Հա–վրացական սահման, արխիվային լուսանկար

Հայաստանը ցամաքային սահմանը երեք օրով կբացի Վրաստանի քաղաքացիների համար

369
(Թարմացված է 20:35 28.04.2020)
Եթե Վրաստանի քաղաքացիները որոշեն հայրենիք վերադառնալ Երևանով, ապա պետք է նախօրոք կապ հաստատեն Վրաստանի հյուպատոսարանի հետ։

ԵՐԵՎԱՆ, 28 ապրիլի - Sputnik. Հայաստանը երեք օրով ցամաքային միջանցք կբացի Վրաստանի այն քաղաքացիների համար, որոնք ուզում են Եվրոպայի երկրներից հայրենիք վերադառնալ Երևանով։ Տեղեկությունը հայտնում է Sputnik Գրուզիան։

Այսպես՝ մայիսի 1-ին, 8-ին ու 15-ին Վրաստանի քաղաքացիները կարող են «Բելավիա» ավիաընկերության չվերթով եվրոպական երկրներից Մինսկով Երևան գալ, որտեղից ավտոբուսներով Վրաստան կտեղափոխվեն։

Ավելի վաղ տեղեկություն էր տարածվել, որ ապրիլի 28-ից Վրաստանի քաղաքացիների համար փակ է լինելու ցամաքային սահմանը։

Վրաստանի ԱԳՆ-ն հայտնում է, որ եթե Վրաստանի քաղաքացիները որոշել են Երևանով հայրենիք վերադառնալ, ապա պետք է նախօրոք կապ հաստատեն վրացական հյուպատոսարանի հետ, որպեսզի հայտնի լինի նրանց հստակ քանակը։ Հայրենիք վերադառնալուն պես բոլորը պարտադիր բժշկական զննում են անցնելու և մեկուսացվելու են երկու շաբաթով։

Նշենք, որ վրացի միգրանտները հայրենիք վերադառնալու համար հաճախ էին օգտվում Մինսկ-Երևան տարանցիկ երթուղուց։

Վրաստանը կորոնավիրուսի համավարակի պատճառով սահմանները փակել է արտասահմանցիների համար՝ բացառությամբ հատուկ դեպքերի, նաև դադարեցրել է ավիահաղորդակցությունը։ Մարտի 21-ից երկրում արտակարգ դրություն է հայտարարվել։

Դիվանագետները բախվում են անպատմելի իրավիճակների. Զախարովան` Հայաստանից չվերթի մասին

 

369
թեգերը:
կորոնավիրուս, Սահման, Վրաստանի Հանրապետություն, Հայաստան
Ըստ թեմայի
«Առաջիկա 10 օրում պետք է բացվեն տնտեսական գործունեության բոլոր ոլորտները»․ Փաշինյան
Ինչպե՞ս է իրականացվելու զորակոչը կորոնավիրուսի պայմաններում
Պուտինը հանձնարարել է 2 օրում ներկայացնել կորոնավիրուսի դեմ պատվաստանյութի մշակման ծրագիրը
Ատամնաբուժարանները կարող են վերսկսել աշխատանքը
Հիվանդանոց

«Սուրբ Աստվածամայր» ԲԿ–ում 5–ամյա երեխա է մահացել. պատճառը դժբախտ դեպքն է

6
(Թարմացված է 12:55 26.05.2020)
Գևորգ Դերձյանը հատուկ ընդգծել է, որ 5–ամյա երեխայի մահը ոչ մի կապ չունի կորոնավիրուսի հետ։

ԵՐԵՎԱՆ, 26 մայիսի — Sputnik. Երևանի «Սուրբ Աստվածամայր» բժշկական կենտրոնի վերակենդանացման բաժանմունքում նախօրեին՝ մայիսի 25-ին, 5-ամյա երեխա է մահացել։

Տեղեկությունը Facebook–ի իր էջում գրել է Սուրբ Աստվածամայր» բժշկական կենտրոնի մամուլի պատասխանատու Գևորգ Դերձյանը։

«Մահը ոչ մի կապ չունի կորոնավիրուսի հետ, խնդրում եմ չշահարկել։ Երեխայի հետ դժբախտ դեպք է տեղի ունեցել: Տան հեռուստացույցը (սովետական) ընկել է վրան»,–հատուկ ընդգծել է Դերձյանը:

Նա նաև տեղեկացրել է, որ երեխան Երևան է տեղափոխվել Մասիսի բժշկական կենտրոնից, մայիսի 20-ին` առանց գիտակցության, արյունահոսությամբ, ծայրահեղ ծանր վիճակում, ունեցել է գանգուղեղային ծանր տրավմա։

Հայաստանում կորոնավիրուսից ևս 4 մարդ է մահացել. նրանցից 3-ը կանայք են

6
թեգերը:
Դժբախտ պատահար, հիվանդանոց, Մահ, երեխա, Մասիս, Երևան
թեմա:
Վթար, պատահար, սպանություն, գողություն
Ըստ թեմայի
Աշխարհում կորոնավիրուսի 5.5 մլն դեպք է բացահայտվել, ավելի քան 347 հազարը մահացել են
Հայաստանում կորոնավիրուսով վարակվածների թիվն ավելացել է 289-ով և դարձել 7402
Ռուբեն Ռուբինյան

«Սա անպատասխանատվության գագաթնակետն է». Ռուբինյանը` Մարուքյանի դիմակ չկրելու պահանջի մասին

16
(Թարմացված է 12:34 26.05.2020)
Ռուբեն Ռուբինյանը վրդովված ելույթ ունեցավ ԱԺ ամբիոնից և Էդմոն Մարուքյանին մեղադրեց դիմակ չկրելու համար կռիվ անելու մեջ։

ԵՐԵՎԱՆ, 26 մայիսի — Sputnik. ԱԺ «Իմ քայլը» խմբակցության պատգամավոր Ռուբեն Ռուբինյանն ԱԺ ամբիոնից հայտարարեց, որ կորոնավիրուսից հետո «Լուսավոր Հայաստան» խմբակցության ղեկավար Էդմոն Մարուքյանին հիշելու են որպես դիմակ չկրելու իրավունքի համար պայքարող անձ։

Ռուբինյանի խոսքով՝ խորհրդարանական երրորդ ուժի ղեկավարն այս պայմաններում, որ օրական կորոնավիրուսով վարակման մոտ 400 դեպք է գրանցվում, օրեցօր ավելանում են կորոնավիրուսից մահացողների թիվը, երբ պարետատունը, կառավարությունը և բոլոր նրանք, ովքեր ունեն լսարան, այս օրերին փորձում են դիմակ կրելու մշակույթ քարոզել, որովհետև, ըստ Ռուբինյանի ապացուցված է, որ դիմակ կրելը նվազեցնում է կորոնավիրուսով վարակվելու հավանականությունը, Մարուքյանը դիմակ կրելու համար կռիվ է տալիս։

«Էս մարդը եկել է ԱԺ-ում կռվում է դիմակ չկրելու իրավունքի համար, սա ուղղակի խայտառակություն է, սա անպատասխանատվության գագաթնակետն է։ Ես նաև սպասում եմ, որ Մարությանը ասուլիս էլ կտա ու կասի, որ դիմակ չկրելն օգտագործում են, որպեսզի լռեցնեն ընդդիմությանը։ Էդմոն Մարուքյանը համաճարակից հետո, հիշվելու է որպես դիմակ չկրելու համար պայքարող անձ»,-վրդովված ասաց Ռուբինյանը։

Հիշեցնենք, որ այսօր, ԱԺ նախագահ Արարատ Միրզոյանը հայտարարեց, որ համավարակով պայմանավորված, ԱԺ նիստերի դահլիճից նախազգուցացվելուց հետո, 1 կամ 7 օրով դուրս կհրավիրվեն բոլոր այն պատգամավորները, որոնք դիմակ չեն կրում։

«ԱԺ նախագահը պետք է փորձի անաչառ մնալ»․ Մարուքյանը մեղադրեց Միրզոյանին

Մինչդեռ Մարուքյանը, Միրզոյանի այս հայտարարությունը համարեց ոչ Սահմանադրական`նշելով, որ ԱԺ նիստերին դիմակով չխոսելը չի կարող համարվել կանոնների խախտում։ Նա հիշեցրեց Սահմանադրության այն նորմը, որով արտակարգ դրությունը չի տարածվում ԱԺ-ի վրա, հետևաբար արտակարգ դրության շրջանակներում պարետի որոշումները չեն կարող կիրառվել խորհրդարանում, ուստի և չեն կարող հիմք հանդիսանալ պատգամավորին դահլիճից դուրս հրավիրելու համար։ Նա մեղադրեց Միրզոյանին ԱԺ-ում երկակի ստանդարտներ կիրառելու մեջ` հիշեցնելով, որ երբ իր հանդեպ բռնություն էին գործադրում, որևէ պատգամավորի նախազգուշացում չտրվեց և որևէ պատգամավոր դուրս չհրավիրվեց ԱԺ դահլիճից։

16
թեգերը:
Էդմոն Մարուքյան, Ռուբեն Ռուբինյան, ԱԺ, կորոնավիրուս, դիմակ, Հայաստան
Ըստ թեմայի
«Ես դիմակաֆոբ եմ»․ ինչպես են քաղաքացիներն ու մասնագետները վերաբերվում դիմակ կրելուն
Դիմակների գները չկարգավորելու դեպքում ՀՀ-ում սոցիալական լարվածություն կառաջանա. Զոհրաբյան
Ինչպես անել, որ մեկանգամյա օգտագործման դիմակներն ու ձեռնոցները վնաս չտան