ԿԳՄՍ նախարար Արայիկ Հարությունյանը դպրոցական Արման Ավետիսյանի հետ. արխիվային լուսանկար

ԱԺ-ն ընդունեց Լանզարոտեի կոնվենցիան. սեռական դաստիարակությունը կարող է սկսվել դպրոցից

3756
(Թարմացված է 15:52 13.05.2020)
Հակառակ հասարակության շրջանում առկա դժգոհություններին, ԱԺ-ն այսօր ընդունեց դեռևս 10 տարի առաջ ՀՀ այն ժամանակվա իշխանության ստորագրած ու մինչ օրս չվավերացված «Սեռական շահագործումից և սեռական բնույթի բռնություններից երեխաների պաշտպանության մասին» եվրոպական կոնվենցիան:

ԵՐԵՎԱՆ, 11 մայիսի — Sputnik. ԱԺ-ն այսօր իր աշխատանքը սկսեց անցած շաբաթ քննարկված մի շարք նախագծերի քվեարկությամբ, որոնց թվում էր նաև «Սեռական շահագործումից և սեռական բնույթի բռնություններից երեխաների պաշտպանության մասին» եվրոպական կոնվենցիան վավերացնելու մասին հարցը, կամ այսպես կոչված Լանզարոտեի կոնվենցիան:

Մինչ քվեարկությունը ձայն խնդրեց ԱԺ «Բարգավաճ Հայաստան» խմբակցության պատգամավոր Գևորգ Պետրոսյանը, որը հայտնեց, որ ԱԺ Դեմիրճյան մուտքի մոտ մի խումբ քաղաքացիներ բողոքի ակցիա են իրականացնում՝ պատգամավորներից պահանջելով չընդունել կոնվենցիան:

«Երեկ էլ ստացել եմ Հայ առաքելական եկեղեցու ներկայացուցիչների կողմից բազմաթիվ ահազանգեր, որոնք դեմ են արտահայտվում այս կոնվենցիային: Կան այնտեղ դրույթներ, որոնք հույս են տալիս, որ ՀՀ-ում մարդու իրավունքների պաշտպանությունն ավելի համակողմանի կիրականացվի: Բայց մենք մնում ենք մեր դիրքորոշմանը, որ այս կոնվենցիան չի բխում երեխայի իրավունքների պաշտպանության լավագույն շահերից»,- ասաց նա:

«Իմ քայլը» խմբակցության ղեկավար Լիլիթ Մակունցը հիշեցրեց, որ հանձնաժողովում կոնվենցիայի նախագծի քննարկման ժամանակ «Բարգավաճ Հայաստանը» կողմ էր քվեարկել դրան:

Սեռական դաստիարակության դասերի արդյունավետությունը դպրոցներում ցածր է. Վրեժ Շահրամանյան

«Ցավում եմ, եթե որոշ մարդիկ կարողանում են առավոտյան ազդել ձեր դիրքորոշման վրա ու փոխել այն, բայց այս կոնվենցիան բխում է երեխաների շահերից: Այս կոնվենցիան մանկապղծության դեմ համաձայնագիր է, որը կանխելու է մանկապղծությունը ՀՀ-ում»,- ասաց նա՝ հավելելով, որ «Իմ քայլը» կողմ է քվեարկելու նախագծին:

Կոնվենցիայի նախագծին կողմ քվեարկեց նիստին ներկա 84 պատգամավորներից 79-ը: Նախագիծն ընդունվեց:

Հիշեցնենք` «Սեռական շահագործումից և սեռական բնույթի բռնություններից երեխաների պաշտպանության մասին» Եվրոպայի խորհրդի կոնվենցիան ստորագրվել է 2007թ. հոկտեմբերի 25-ին:

Հայաստանի Հանրապետությունը կոնվենցիան ստորագրել է 2010թ. սեպտեմբերի 29-ին, բայց մինչ օրս այն չէր վավերացրել:

Վավերացնելով միջազգային այդ փաստաթուղթը ՀՀ-ն պարտավորվում է ձեռնարկել օրենսդրական ու այլ փոփոխություններ՝ կյանքի տարբեր ոլորտներում երեխաների հետ շփում ունեցող անձանց հնարավոր ոտնձգություններից երեխաների պաշտպանությունն ու իրավունքների մասին իրազեկումն ապահովելու համար:

Կծելուց ու կսմթելուց մինչև բռնաբարություն. ինչ է ընտանեկան բռնությունն ու ինչու չլռել

Կոնվենցիան նախատեսում է նաև երեխայի անձնական տվյալների պաշտպանության ազգային օրենսդրության ընդունում:

Մայիսի 8-ին, կոնվենցիայի նախագծի քննարկման ժամանակ, «Բարգավաճ Հայաստան» խմբակցության պատգամավոր Գևորգ Պետրոսյանն իր ելույթում զգուշացրել էր, որ կոնվենցիան ունի նաև վտանգներ պարունակող դրույթներ: Օրինակ՝ 6-րդ հոդվածը նախատեսում է, որ երեխան տարրական և միջնակարգ կրթության ընթացքում ստանա սեռական շահագործման ու սեռական բնույթի բռնությունների հետ կապված վտանգների, ինչպես նաև ինքնապաշտպանության միջոցների մասին տեղեկություններ: Նախատեսվում է նաև այդ հարցով քաղաքացիական հասարակության կողմից իրականացվելիք ծրագրերի մասին:

Պատգամավորի համոզմամբ` 6-10 տարեկան երեխաներին սեռական շահագործման մասին պատմելն անընդունելի է, իսկ քաղհասարակության ծրագրերում պատգամավորը ազգային անվտանգության դեմ ուղղված վտանգներ նկատեց:

«Այլևս չի կարող շարունակվել». Արսեն Թորոսյանը սարսափել է բռնության մասին պատմություններից

3756
թեգերը:
Լիլիթ Մակունց, Գևորգ Պետրոսյան, ԱԺ, ՀՀ Ազգային ժողով, երեխա, Օրենք, սեռական բռնություն
Ըստ թեմայի
Նոր գրանտներն ու աղմուկները երաշխավորված են. բայց մարմնի ոչ անձնական մասեր կա՞ն
Ամոթի ու վախի արանքում. ինչո՞ւ են ծնողներն ու երեխաները լռում սեռական բռնության մասին
Ինչու երեխաներին մեծացնել հենց Հայաստանում. ռուս կինը 5 կարևոր պատճառ է նշում
Շտապօգնություն

Ողբերգական ավտովթար Կոտայքում. 46-ամյա վարորդը տեղում մահացել է

6
(Թարմացված է 11:47 26.01.2021)
Վթարի հետևանքով Չարենցավանի բնակիչ, 48-ամյա Գագիկ Կարապետյանը տեղափոխվել է «Հրազդան» բժշկական կենտրոն։

ԵՐԵՎԱՆ, 26 հունվարի – Sputnik. Հունվարի 25-ին ողբերգական ավտովթար է տեղի ունեցել Կոտայքի մարզում։ Ինչպես հայտնում է Shamshyan.com–ը, ժամը 23։00-ի սահմաններում Երևան-Սևան ճանապարհի 44 կմ հատվածում՝ դեպի Սևան ուղղությամբ, բախվել են Երևան քաղաքի Դավիթաշեն 4-րդ թաղամասի բնակիչ 64-ամյա Գագիկ Հարությունյանի վարած BMW մակնիշի և Չարենցավան քաղաքի բնակիչ 46-ամյա Ռուստամ Աբրահամյանի վարած SEAT մակնիշի ավտոմեքենաները։

Հայտնաբերվել է 4 զիծառայողի աճյուն. նրանցից մեկի մոտ եղել է վարորդական իրավունքի վկայական

Վթարի հետևանքով Ռ․Աբրահամյանը տեղում մահացել է, իսկ նրա ուղևոր՝ Չարենցավան քաղաքի բնակիչ 48-ամյա Գագիկ Կարապետյանը տեղափոխվել է «Հրազդան» բժշկական կենտրոն։

Փաստի առթիվ հարուցվել է քրեական գործ՝ ՀՀ քր օր-ի 242 հոդվածի 2-րդ մասի հատկանիշներով: Քննիչի հանձնարարականով ավտոմեքենաները տեղափոխվել են ոստիկանության Հրազդանի բաժնի պահպանվող հատուկ տարածք։

6
թեգերը:
վարորդ, Վիրավոր, Մահ, Կոտայք, ավտոմեքենա, ավտովթար
թեմա:
Վթար, պատահար, սպանություն, գողություն
Մարսելի «Սուրբ Սահակ և Սուրբ Մեսրոպ» մշակույթի կենտրոն

Ֆրանսիայում ՀՀ դեսպանությունը «խիստ մտահոգված» հայտարարություն է տարածել

30
(Թարմացված է 11:39 26.01.2021)
Ֆրանսիայում ՀՀ դեսպանությունը շեշտում է, որ ազգային պատկանելության հիմքով և ատելությամբ հրահրված ցանկացած արարք պետք է բացառվի։

ԵՐԵՎԱՆ, 26 հունվարի – Sputnik. Հարձակումը Մարսելի հայկական եկեղեցու մշակութային կենտրոնի վրա խիստ մտահոգություն է առաջացնում։ Նման հայտաարություն է արել Ֆրանսիայում ՀՀ դեսպանությունը Facebook–ի իր էջում։

Հունվարի 24-ին՝ ժամը 18:40-ին, անհայտ անձը կրակոցներ էր արձակել Մարսելի «Սուրբ Սահակ և Սուրբ Մեսրոպ» մշակույթի կենտրոնի ուղղությամբ։ Սրահում շաբաթական սովորում են ավելի քան 250 երեխա: Արձակված փամփուշտը կոտրել է երկրորդ հարկի պատուհանը, որտեղ այդ պահին դաշնամուրի դաս էր անցկացվում: Բարեբախտաբար, տուժածներ չկան:

«Վերահաստատում ենք, որ ազգային պատկանելության հիմքով և ատելությամբ հրահրված ցանկացած արարք, ինչպիսիք վերջին շրջանում Ֆրանսիայում հայերի և հայկական մշակութային ժառանգության դեմ թուրքա-ադրբեջանական ոտնձգություններն էին, պետք է բացառվի»,–նշված է դեսպաատան տարածած հայտարարության մեջ։

Հիշեցնենք, որ մշակույթի կենտրոնը հայկական կազմակերպությունների համակարգման կենտրոնակայանն է:

Արցախյան պատերազմի օրերին այն համակարգում էր Մարսելից և երկրի հարավից դեպի Հայաստան ուղարկվող մարդասիրական օգնությունը:

Մինչ այս հարձակումը նմանօրինակ դեպքեր տեղի են ունեցել Բեռլինում, Սան Ֆրանցիսկոյում, Փարիզում և Դեսինում, պղծվել էին Կոմիտասի արձանը և Ցեղասպանության հուշահամալիրը: Այս գործողություններում ներգրավված էր «Գորշ գայլեր» թուրք ծայրահեղ ազգայնական խմբավորումը։

Հավելենք, որ նոյեմբերին կազմակերպության գործունեությունը պաշտոնապես արգելվեց Ֆրանսիայի տարածքում:

Ադրբեջանը պատերազմում ՆԱՏՕ–ի զենք է կիրառել. ֆրանսիական AgoraVox

30
թեգերը:
կրակոց, ադրբեջանցի, Թուրքիա, Եկեղեցի, Մարսել
Ըստ թեմայի
«Գորշ գայլեր» խմբավորման 4 անդամները ձերբակալված են. մանրամասներ Դեսինի անկարգություններից
Ավստրիան կարգելի «Գորշ գայլերի» խորհրդանիշը. Թուրքիան Եվրոպային մեղադրում է պոպուլիզմի մեջ
Ֆրանսիան կարգելի «Գորշ գայլեր» թուրքական կազմակերպության գործունեությունը