապարտյալների հիվանդանոցում արդեն վաղուց նախապատրաստել ենք հատուկ կահավորված երկու մասնաշենք, որտեղ հնարավոր կլինի արդյունավետ բուժում և մեկուսացում ապահովել»,-ասաց նա և տեղեկացրեց, որ Քրեակատարողական հիմնարկների ծառայողների շրջանում կան կորոնավիրուսի վարակման դեպքեր, հիմնականում Վարդաշեն քրեակատարողական հիմնարկի մեկ հերթափոխի աշխատակիցներն են վարակված`8 դեպք, որից հետո մի քանի կասկածելի դեպքեր են եղել, որոնք այս պահին թեստավորման փուլում են։

Նախարարի խոսքով՝ սոցիալական հեռավորության պահպանման առումով  քրեակատարողական հիմնարկներն այս պահին ամենաապահով տեղն են, քանի որ Հայաստանում քրեակատարողական հիմնարկների վիճակը՝ ծանրաբեռնվածության առումով(43%) , երևի լավագույններից մեկն է աշխարհում։

Բադասյանը շեշտեց, որ կորոնավիրուսով պայմանավորված աշխարհում մի շարք երկրներ համաներում են իրականացրել այն պատճառով, որ իրենց մոտ քրեակատարողական  հիմնարկներում ծանրաբեռնվածությունը 100% է։

ՔԿՀ–ներից ևս երկուսը միացան սննդի ապահովման նոր համակարգին

Հավելենք` Հայաստանում կորոնավիրուսի վարակման դեպքերը վերջին մեկ օրում ավելացել են 142–ով և դարձել 3860։

Այս պահին փաստացի բուժում է ստանում 2218 մարդ, կատարվել է 36016 թեստավորում, արդեն առողջացել են վարակվածներից 1572–ը։ Ընդհանուր առմամբ գրանցվել է կորոնավիրուսային հիվանդությունից մահանալու 49 դեպք և մահվան 21 անուղղակի դեպք:

Հիշեցնենք` կորոնավիրուսի տարածումը կանխելու համար Հայաստանում արտակարգ դրության ռեժիմն այսօր երկարաձգվեց։ Այն կգործի մինչև 2020 թվականի հունիսի 13-ը, ժամը 17:00-ն ներառյալ:

37
թեգերը:
դատապարտյալ, կորոնավիրուս, Քրեակատարողական հիմնարկ (ՔԿՀ), Ռուստամ Բադասյան
Ըստ թեմայի
Հայաստանում կորոնավիրուսից մահացած տղամարդը ունեցել է խրոնիկ հիվանդություններ
ՀՀ քաղաքացիների շրջանում տարածվում է, թե կորոնավիրուսը բլեֆ է. Փաշինյանի առաջարկը
Սուրեն Պապիկյանն ինքնամեկուսացած է. նախարարությունում կորոնավիրուսի դեպքեր կան
Շտապօգնություն

Ողբերգական ավտովթար Տավուշում. կա մեկ զոհ

4
(Թարմացված է 15:01 02.06.2020)
«Լեռնային Հայաստան» առողջարանի մոտակայքում շրջված ՈւԱԶ մակնիշի ավտոմեքենայում երկու անձ են եղել։

ԵՐԵՎԱՆ, 2 հունիսի - Sputnik. Քիչ առաջ ողբերգական ավտովթար է տեղի ունեցել Տավուշի մարզում։ ՀՀ ԱԻՆ մամուլի ծառայությունը հայտնում է, որ վթարի մասին տեղեկությունը Ճգնաժամային կառավարման ազգային կենտրոն  ստացել է ժամը 13:04-ին։ Ըստ ստացված տվյալների՝ Դիլիջան քաղաքում՝ «Լեռնային Հայաստան» առողջարանի մոտակայքում, շրջվել է  ՈւԱԶ մակնիշի ավտոմեքենա, կա տուժած:

Դեպքի վայր են մեկնել փրկարարները։ Նախնական տեղեկություններով՝ վթարի պահին մեքենայում երկու անձ են եղել։ Նրանցից մեկը տեղում մահացել է, մյուսը հոսպիտալացվել է։

Sputnik Արմենիայի տեղեկություններով՝ մահացած անձը ՊՆ–ին պատկանող «Լեռնային Հայաստան» հանգստյան տանն աշխատելիս է եղել որպես բանվոր։

4
թեգերը:
Դիլիջան, Վիրավոր, Զոհ, ավտովթար, Տավուշ
Ситуация в Капане (24 мая 2020). Сюник

«Իշխանությունը չներեց քաջարանցիներին». պաշտպանները` աղմկահարույց քրգործի մասին

33
(Թարմացված է 14:55 02.06.2020)
Քաջարանի հայտնի դեպքերով հարուցված քրգործով կալանավորվածներից մեկի երեխան առողջական լուրջ խնդիրներ ունի: Բացի այդ, կալանավորվածի ընտանիքը կարող է հայտնվել դրսում:

ԵՐԵՎԱՆ, 2 հունիսի – Sputnik. Քաջարանի բնակչին առևանգելու դեպքով ոստիկանության գործողությունները ի սկզբանե եղել են ոչ իրավաչափ: Sputnik Արմենիա մուլտիմեդիոն մամուլի կենտրոնում տեղի ունեցած ասուլիսի ժամանակ ասաց Քաջարանի դեպքերով հարուցված քրեական գործի շրջանակում կալանավորված անձանց պաշտպան Կարեն Ղազարյանը:

Карен Казарян на пресс-конференции адвокатов лиц, арестованных по делу, возбужденному в связи с событиями в Каджаране (2 июня 2020). Еревaн
© Sputnik / Aram Nersesyan ,
Կարեն Ղազարյանը

«Քաջարանի դեպքով քննությունն ի սկզբանե արվել է փաստաբանների և փաստաբանի կարիք ունեցող երիտասարդների իրավունքները ոտնահարելով: Իրավունքների ոտնահարումը հիմա էլ շարունակվում է դատարանի կայացրած որոշումների ոչ օբյեկտիվ լինելով»,-ասաց Ղազարյանը:

Նրա խոսքով՝ մայիսի 24-ին, երբ ոստիկանությունը բերման էր ենթարկել Քաջարանի երեք բնակչի, վերջիններիս հնարավորություն չի տրվել օգտվելու պաշտպաններին զանգելու և նրանց դիմելու իրավունքից: Բացի այդ, ըստ Ղազարյանի, պաշտպաններին ոստիկանները թույլ չեն տվել մտնել բաժին, և միայն բերման ենթարկվածներին քննչական տանելուց հետո են փաստաբանները մտել պաշտպանյալների մոտ:

Փաստաբանի խոսքով` իր պաշտպանյալը՝ կալանավորված Բաբկեն Համբարձումյանը, տան միակ աշխատողն է և ունի զույգ երեխա, որոնցից մեկը լուրջ առողջական խնդիրներ ունի (երեխան գանգի ոսկրերի ճողվածք ունի, որտեղ նաև գրիժա էր առաջացել. նրան վիրահատել են): Համբարձումյանին կալանավորելով, ըստ պաշտպանի, դատարանը զրկում է երեխային բուժումը շարունակելու հնարավորությունից, բացի այդ, Համբարձումյանի ընտանիքը կանգնելու է դրսում մնալու խնդրի առաջ:

Համբարձումյաներն ունեն երկու խոշոր վարկ՝ տուն գնելու և երեխայի բուժման համար վերցրած, որոնք, ըստ պաշտպանի, վճարում էր հենց Բաբկեն Համբարձումյանը:  Փաստաբանի խոսքով՝ իր պաշտպանյալի խափանման միջոց կալանավորումը պետք է փոխվի, նա ազատության մեջ հայտնվի, իսկ վերջինիս կնոջն ու երեխային պետք է աջակցեն, որպեսզի կարողանան գնալ արտերկիր՝ բուժման: Ի դեպ, Բաբկեն Համբարձումյանն աշխատում է Քաջարանի պղնձամոլիբդենային գործարանում՝ որպես ինժեներ:

«Կրիմինալի ու կոռուպցիայի հետ կոմպրոմիս չի լինելու». Փաշինյան

Բաբկեն Համբարձումյանի եղբոր՝ Լևոն Համբարձումյանի պաշտպան Վարդուհի Էլբակյանն էլ հայտնեց, որ հարուցված քրգործն աննախադեպ է, քանի որ գործով տուժող ճանաչված անձն ասել է՝ իրեն չեն առևանգել ու հավելել, թե իր՝ առևանգելու մասին ցուցմունքը տվել է ոստիկանության աշխատակիցների ուղղորդմամբ, և եթե նման ցուցմունք չտար, ապա իր նկատմամբ պատժող միջոցներ կգործադրվեին: Եվ այս ամենը հաշվի չառնելով էլ, ըստ Էլբակյանի, տղաներին կալանավորելու ապօրինի որոշում է կայացվել:

Вардуи Элбакян на пресс-конференции адвокатов лиц, арестованных по делу, возбужденному в связи с событиями в Каджаране (2 июня 2020). Еревaн
© Sputnik / Aram Nersesyan ,
Վարդուհի Էլբակյան

Ի դեպ, փաստաբանը հայտնեց՝ մինչ օրս առերեսում տեղի չի ունեցել տուժողի և կալանավորվածների միջև: Հարուցված քրգործով կալանավորվածների մեկ այլ պաշտպան էլ՝ Արա Ղազարյանը տեղեկացրեց, որ կալանքը քողարկված պատիժ է, և նրանց կալանավորեցին, քանի որ իշխանությունը չներեց քաջարանցիներին, որ հավաքվեցին ու բողոքի ակցիա արեցին:

«Ոստիկանները երաշխիքներ են տվել». Կապանի` ժամեր տևած բողոքի ակցիան դադարեցվեց

«Կալանքի նպատակն այն է, որ անձը, ազատության մեջ գտնվելով, տուժողի նկատմամբ կարող է ճնշում գործադրել, բայց դեպքը եղել է մեկ ամիս առաջ, և եթե ճնշում գործադրվեր, ապա կարող էր այդ ընթացքում դա լիներ: Այսինքն՝ կալանքը բոլորովին անհարկի է»,-ասաց Ղազարյանը: Նա նշեց նաև, որ հարուցված քրգործով որևէ ակտիվ քննչական գործողություններ չկան այս պահին, քանի որ գործը ծավալ չունի՝ այն մեկ մարդու ցուցմունքից է բխում: Ղազարյանը հիշեցրեց՝ դատարանը մերժել է նաև իրենց՝ կալանքը գրավով փոխարինելու միջնորդությունը:

Ըստ հարուցված քրգործի` Քաջարանի 4 բնակիչները, նախնական համաձայնության գալով, 2020թ. ապրիլի 29-ին, ժամը 13։30-ի սահմաններում, Քաջարանի Լեռնագործներ փողոցում գործող ավտոկայանատեղիում ոլորելով Շ. Մ.-ի ձեռքերը և բռնելով ոտքերից` մտցրել են Խ. Մ.-ի վարած ավտոմեքենան, առևանգել նրան։ Այնուհետև նրան տեղափոխել են «Աժդանակ» ՍՊ ընկերության տարածք, որտեղ ներկա գտնվող անձանցից մեկը հրացանով կրակել է Շ. Մ.-ի ոտքերին, ծեծել նրան:

Դրանից հետո «Տոյոտա-Պրադո» մակնիշի ավտոմեքենայով վերջինիս տեղափոխել են Ագարակ բնակավայրում գտնվող՝ Ա. Պ.-ին պատկանող առանձնատուն, որտեղ կրկին ծեծել են նրան:

Ձեռք բերված ապացույցների համակցությամբ՝ 5 անձի մեղադրանք է առաջադրվել։ ՀՀ քննչական կոմիտեն երեկ` հունիսի 1-ին, հայտնել էր, որ Քաջարանի բնակչին առևանգելու քրեական գործով կալանավորվել է 3 անձ:

Մայիսի 24-ին Քաջարանի բնակիչները հավաքվել էին ոստիկանության առջև` պահանջելով ազատ արձակել ձերբակալվածներին։ Այդ օրը հայտնի դարձավ, որ ոստիկանները մեկին ձերբակալել են, նրա նկատմամբ բռնություն գործադրել, սակայն տվյալ անձը որևէ կապ չի ունեցել այդ քրգործի հետ։ Ոստիկանության բակում հավաքված քաջարանցիները նշում էին, թե վստահ չեն` մյուս բերման ենթրակվածներին նույնպես բռնության չեն ենթարկի։

33
թեգերը:
Իշխանություն, Բողոքի ակցիա, պաշտպան, կալանավոր, Քրեական գործ, Քաջարան
Լաբորատորիա. արխիվային լուսանկար

Ռուսաստանում COVID-19–ի դեմ սկսել են «յոգուրտանման» պատվաստանյութ մշակել

0
(Թարմացված է 14:49 02.06.2020)
ՌԳԱ փոխնախագահի խոսքով` վիրուսանման մասնիկների հիման վրա Կենսաօրգանական քիմիայի ինստիտուտի և Չումակովի անվան պոլիոմիելիտի ինստիտուտի համատեղ ջանքերով պատվաստանյութ է ստեղծվում։

ԵՐԵՎԱՆ, 2 հունիսի – Sputnik. Ռուսաստանի գիտությունների ակադեմիայի փոխնախագահ Վլադիմիր Չեխոնինը ՌԳԱ պրեզիդիումի նիստի ժամանակ ասել է, որ ներկա պահին Ռուսաստանը մշակում է կորոնավիրուսի դեմ պատվաստանյութ, որը հնարավոր կլինի ընդունել կաթնամթերքի տեսքով։ Տեղեկությունը հայտնում է «Նաուչնայա Ռոսիան»։

Նրա խոսքով` պատվաստանյութը նախակլինիկական փորձարկումների փուլում է։

«Այս պատվաստանյութը խորհուրդ է տվել ՌԴ առողջապահության նախարարությունը, ներկա պահին իրականացվում է դրա ստեղծումը։ Սանկտ Պետերբուրգի փորձառական բժշկության համալսարանի հարթակում աշխատանք է տարվում նաև պատնեշային պատվաստանյութերի ստեղծման ուղղությամբ։ Այս պատվաստանյութը հնարավոր կլինի ընդունել որպես կաթնամթերք և այսօրվա դրությամբ այն նախակլինիկական փորձարկումներ է անցնում»,–հայտնել է Չեխոնինը։

Մերկելն ասել է` որքան գումար է պետք կորոնավիրուսի դեմ պատվաստանյութ ստեղծելու համար

ՌԳԱ փոխնախագահի խոսքով` վիրուսանման մասնիկների հիման վրա պատվաստանյութ է ստեղծվում Կենսաօրգանական քիմիայի ինստիտուտի և Չումակովի անվան պոլիոմիելիտի ինստիտուտի համատեղ ջանքերով։

«Ֆարմսինթեզ» ընկերության հետ համատեղ ՌԳԱ–ի Կենսաօրգանական քիմիայի ինստիտուտի հարթակի վրա ՌԳԱ ակադեմիկոս Ալեքսանդր Գաբիբովի ղեկավարությամբ մշակվում է նաև կոմբինացված ԴՆԹ պատվաստանյութ։

Ռուսաստանում աշխատում են կորոնավիրուսի դեմ 47 անուն պատվաստանյութի ստեղծման վրա

0
թեգերը:
Ռուսաստան, պատվաստանյութ, կորոնավիրուս
Ըստ թեմայի
ԱՀԿ–ն COVID-19–ի պոտենցիալ պատվաստանյութերի ցանկ է ներկայացրել
«Կորոնավիրուսը չի վերանա, քանի դեռ պատվաստանյութ չկա». Փաշինյան
Չինաստանում ասել են` երբ պատրաստ կլինի կորոնավիրուսի դեմ պատվաստանյութը