ԵՐԵՎԱՆ, 5 մայիսի — Sputnik. ՀՀ նախագահ Արմեն Սարգսյանի հրամանագրով` ՀՀ շրջակա միջավայրի նախարար Էրիկ Գրիգորյանն ազատվել է պաշտոնից։
«Հիմք ընդունելով վարչապետի առաջարկությունը՝ համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի` Էրիկ Գրիգորյանին ազատել շրջակա միջավայրի նախարարի պաշտոնից»,–նշված է նախագահի հրամանագրում։
Ավելի վաղ հայտնել էինք, որ Գրիգորյանը պաշտոնից հրաժարվելու դիմում է ներկայացրել։
Էրիկ Գրիգորյանը Շրջակա միջավայրի նախարար է նշանակվել 2018թ.–ին։ Մինչ այդ` 2017 թվականի փետրվարի 22-ից աշխատել է Հայաստանի Հանրապետության վարչապետի օգնական։ Նա ծնվել է 1979թ–ին, Կապան քաղաքում։ Սովորել է Երևանի պետական տնտեսագիտական համալսարանը։
2004-2005 թվականներին Գրիգորյանը սովորել է Էգեյան համալսարանի բնապահպանական գիտությունների ֆակուլտետում, ուսումնասիրել է շրջակա միջավայրի կառավարման և քաղաքականության միջազգային անսպիրանտական ծրագիրը։ Ավարտել է նաև Դրեզդենի տեխնոլոգիական համալսարանը։ 2008-2009 թվականներին Գրիգորյանը սովորել և ավարտել է Սալոնիկի Արիստոտելի համալսարանը։ Մի շարք հրատարակությունների, գիտական հոդվածների հեղինակ է։
Մեկ օրում երկու պաշտո՞ն. ԱԱԾ տնօրենի տեղակալ է նշանակվել մեկ օր առաջ այլ պաշտոն ստացածը
