Քննչական կոմիտե. արխիվային լուսանկար

Կրթության և գիտության նախկին նախարարի դեմ քրգործ է հարուցվել

266
(Թարմացված է 19:28 13.05.2020)
Պաշտոնեական լիազորությունները չարաշահելու կապակցությամբ էլ հարուցվել է քրեական գործ` կրթության նախկին նախարարի նկատմամբ։

ԵՐԵՎԱՆ, 13 մայիսի –Sputnik. ՀՀ քննչական կոմիտեն տեղեկացնում է, որ ՀՀ կրթության և գիտության նախկին նախարարի դեմ քրգործ է հարուցվել։

«Քննչական կոմիտեում քննվող մի քրգործի նախաքննության ընթացքում տվյալներ են ձեռք բերվել, որ պաշտոնավարման ժամանակահատվածում ՀՀ ԿԳ նախկին նախարարն առերևույթ կատարել է ՀՀ քրեական օրենսգրքի 308-րդ հոդվածի 2-րդ մասով (պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ) նախատեսված հանցագործություն»,–նշված է ՔԿ հաղորդագրության մեջ:

Փաստի առթիվ 2020թ. մայիսի 12-ին քրեական գործի նյութերով ՀՀ քրեական օրենսգրքի 308-րդ հոդվածի 2-րդ մասի հատկանիշներով հարուցվել է նոր քրեական գործ, որը միացվել է վերը նշված քրեական գործին:

Խաչատուր Քոքոբելյանի որդու նկատմամբ բռնություն գործադրելու դեպքով քրգործ է հարուցվել

Նկատի ունենալով, որ ՀՀ օրենսդիր, գործադիր և դատական իշխանության մարմինների ղեկավար աշխատողների, պետական ծառայություն իրականացնող անձանց պաշտոնեական դիրքի կապակցությամբ դեպքերի վերաբերյալ նախաքննությունը կատարում են ՀՀ հատուկ քննչական ծառայության քննիչները, հետագա նախաքննությունը շարունակելու համար քրգործն ուղարկվել է ՀՀ հատուկ քննչական ծառայություն:

Հիշեցնենք, որ 2016-2018–ին ԿԳ նախարար է եղել ՀՅԴ–ական Լևոն Մկրտչյանը, իսկ 2009-2016–ին` ՀՀԿ–ական Արմեն Աշոտյանը։ Դրանից առաջ կարճ ժամանակ` 2008-2009թվականներին կրթության նախարարի պաշտոնին է եղել ՀՅԴ–ական Սպարտակ Սեյրանյանը, որից առաջ` 2006-2008–ին` կրկին Լևոն Մկրտչյանն է եղել նախարար։

Անհայտ անձը կամ անձինք շարքից հանել են Ucom-ի` Արմավիրում գտնվող բջջային կայանը

266
թեգերը:
Կրթության և գիտության նախարարություն (ԿԳՆ), Նախարար, ՀՀ քննչական կոմիտե
Ըստ թեմայի
Նախարար Սուրեն Պապիկյանի դատվածության մասին հոդվածների առնչությամբ քրգործ է հարուցվել
«Թույլ տվեք՝ մենք որոշենք». ՊԵԿ նախագահը խոսեց Միքայել Մինասյանի դեմ հարուցված քրգործից
Փոխտնօրենը «Ոսկու աշխարհին» 67 մլն դրամի վնաս է պատճառել . քրգործ է հարուցվել
Գնացք

Երևան-Գյումրի-Երևան էքսպրես էլեկտրագնացքները կվերսկսեն աշխատանքը

9
(Թարմացված է 13:43 02.06.2020)
Հանրապետության 2 խոշոր քաղաքների միջև էքսպրեսի երկարատև աշխատանքի ապահովումը կախված կլինի այս ծառայության պահանջարկի վերականգնման տեմպերից։

ԵՐԵՎԱՆ, 2 հունիսի – Sputnik. «Հարավկովկասյան երկաթուղի» ընկերությունը հունիսի 5-ից վերսկսում է Երևան-Գյումրի-Երևան միջքաղաքային էքսպրես էլեկտրագնացքների աշխատանքը: Տեղեկությունը հաղորդում է ընկերության մամուլի ծառայությունը։

Նշենք, որ չվերթերը չեղարկվել են այս տարվա մարտի 27-ից` Հայաստանում արտակարգ դրություն հայտարարելու և ուղևորափոխադրումների կտրուկ կրճատման պատճառով:
Ընկերության ներկայիս որոշումը պայմանավորված է միջքաղաքային երկաթուղային ուղևորափոխադրումների պահանջարկի որոշակի վերականգնմամբ և ուղղված է Երևանի ու Գյումրի միջև զբոսաշրջային հոսքերի խթանմանը: «Այնուամենայնիվ, հանրապետության 2 խոշոր քաղաքների միջև էքսպրեսի երկարատև աշխատանքի ապահովումը կախված կլինի այս ծառայության պահանջարկի վերականգնման տեմպերից»,–նշված է ընկերության տարածած հաղորդագրության մեջ:
Տեղեկացվում է, որ ՀԿԵ-ն շարունակում է խստորեն իրականացնել պարետի կանխարգելիչ և հակավիրուսային միջոցառումները՝ չափվում է ուղևորների ջերմությունը, շարժակազմն ախտահանվում և մաքրվում է, վագոններում ապահոված է ախտահանող միջոցների առկայությունը, հսկվում է ուղևորների կողմից սոցիալական հեռավորության պահպանելու և դիմակներ ու ձեռնոցներ կրելու պահանջների կատարումը:

Արտակարգ դրությունն ազդել է նաև երկաթուղու աշխատանքի վրա. ինչ պետք է անեն ՀԿԵ-ում

Մայիսի վերջին շաբաթվա ընթացքում կառավարական հանձնաժողովը մշտադիտարկում է իրականացրել ընկերության ուղևորատար համալիրում և արձանագրել է պարետի որոշումներին ձեռնարկված միջոցառումների համապատասխանությունը:

9
թեգերը:
Հարավկովկասյան երկաթուղի (ՀԿԵ), Երևան, Գյումրի, Գնացք
Ըստ թեմայի
ՀԿԵ աշխատակիցներն աղբից մաքրել են երկաթուղային գծերի տարածքը և կոչով դիմել քաղաքացիներին
Հայաստանից տարվող խտանյութն անվտանգ տեղ կհասնի. ՀԿԵ-ն նոր վագոններ է գնել
Գնացքների վագոններն ախտահանվում են, ՀԿԵ–ն պայքարում է կորոնավիրուսի դեմ. լուսանկարներ
Գագիկ Ծառուկյան. արխիվային լուսանկար

Գագիկ Ծառուկյանին պատկանող ընկերության տնօրենին 2 հոդվածով մեղադրանք է առաջադրվել

24
(Թարմացված է 13:37 02.06.2020)
Գագիկ Ծառուկյանին պատկանող ընկերության տնօրենը, ըստ Քննչական կոմիտեի, կեղծ փաստաթղթերով է «դատարան մտել»։

ԵՐԵՎԱՆ, 2 հունիսի – Sputnik. ՀՀ քննչական կոմիտեն «Երևանի Արարատ կոնյակի-գինու-օղու կոմբինատի» տնօրենին մեղադրանք է առաջադրել երկու հոդվածով` ապացույցները կեղծելու և գույքային վնաս պատճառելու համար։

Նշենք, որ ընկերությունը պատկանում է ԲՀԿ առաջնորդ, ԱԺ «Բարգավաճ Հայաստան» խմբակցության ղեկավար, գործարար Գագիկ Ծառուկյանին։

«Ընկերության տնօրենին մեղադրանք է առաջադրվել ՀՀ քրեական օրենսգրքի 349-րդ հոդվածի (ապացույցները կեղծելը) 1-ին մասով (2 դրվագ) և ՀՀ քրեական օրենսգրքի 184-րդ հոդվածի (գույքային վնաս պատճառելը խաբեության կամ վստահությունը չարաշահելու եղանակով) 2-րդ մասի 1-ին կետով: Քրեական գործը՝ մեղադրական եզրակացությամբ, ուղարկվել է դատարան»,–նշված է հաղորդագրության մեջ։

Խնդիրն այն է, որ 2019թ. հունվարի 8-ին «Երևանի Արարատ կոնյակի-գինու-օղու կոմբինատ» ԲԲ և «Դաֆ Ալկո Տրանս» ՍՊ ընկերությունների միջև կնքվել է բեռի փոխադրման մասին պայմանագիր, ըստ որի՝ վերջինս պարտավորվել է պատվիրատուի կողմից իրեն վստահված բեռները հասցնել նշանակման վայր: Պայմանագրի հիման վրա իրականացված բեռնափոխադրումների համար կազմված 17 հաշիվ-վավերագրերի արդյունքում «Դաֆ Ալկո Տրանսի» հանդեպ «Երևանի Արարատ կոնյակի-գինու-օղու կոմբինատի» պարտքը 2019 թ. ապրիլի 3-ի դրությամբ կազմել է 120.735.150 ՀՀ դրամ։ Սակայն այդ գումարը չի վճարվել:

2019թ. օգոստոսի 1-ին «Դաֆ Ալկո Տրանսը» դիմել է ՀՀ սնանկության դատարան՝ վերոհիշյալ ընկերությանը սնանկ ճանաչելու պահանջով։ Ընկերության հայտը դատարանի կողմից վարույթ է ընդունվել:

Նախաքննությամբ պարզվել է, որ «Երևանի Արարատ կոնյակի-գինու-օղու կոմբինատի» տնօրենն իր ստորագրությամբ հասատելով կեղծել է «Դաֆ Ալկո Տրանսի» հետ կնքած պայմանագիր–փաստաթուղթը։ Այնուհետև այդ կեղծ փաստաթղթի պատճենը որպես ապացույց օգտագործելով, իր ընկերության ներկայացուցչի միջոցով 2019թ. սեպտեմբերի 9-ին հայցադիմում է ներկայացրել դատարան՝ ընդդեմ «Դաֆ Ալկո Տրանսի» ` 2019 թ. հունվարի 8-ին կնքված բեռի փոխադրման մասին պայմանագիրը և «Դաֆ Ալկո Տրանսի» անվամբ դուրս գրված հաշիվ վավերագրերը անվավեր ճանաչելու պահանջների մասին։ ԱՅս հայցը նույնպես դատարանի կողմից ընդունվել է վարույթ:

Ծառուկյանը չի վստահում տնտեսական հեղափոխությանը. ինչու

Վերոհիշյալ կեղծ փաստաթղթի պատճենն օգտագործելով որպես «Դաֆ Ալկո Տրանսի» պահանջը հերքող ապացույց՝ սնանկության գործի քննության ընթացքում 2019 թ. օգոստոսի 30-ին դատական նիստի ժամանակ «Երևանի Արարատ կոնյակի-գինու-օղու կոմբինատի» տնօրենն իր ընկերության ներկայացուցչի միջոցով ներկայացրել է սնանկության դատարանին:

Արդյունքում «Երևանի Արարատ կոնյակի-գինու-օղու կոմբինատի» տնօրենը դատարաններում, որպես ապացույց, ներկայացուցչի միջոցով օգտագործելով իրականությանը չհամապատասխանող վերոնշյալ փաստաթուղթը, դիտավորությամբ խաբեության եղանակով խոչընդոտել է «Դաֆ Ալկո Տրանսին»` ստանալ բեռնափոխադրումների արդյունքում գոյացած 120.735.150 ՀՀ դրամ գումարը։

Հարուցված քրգործի նախաքննությունն ավարտվել է։

«Արտառոց ոչինչ չենք տեսնում». Տոնոյանը` Ծառուկյանի ընկերություններում ստուգումների մասին

24
թեգերը:
ՀՀ քննչական կոմիտե, Տնօրեն, գործարան, Գագիկ Ծառուկյան
Ըստ թեմայի
Ծառուկյանն առաջարկում է բռնության մասին հայկական ժողովրդական օրենք ընդունել
«Որևէ մեկին չենք թիրախավորել»․ Ալեն Սիմոնյանն արձագանքել է Ծառուկյանի հայտարարությանը
«Հարկայինը միայն Ծառուկյանին է ստուգում ». ԲՀԿ ղեկավարը դժգոհ է
Հայ բժիշկը Սիրիայում

Սիրիայում հայ մասնագետները մայիսին ականազերծել են 17471 քմ տարածք, բուժել 549 տեղաբնակի

0
(Թարմացված է 14:09 02.06.2020)
Սիրիայում հումանիտար առաքելություն իրականացնող խմբի մասնագետները Հալեպի ազգային պատսպարանի «Հայ ծերանոցին» և Հայ համայնքի մանկատանն են փոխանցել «Մի բուռ ժպիտ» խորագիրը կրող ակցիայի ընթացքում հավաքված նվերները:

ԵՐԵՎԱՆ, 2 հունիսի — Sputnik. Հայաստանի հումանիտար առաքելություն իրականացնող 4-րդ խմբի սակրավորները Սիրիայում մայիսին ականազերծել են 17471 քառակուսի մետր ականապատ տարածք, որի ընթացքում հայտնաբերվել են գազի բալոնի կիրառմամբ ինքնաշեն արկեր, 18 հատ ՊՄՆ-2 տեսակի հակահետևակային ականներ:

Տեղեկությունը հայտնում է Հումանիտար ականազերծման և փորձագիտական կենտրոնը։

Այսպիսով, առաքելության առաջին իսկ օրվանից ականազերծվել է ընդհանուր 170.209 քառակուսի մետր, որից սիրիական իշխանություններին հավաստագրերով հանձնվել է 142.000 քառակուսի մետր:

4-րդ խմբի բժիշկները մայիսին համաճարակային սահմանափակումների պայմաններում բուժօգնություն են ցուցաբերել թվով 549 տեղաբնակների: Այսպիսով, Հայաստանի մարդասիրական խումբը 2019 թվականի փետրվարից մինչև օրս բուժօգնություն է ցուցաբերել ընդհանուր 12 584 հիվանդների:

Միևնույն ժամանակ, հունիսի 1-ին Սիրիայում հումանիտար առաքելություն իրականացնող խմբի մասնագետները Հալեպի ազգային պատսպարանի «Հայ ծերանոցին» և Հայ համայնքի մանկատանն են փոխանցել «Մի բուռ ժպիտ» խորագիրը կրող ակցիայի ընթացքում հավաքված նվերները:

Ասադի «հրաժարականի» լուրերի ֆոնին․ Պուտինն ու Էրդողանը քննարկել են իրավիճակը Սիրիայում

0
թեգերը:
Սակրավոր, բժիշկ, հայ, Սիրիա