Միհրան Ծառուկյանն ու Արփի Գաբրիելյանը

«Շնորհակալ ենք»․ հայ աստղերի հուզիչ տեսահոլովակը՝ նվիրված հայ բուժաշխատողներին

630
(Թարմացված է 21:59 01.05.2020)
«Շնորհակալ ենք» երգի տեսահոլովակը նկարահանվել է արտակարգ դրության օրերին։ Նկարահանումներ են իրականացրել նաև «Նորք» ինֆեկցիոն հիվանդանոցում։

ԵՐԵՎԱՆ, 1 մայիսի – Sputnik. Աշխատանքի օրվա առթիվ առցանց տիրույթում հայտնվել է հուզիչ տեսահոլովակ հայտնի հայ երգիչներից մի քանիսի մասնակցությամբ։ Film factory ընկերության և Duetro ստուդիայի համագործակցության արդյունքում ծնվել է «Շնորհակալ ենք» երգը, որով մտահղացման հեղինակներն իրենց շնորհակալությունն են հայտնել հայ բժիշկներին անձնուրաց աշխատանքի համար։

Երգը կատարում են Արփի Գաբրիելյանը, Միհրան Ծառուկյանը, Քրիստինե Պեպելյանը, Սիլվա Հակոբյանը, էրիկը, Սարգիս Ավետիսյանը, Յանա Հովհաննիսյանը և Գոռ Եփրեմյանը։

Ստեղծագործության հեղինակն Էդգար Ալեքսանյանն է, նախագծի ռեժիսորը` Հարութ Շատյանը, պրոդյուսերը՝ Արա Բաղդասարյանը։ 

«Կորոնավիրուսի այս ծանր օրերին մենք տեսանք, թե ինչ անգնահատելի աշխատանք են կատարում մեր բժիշկները։ Ցանկանում էի` ինչ-որ ձևով մեր շնորհակալությունը հայտնենք նրանց։ Այդ մտքերով զանգահարեցի երգահան, գործիքավորող Էդգար Ալեքսանյանին և հայտնեցի ցանկությանս մասին։ Շատ հետաքրքիր զուգադիպություն եղավ․ պարզվեց` Էդգարն էլ նման միտք ունի, անգամ հասցրել է երգ գրել։ Սկսեցինք համատեղ աշխատել»,-Sputnik Արմենիային պատմեց Արա Բաղդասարյանը։

Նրա խոսքով՝ երգի պրեմիերայի օրը պատահական չի ընտրվել։ Քանի որ Մայիսի 1-ը նշվում է որպես աշխատողների օր, ցանկացել են իրենց քայլով շնորհակալություն հայտնել բուժաշխատողներին, որոնք այս օրերին հերոսաբար կռվում են կորոնավիրուս կոչվող թշնամու դեմ և օր ու գիշեր անձնվիրաբար աշխատում, որ հասարակությունն առողջ լինի:

Съемка клипа на песню Благодарим, посвященном армянским врачам
© Photo : provided by Film factory
Տեսահոլովակի նկարահանման աշխատանքների ժամանակ

Արան հայտնեց, որ տեսահոլովակի նկարահանումներն իրականացրել են սանիտարահիգիենիկ խիստ պայմաններում։

Съемка клипа на песню Благодарим, посвященном армянским врачам
© Photo : provided by Film factory
«Շնորհակալ ենք» տեսահոլովակի նկարահանման կադրերից

«2 օր մասշտաբային նկարահանումներ ենք ունեցել, աշխատել ենք նաև «Նորք» ինֆեկցիոն հիվանդանոցում։ Այդ որոշումը նկարահանող խմբի, ինչպես նաև նկարահանվողների համար իսկապես ռիսկային էր, բայց գիտեինք, թե ինչ գաղափարի շուրջ ենք հավաքվել, ուստի մեզ ոչինչ չկանգնեցրեց մեր նպատակի իրականացման ճանապարհին։ Ուզում եմ շնորհակալություն հայտնել բոլոր նրանց, ովքեր անշահախնդիր իրենց պատրաստակամությունը հայտնեցին այս գաղափարի շուրջ համախմբվելու, և այն կյանքի կոչելու համար»,-ասաց նախագծի պրոդյուսերը։

Съемка клипа на песню Благодарим, посвященном армянским врачам
© Photo : provided by Film factory
«Շնորհակալ ենք» տեսահոլովակի նկարահանման կադրերից

Նկարահանումների ընթացքում երգիչ Գոռ Եփրեմյանը գտնվել է ԱՄՆ-ում, սակայն փորձառու գործընկերների օգնությամբ հաջողվել է նրա մասնակցությամբ երգի և տեսահոլովակի կադրեր ապահովել։

Певец Гор Епремян на съемке клипа на песню Благодарим, посвященном армянским врачам
© Photo : provided by Film factory
Երգիչ Գոռ Եփրեմյան

Հավելենք, որ վերջին ժամանակահատվածում մի շարք հոլովակներ են հայտնվում առցանց տիրույթում ինչպես բժիշկների, այնպես էլ բժիշկներին շնորհակալություն հայտնողների մասնակցությամբ։

Съемка клипа на песню Благодарим, посвященном армянским врачам
© Photo : provided by Film factory
«Շնորհակալ ենք» տեսահոլովակի նկարահանման կադրերից

Բոլորի հորդորը մեկն է` կանխենք կորոնավիրուսի տարածումն ու օգնենք բուժաշխատողներին տուն գնալ։

Певица Сильва Акопян на съемке клипа на песню Благодарим, посвященном армянским врачам
© Photo : provided by Film factory
Երգչուհի Սիլվա Հակոբյանը
630
թեգերը:
երգիչ, բժիշկ, տեսահոլովակ, տեսանյութ
Ըստ թեմայի
«Երախտագիտության համերգ». Նարեկ Հախնազարյանը նվագել է բժիշկների համար և հրավիրել նախարարին
Հայաստանում բժիշկները ծափերով են ճանապարհում կորոնավիրուսից բուժվածներին. տեսանյութ
«Առաջին հերթին շնորհավորում եմ բժիշկներին». Արմեն Սարգսյանի մայիսմեկյան ուղերձը
Զոհրաբ Մնացականյան

Մնացականյանը և Ֆրանկոֆոնիայի գլխավոր քարտուղարը քննարկել են Բեյրութի աղետին առնչվող հարցեր

1
Նախարար Մնացականյանն ընդգծել է, որ որպես Ֆրանկոֆոնիայի գագաթնաժողովում նախագահող երկիր՝ Հայաստանը կարևորում է ֆրանկոֆոն ընտանիքի աջակցությունը Լիբանանի ժողովրդին՝ իրեն պատուհասած ճգնաժամի հաղթահարման և օրհասական իրադրությունից պատվով դուրս գալու գործում։

ԵՐԵՎԱՆ, 11 օգոստոսի - Sputnik. Օգոստոսի 10-ին ԱԳ նախարար Զոհրաբ Մնացականյանը հեռախոսազրույց է ունեցել Ֆրանկոֆոնիայի գլխավոր քարտուղար Լուիզ Մուշիկիվաբոյի հետ: Տեղեկությունը հայտնում է ՀՀ ԱԳն մամուլի ծառայությունը:

Զրուցակիցները մտքեր են փոխանակել ֆրանկոֆոն տարածաշրջանում տեղի ունեցող զարգացումների և կազմակերպության առջև ծառացած խնդիրների հասցեագրման ուղիների շուրջ:

«Այդ համատեքստում նախարար Մնացականյանը և գլխավոր քարտուղար Մուշիկիվաբոն անդարադարձել են Բեյրութում տեղի ունեցած հուժկու պայթյունի հետևանքով Լիբանանում ստեղծված աղետալի դրությանը և Լիբանանին հումանիտար աջակցության տրամադրմանն առնչվող հարցերին»,- նշված է հաղորդագրության մեջ:

Եվս մեկ ինքնաթիռ․ Արցախն օգնության խմբաքանակ է ուղարկել Լիբանան

Ներկայացնելով Հայաստանի կառավարության կողմից Լիբանանի ժողովրդին աջակցություն ցուցաբերելու ուղղությամբ իրականացվող աշխատանքները՝ նախարար Մնացականյանն ընդգծել է, որ որպես Ֆրանկոֆոնիայի գագաթնաժողովում նախագահող երկիր՝ Հայաստանը կարևորում է ֆրանկոֆոն ընտանիքի աջակցությունը Լիբանանի ժողովրդին՝ իրեն պատուհասած ճգնաժամի հաղթահարման և օրհասական իրադրությունից պատվով դուրս գալու գործում։

1
Ըստ թեմայի
Ջորջ և Ամալ Քլունիները 100 հազար դոլար կհատկացնեն Բեյրութի բնակիչներին
ՀՀ կառավարությունը պատրաստ է վերականգնել Բեյրութում ավերված շինություններից մի քանիսը
Բեյրութի պայթյունից 4 օր է անցել, բայց 60 հոգու դեռ չեն կարողանում գտնել
Բեյրութի պայթյունից հետո Թուրքիան Լիբանանին առաջարկել է օգտագործել իր Մերսին նավահանգիստը
Ռուբեն Վարդանյան, արխիվային լուսանկար

«Ավրորան» 200 000 ԱՄՆ դոլար կնվիրաբերի Բեյրութում աղետի հետևանքները հաղթահարելու համար

11
«Ավրորա» մարդասիրական նախաձեռնության ներկայացուցիչները կոչ են անում հումանիտար բոլոր կազմակերպություններին, աշխարհի բոլոր հայերին` սատարելու Լիբանանի բնակչությանն ու լիբանանահայ համայնքին։

ԵՐԵՎԱՆ, 11 օգոստոսի - Sputnik. «Ավրորա» մարդասիրական նախաձեռնության համահիմնադիրներ Նուբար Աֆեյանը, Վարդան Գրեգորյանն ու Ռուբեն Վարդանյանը և «Ավրորա» մրցանակի ընտրող հանձնաժողովի նախագահ Լորդ Արա Դարզին հայտարարել են, որ «Ավրորան» 200 000 ԱՄՆ դոլար կնվիրաբերի Լիբանանի մայրաքաղաք Բեյրութի բնակիչներին աջակցելու համար։ Միաժամանակ #AraratChallenge շարժման միջոցով լրացուցիչ դրամահավաք-հանգանակություն կսկսի՝ Բեյրութի հայ համայնքին աջակցելու նպատակով։

«Մենք խորապես ցավում ենք Բեյրութում տեղի ունեցած ողբերգական պայթյունի համար և միանում Լիբանանին հրատապ օգնելու համաշխարհային ջանքերին: Ինչպես Լիբանանը կանգնեց մեր կողքին Հայոց ցեղասպանությունից հետո, այսօր մենք ենք Լիբանանի ողջ ժողովրդին աջակից»,– նշված է համահիմնադիրների ու «Ավրորա» մրցանակի Ընտրող հանձնաժողովի նախագահի համատեղ հայտարարության մեջ։

«Ավրորա» մարդասիրական նախաձեռնության ներկայացուցիչները կոչ են անում հումանիտար բոլոր կազմակերպություններին, աշխարհի բոլոր հայերին` սատարելու Լիբանանի բնակչությանն ու լիբանանահայ համայնքին։

Եվս մեկ ինքնաթիռ․ Արցախն օգնության խմբաքանակ է ուղարկել Լիբանան

«Ավրորա» մարդասիրական նախաձեռնությունը հայտնում է, որ վերոհիշյալ 200 000 դոլարից  100 000–ը Լիբանանի Կարմիր խաչի և Մերձավոր Արևելքի հիմնադրամի միջոցով կտրամադրվի պայթյունի անմիջական հետևանքները մեղմելու համար, 50 000–ը կնվիրաբերի Մեծի Տանն Կիլիկիո Կաթողիկոսությանը՝ հայ համայնքի կարիքների համար, ևս 50 000 ԱՄՆ դոլար ակնկալվում է հավաքել հանգանակության միջոցով։ Այդ միջոցները ևս կուղղվեն  աջակցության ու վերականգնման նախագծերին, որոնք կընտրվեն ավելի ուշ:

«Ավրորա» մարդասիրական նախաձեռնությունը, որն ստեղծվել է Հայոց ցեղասպանությունը վերապրողների անունից՝ ի երախտագիտություն նրանց փրկողների, ձգտում է հնարավորություն տալ մերօրյա հերոսներին՝ կյանք և հույս պարգևել նրանց, ովքեր մարդասիրական աջակցության խիստ կարիք ունեն ողջ աշխարհում, այսպիսով՝ շարունակել մարդասիրության շղթան աշխարհով մեկ: «Ավրորա» մարդասիրական նախաձեռնությունը գործով արտահայտված երախտագիտություն է՝ վերափոխելու հայկական փորձառությունը համաշխարհային շարժման, որը կոչված է մեզնից յուրաքանչյուրին ոգեշնչելու գործի՝ հանուն մարդկության և մարդկային կյանքի։

11
թեգերը:
Տուժածներ, Լիբանան, հայ, պայթյուն, Բեյրութ, Ռուբեն Վարդանյան, Ավրորա
Ըստ թեմայի
Ամուսնություն ծերուկի հետ. մի աղջկա սարսափելի պատմություն, որը Ավրորա Մարդիգանյան չդարձավ
Հայտնի է «Ավրորա» մրցանակաբաշխության այս տարվա հաղթողը
Հայտնի է` երբ կհայտարարվի «Ավրորա» մարդասիրական մրցանակի այս տարվա դափնեկրի անունը
Ավրորա Մարդիգանյանի ծառուղի. ֆորումի մասնակիցներն այցելել են Ծիծեռնակաբերդ. լուսանկարներ