Արման Թաթոյան

«Չհամարձակվեք ձայն բարձրացնել ինձ վրա․ Թաթոյանը` պատգամավորին

398
(Թարմացված է 13:20 12.05.2020)
Արման Թաթոյանը հունից դուրս եկավ և պատգամավոր Վաղարշակ Հակոբյանին տեղեկացրեց, որ մյուս անգամ չհամարձակվի իր վրա ձայն բարձրացնել:

ԵՐԵՎԱՆ, 12 մայիսի – Sputnik. Հայաստանի Մարդու իրավունքների պաշտպան Արման Թաթոյանը Ազգային Ժողովի ամբիոնից բավականին խիստ տոնով դիմեց «Իմ քայլը» խմբակցության պատգամավոր Վաղարշակ Հակոբյանին, որպեսզի նա այլևս չփորձի իշխանական դիրքերից խոսել Հայաստանի մարդու իրավունքների պաշտպանի հետ։

«Պարոն Հակոբյան, չհամարձակվեք մյուս անգամ ձեր ձայնը բարձրացնել ինձ վրա։ Մյուս անգամ չփորձեք սպառնալ ՄԻՊ-ին: Կան իրավական պատասխանատվության բոլոր մեխանիզմները: Դուք նույնիսկ չեք տիրապետում, որ Մարդու իրավունքների պաշտպանը չի աշխատում կանոնադրությամբ: Ես Ձեզ հետ քննարկելու ոչինչ չունեմ: Եվ մեկ բան էլ. Կանանց իրավունքներին նվիրված է հսկայական բաժին՝ 597-ից 638 էջերը, ավելին՝ ԶՈՒ-ում կանանց իրավունքի պաշտպանությանը ևս կա նվիրված բաժին», - ասաց Թաթոյանը:

ԱԺ նախագահ Արարատ Միրզոյանն էլ արձագանքեց. «Ես առաջարկում եմ պատգամավորների նկատմամբ խոսելիս ուրիշ ձևով խոսել»:

Պատգամավոր Վաղարշակ Հակոբյանն իր ելույթում ասել էր, որ Հայաստանում իշխող հոգեբանական բռնության մթնոլորտի հանդեպ Թաթոյանի վերաբերմունքը զրոյական է։

«Երկու տարի է անցել հեղափոխությունից, և 2 տարի շարունակ իշխանությունը` որպես ընդհանուր համակարգ, և իշխանության մեջ գտնվող առանձին մարդիկ ամենօրյա ռեժիմով ենթարկվում են տեռորի, էլ չեմ ասում` կանանց մասին ինչեր են ասում, ինչ տիպի տեռորի են ենթարկում իշխանական կանանց, և ձեր վերաբերմունքն ու գնահատականը զրոյական է»,– ասել էր նա:

Ըստ պատգամավորի` ինքը Արման Թաթոյանի գործունեության մեջ երկակի ստանդարտներ է տեսնում և Թաթոյանի պրակտիկ աշխատանքը շատ դեպքերում գնահատում է բավարար, բայց զեկույցը` անբավարար:

Ազգային ժողովն այսօր՝ մայիսի 12-ին, շարունակում էր նախորդ շաբաթ սկսած հերթական նիստերի աշխատանքը:

Սաֆարյան. «ԱԺ ծեծկռտուքը ցույց տվեց, որ Հայաստանն ունի քաղաքական մշակույթի լուրջ խնդիր»

Խորհրդարանում քննարկվում էր «2019 թվականի ընթացքում ՀՀ մարդու իրավունքների պաշտպանի գործունեության, մարդու իրավունքների և ազատությունների պաշտպանության վիճակի մասին» տարեկան հաղորդումը և «ՀՀ մարդու իրավունքների պաշտպանի` որպես կանխարգելման ազգային մեխանիզմի 2019 թվականի գործունեության վերաբերյալ» տարեկան զեկույցը, որը ներկայացրեց Մարդու իրավունքների պաշտպան Արման Թաթոյանը:

398
թեգերը:
Արման Թաթոյան, ԱԺ, Հայաստան
Ըստ թեմայի
Ի՞նչ էր անում Նիկոլ Փաշինյանը, երբ ԱԺ-ում պատգամավորներն իրար էին ծեծում․ տեսանյութ
«Հանրաքվեի մասին» օրենքում փոփոխություններ կկատարվեն․ ԱԺ-ն միաձայն կողմ քվեարկեց
ԱԺ–ն առայժմ չի քննարկի «Լուսավոր Հայաստանի» օրենսդարական նախաձեռնությունները
Նիկոլ Փաշինյանն ու պարետ Տիգրան Ավինյանը. արխիվային լուսանկար

Զանգվածային ցանկացած տեսակի միջոցառման կազմակերպումը պետք է կանխարգելվի. Փաշինյան

8
(Թարմացված է 15:37 02.06.2020)
Վարչապետը վերահսկողություն իրականացնող պետական մարմինների ղեկավարներին հանձնարարել է ամենօրյա համատեղ գործողություններով խստագույնս վերահսկել կանխարգելիչ կանոնների պահպանումը։

ԵՐԵՎԱՆ, 2 հունիսի – Sputnik. ՀՀ վարչապետ Նիկոլ Փաշինյանը կարծում է, որ լրջագույն աշխատանք պետք է իրականացվի պարետատան սահմանած կանոնների պահպանման կարգապահության բարձրացման և զանգվածային ցանկացած տեսակի միջոցառման կազմակերպման կանխարգելման ուղղություններով։ Փաշինյանը նման հայտարարությամբ է հանդես եկել ՀՀ–ում կորոնավիրուսի տարածումը կանխարգելող աշխատանքները համակարգող հանձնաժողովի` այսօր տեղի ունեցած հերթական նիստի ժամանակ։ Տեղեկությունը հաղորդում է ՀՀ վարչապետի մամուլի ծառայությունը։

Նիստը, ի դեպ,վարչապետ Նիկոլ Փաշինյանը հեռավար ռեժիմով է վարել, քանի որ նրա մոտ երեկ կորոնավիրուս է հայտնաբերվել։ 

«Չնայած կառավարության կողմից ձեռնարկվող կանխարգելիչ միջոցառումներին և պարետատան սահմանած կանոններին՝ երկրում կորոնավիրուսային հիվանդությամբ դեպքերի ամենօրյա աճ է արձանագրվում»,–ասել է Փաշինյանը։

Վարչապետը հանձնարարել է վերահսկողություն իրականացնող պետական մարմինների ղեկավարներին՝ ամենօրյա համատեղ գործողություններով խստագույնս վերահսկել կանխարգելիչ կանոնների պահպանումը, զանգվածային տարատեսակ միջոցառումների կազմակերպումը և դրանց ընթացքի ու արդյունքների մասին պարբերաբար զեկուցել իրեն:

Նիկոլ Փաշինյանը վարակվել է կորոնավիրուսով. տեսանյութ

Քննարկման ժամանակ նշվել է, որ չնայած սահմանափակումներին՝ երկրում արձանագրվում են զանգվածային միջոցառումների կազմակերպման դեպքեր, որոնք ևս բացասական ազդեցություն են ունենում ընդհանուր համաճարակաբանական իրավիճակի վրա:

Հիշեցնենք, որ այսօր Փաշինյանը Facebook սոցցանցի իր էջում տեսանյութ էր տարածել, որտեղ երևում է` ինչպես են մի խումբ երեխաներ իրար շատ մոտ կանգնած, առանց դիմակների մասնակցում Երեխաների միջազգային օրվան նվիրված միջոցառմանը։
Նա ԱԱԾ տնօրենին հանձնարարել է զբաղվել բոլոր այսօրինակ միջոցառումների կազմակերպիչներով։

Հայաստանում կորոնավիրուսով վարակվածների թիվը մեկ օրում ավելացել է 517-ով և հասել 10009–ի

8
թեգերը:
Նիկոլ Փաշինյան, Վարչապետ, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Արցախում մոտ 600 մարդ է շփվել Փաշինյանի հետ․ իշխանական թիմը թեստավորվում է. «Հրապարակ»
Լուկաշենկոն զանգահարել է Փաշինյանին և առողջություն մաղթել
Կորոնավիրուսն ուսումնասիրել է պետք. Մյասնիկովը` վրացական կարանտինի և Փաշինյանի մասին
Նկոլ Փաշինյան

Կորոնավիրուսն ուսումնասիրել է պետք. Մյասնիկովը` վրացական կարանտինի և Փաշինյանի մասին

14
(Թարմացված է 15:31 02.06.2020)
Ալեքսանդր Մյասնիկովը խոսեց կորոնավիրուսի հետ կապված իրավիճակի մասին, ասաց, թե կորոնովիրուսն ինչ «նախասիրություններ» ունի, և անդրադարձավ Հայաստանին ու Վրաստանին։

ԵՐԵՎԱՆ, 2 հունիսի – Sputnik. Հայտնի սրտաբան, Մոսկվայի Ժադկևիչի անվան հիվանդանոցի գլխավոր բժիշկ Ալեքսանդր Մյասնիկովն այսօր Sputnik Արմենիա միջազգային մամուլի կենտրոնում Մոսկվա–Երևան–Մինսկ տեսակապի ժամանակ ասաց, որ աշնանը կորոնավիրուսի երկրորդ ալիք է սպասվում, բայց այն պակաս ագրեսիվ կլինի։

Նա նշեց, որ համավարակի սկզբի համեմատ վիրուսի ագրեսիվությունը հիմա էլ է նվազել։ Փորձը ցույց է տվել, որ այն տևում է երեք ամիս, 1.5 ամիս տարածվում է, հետո անկում է ապրում։ Միևնույն ժամանակ Մյասնիկովն ընդգծեց, որ կորոնավիրուսը որոշակի գենդերային, տարիքային և ռասայական «նախասիրություններ» ունի։ Ավելի շատ մահանում են տղամարդիկ, քան կանայք, ծերերի համար ավելի վտանգավոր է, քան երեխաների, իսկ լատինամերիկացիներն ու աֆրոամերիկացիներն ավելի հաճախ են հիվանդանում։

«Մեր փորձը ցույց է տվել, որ ամենածանր հիվանդները կովկասցիներն ու ասիացիներն են։ Եթե մենք կովկասցու ազգանունով տարեց մարդ ենք տեսնում, հասկանում ենք, որ նրան պետք է ավելի ուշադիր հետևենք», –ասաց նա։

Այդուհանդերձ, նա չկարողացավ ասել, թե ինչու է հարևան երկու երկրներում` Հայաստանում և Վրաստանում, հիվանդացության հետ կապված իրավիճակը խիստ տարբեր։ Նա բերեց ամերիկյան Ֆլորիդա և Նյու Յորք նահանգների օրինակը, որոնցից առաջինում տարեցները շատ են, բայց հիվանդության հետ կապված իրավիճակը նորմալ է, իսկ երկրորդում` ծայրահեղ բարդ։ Սակայն Մյասնիկովը չբացառեց, որ Վրաստանում խիստ կարանտինն է դրական արդյունք տվել։

Բժիշկն անդրադարձավ նաև ՀՀ վարչապետ Նիկոլ Փաշինյանի և ՌԴ վարչապետ Միխայիլ Միշուստինի վարակվելու թեմային։

«Անկասկած, նրանց պաշտպանել են, փորձել են զերծ պահել կորոնավիրուսից։ Հավանաբար դիմակներ են կրել, հատուկ խոհարարներ և հավաքարարներ վերցրել, չէ՞ որ փողոցից որևէ մեկին մոտ չեն թողել, որտե՞ղ են նրանք վարակվել։ Անբացատրելի է», – ասաց նա։

Մյասնիկովը բերեց Ժադկևիչի անվան հիվանդանոցի օրինակը, որտեղ կորոնավիրուսով է վարակվել բժիշկների 20%–ը։ Ըստ նրա` երբեմն մարդիկ նույն ափսեից են ուտում, սակայն մեկը հիվանդանում է, իսկ մյուսը չի վարակվում։ Կան դեպքեր, երբ նրանք նույն անկողնում են քնում, նրանցից մեկը հիվանդանում է, մյուսը` ոչ։

Այս համատեքստում բժիշկը կարծում է, որ հիվանդությունը պետք է մի քանի տարի ուսումնասիրվի լիարժեք հասկանալու համար, թե ինչպես է այն տարածվում, ովքեր են ավելի շատ վարակվում։

Ինչ վերաբերում է պատվաստանյութին, ապա, նրա համոզմամբ, առաջիկա մեկ տարվա ընթացքում կորոնավիրուսի դեմ արդյունավետ պատվաստումներ չեն լինի։ Իսկ եթե նույնիսկ լինեն, բժիշկը խորհուրդ չի տալիս առայժմ պատվաստվել, քանի որ հայտնի չեն կողմնակի ազդեցությունները։

Նշենք, որ հունիսի 2-ի դրությամբ Հայաստանում COVID-19–ի բացահայտված դեպքերի թիվն ավելացել է 517–ով և հասել 10009–ի։ Մեկ օրում բուժվել է ընդամենը 25 մարդ, բուժվածների ընդհանուր թիվը 3427 է։ Բուժում է ստանում 6368 մարդ, երկրում ընդհանուր առմամբ 59917 թեստավորում է անցկացվել։ Կորոնավիրուսից մահացել է 158 մարդ, ևս 56–ն էլ մահացել են այլ հիվանդություններից։

14
թեգերը:
Նիկոլ Փաշինյան, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Հայաստանում 101–ամյա կինը հաղթահարել է կորոնավիրուսն ու դուրս գրվել հիվանդանոցից
Արցախում կորոնավիրուսով վարակվելու նոր դեպքեր են հաստատվել
Աննախադեպ ցուցանիշ. Հայաստանում մեկ օրում կորոնավիրուսի հետևանքով 19 մարդ է մահացել
Президент Франции Эммануэль Макрон в защитной маске беседует с медработниками во время посещения медицинского центра в Пантене (7 апреля 2020). Франция

​​«Սրճարանների, ռեստորանների բացումը հուշում է երջանիկ օրերի վերադարձի մասին». Մակրոն

0
(Թարմացված է 15:56 02.06.2020)
Մակրոնը կարծում է, որ սրճարաններն ու ռեստորանները քաղաքին կվերադարձնեն ուրախ մթնոլորտը։ Իսկ Հայաստանում հանրային սննդի օբյեկտների բացումը համաճարակաբանական նորմերի զանգվածային խախտումների է բերել։

ԵՐԵՎԱՆ, 2 հունիսի - Sputnik. Ֆրանսիայի նախագահ Էմանուել Մակրոնը հայտարարել է, որ կորոնավիրուսի համավարակի պատճառով երկարատև հարկադիր պարապուրդից հետո սրճարանների ու ռեստորանների բացումը վկայում է, որ ուրախ օրերը վերադառնում են:

«Ուզում եմ, որ Ֆրանսիան միշտ սիրի Հայաստանն այնպես, ինչպես Հայաստանը՝ մեզ»․ Լաքոտ

«Սրճարանների, հյուրանոցների և ռեստորանների բացումը հուշում է երջանիկ օրերի վերադարձի մասին։ Ոչ մի կասկած չկա, որ ֆրանսիացիները կհաճախեն սրճարաններ և ռեստորաններ, որովհետև այդ ամենը ֆրանսիական ոգու, մեր մշակույթի ու մեր արվեստի մի մասն են կազմում։ Այդ դժվարին շրջանում պետությունը կշարունակի աջակցել տուժած այդ սեկտորին», - գրել Է Մակրոնը Twitter-ի իր միկրոբլոգում։

Ֆրանսիայի ամբողջ տարածքում COVID-19-ի պատճառով մտցված սահմանափակումների շրջանակում մարտի 14-ից փակված հանրային օբյեկտներն այսօր առաջին անգամ բացել են իրենց դռները։

Պատասխանը` 1 ժամում. Ֆրանսիայում COVID-19-ի նոր էքսպրես թեստ են մշակել

Հիշեցնենք, որ մարտի 16-ից Հայաստանում ևս գործում է արտակարգ դրության ռեժիմ, որը երկարացվել է մինչև հունիսի 13-ը: Մայիսի 18-ից հանրապետությունում աշխատում է հասարակական տրանսպորտը, բայց գործում են որոշակի սահմանափակումներ. ուղևորներն անպայման պետք է լինեն դիմակներով և ձեռնոցներով։ Բացվել են նաև առևտրի կենտրոնները, ամբողջությամբ չեղյալ է հայտարարվել հասարակական սննդի օբյեկտների աշխատանքի արգելքը։

Սակայն պարետատունը հաճախ խախտումներ է արձանագրում տարբեր հանրային օբյեկտներում և 24 ժամով դադարեցնում դրանց աշխատանքը։

0
թեգերը:
Ռեստորան, սրճարան, կարանտին, կորոնավիրուս, Ֆրանսիա, Էմանուել Մակրոն