Полицейские на месте преступления (29 апреля 2020). Гавар

Գավառի վենդետայի հետքերով, կամ երբ «ասֆալտին փռելու» քաղաքականությունը քո դեմ է աշխատում

941
Գավառի արյունալի բախումներն իրավապահ համակարգի խնդիրներն ի հայտ բերող լակմուսի թուղթ դարձան։ Ինչպե՞ս ոստիկանությանը հետ պահել քաղաքական խնդիրների մեջ թաթախվելուց և ազատել «ես սրանց հետ գործ չունեմ» սինդրոմից։

Դավիթ Գալստյան, Sputnik Արմենիա

Իշխանափոխությունից հետո իրավապահ մարմիններում փոփոխություններ եղել են, սակայն դրանք չեն հանգեցրել ոստիկանության հեղինակության բարձրացմանը։ Ու թեև ոստիկանության աշխատակցի հանդեպ քաղաքացիների վերաբերմունքն ավելի բարյացակամ է դարձել, նախկին ագրեսիվությունը չկա, սակայն կառույցի անմիջական առաջադրանքների կատարումը գնալով ավելի ու ավելի շատ հարցեր է առաջացնում։

Ինչո՞ւ ոստիկանությունը որոշ դեպքերում ուժ չի կիրառում. Բաղդասարյանը` վերջին դեպքերի մասին

Հայաստանի նախկին փոխոստիկանապետ Հովհաննես Քոչարյանը (2018թ․ մայիսի 18-ից մինչև 2019թ․-ի հոկտեմբերի 23) կարծում է, որ ոստիկանությունը պետք կենտրոնանա բռնության կանխարգելման և հանցագործությունների բացահայտման վրա։ Ուրեմն ինչո՞ւ են այս առումով հատկանշական Գավառի դեպքերը, որտեղ փոխհրաձգության արդյունքում երկու հոգի զոհվել են, ևս չորսը վիրավոր են։ Երկու վիրավորներին փորձել են սպանել հիվանդանոցում, ուր սպանվածների հարազատները ներխուժել են դանակներով և մահակներով ու նրանց վնասվածքներ հասցրել։

Գավառը և իրավապահ համակարգում վակուումի վտանգը

Քոչարյանի խոսքով ՝ Գավառի ոստիկանության գործողությունները դիտարկելիս պետք է հասկանալ արդյո՞ք տեղի ունեցածը եղել է հանգամանքների բերումով, թե՞ դա իրավապահ համակարգում ստեղծված իրավիճակի հետևանք է։

«Եթե ոստիկանությանը հասանելի են եղել տեղեկություններ կոնֆլիկտի զարգացման մասին, այն պետք է կանխատեսեր հնարավոր սցենարները։ Դա բարդ շրջան է, Նորատուս գյուղի բնակիչների մասնակցությամբ առաջին անգամը չէ, որ իշխանության դեմ կոլեկտիվ ընդվզման դեպքեր են տեղի ունենում։ Ոստիկանությունը դա շատ լավ գիտի, ինչպես և այն, թե ինչպես կարող են այդ մարդիկ պահել իրենց ծայրահեղ իրավիճակներում»,-նշեց Քոչարյանը։

Եթե հարձակման տեղեկատվություն, այնուամենայնիվ եղել է, ապա հարց է առաջանում՝ արդյո՞ք բռնությունը կանխելու համար բավականաչափ միջոցներ ձեռնարկվել են, առավել ևս, որ հիվանդանոցում ենթադրյալ օրինախախտներն են պառկած եղել (սպանության մեջ կասկածվողները)։

Նրա խոսքով` միայն այս հարցերին պատասխանելուց հետո, , կարելի է կարծիք հայտնել ոստիկանության գործողությունների մասին։ Մյուս կողմից՝ եթե ոստիկանությունը չի ժխտում իր հասցեին հնչող մեղադրանքները, ապա հասարակության գիտակցության մեջ ամրապնդվում է այն կարծիքը, որ անգործության փաստն ակնհայտ է։

«Ես ուշադիր հետևում էի։ Ոստիկանության պատմության մեջ առաջին անգամ դեպքերի զարգացման նման ֆոնին ոստիկանության տեղեկատվության և հասարակայնության հետ կապերի վարչությունը ժամանակին հայտարարություն չտարածեց, այն բավականին ուշ հրապարակվեց (պետք է նշել, որ ոստիկանության մամուլի հաղորդագրությունը Facеbook-ի էջում հայտնվեց գիշերը, բայց մի քանի րոպե անց ջնջվեց։ Նոր հաղորդագրություն տարածվեց միայն հաջորդ օրը, ցերեկը` խմբ․)։ Ես լավ գիտեմ այդ վարչությանը, գիտեմ, թե ինչ մասնագետներից է այն կազմված և վարչության պետի գործողությունների ձևը գիտեմ։ Եթե չեն հրապարակել, ուրեմն նման հանձնարարական չի եղել»,-ասաց Քոչարյանը։

Ոստիկանությունը՝ որպես իրավապահ մարմին, գոյություն չունի. Վանեցյանը խոսել է Գավառի դեպքից

Նախկին բարձրաստիճան ոստիկանի խոսքով` տեղեկատվական այդ խառնաշփոթը կարող էր և չլինել, եթե ժամանակին ինֆորմացիա տրվեր դեպքերի վերաբերյալ։

Ինչպիսի անհրաժեշտությամբ էլ պայմանավորված լիներ ոստիկանության արձագանքի ուշացումը, այն հայտնվեց շատ ավելի ուշ, քան պետք էր։

«Հիմա պետք է դեպքի հանգամանքների մանրամասն վերլուծություն կատարվի։ Պետք է հասկանալ այդ բռնարարքի պատճառները, հանգամանքները և արդյո՞ք հնարավոր էր այն կանխել։ Եթե անգործության փաստեր լինեն, դրանց պետք է իրավական գնահատական տրվի»,-նշեց Քոչարյանը` ընդգծելով, որ գործընթացը պետք է հանրության համար թափանցիկ լինի։

Խնդիրը նրանում է, որ հանրային ընկալման մեջ տպավորություն է ստեղծվել, թե «իրավակարգի վակուում»  կա։ Իսկ դա կարող է հանգեցնել նրան, որ քաղաքացիները պարզապես դադարեն վստահել պետական մարմիններին։

«Եվ «վենդետան» նման կոնֆլիկտների լուծման համար սովորական միջոց կդառնա։ Դրանից պետք է ամեն կերպ ձերբազատվել»,-նշել է Քոչարյանը։

Դրա համար, նրա կարծիքով, պետք մի քանի սուր հարցեր լուծել։

Անպաշտպան ոստիկանը վախկոտ ոստիկան է

Նախկինում գոյություն ուներ «վարչական խնամակալության» ինստիտուտը։ Այսինքն` եթե ոստիկանությունն իրավակարգն ամրապնդող հանրային գործողություններ էր իրականացնում, քաղաքական ղեկավարությունը աչք էր փակում աշխատակիցների մանր իրավախախտումների վրա (խոսքը կոպիտ խախտումների, անթույլատրելի բռնության մասին չէ)։ Դա արվում էր համակարգը մարտունակ, կենսունակ պահել  համար։

«Հիմա դա չկա։ Հիմա հակառակն է՝ ցանկացած իրավախախտում մեղավորության կանխավարկածի տեսանկյունից է դիտարկվում։ Իսկ ոստիկանությունն իր աշխատակցին պաշտպանելու հնարավորություն չունի։ Նա մեն-մենակ է մնում քրեական հետապնդման մարմինների հետ և մենակ էլ փորձում է իր իրավունքները պաշտպանել։ Եվ դա այն դեպքում, երբ այն գործել է ծառայողական պարտականությունների բերումով»,-նշեց Քոչարյանը։

Այս իրավիճակում իրավապահ մարմինների աշխատակիցը կոնֆորմիստ է դառնում, սկսում է վախենալ։ Նա ամեն ինչ կանի, որպեսզի նման ծայրահեղ իրավիճակներում ջրից չոր դուրս գա։ Նախկին փոխոստիկանապետը կարծում է, որ այս խնդիրը կարելի է լուծել իրավակիրառման ոլորտում օրենսդրական փոփոխությունների միջոցով։

Ոստիկանությունը պետք է քաղաքականությունից դուրս լինի

Եվս մեկ կարևոր կետ։ Ոստիկանությունը պետք է լինի և ընկալվի իբրև չքաղաքականացված մարմին։

«Այն պետք է իր գործողություններից բացառի  քաղաքական իշխանություններին դուր գալու ձգտումը։ Կառույցը վերջապես պետք է ազատվի իշխանության վարկանիշը պահելու մոլուցքից։ Դա նրա գործը չէ, դա քաղաքական կուսակցությունների, հասարակական կազմակերպությունների գործն է»,-ասաց Քոչարյանը։

Իսկ ոստիկանությունը պետք է իր ուժերն ու միջոցները կենտրոնացնի բռնարարքների և հանցագործությունների կանխարգելման վրա։

«Հարցրեք տուժածներին՝ նրանք գո՞հ են քննության ընթացքից։ Կա՞ արդյոք քրեական միջավայր օպերատիվորեն թափանցելու հնարավորություն, տեղեկատվություն ստանալու մեխանիզմներ։ Չկան։ Իսկ հետհեղափոխական շրջանում դրանք վերականգնելու և զարգացնելու հնարավորություն եղել է»,-ասաց Քոչարյանը։

Բայց երբ զբաղված ես «ասֆալտին փռելու» գործով, իսկ հետո չես կարողանում կանխել այնպիսի ծանր հանցագործությունը, ինչպիսին տեղի ունեցավ Գավառում, ապա առաջին գործընթացի ամբողջ էֆեկտը քո դեմ է աշխատում։

Ո՞ր դեպքերում էր մեզ իրականում պետք ոստիկանությունը։ Ինչ-որ մեկին ասֆալտին փռելո՞ւ, թե մարդկանց առողջությունն ու կյանքը հանցավոր ոտնձգություններից փրկելու։ Քոչարյանի խոսքով՝ պատասխանն ակնհայտ է։

Հիմա խոսում են հնարավոր պաշտոնանկումների ու վեթինգի մասին։ Բայց եթե անգամ ինչ-որ մարդկանց պաշտոններից հեռացնեն, ապա հարց է առաջանում՝ ո՞վ կփոխարինի նրանց։

Չկա կադրերի ճիշտ տեղաբաշխման համակարգ, մրցույթի արդյունքով ընդունման հնարավորության։ Չկա այդ կադրերի ընտրությամբ զբաղվող կրթական համակարգ։

«Ախր միայն ասելով չի՝ մեկին հանենք, մյուսին բերենք։ 30 տարի է՝ ինչ-որ մարդկանց հանում, ուրիշներին բերում են»,-նշեց նախկին փոխոստիկանապետը։

Ոստիկանների վերապատրաստում

Լուրջ բարեփոխումների համար «ճանապարհային քարտեզ» է հարկավոր։ Հիմա պետք է դրված լինի պրոֆեսիոնալ, քաղաքականապես չեզոք ոստիկանության ստեղծման հարցը։ Այդ հարցը գերակա է, քանի որ ոստիկանները նման կոնֆլիկտային իրավիճակներում գործելու ունակություններ չունեն։

Բարեփոխումների իմաստը նրանց գեղեցիկ համազգեստ հագցնելն ու մեքենա գնելը չէ։ Դրանց նպատակն է ձևավորել պրոֆեսիոնալ պարեկային ոստիկանների համակարգ, որոնք կարող են կանխել և արագ արձագանքել իրավիճակին ՝ անհրաժեշտության դեպքում ուժ կիրառելով։

«Հեղափոխությունից հետո, երբ լարվածությունը թուլացավ, այդ հարցը պետք է արագ լուծվեր։ Ինստիտուցիոնալ փոփոխությունները պետք է սկսվեին հենց այդտեղից ՝ կրթական համակարգից»,- ասում է Քոչարյանը։

Այսօր համակարգը լճացման մեջ է, ոչ մի փոփոխություն չկա, կա ծրագրային խառնաշփոթ։ «Ռեստարտ» է պետք։ Բայց դանդաղ, շփոթված, կիսատ-պռատ միջոցները չեն կարող լուծել խնդիրը։ Այո, դա ծախսեր է պահանջում,  բայց դրանք անհրաժեշտ են, քանի որ հետևանքները կարող են շատ ավելի ծանր լինել։

Գավառում հնչած կրակոցների գործով ևս 10 անձ է ձերբակալվել․ ՔԿ-ն նոր մանրամասներ է հայտնել

Քոչարյանը մատնանշում է, որ գերատեսչության առաջնահերթ զբաղմունքը պետք է լինի ծանր և առանձնապես ծանր հանցագործությունների բացահայտումը, մնացած բոլոր հարցերն ածանցյալ են։ Երկու տարին բավական էր, օրինակ, արագ արձագանքման կենտրոնի ստեղծման հարցը լուծելու համար։

Հիշեցնենք, որ Քոչարյանը փոխոստիկանապետի պաշտոնը զբաղեցրել է հեղափոխությունից անմիջապես հետո՝ ընդհուպ մինչև 2019 թ․-ի հոկտեմբերի 23-ը։ Մինչ այդ նա զբաղեցնում էր ՀՀ ոստիկանության շտաբի պետի պաշտոնը։

Նախքան պաշտոնից հեռանալը Քոչարյանը հանդես էր գալիս ոստիկանապետի պաշտոնի «քաղաքականացման» և խորհրդարանին հաշվետու լինելու նախագծի քննադատությամբ:

941
թեգերը:
քաղաքականություն, ՀՀ Ոստիկանություն, Սպանություն, Գավառ
թեմա:
Դաժան սպանություններ և վենդետա Գավառում (23)
Ըստ թեմայի
Գավառի հիվանդանոցի վրա հարձակվողները 500-ից ավելի են եղել. կա տեսագրություն
ՄԻՊ–ն արագ արձագանքման խմբեր է ուղարկել Գավառ ու Նորատուս
Գավառում տեղի ունեցած միջադեպերի գործով ևս 3 անձի ձերբակալման որոշում է կայացվել․ ՔԿ
Ռուբեն Հայրապետյան

«Հարսնաքարի» նախկին տնօրենն ինքն է գույք հափշտակել. Ռուբեն Հայրապետյանի փաստաբան

19
(Թարմացված է 00:16 02.06.2020)
Ռուբեն Հայրապետյանի փաստաբանը հույս ունի, որ այս քրեական գործով բոլոր հնարավոր միջոցները կձեռնարկվեն արտերկրում գտնվող Հայկ Շահնազարյանին ՀՀ վերադարձնելու ուղղությամբ։

ԵՐԵՎԱՆ, 2 հունիսի – Sputnik. Հայաստանի ֆուտբոլի ֆեդերացիայի նախկին ղեկավար Ռուբեն Հայրապետյանի ընտանիքին պատկանող «Հարսնաքար» համալիրի նախկին տնօրեն Հայկ Շահնազարյանի կողմից Ընկերության առանձնապես խոշոր չափերով գույքը խարդախությամբ հափշտակելու փաստի առթիվ ՀՀ քննչական կոմիտեի հատկապես կարևոր գործերի քննության գլխավոր վարչությունում հարուցվել է քրեական գործ: Տեղեկությունը հայտնում է Հայրապետյանի փաստաբան Ամրամ մակինյանը։

«Հույս ունենք, որ այս քրեական գործով նույնպես կձեռնարկվեն բոլոր հնարավոր միջոցները արտերկրում գտնվող Հայկ Շահնազարյանին ՀՀ վերադարձնելու ուղղությամբ…»,– Facebook–ի իր էջում գրել է նա։

Մակինյանը հիշեցրել է` Հայկ Շահնազարյանն այն նույն անձն է, որին իբրև թե խոշտանգել ու ապօրինի ազատությունից զրկել են Ռուբեն Հայրապետյանի կազմակերպմամբ։

«Սակայն Հայրապետյանի առնչությունը նշվածին դատարանը չհաստատեց, փոխարենը օրեր անց քրեական գործ հարուցվեց Հայկ Շահնազարյանի կողմից առերևույթ առանձնապես խոշոր չափերի խարդախություն կատարելու փաստի առթիվ։ Ափսոսում եմ, որ քննչական կոմիտեի մամուլի ծառայությունը մոռացել է հանրությանը հայտնել նաև այս մասին, ինչպես արվեց Ռուբեն Հայրապետյանին առերևույթ մեղադրելու դեպքում…»,– եզրափակել է փաստաբանը:

Ավելի վաղ հայտնել էինք, որ Երևանի ընդհանուր իրավասության դատարանը բավարարել է ՀՖՖ նախկին նախագահ Ռուբեն Հայրապետյանին և ևս 4 անձի կալանավորելու միջնորդությունները։ Հայրապետյանը որպես մեղադրյալ է ներգրավել ՀՀ քրեական օրենսգրքի 119-րդ հոդվածի 2-րդ մասի 3-րդ, 5-րդ կետով (ֆիզիկական ուժեղ ցավ կամ հոգեկան տառապանք պատճառելը), 133-րդ հոդվածի 2-րդ մասի 1-ին, 2-րդ, 7-րդ կետերով (մի խումբ անձանց կողմից շահադիտական դրդումներով մարդուն առևանգելը) և 322-րդ հոդվածի 2-րդ մասով  (ինքնիրավչություն): Նա գտնվում է հետախուզման մեջ:

Ռուբեն Հայրապետյանին կանչել են հարցաքննության, իսկ նա Հայաստանում չէ

19
թեգերը:
Ամրամ Մակինյան, Ռուբեն Հայրապետյան, Հայաստան
Ըստ թեմայի
«Հորդորում էր, որ ես փախնեմ Հայաստանից». Ռուբեն Հայրապետյանը` Անդրանիկ Քոչարյանի մասին
Ռուբեն Հայրապետյանի որդին կամավոր ներկայացել է. դատարանը մերժել է կալանքի միջնորդությունը
Ռուբեն Հայրապետյանն իր ասածի պատասխանը կզգա ոչ միայն շորերի, այլև մարմնի վրա. Գրիգորյան
Դավա և Օլգա Բուզովա

Ալֆո՞նս, թե՞ երկար սպասված արքայազն․ ինչո՞վ է հայտնի Բուզովայի հայ փեսացուն

39
(Թարմացված է 01:03 02.06.2020)
Վիդեոբլոգեր Դավան բացառիկ է նրանով, որ բավականին կարճ ժամանակահատվածում նրան հաջողվեց համացանցում գրեթե 12 միլիոն հետևորդ հավաքել։

ԵՐԵՎԱՆ, 1 հունիսի – Sputnik. Բլոգեր և երգիչ Դավայի (Դավիթ Մանուկյան) մասին հասարակության մեծ մասն իմացավ

անցած տարվա աշնանը, երբ նա նկարահանվեց ռուս ճանաչված երգչուհի Օլգա Բուզովայի տեսահոլովակում։ Հենց այն ժամանակ լուրեր տարածվեցին, որ արտիստներն անտարբեր չեն միմյանց նկատմամբ։

Դեկտեմբերին արդեն Օլգան խոստովանեց բլոգերի հետ սիրավեպի մասին։ Դրանից հետո նրանք գրեթե մշտապես միասին են հանդես գալիս՝ սոցիալական ցանցերում, փոքրիկ հումորային համարներում և տեսահոլովակներում կամ պարզապես աշխատավայրից ու հանգստավայրից հրապարակած լուսանկարներում։

«Չէ՞ որ նա հայ է». Բուզովայի սիրեցյալի քույրը գաղտնիքներ է հայտնել

Բուզովայի երկրպագուների մեծաթիվ բանակը բաժանվել է երկու ճամբարի. մի մասը Դավային դուրսպրծուկ ու ալֆոնս է համարում, որը որոշել է հայտնի դառնալ ռուսական փոփ-բեմի արքայադստեր հաշվին, մյուսները՝ ի դեմս երիտասարդի, տեսնում են այն երկար սպասված արքայազնին, որին արժանի է Բուզովան։

Ի՞նչ է հայտնի Դավայի մասին

Դավիթ Մանուկյանը հայտնի է դարձել առաջին հերթին որպես վիդեոբլոգեր, բայց երիտասարդը նաև սեփական երգերն է թողարկում։ Ընդ որում` դրանցից մեկը, որը կոչվում է «Հարբած կլինեմ», կարճ ժամանակում այնքան հայտնի է դարձել, որ Բուզովան, դեռ անձամբ ծանոթ չլինելով Դավայի հետ, պարել է այդ երգի տակ և տեսանյութը հրապարակել Instagram-ի իր էջում։

«Այն ժամանակ դեռ ծանոթ չէինք, նա պարզապես stories էր նկարում։ Առաջին անգամ ես նրան գրեցի և ասացի՝ շնորհակալ եմ, որ լսում եք իմ երգը, շատ հաճելի է։ Որոշ ժամանակ անց նա ինձ գրեց և դեր առաջարկեց իր «Лайкер» տեսահոլովակում,-պատմել է Դավան «Алена блин!» հաղորդման ընթացքում։

Դավիթ Մանուկյանը ծնունդով Նովոսիբիրսկից է, տեղափոխվել է Մոսկվա ընդամենը երկու տարի առաջ։ Նա խոստովանել է, որ այդ ժամանակ Instagram սոցիալական ցանցում ընդամենը մոտ հինգ հազար հետևորդ ուներ։ Բայց շուտով, ընդամենը երկու տարում, արտիստի հետևորդների թիվը հասավ գրեթե 12 միլիոնի։

Այդ ֆենոմենալ թռիչքի շնորհիվ 27-ամյա երիտասարդը հայտնվեց շատերի ուշադրության կենտրոնում։  Վերջերս բլոգերը նկարահանվեց ճանաչված երգիչ Եգոր Կրիդի «Love is» երգի տեսահոլովակում։ Ամենայն հավանականությամբ երկու տաղանդավոր երիտասարդների համագործակցությունը այդքանով չի սահմանափակվի։

Շատերը զարմացած են Դավայի դերասանական տաղանդով, բայց երիտասարդը բավական հարուստ ստեղծագործական փորձ ունի։ Բանն այն է, որ նա պրոֆեսիոնալ պարող է։ Հայազգի երիտասարդը երեք տարեկանից պարով է զբաղվել, անգամ սպորտային-պարահանդեսային պարերի Ռուսաստանի չեմպիոն է եղել։ Վնասվածքների պատճառով ստիպված է եղել թողնել սպորտային կարիերան (Դավան ողնաշարի երեք ճողվածք ունի. մեծ դեր է խաղացել նաև հիասթափությունը)։

Ի դեպ, հենց պարի շնորհիվ է Դավան հանդիպել իր առաջին սիրուն՝ պարահանդեսային պարերի ներկայիս չեմպիոն Վալերիա Աղիկյանին։ Այն ժամանակ Դավան 16 տարեկան էր, ընտրյալը՝ 15։ Նրանց հարաբերությունները երկար չեն տևել. երկու տարի անց բաժանվել են։

«Տղամարդու խոսք եմ տվել, պիտի անեմ»․Դավա Մանուկյանը Բուզովային հավերժացրել է մաշկի վրա

Նույն «Алена блин!» հաղորդման ընթացքում Մանուկյանը խոստովանել է, որ սթրեսի պատճառով հաճախ նոպաներ է ունեցել։ Արտիստի խոսքով՝  այնպես էր սիրահարվել Վալերիային, որ պատրաստվում էր առաջարկություն անել, մինչդեռ աղջիկը օգտագործում էր իրենց հարաբերությունները առաջնություններից առաջ իրեն հունից հանելու համար։

«Նա իմ հակառակորդի պարային զույգն էր, և մրցումներից առաջ ինձ հաճախ լուսանկարներ էին ուղարկում, որտեղ Վալերիային ինչ-որ մեկը գրկում էր։ Դա ինձ շատ էր հունից հանում»,-ասել է նա։ Չնայած դրան, իր «Վերջին պարը» երգը Դավան նվիրել է առաջին սիրուն։

Ինչ վերաբերում է Բուզովայի հետ հարաբերություններին և անհավասար եկամուտներին, արտիստը (ինչպես և ինքը՝ Օլգան) մշտապես ընդգծում է, որ սիրելի կինն իրեն աջակցում է միայն բարոյապես, իսկ նյութական ծախսերը միշտ ինքն է հոգում։ Ի դեպ, երիտասարդներն ապրում են Մանուկյանի վարձակալած բնակարանում։

«Ես ոչ մի կնոջից փող չեմ վերցրել։ Երբեք նման բան չի եղել։ Եթե մենք Օլյայի հետ որևէ տեղ ենք գնում, միշտ ես եմ վճարում։ Հակառակ դեպքում ես ինձ տղամարդ չեմ զգա։ Իմ փրոդաքշնի համար ես մեծ գումարներ եմ ծախսում՝ գովազդ, նկարահանումներ։ Ճիշտ այդքան էլ ծախսում եմ Օլյայի վրա։ Ռեստորանում հաշիվը տարբեր է լինում՝ 20-ից մինչև 80 հազար ռուբլի՝ կախված տեղից»,-խոստովանել է նա։

Արտիստի խոսքով՝ ինքը շատ ծրագրեր ունի, իսկ Օլգայից իրեն միայն հոգեբանական աջակցություն է պետք։

39
թեգերը:
տեսահոլովակ, սեր, երգիչ, Օլգա Բուզովա, Դավիթ (Դավա) Մանուկյան
Ըստ թեմայի
Մոսկովյան բանկ ներխուժած տղամարդը պահանջել է փող և Բուզովային. տեսանյութ
«Մանդարինկա». Բուզովան բլոգեր Դավիթ Մանուկյանի հետ ամանորյա երգ է թողարկել
Օլգա Բուզովան հաստատել է` իր ընտրյալը հայ հայտնի բլոգեր Դավիթ Մանուկյանն է
Օլգա Բուզովան ծննդյան 34–ամյակը նշում է հայ սիրեցյալի հետ. տեսանյութ