Արսեն Թորոսյան. արխիվային լուսանկար

Թորոսյանն այցելել է ԲԿ, որտեղ ամենածանր հիվանդներն են. ինչ են պատմել բժիշկները

795
(Թարմացված է 14:06 10.05.2020)
«Սուրբ Գրիգոր Լուսավորիչ» ԲԿ–ում ծայրահեղ ծանր վիճակում գտնվող կորոնավիրուսով հիվանդներից մեկն ընդամենը 47 տարեկան է։

ԵՐԵՎԱՆ, 10 մայիսի-Sputnik. Կորոնավիրուսով հիվանդների բուժմամբ զբաղվող հայաստանյան բուժկենտրոնների շարքում ամենաշատ հիվանդներն այս պահին ունի «Սուրբ Գրիգոր Լուսավորիչ» բժշկական կենտրոնը։ Հենց այս բուժկենտրոնում են գտնվում նաև ամենածանր հիվանդները։ ՀՀ Առողջապահության նախարար Արսեն Թորոսյանը բուժկենտրոնի տնօրեն Արմեն Հովակիմյանի և առողջապահության նախարարի տեղակալ Վարդան Սմբատյանի հետ շրջայց է կատարել բուժկենտրոնի վերակենդանացման բաժանմունքում։

Հայաստանում կորոնավիրուսով վարակվածների թիվը մեկ օրում ավելացել է 138–ով և դարձել 3313

Վերակենդանացման բաժանմունքում 45 ծանր և ծայրահեղ ծանր վիճակում գտնվող հիվանդներ կան։ Ծանր վիճակում հիվանդներ կան նաև այլ բաժանմունքներում։ Այս պահին բուժկենտրոնում գտնվող ծանր և ծայրահեղ ծանր հիվանդների ընդհանուր թիվը 70 է։

Ծայրահեղ ծանր վիճակում գտնվող ամենաերիտասարդ հիվանդն ընդամենը 47 տարեկան է։ Նա ինտուբացված է, ունի խրոնիկ երիկամային անբավարարություն, կատարվում է հեմոդիալիզ, ունի նաև շաքարային դիաբետ։

Բժիշկների խոսքով՝ կորոնավիրուսով հիվանդներից շատերի մոտ ամենահաճախ հանդիպող ուղեկցող խրոնիկական հիվանդություններն են շաքարային դիաբետն ու արյան զարկերակային գերճնշումը։

Ամենածանր հիվանդներից մեկի մոտ կրկնակի իշեմիկ ինսուլտ է, հիվանդը 85 տարեկան է, նրա առողջական վիճակի վերաբերյալ բժիշկների կանխատեսումներն առայժմ բացասական են։

73 -ամյա ևս մեկ հիվանդ եղել է ծայրահեղ ծանր վիճակում՝ տոտալ թոքաբորբով։ Արդեն հիվանդանոցում առաջնակի շաքարային դիաբետ է հայտնաբերվել, որի մասին հիվանդը չի իմացել։ Բժիշկների խոսքով՝ նման հիվանդներ շատ են լինում, երբ շաքարային դիաբետը հայտնաբերվում է միայն հոսպիտալացումից հետո։ Բժիշկներն ուրախությամբ արձանագրում են, որ այս հիվանդի դեպքում արդեն դրական դինամիկա կա։

Բժիշկների խոսքով՝ կորոնավիրուսով հիվանդների կյանքը փրկելու համար բուժկենտրոնում մեծածավալ բժշկական գործողություններ ու միջամտություններ են արվում, եղել է ոտքերի ամպուտացման դեպք, ինչպես նաև հղի կնոջ ցանկությամբ համապատասխան ժամկետների պահպանմամբ հղիության ընդհատում է արվել։ 

Վերջին տվյալներով՝ Հայաստանում կորոնավիրուսով վարակվածների թիվը 3313 է։ Նրանցից այս պահին փաստացի բուժում է ստանում 1928 մարդ, վարակվածներից 1325–ն արդեն առողջացել են։ Ընդհանուր առմամբ` գրանցվել է կորոնավիրուսային հիվանդությունից մահանալու 45 և մահվան 15 անուղղակի դեպք:

Մեր բժիշկները Հիպոկրատի երդման արժեքը գիտեն. ինչպես օգնենք նրանց դիմակայել կորոնավիրուսին

795
թեգերը:
Արևմտյան Հայաստան, Հայաստան, կորոնավիրուս, հիվանդանոց, Արսեն Թորոսյան
թեմա:
Կորոնավիրուսը Հայաստանում և Արցախում (1868)
Ըստ թեմայի
Սահմանափակումների թուլացումը չի նշանակում, որ այլևս վարակվելու վտանգ չկա. Թորոսյան
ՀՀ-ում կորոնավիրուսով հիվանդներ դեկտեմբերի՞ն էլ են եղել. Թորոսյանը տվյալներ է ներկայացրել
«Կաֆեներում չի ֆռֆռում», աշխատում է. Թորոսյանի խոսնակը պատասխանել է մեղադրանքներին
Հրանտ Բագրատյան. արխիվային լուսանկար

Հրանտ Բագրատյանը, Զարուհի Փոստանջյանը և Գառնիկ Իսագուլյանը առաջարկով են հանդես եկել

43
(Թարմացված է 15:11 16.05.2021)
Երեք կուսակցությունները համատեղ հայտարարություն են տարածել, որտեղ անդրադարձել են Սյունիքում և Գեղարքունիքում ստեղծված իրավիճակին և ելքեր առաջարկել։

ԵՐԵՎԱՆ, 16 մայիսի -Sputnik. Երեք կուսակցություններ` Հրանտ Բագրատյանի «Ազատությունը», Զարուհի Փոստանջյանի «Երկիր Ծիրանին» և Գառնիկ Իսագուլյանի «Ազգային անվտանգությունը» հայտարարություն են տարածել և ստեղծված իրավիճակից դուրս գալու իրենց առաջարկներն արել։

Նրանց խոսքով` իշխանությունների հայրենատվության քաղաքականությունը ՀՀ-ն կանգնեցրել է աղետի առջև։ Ադրբեջանցի զինվորները տարածքներ են գրավում ՀՀ Սյունիքի և Գեղարքունիքի մարզերից՝ չհանդիպելով մեր սահմանապահների և զինված ուժերի դիմադրությանը։ Թշնամուն ոչնչացնելու ու գերեվարելու փոխարեն, հայկական կողմը սկսել է անհասկանալի բանակցություններ վարել։

«Բացի այդ, հայրենի իշխանություններն իսկական քաոսային իրավիճակ են հյուսել ՀԱՊԿ-ին ու ՌԴ-ին դիմելու, մեր պաշտպանությունն ուրիշների ուսերին բարդելու կապակցությամբ։ Հայկական կողմի տմարդի գործողությունների արդյունքում թշնամին օրեցօր խորանում է մեր երկրի տարածքում»,–ասված է հաղորդագրության մեջ։

3 կուսակցությունները ներկայացրել են ՀՀ տարածքային ամբողջականությունը վերականգնելու և պաշտպանելու ուղղությամբ իրենց առաջարկները։

  • ՀՀ ղեկավարությունից պահանջել, թե ՀՀ վարչապետ Նիկոլ Փաշինյանը կամ այլ պաշտոնատար անձինք ի՞նչ փաստաթղթեր են ստորագրել ադրբեջանական կողմի հետ՝ 2020թ. նոյեմբերի 9-ի հայտարարությունից բացի։ Մասնավորապես, ինչպիսի՞ եռակողմ փաստաթուղթ է ստորագրվել 2021թ. հունվարի 11-ին։ Կա՞ն արձանագրություններ կամ այլ փաստաթղթեր, որոնց ուժով Ադրբեջանի զինուժի ներկայիս տեղաշարժերն արդարացված են։ Գոյություն ունի՞ Ադրբեջանի ն Սյունիքով միջանցք տրամադրելու որևէ փաստաթուղթ։
  • Ինչո՞ւ ՀՀ նախագահ Արմեն Սարգսյանը և ՀՀ վարչապետի ժ/պ Նիկոլ Փաշինյանը մատը մատին չեն խփում ՀՀ տարածքային ամբողջականությունը պաշտպանելու կապակցությամբ։ Ո՞րն է նման անողնաշարության պատճառը և առիթը։
  • Հրաման տալ ՀՀ սահմանապահներին ու բանակին մեր երկիր ներխուժած թշնամու զինուժին և բաշիբոզուկներին ոչնչացնել ու կամ/և գերեվարելու պահանջով։ Քրեական գործեր հարուցել և ձերբակալել իրենց սահմանադրական պարտականությունների մեջ զլացած ՀՀ պաշտպանության նախարարին, ինչպես նաև ԳՇ պետին:
  • Կոչ ենք անում միջոցներ ձեռք առնել ՀՀ նախագահ Արմեն Սարգսյանին և վարչապետի ժ/պ Նիկոլ Փաշինյանին՝ իրենց սահմանադրական պարտականությունները չկատարել ու հիմքով՝ պաշտոնանկ անելու ուղղությամբ, ինչպես նաև պահանջում ենք քրեական հետապնդում սկսել վերջիններիս նկատմամբ:
  • Ազատության հրապարակում հայտարարել աշխարհազորի հավաք։ ՀՀ Զինված ուժերին ոստիկանությանը պարտադրել զինել աշխարհազորը և օժանդակել դրանց տեղափոխումը՝ Վարդենիս ու Սյունիք։
  • Սույն թվականի մայիսի 17-ից՝ սկսած ժամը 19։00-ից հերթապահել Ազատության հրապարակում։
  • Սյունիք և Գեղարքունիք գործուղել ներքոնշյալ քաղաքական ուժերի ներկայացուցիչներին։

Նրանք հայտարարում են, որ այս ծանր օրերին պատրաստ են իրենց վրա վերցնել երկրի կառավարումը, չեզոքացնել Ադրբեջանի ոտնձգությունները, վերականգնել ՀՀ տարածքային ամբողջականությունը։

Գիշերն ադրբեջանական կողմը փորձել է թիկունքային աշխատանքներ իրականացնել, ինչը կանխվել է. ՊՆ

Հիշեցնենք` մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Նույն օրը ՀՀ վարչապետի պաշտոնակատար Նիկոլ Փաշինյանն Անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

Մայիսի 14–ին, ՀՀ վարչապետի պաշտոնակատար Նիկոլ Փաշինյանը հայտարարեց, որ կեսօրին պաշտոնապես ՀԱՊԿ են դիմել, նաև ռազմական աջակցություն խնդրել։

Ադրբեջանցիների հետ բանակցությունները կոորդինացնում է ռուսական խաղաղապահ զորախմբի հրամանատար, գեներալ Ռուստամ Մուրադովը։ Դրանք կշարունակվեն այսօր, ժամը 14։00–ից։

43
թեգերը:
Ադրբեջան, Գեղարքունիքի մարզ, Սյունիք, Հայաստան, Գառնիկ Իսագուլյան, Զարուհի Փոստանջյան, Հրանտ Բագրատյան
թեմա:
Սահմանային խախտումներ. իրադրությունը Սյունիքում և Գեղարքունիքում
Ըստ թեմայի
Ներգրավված են մինչև 15 000 զինծառայողներ. Ադրբեջանը սկսել է զորավարժությունները
Կութ գյուղն ու դպրոցը հայտնվել են ադրբեջանական զինծառայողների նշանառության տակ. ՄԻՊ
Կճանաչի՞ Իսրայելը Հայոց ցեղասպանությունը. փորձագետը վերլուծում է թուրք–իսրայելական լարումը
Վահան Քերոբյան

«Մշակել ենք նոր տնտեսական քաղաքականություն». Քերոբյանը մանրամասներ է հայտնել

44
(Թարմացված է 14:14 16.05.2021)
Նախարարի պաշտոնակատարի խոսքով` հիմա կրթությունն ու տնտեսությունն իրարից շատ անկախ են աշխատում, և իրենց նպատակն է այնպես անել, որ այս երկու համակարգերը համահունչ լինեն։

ԵՐԵՎԱՆ, 16 մայիսի -Sputnik. ՀՀ էկոնոմիկայի նախարարի պաշտոնակատար Վահան Քերոբյանը հայտարարել է, որ մշակել են նոր տնտեսական քաղաքականություն, որտեղ առանցքային դեր ունի գիտությունը։ Ծրագիրը շուտով կներկայացվի ավելի լայն քննարկման։

Քերոբյանը նման հայտարարություն է արել Դիլիջանում, որտեղ երեկ մեկնարկել է «Հայաստանը՝ որպես արդի արդյունաբերական և գիտահեն պետություն» խորագրով ֆորումը։

 «Մեր փոքր բնակչություն ունեցող փոքր երկրում ուժեղ տնտեսություն ունենալու համար կա միայն մեկ ճանապարհ՝ ստեղծել ինչքան հնարավոր է բարձր ավելացված արժեք, և այդ ավելացրած արժեքը պետք է ստեղծի յուրաքանչյուր մարդ։ Դրա միակ հնարավոր տարբերակը ինչքան հնարավոր է բարձր գիտելիքահեն կոմպոնենտ ունենալն է մեր երկրի տնտեսության մեջ: Փոխում ենք պատկերացումները և մյուս տարի կարծում եմ արդեն պատրաստ կլինենք կրթության համակարգին ներկայացնել, թե տնտեսությանը ինչ աշխատակիցներ են պետք տարբեր ոլորտներից»,- ասել է Քերոբյանը:

Նրա խոսքով` հիմա կրթությունն ու տնտեսությունն իրարից շատ անկախ են աշխատում, և իրենց նպատակն է այնպես անել, որ այս երկու համակարգերը համահունչ լինեն և ծառայեն մեր առջև դրված մարտահրավերների հաղթահարմանը:

Հիշեցնենք`մայիսի 13-ին, ՀՀ կառավարության նիստում ընդունված որոշմամբ փոփոխություններ են կատարվել Գիտական և գիտատեխնիկական գործունեության բազային ֆինանսավորման կարգում, որոնց շնորհիվ գիտաշխատողների բազային աշխատավարձն զգալիորեն կբարձրանա:

Գնաճի ֆոնին աշխատավարձերը նվազում են, տնտեսությունը` աճում. ի՞նչ է կատարվում Հայաստանում

2022 թ. հունվարի 1-ից պետական ծրագրերում ներգրավված գիտական կադրերի պաշտոնային դրույքաչափի նվազագույն չափի հաշվարկի համար որպես բազային աշխատավարձ սահմանվել է 66 140 դրամը: Յուրաքանչյուր տարակարգի պաշտոնային աշխատավարձի նվազագույն չափը հաշվարկվելու է կարգով նախատեսված աղյուսակով՝ տվյալ տարվա համար սահմանված գործակցի և բազային աշխատավարձի արտադրյալով:

44
թեգերը:
Վահան Քերոբյան, գիտություն, տնտեսություն, Հայաստան
Ըստ թեմայի
Կառավարությունը մտադիր է արգելել նաև թուրքական ապրանքների վաճառքը. Վահան Քերոբյան
Ապրիլին հավաքագրվել են ռեկորդային հարկային եկամուտներ. Քերոբյանը տվյալներ է հայտնել
Նախագահը չի ստորագրել «Բարձրագույն կրթության և գիտության մասին» օրենքը և դիմել է ՍԴ