ԵՐԵՎԱՆ, 12 մայիսի – Sputnik. «Իմ քայլը» խմբակցության պատգամավոր, եզդիական համայնքի ներկայացուցիչ Ռուստամ Բաքոյանն այսօր ԱԺ–ում հայտարարեց, որ եզդի աղջիկները չպետք է ընդհատեն դպրոցական ուսումը ամուսնության պատճառով։ Բաքոյանի խոսքով` Ընտանեկան օրենսգրքի որոշ հոդվածներ թույլ են տալիս ամուսնանալ 16 տարեկանում, սակայն դա հակասում է 12-ամյա պարտադիր կրթության մասին դրույթին։
«Թերի կրթություն ստանալով` եզդի կինը չի կարողանում կրթել և պատշաճ դաստիարակել նաև իր զավակներին, ինչն էլ իր հերթին հանգեցնում է ազգի ընդհանուր ցածր կենսամակարդակի», – ասաց Բաքոյանը։
Պատգամավորը խոսեց նաև ազգային փոքրամասնությունների լեզուներով հրատարակվող պարբերականներին աջակցելու անհրաժեշտության մասին։
«Մենք աշխատում ենք Եվրոպական խարտիայի տարածաշրջանային կամ փոքրամասնությունների լեզուների խարտիայում ամրագրված բոլոր հիմնախնդիրներին առնչվող օրենսդրական նախաձեռնությունները ներկայացնելու ուղղությամբ։ Մասնավորապես անհրաժեշտ ենք համարում նաև խթանել այն նախաձեռնությունները, որոնք ուղղված են հաճախակի պարբերականությամբ ազգային փոքրամասնությունների լեզուներով լույս տեսնող ԶԼՄ–ների հրապարակումներին։ ՀՀ–ում հիմնականում չկան ազգային պատկանելիությամբ պայմանավորված խտրականության դրսևորման համատարած դեպքեր։ Սակայն կան որոշակի խնդիրներ, որոնք համակարգային լուծման կարիք ունեն», – հավելեք Բաքոյանը։
ԱԺ–ն առայժմ չի քննարկի «Լուսավոր Հայաստանի» օրենսդարական նախաձեռնությունները
Հիշեցնենք, որ Լեզուների փոքրամասնությունների Եվրոպական խարտիայի համաձայն` Հայաստանը պաշտպանության տակ է առել ազգային փոքրամասնությունների հինգ լեզուներ` ռուսերեն, եզդիերեն, քրդերեն, ասորերեն և հունարեն։
«Հանրաքվեի մասին» օրենքում փոփոխություններ կկատարվեն․ ԱԺ-ն միաձայն կողմ քվեարկեց
ԵՐԵՎԱՆ, 2 մարտի - Sputnik. Վարչապետ Նիկոլ Փաշինյանը ու ՀՀ ԶՈւ Գլխավոր շտաբի պետ Օնիկ Գասպարյանը վեճ են ունեցել, դրանից է ծագել խնդիրը։ Այս մասին Factor TV-ի հետ հարցազրույցում ասել է ԱԺ «Լուսավոր Հայաստան» խմբակցության ղեկավար Էդմոն Մարուքյանը։
«Ես վստահ եմ, որ նախկինները կապ չունեն, ներկաների միջև վեճ է եղել։ Ի՞նչ է եղել․ Փաշինյանը որոշել է պատերազմի ամբողջ պատասանատվությունը գցի բանակի վրա, ԳՇ-ն հայտարարություն է արել, իսկ փողոցի ընդդիմությունը դա անմտորեն կապել է իր հետ՝ դրանով «պադստավկա անելով» ԳՇ-ին ու օգնելով Փաշինյանին։ ԳՇ-ն ոչ մեկի կողմը չէր բռնել, բայց քանի որ փողոցի ընդդիմությունը համարեց, որ բանակն իրենց է միանում, Փաշինյանը դա օգտագործեց՝ ասելով, որ ահա, Օնիկ Գասպարյանը կատարել է Սերժ Սարգսյանի հրամանը», - ասաց Մարուքյանը։
Ավելի վաղ Մարուքյանը Փաշինյանից ապացույց էր պահանջել առ այն, որ Սարգսյանն, իրոք, Գասպարյանին հրաման է տվել պահանջել գործող վարչապետի հրաժարականը։ Մարուքյանը վստահ է, որ նման ապացույց իրականում չկա։
«Մեկն ասում է՝ Քոչարյան-Սարգսյանն է հրամաններ տալիս ԳՇ-ին, մյուսն ասում է՝ Էրդողան-Ալիևն են հրամաններ տալիս Փաշինյանին։ Անիմաստ հո խոսելով չէ՞։ Մարդու խոսքը գին ունի՞, թե՞ չէ։ Ապացույցներ թող ներկայացնեն», - ասաց նա։
ԼՀԿ առաջնորդը անիմաստ է համարում այն մտավախությունը, թե արտահերթ ընտրությունները կարող են բախումների բերել կամ/և կեղծվել։
«Բախումներ հիմա փողոցներում էլ կան։ ԼՀԿ-ն ունի չորս հազար հանձնաժողովի անդամ, նույնքան ունի ԲՀԿ-ն, մենք կարող ենք վերահսկել իրավիճակը։ Գումարած դրան՝ ՀՀԿ-ի ժամանակ էլ էին վարչական ռեսուրս կիրառում, բայց ես ո՞նց ընտրվեցի։ Մարդիկ ՀՀԿ-ի համար ձայներ էին բերում, բայց ես կարողացա ընտրվել»,-հիշեցրեց նա։
Էդմոն Մարուքյանի խոսքով՝ Նիկոլ Փաշինյանը մինչև պատերազմն էլ էր արդեն գնում Սերժ Սարգսյանի ճանապարհով, այսինքն՝ մահվան գնով պահելու էր իր աթոռը, իսկ պատերազմից հետո նա ավելի է կառչել աթոռից։
Հիշեցնենք` ներքաղաքական իրավիճակը Հայաստանում սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։
Օնիկ Գասպարյանը պետք է հեռանա. ըստ Փաշինյանի` ո՞րն է ԳՇ պետի դավաճանությունը
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։
Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։
Գլխավոր շտաբը մարտի 1-ին նոր հայտարարություն տարածեց, նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։
Լաուրա Սարգսյան, Sputnik Արմենիա
Հայաստանը վաղուց է համալրել Պակիստանից մանդարին գնողների ցանկը։ Հեռավորասիական երկրում աճեցվող այդ ցիտրուսը տեղական շուկայում ամենևին էլ նորություն չէ։ Իսլամաբադից Երևան ամսական 50-80 տոննա մանդարին է ներմուծվում։ Այդ պատճառով հայ գործարարները տարակուսում են մանդարինի հետ կապված սոցցանցերում բարձրացած աղմուկի վերաբերյալ։
Ամեն ինչ սկսվեց սոցցանցերի հայկական տիրույթում որոշ օգտատերերի մեկնաբանություններից, նրանք վրդովված էին «շուկայում Հայաստանի համար թշնամական Պակիստանից մանդարինի հայտնվելու» առիթով։ Մասնավորապես, օգտատեր Իրինա Դանիելյանը գրել էր. «Երևանում գրեթե բոլոր սուպերմարկետներն ու խանութները վաճառում են մանդարին, որը մաքսանենգ ճանապարհով (ուրիշ ինչպե՞ս) բերվել է Ադրբեջանի և Թուրքիայի մտերիմ դաշնակից հանդիսացող երկրից։ Պակիստանը ոչ միայն մասնակցել է Արցախում հայերի դեմ վերջին պատերազմին, այլև միակ պետությունն է, որը դեռ չի ճանաչել Հայաստանը»։
Գործնականում պարզվեց, որ Հայաստանն առաջին տարին չէ, որ Պակիստանից մանդարին է ներմուծում, ընդ որում՝ մեծ քանակությամբ։
Վառ, նարնջագույն, հյութալի, փափուկ ու քաղցր։ Ահա Պակիստանից ներմուծվող մանդարինների գլխավոր տարբերությունը Վրաստանից կամ Հունաստանից ներմուծվող նույն մրգից։ Sputnik Արմենիայի հետ զրույցում մանդարինի աշխարհը բացահայտող այս հուշաթերթիկով կամ ուղեցույցով կիսվեց Պակիստանից մրգեր ներմուծողներից մեկը` Քամալ Մոհամադին (Kamal Mohammadi)։
Քամալ Մոհամադին Իրանում ծնված էթնիկ քուրդ է, 1992 թվականից ապրում է Հայաստանում։ Հայաստանի հետ նրան, պատկերավոր ասած, կապեցին մակարոնները, որոնք նա 90-ականներին ներմուծում էր Իրանից` հարևան երկրի վրա վաճառելու համար։ Ավելի ուշ ամուսնացավ հայուհու հետ և ընդմիշտ մնաց Հայաստանում։
Նրա հետ մենք ծանոթացանք Երևանի մեծածախ շուկաներից մեկում, ուր ուղևորվեցինք պարզելու համար հայկական վաճառասեղաններին պակիստանյան մանդարինի «օրինական» լինելու ու ծագման հարցը։
Մոհամադին հրավիրեց իր մեծածախ կետը, բացեց փայլփլուն մանդարիններով արկղը։ Նա բացատրեց, որ պակիստանյան մանդարինի մեկ կիլոգրամը ինքը, որպես մեծածախ վաճառքով զբաղվող անձ, այսօր վաճառում է 500 դրամով, այն դեպքում, երբ իրանական, վրացական կամ հունական մանդարին այս սեզոնին գրեթե անհնար է գտնել։
«Պակիստանից միայն ու միայն նարենգի (պակիստաներեն՝ մանդարին – խմբ.) ենք բերում, դրանք ավելի հեշտ է պահելը, քանի որ կեղևը հաստ է։ Բացի այդ, դրանք Պակիստանում շատ են, դրա համար ավելի էժան են վաճառում, քան հարևանները», – ասաց նա։
Դրանից բացի Պակիստանում մանդարինն աճեցնում են սեպտեմբերից մինչև մարտի վերջ։ Նրա խոսքով` քանի որ հայկական շուկան փոքր է, ապա ամեն ամիս մեր երկիր մանդարինի երեք բեռնատար է մտնում, այսինքն՝ 50-80 տոննա։
Մենք հրաժեշտ տվեցինք Մոհամադին ու ճանապարհվեցինք այլ տեղ փնտրելու պակիստանյան մանդարիններ։
Մեր ուշադրությունը գրավեց իրանական պետհամարանիշերով ու իրանցի վարորդով բեռնատարը, որը հարևան երկրից տարբեր մթերքներ էր բերել։ Այստեղ լոլիկով, կիվիով, սխտորով և այլ միրգ–բանջարեղենով արկղեր ու տոպրակներ կային։ Հետևի պլանում հաճախորդների ուշադրությունը գրավում էին նարնջագույն մանդարինները։
Վաճառակետի տերը, ով չցանկացավ ներկայանալ, պարզաբանեց, որ ոչ մի հայ Երևանից Իսլամաբադ չի գնա մանդարին բերելու։ Մատակարարները միրգը պատվիրում են իրանցի գործընկերներից։
«Մեզնից ոչ ոք Պակիստան չի գնում մանդարին բերելու։ Ինչպես տեսնում եք՝ բեռնատարներով և՛ մանդարին, և՛ այլ ապրանք են բերել։ Մանդարինը` Պակիստանից, իսկ մնացած ապրանքը` Իրանից», – ասաց տղամարդը։
Նա նշեց, որ նախկինում նաև թուրքական ապրանք էր բերում, սակայն սեպտեմբերի 27-ից դադարեցրել են մատակարարումները, քանի որ այդ տարբերակն անընդունելի են համարում։
Մենք դիմեցինք նաև Սննդամթերքի անվտանգության տեսչական մարմին։ Գերատեսչությունում նշեցին, որ Հայաստանը պաշտոնապես արգելք չի դրել Պակիստանից ներմուծվող ապրանքի վրա, այդ պատճառով շուկայում իսկապես այդ երկրից ապրանքներ կան։
Տեսչական մարմինում հիշեցրին, որ արգելք է սահմանված Թուրքիայից ապրանքների ներմուծման վրա ու հավաստիացրին, որ ներկա պահին չկա ապրանք, որն այս տարի ներմուծված լինի Հայաստան հարևան երկրից։
ԵՐԵՎԱՆ, 2 մարտի – Sputnik. Հռոմի պապ Ֆրանցիսկոսը հայտարարել է, որ մարդկությանը համաշխարհային նոր ջրհեղեղ է սպասում։ ՌԻԱ Նովոստիի փոխանցմամբ` նա կարծում է, որ աղետ տեղի կունենա, եթե տարբեր պետությունների առաջնորդները գլոբալ տաքացման դեմ պայքարի համար միջոցներ չձեռնարկեն։
«Այն (համաշխարհային ջրհեղեղը, – խմբ.) տեղի կունենա, եթե շարունակենք ընթանալ նույն ուղով», – ասել է կաթոլիկ եկեղեցու առաջնորդը։
Ֆրանցիսկոս պապի խոսքով` Նոյին հաջողվեց հաղթահարել աղետը բարեգործության շնորհիվ։ Նա քաղաքացիներին ու քաղաքական գործիչներին խելամտության կոչ է արել, նշելով, որ դա «իրավիճակի, մարդկանց, աշխարհի ու նրա խնդիրների նկատմամբ կարեկցանքի դրսևորում է»։
Ալավերդյան. «Ես կարող եմ կանխել գլոբալ տաքացումը»
Ավելի վաղ ԱՄՆ–ի օվկիանոսային և մթնոլորտային հետազոտությունների ազգային վարչության (NOAA) գիտնականները հայտարարել էին, որ անցած տարին երկրորդ ամենատաք ռեկորդային տարին էր Արկտիկայում ուսումնասիրությունների ողջ պատմության ընթացքում։ Միևնույն ժամանակ, վերջին 50 տարիների ընթացքում ջերմաստիճանն այստեղ կրկնակի արագ է աճում մոլորակի մյուս շրջանների համեմատ։
Գլոբալ տաքացումը հեքիաթ չէ. Հայաստանում կարող է բնապահպանական աղետ լինել