Ճանապարհային ոստիկան. արխիվային լուսանկար

Ոստիկանությունը կսկսի մեքենաների գրանցման, վարորդական վկայականների փոխանակման գործընթացը

1050
(Թարմացված է 18:30 25.04.2020)
Ճանապարհային ոստիկանությունը հայտարարություն է տարածել`հայտնելով որոշ գործընթացների վերսկսման մասին։

ԵՐԵՎԱՆ, 25 ապրիլի – Sputnik. ՀՀ ոստիկանությունը տեղեկացնում է, որ Ճանապարհային ոստիկանության հաշվառման-քննական ստորաբաժանումներում 2020–ի ապրիլի 27-ից սկսած` նախնական գրանցմամբ կիրականացվեն որոշակի գործողություններ։

«Ապրիլի 27-ից կիրականացվի տրանսպորտային միջոցների առևտրային գործունեություն իրականացնող տնտեսավարող սուբյեկտների (ավտոսրահների) կողմից վաճառված տրանսպորտային միջոցների գրանցումը (հաշվառում), գրավի իրավունքի և լիզինգի պայմանագրով վարձակալության իրավունքի գրանցումը։ Կիրականացվի նաև տրանսպորտային միջոցների խոտանման գործողությունները»,–նշված է ոստիկանության հաղորդագրության մեջ։

Բացի այդ, ուժը կորցրած կամ ժամկետը լրացած վարորդական վկայականների և հաշվառման վկայագրերի փոխանակման, ժամանակավոր (թղթից) վարորդական վկայականների և հաշվառման վկայագրերի փոխարեն պլաստիկ քարտի տեսքի վարորդական վկայականների և հաշվառման վկայագրերի հատկացման գործընթացը կվերսկսվի։

Գործողությունները տեղերում իրականացնելու համար նախօրոք պայմանավորվածություն ձեռք բերելու նպատակով անհրաժեշտ է е-request.am համակարգի միջոցով կամ info@roadpolice.am էլեկտրոնային փոստով տրամադրել կոնտակտային տվյալ։

Հիշեցնենք, որ կորոնավիրուսի տարածումը կանխելու համար Հայաստանում մինչև մայիսի 14–ն արտակարգ դրություն էր սահմանված։

1050
թեգերը:
վարորդական իրավունք, վարորդ, Ճանապարհային ոստիկանություն(ՃՈ), Ճանապարհ
Ըստ թեմայի
Երևանի Գայի պողոտայում երթևեկության կազմակերպման փոփոխություն կլինի
Ճանապարհային ոստիկանությունը տուգանել է Աննա Հակոբյանին
Քանի՞ մարդ է խախտել տեղաշարժման սահմանափակումները. Ահարոնյանը թվեր է ներկայացնում
 Airbus A320

Սանկտ Պետերբուրգից Հայաստան են վերադառնում 225 քաղաքացի. նրանց մեջ զորակոչիկներ կան

4
(Թարմացված է 19:21 27.05.2020)
Չարտերային չվերթով Հայաստան են վերադառնում նաև 5 զորակոչիկ: Նրանց ու ևս 14 անվճարունակ քաղաքացիների ուղևորատոմսերի համար վճարել են բարերարները։

ԵՐԵՎԱՆ, 27 մայիսի - Sputnik. Ժամեր առաջ Ռուսաստանի հյուսիսային մայրաքաղաք Սանկտ Պետերբուրգից դեպի Երևան ուղևորվեց հերթական չարտերային թռիչքը։ Սանկտ-Պետերբուրգում ՀՀ գլխավոր հյուպատոսությունը հայտնում է, որ չվերթը մեկնարկել է ՌԴ ժամանակով ժամը 16.05-ին։

«Հայաստանի Հանրապետություն վերադարձավ 225 քաղաքացի, 5-ը` մինչև երկու տարեկան երեխա: 19 քաղաքացու ուղևորատոմսի արժեքը վճարվել է տեղի հայ բարերարների կողմից՝ գլխավոր հյուպատոսության միջնորդությամբ, որոնցից 5-ը զորակոչիկ են, մնացածը՝ անվճարունակ»,- նշված է հյուպատոսության հաղորդագրության մեջ։

Նշենք, որ Սանկտ-Պետերբուրգում ՀՀ գլխավոր հյուպատոսության ջանքերով կազմակերպված չվերթն իրականացնում է «Ուրալյան ավիաուղիներ» ընկերությունը։

Հիշեցնենք՝ վերջին ամիսների ընթացքում Ռուսաստանի տարբեր քաղաքներից դեպի ՀայաստանՀՀ քաղաքացիների , այսպես կոչված, տարհանման հատուկ չվերթեր են իրականացվել, մասնավորապես՝ Մոսկվայից, Սանկտ Պետերբուրգից, Կրասնոդարից, Սոչիից, Վորոնեժից, Դոնի Ռոստովից։

Պարետի նոր որոշմամբ՝ Հայաստան վերադարձող քաղաքացիներն այլևս չեն մեկուսացվի հյուրանոցներում. նրանց ինքնամեկուսացման պահանջ է ներկայացվում։

4
Սոցիալական աջակցության փաթեթներ

Երևանում և հարակից համայնքներում ապրող 900 անապահով ընտանիքներն աջակցություն կստանան

4
Մեկամսյա աջակցություն կտրամադրվի այն անապահով ընտանիքներին, որոնց անդամները կորոնավիրուսի հետևանքով կորցրել են աշխատանքը և դուրս են մնացել կառավարության ընդունած աջակցության ծրագրերից:

ԵՐԵՎԱՆ, 27 մայիսի - Sputnik. Երևանում և մայրաքաղաքի հարակից համայնքներում բնակվող 900 ընտանիքներ կստանան մեկամսյա սնունդ, հիգիենայի պարագաներ, անհրաժեշտ այլ իրեր։ ՀՀ աշխատանքի և սոցիալական հարցերի նախարարության տեղեկատվության և հասարակայնության հետ կապերի բաժինը հայտնում է, որ փոխըմբռնման հուշագիր է ստորագրվել նախարարության և «Հայ առաջադեմ երիտասարդություն» ՀԿ-ի միջև։

«Հուշագրի նպատակը Հայաստանում նոր կորոնավիրուսի տարածման հետևանքով առաջացած սոցիալտնտեսական խնդիրների չեզոքացումն է և թիրախային և հասցեական աջակցության տրամադրումը»,- նշված է նախարարության պաշտոնական հաղորդագրության մեջ:

Հուշագրի շրջանակում մարդասիրական աջակցություն կտրամադրվի կյանքի դժվարին իրավիճակում հայտնված անապահով ընտանիքներին, որոնց անդամները կորոնավիրուսային վարակի հետևանքով կորցրել են աշխատանքը և դուրս են մնացել կառավարության կողմից ընդունված աջակցության ծրագրերից:

Հուշագրի շրջանակում ոչ միայն սննդի, հիգիենայի պարագաների փաթեթներ կտրամադրվեն ընտանիքներին, այլև քաղաքացիները կիրազեկվեն առողջության պահպանման և կանխարգելիչ պաշտպանական քայլերի և միջոցառումների մասին։

Կորոնավիրուսի հետևանքների չեզոքացման սոցիալական ծրագրերում նոր ոլորտներ կներառվեն

Նախարարությունը տեղեկացնում է, որ մարդասիրական աջակցության իրականացման ընթացքում անհրաժեշտ բոլոր, այդ թվում` սննդի, հիգիենայի պարագաների և այլ անհրաժեշտ իրերի ձեռքբերման և տեղափոխման, տեղեկատվական թերթիկների տպագրության, բժշկական և պաշտպանիչ միջոցների ձեռքբերման և այլ ծախսերը կհոգա կազմակերպությունը։

Գործընթացի հասցեականությունն ապահովելու համար աջակցության կարիք ունեցող քաղաքացիների տվյալները կտրամադրի Աշխատանքի և սոցիալական հարցերի նախարարությունը։

Աջակցության տրամադրումը կմեկնարկի հունիսի 1-ից:

«Բարության վարակ», կամ ինչպես երիտասարդը որոշեց միավորել մարդկանց ու օգնել կարիքավորներին

4
թեգերը:
կորոնավիրուս, ՀՀ աշխատանքի և սոցիալական հարցերի նախարարություն, Սոցիալական օգնություն, Երևան, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Փետրվարի կոմունալներն էլ կփոխհատուցվեն. Փաշինյանը հայտնեց` ովքեր կստանան աջակցությունը
Նպաստառուները, մարզասրահների և տրանսպորտի ոլորտի աշխատողները նույնպես աջակցություն կստանան
Կառավարության ծրագրերով աջակցություն ստանալու համար բազմաթիվ հայտեր են ստացվում
ՀՀ 85 000 անապահով ընտանիք ֆինանսական աջակցություն կստանան. 13-րդ ծրագիրը հաստատվեց