Ռոբերտ Քոչարյան

«Ես ակնկալում էի, որ ինձ մեկ հարց կտայիք». Քոչարյանը` դատավորին

444
(Թարմացված է 18:54 08.05.2020)
Ռոբերտ Քոչարյանն անդրադարձավ իր խափանման միջոց կալանքի փոփոխության հարցին և ելույթ ունեցավ։

ԵՐԵՎԱՆ, 8 մայիսի – Sputnik. ՀՀ երկրորդ նախագահ Ռոբերտ Քոչարյանը սպասում էր, որ դատական նիստի ժամանակ Երևանի ընդհանուր իրավասության դատավոր Աննա Դանիբեկյանն իրեն մեկ հարց կուղղեր։ Քոչարյանը նման հայտարարություն արեց այսօր իր և մյուսների գործով ընթացող դատական նիստի ժամանակ։

Նշենք, որ այսօր ՀՀ նախկին վարչապետներ Վազգեն Մանուկյանը, Խոսրով Հարությունյանը և Կարեն Կարապետյանը, ինչպես նաև Արցախի նախկին վարչապետ Անուշավան Դանիելյանը հանդես եկան Քոչարյանի խափանման միջոց կալանքը անձնական երաշխավորությամբ փոխարինելու առաջարկով։

«Ես սպասում էի, որ դուք ինձ պետք է հարցնեք` դուք խոսք տալի՞ս եք, որ ձեր խափանման միջոցը փոխելուց հետո դուք ճնշում չեք գործադրի վկաների վրա, չեք խուսափի նախաքննական մարմին ներկայանալ։ Ու եթե ես ասեի` այո, խոսք եմ տալիս, դուք պետք է որոշում կայացնեիք` անգամ առանց երաշխավորագրի, քանի որ ես իմ տված խոսքը երբեք չեմ դրժի»,–ասաց Քոչարյանը։

Նա հիշեցրեց, որ Արցախի ու Հայաստանի նախագահն է եղել, և խափանման միջոցը փոխելուց հետո իրեն ամենից մեծ զսպող հանգամանքը հենց այդ փաստերը պետք է լինեն։ Քոչարյանը նշեց` եթե ազատության մեջ ինչ–որ այլ քայլեր անի, իր հեղինակությունը զրոյի կհավասարվի։ Այսինքն` որպես զսպող հանգամանք հենց սա պետք է դատարանը համարի, որ եթե որևէ մեկը երաշխավորություն է ներկայացնում, իսկ դու ինչ–որ այլ քայլեր ես անում, ուրեմն խաչ ես քաշում քո անցած ճանապարհի վրա ու ոչ մեկի երեսին չես կարող նայել դրանից հետո։

ՀՀ երկրորդ նախագահը պատմեց նաև, որ վերջերս, երբ Իզմիրլյան ԲԿ–ում է եղել ու բժիշկների հետ քննարկել են իր վիրահատության հարցը, ՔԿՀ վարչությունից մի սպա է ներկա եղել խոսակցությանը ու պնդել, որ ինքն էլ պետք է մասնակցի այդ քննարկմանը։ Սակայն Քոչարյանն ահազանգել է ՄԻՊ–ին ու հրաժարվել նման պայմաններում վիրահատվել։

Քոչարյանի խափանման միջոցը փոխելու մասին դատարանի որոշումը կհրապարակվի մայիսի 13-ին, ժամը 17։50-ին։

Հիշեցնենք՝ Ռոբերտ Քոչարյանին մեղադրանք է առաջադրվել 2008 թ–ի մարտի 1-ի բողոքի ակցիաները ցրելու ժամանակ սահմանադրական կարգը տապալելու համար։ Նա իրեն ուղղված մեղադրանքները քաղաքական հետապնդում է համարում։ 2018թ-ին Քոչարյանին երկու անգամ ձերբակալեցին: 2019 թվականի հունիսի վերջին նա ձերբակալվեց երրորդ անգամ: Երկրորդ նախագահին նաև կաշառք ստանալու մեղադրանք է առաջադրված։

Ապրիլի 28-ին հայտնել էինք, որ Քոչարյանը քննչական մեկուսարանից տեղափոխվել էր Երևանի «Իզմիրլյան» բժշկական կենտրոն:

«Ոնց որ հանրակացարանում ապրեմ». Ռոբերտ Քոչարյանը պատմեց պահման պայմանների մասին

444
թեգերը:
Աննա Դանիբեկյան (դատավոր), Դատարան, Ռոբերտ Քոչարյան, Հայաստան
թեմա:
Ռոբերտ Քոչարյանի գործը (415)
Ըստ թեմայի
Պաշտպանը բողոքում է. ՄԻՊ-ը չի արձագանքում Քոչարյանի իրավունքների խախտումներին
Ռոբերտ Քոչարյանը վիրահատության կարիք ունի. Չարչյան
Նախկին վարչապետները դատարան եկան. Քոչարյանին ազատ արձակելու հարցն է քննարկվում
Президент Армен Саркисян поздравил по случаю Дня защиты прав детей (1 июня 2020). Еревaн

Պետք է այնպես անենք, որ իրականությունը լինի ձեր երազանքի նման. նախագահի շնորհավորհանքը

0
Նախագահը նշել է, որ ցանկացած պարտավորություն ստանձնելիս՝ միջազգային փաստաթղթերից մինչև դրանցից բխող օրենքներն, , պետք է առաջնորդվել ընտանիքի և երեխաների մասին ազգային արժեհամակարգից բխող ընկալումներով:

ԵՐԵՎԱՆ, 1 հունիսի — Sputnik. ՀՀ նախագահ Արմեն Սարգսյանը շնորհավորել է երեխաների իրավունքների պաշտպանության օրը։ Ինչպես տեղեկացնում են ՀՀ նախագահի մամուլի ծառայությունից, նա կոչ է արել սիրել ու պաշտպանել  երեխաներին և նրանց իրավունքները, քանզի ի դեմս նրանց՝ պաշտպանված կլինի ընտանիքների, երկրի, հասարակության վաղվա օրը:

«Գիտեմ, որ այս օրերին շատ դժվար է տանը նստելը, երբ բնությունը, բակը, խաղը դուրս են կանչում: Շնորհակալ եմ, որ համբերում եք և հասկանում: Հավատացեք, որ այսօրվա դժվարությունն ու անհարմարությունը վաղվա ավելի լավ օրվա համար են, երազանքների օրվա համար: Ձեր մեջ երազանքներ կան, որոնք ոչ միայն ձերն են, այլև ձեր ծնողներինը: Պետք է կարողանանք միասին այնպես անել, որ իրականությունը լինի ձեր երազանքի նման», - նշել նախագահը:

Սարգսյան ասել է, որ երեխաների միջոցով մարդիկ նորովի են բացահայտում շրջապատող աշխարհը, որը մեծ ու փոքր, բազմագույն ու բազմաշերտ աշխարհների խճանկար է: Ըստ նրա, այն կառուցվում է երեխաների շնորհիվ ու մեծերի մասնակցությամբ:

Այս համատեքստում նա կոչ է արել որպես պետություն և քաղաքացի, որպես ընտանիք և ծնող, որպես իշխանություն և հասարակություն չխնայենք ջանքերը, գործի դնել սիրտն ու միտքը, որ այդ աշխարհը կառուցվի ամուր և կայուն հիմքերի վրա:

«Սակայն հանուն երեխաների և երեխաների համար գործադրվող բոլոր ջանքերը իզուր կլինեն, եթե նախ և առաջ չերաշխավորվի նրանց խաղաղ մանկությունը: Խաղաղությունը միայն կապույտ երկինքը չէ: Խաղաղությունը նաև այն մթնոլորտն է, որտեղ սեր, հանդուրժողականություն ու համերաշխություն կա ինչպես փոքրերի, այնպես էլ մեծերի, ինչպես հարազատների, այնպես էլ անծանոթների միջև», - ասել է նախագահը:

Նա նաև հավելել է, որ հենց այսօր է ապագայի պաշտպանության օրը: Ըստ նրա ` պաշտպանությունը նշանակում է նաև պատասխանատվություն երեխայի այսօրվա ու վաղվա համար, նրա ազատության և իրավունքի համար, նրա ճակատագրի համար:  Սարգսյանն ընդգծել է, որ երեխաները պետք  լինեն յուրաքանչյուրիս ուշադրության կենտրոնում `անկախ մեր զբաղեցրած պաշտոնից և հասարակական դիրքից:  Իսկ ցանկացած պարտավորություն ստանձնելիս՝ միջազգային փաստաթղթերից մինչև դրանցից բխող օրենքները, ուսման ծրագրերն ու դասագրքերը, պետք է առաջնորդվել  նախ և առաջ ընտանիքի և երեխաների մասին ազգային արժեհամակարգից բխող ընկալումներով:

«Այդ փաստաթղթերը, օրենքները կիրառելիս պետք է գտնվեն այնպիսի կարգավորումներ, որոնք կհամապատասխանեն մեր պետության, ապագայի ու երեխաների մասին մեր պատկերացումներին, հարիր կլինեն մեր ազգային նկարագրին», - ամփոփել է նախագահը։

Նշենք , որ այսօր Հայաստանում և ևս մի շարք երկրներում նշվում է Երեխաների իրավունքների պաշտպանության միջազգային օրը։ Այս տարի տոնական միջոցառումներ գրեթե չեն անցկացվի կորոնավիրուսային վարակի պատճառով, նույնիսկ Երևանի կենդանաբանական այգին է փակ ու չեղարկվել են այնտեղի միջոցառումները։

 

0
թեգերը:
շնորհավորանք, Արմեն Սարգսյան, երեխա, Հայաստան
Նիկոլ Փաշինյան, արխիվային լուսանկար

Ինչպես է վարչապետ Փաշինյանի ինքնազգացողությունը. խոսնակը տեղեկություններ է հաղորդել

33
(Թարմացված է 12:31 01.06.2020)
Նիկոլ Փաշինյանը շարունակում է կատարել իր աշխատանքային պարտականությունները՝ հեռավար մասնակցելով խորհրդակցություններին, քննարկումներին։

ԵՐԵՎԱՆ, 1 հունիսի- Sputnik. Կորոնավիրուսով վարակված ՀՀ վարչապետ Նիկոլ Փաշինյան ինքնազգացողությունը լավ է։ Վարչապետի մամուլի խոսնակ Մանե Գևորգյանը  Facebook-ի իր էջում տեղեկություններ է հաղորդել ոչ միայն վարչապետի առողջական վիճակի մասին, նաև նշել է, որ կառավարության անդամների և վարչապետի աշխատակազմի համատարած թեստավորում անցկացնել չի նախատեսվում։

«Անհրաժեշտության դեպքում թեստավորում կիրականացվի բժշկական ցուցումով։ Վարչապետի հետ շփում ունեցած կառավարության անդամները պահպանել են սահմանված կանոնները՝ դիմակների կրում, սոցիալական հեռավորություն, ախտահանիչ նյութերի օգտագործում և այլն»,- գրել է Գևորգյանը։

Նա նաև տեղեկացրել է, որ Նիկոլ Փաշինյանը շարունակում է կատարել իր աշխատանքային պարտականությունները՝ հեռավար մասնակցելով խորհրդակցություններին, քննարկումներին։

Ինչպես արդեն տեղեկացրել ենք, վարչապետ Նիկոլ Փաշինյանն իր ծննդյան օրը նշում է տանը՝ ընտանիքի հետ մեկուսացած։ Վաղ առավոտյան Facebook-ի իր ուղիղ եթերի ընթացքում նա հայտնեց, որ իր և ընտանիքի անդամների մոտ կորոնավիրուս է հաստատվել։  Նրա խոսքով` որևէ ախտանիշ չեն ունեցել, ամեն օր աշխատանքի մեկնելուց առաջ ջերմաչափվել է, ջերմություն չի ունեցել։

Աննա Հակոբյանն արյունաբանական կենտրոն չի այցելել և չի վտանգել երեխաների առողջությունը

Հիշեցնենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 210–ով և դարձել 9492–ի։

33
թեգերը:
Մանե Գևորգյան (ՀՀ վարչապետի մամուլի խոսնակ), ծնունդ, կորոնավիրուս, Նիկոլ Փաշինյան
Ըստ թեմայի
Արայիկ Հարությունյանը կորոնավիրուսի թեստ է հանձնել
Հայաստանում վերջին մեկ օրում կորոնավիրուսից 8 մարդ է մահացել. մանրամասներ
«Հարգելի Նիկոլ Վովայի...». Պուտինը շնորհավորել է Փաշինյանի տարեդարձը