Ավրորա. արխիվային լուսանկար

Ստորգետնյա դպրոցներ, օգնություն փախստականներին․ հայտնի են «Ավրորա 2020» թեկնածուները

128
(Թարմացված է 22:55 24.04.2020)
Առաջին անգամ «Ավրորա» մարդասիրական նախաձեռնությունն անցկացվեց առցանց ՝ աշխարհի շատ երկրներում կորոնավիրուսային համավարակի պատճառով։

ԵՐԵՎԱՆ, 24 ապրիլի - Sputnik. «Ավրորա» մարդասիրական նախաձեռնության Հայոց ցեղասպանության հիշատակի օրվան նվիրված  քննարկումն առաջին անգամ է, որ անցկացվեց առցանց՝ կորոնավիրուսի պատճառով: Այն կոչված է  հարգելու Ցեղասպանության նահատակվածների հիշատակը և մեծարելու մերօրյա հերոսներին:

Обсуждение номинантов премии Аврора
«Ավրորա». առցանց քննարկում

«Այսօր մենք հիշում ենք 105 տարի առաջ մահացած մեր նախնիներին և աշխարհին ցույց ենք տալիս, թե որքան կարևոր են մեզ համար այն մարդիկ, որոնք իրենց գործողություններով աջակցում են այս մոլորակի կյանքին», - ասաց «Ավրորա» մարդասիրական նախաձեռնության համահիմնադիրներ Ռուբեն Վարդանյանը:

Քննարկմանը մասնակցում էին նաև «Ավրորա» մարդասիրական նախաձեռնության համահիմնադիրներ Նուբար Աֆեյանը, Վարդան Գրեգորյանը, «Ավրորա» մրցանակի ընտրող հանձնաժողովի նախագահ Լորդ Արա Դարզին և «Խաղաղության տան» (Maison Shalom) հիմնադիր և «Ավրորա» մրցանակի առաջին` 2016 թ. դափնեկիր Մարգարիտ Բարանկիցեն:

Միջոցառման ընթացքում Արա Դարզին ներկայացրեց «Ավրորա 2020» մրցանակի թեկնածուների անունները: Չորս թեկնածու `երկու կին և երկու զույգ:

Ֆորթուն Ադանն ու Իլվեդ Էլմանը Սոմալիում պայքարում են կանանց իրավունքների պաշտպանության համար, Անջելիկա Նամաիկան Կոնգոյում փախստականներին օգնություն է տրամադրում, Սոֆի Բոն և Կլաուս Վոգելը, SOS կազմակերպություն հետ օգնություն են տրամադրում փախստականներին Միջերկրական ծովում, իսկ Սակինա Յակուբին Աֆղանստանում օգնում է աֆղաներին և պակիստանցիներին (հիմնականում կանանց) կրթություն ստանալ:

«Թալիբան» շարժման ժամանակ Յակուբին աղջիկների համար ստորգետնյա դպրոցներ բացեց, այսօր նա միջազգային մանկավարժության մեջ ճանաչված հեղինակություն է:

Ցեղասպանությունները կկրկնվեն, եթե պոտենցիալ ցեղասպանը անպատիժ մնա․Զոհրաբ Մնացականյան

Հաղթողը հայտնի կդառնա աշնանը: Մրցանակի չափը կազմում է 1 միլիոն դոլար:

Հիշեցնենք, որ «Ավրորա» մարդասիրական նախաձեռնությունը նպատակ ունի ութ տարի շարունակ (2015-2023 թթ.՝ ի հիշատակ ութ տարի տևած` 1915-1923 թթ. Հայոց ցեղասպանության) աջակցել մարդկանց, որոնք, վտանգելով իրենց կյանքը, կնպաստեն այնպիսի համաշխարհային նախագծերի իրագործմանը, որոնք կբարելավեն առավել կարիքավորների: Այն իրագործվում է տարբեր ծրագրերի միջոցով «Ավրորա» մրցանակ, Aurora Dialogues քննարկումների շարք, «Ավրորա» մարդասիրության ցուցիչ, Երախտագիտության նախագծեր և 100 LIVES ծրագիր:

«Ավրորան» Վարդան Գրեգորյանի, Նուբար Աֆեյանի եւ Ռուբեն Վարդանյանի մարդասիրական ձեռնարկումն է, որոնց արդեն միացել են հազարավոր աջակիցներ և գործընկերներ։

128
թեգերը:
Ռուբեն Վարդանյան, Հայոց ցեղասպանություն, Ցեղասպանություն, Ավրորա
թեմա:
Ապրիլի 24. Հայոց ցեղասպանության չմոռացվող էջը (85)
Ըստ թեմայի
Մի գաղթականի պատմություն. ինչպես եղեռնից փրկվածներն ամուսնացան Էջմիածնի պատերի տակ
Քիմ Քարդաշյանը բոլորին խնդրում է դիտել «Ցեղասպանության թոռները» տեսահոլովակը
Հայերի անեծք, թե խղճի խայթ. ինչու քուրդ ծերունին չէր կարողանում հանգիստ մեռնել
Հրանտ Բագրատյան

Հրանտ Բագրատյանը կհամագործակցի՞ Ռոբերտ Քոչարյանի հետ. «Հրապարակ»

8
(Թարմացված է 11:59 26.09.2020)
Տեր–Պետրոսյանի նախագահության ժամանակ վարչապետ եղած գործիչը համագործակցության խողովակներ է փնտրում։ Նա թերթին պատմել է, որ խոսել է նախկին նախագահներից երկուսի հետ, հանդիպել է Վանեցյանի և ՀՅԴ–ի հետ։

ԵՐԵՎԱՆ, 26 սեպտեմբերի – Sputnik. Հայաստանի նախկին վարչապետ Հրանտ Բագրատյանը «Հրապարակ» թերթին ասել է, որ կապվել է երկրորդ նախագահ Ռոբերտ Քոչարյանի հետ։ 

«Ես հույս ունեմ, որ ընդդիմադիրները առաջիկայում կմիավորվեն, ուժ կդառնան։ Ես ինքս գրեթե ցանկացած առողջ ուժի կմիանամ։ Ես Վանեցյանի հետ եմ մեկ անգամ հանդիպել, մի քանի անգամ՝ Դաշնակցության հետ՝ իրենց տնտեսական ծրագրերի մասով ժողովների ժամանակ։ Առաջին և երկրորդ նախագահների հետ կապվել եմ», – ասել է Բագրատյանը։

Նա հավելել է, որ չի հավակնում առաջնորդել ընդդիմադիր շարժումը, կողմ է կոլեկտիվ որոշումներ ընդունելուն։ Նախկին վարչապետը նշել է, որ ինքը իշխանափոխության հասնելու համար փողոց չի փակի, բայց ընդունելի համարում է նման մեթոդը։

Իր խոսքում նա դրական լույսի ներքո է ներկայացրել Ռոբերտ Քոչարյանին` հիշելով նրա նախագահության օրոք ավարտված նախագծերը։

Ինչու են «Իմ քայլից» հեռանում, երբ կլուծվի դեպի ՌԴ չվերթերի հարցը. պարզաբանում է նախարարը

«Այսպես կոչված՝ «մութ ու ցուրտ» տարիներին 3 թունել է կառուցվել։ Սևանի թունելն ո՞վ կառուցեց, որ գնում ենք Դիլիջան, ո՞վ կառուցեց Որոտան-Արփա թունելը, ո՞վ սարքեց Աշտարակի կամուրջը, Դավիթաշենը, ատոմակայանը վերագործարկեցինք։ Դրանք սկսել էին մեզանից առաջ։ Բարեբախտաբար, այդ բոլոր օբյեկտները 2-րդ նախագահի օրոք շահագործման հանձնվեցին։ Այսօր նման կառույց չկա», – ասել է գործիչը։

Հրանտ Բագրատյանը ՀՀ վարչապետ է եղել 1993–1996 թվականներին։ 2013 թվականին եղել է ՀՀ նախագահի թեկնածու։ Այժմ «Ազատություն» կուսակցության նախագահն է։

Ի՞նչն է մտահոգում Ալեն Սիմոնյանին ընդդիմության սպասվող հանրահավաքից

8
թեգերը:
Ռոբերտ Քոչարյան, Հրանտ Բագրատյան, Հայաստան
Ըստ թեմայի
«Արայի՛կ, արժե արձակուրդ վերցնել». Սմբատ Գոգյանը պաշտոնից ազատվելուց հետո գրառում է արել
Արդյո՞ք արտահերթ ընտրությունների հիմք կա, և ինչի կհանգեցնի 3 ընդդիմադիր ուժերի հանրահավաքը
Փաշինյանն ուժայիններին կհանձնարարի ջախջախել ու սնանկացնել Ծառուկյանին. Իշխանյան
Արսեն Թորոսյան

Զոհրաբյանը դատի է տվել Թորոսյանին

51
(Թարմացված է 11:22 26.09.2020)
Վարչական դատարանում կվիճարկվի առողջապահության նախարար Արսեն Թորոսյանի հրամաններից մեկը։ Գործը մակագրված է դատավոր Սամվել Հովակիմյանին։

ԵՐԵՎԱՆ, 26 սեպտեմբերի – Sputnik. Փաստաբանների պալատի նախագահ Արա Զոհրաբյանը դատական հայց է ներկայացրել ՀՀ առողջապահության նախարար Արսեն Թորոսյանի դեմ և վարչական դատարանում վիճարկում է դիմակ դնելու հրամանը։ Այս մասին տեղեկանում ենք Datalex դատական տեղեկատվական համակարգից։

«Պահանջ` անվավեր ճանաչելու դիմակ կրելու պարտականությունը միայնակ կամ ընտանիքի անդամների հետ զբոսայգիներում, քաղաքային պուրակներում, բուսաբանական և կենդանաբանական այգիներում, պատմամշակութային վայրեր այցելությունների, ուխտագնացության, անհատական և խմբային արշավների, էքսկուրսիաների, քայլարշավների, ուղևորությունների և նման բնույթի այլ միջոցառումներին մասնակցության ժամանակ դիմակ կրելու պարտականության մասով, քաղաքացու՝ միայնակ կամ ընտանիքի անդամների հետ փողոցում կամ հանրային այլ բացօթյա տարածքներում գտնվելիս», –ասված է պահանջում։

Արմեն Մուրադյանը դատի է տվել Արսեն Թորոսյանին

Հիշեցնենք` մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Սեպտեմբերի 11–ին ՀՀ կառավարությունը որոշեց, որ Հայաստանում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Կարանտինի ընթացքում որոշ սահմանափակումներ մեղմացվել են, բայց հասարակական վայրերում և հանրային բաց տարածքներում դիմակ դնելու պահանջը շարունակում է գործել: Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջինները պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

ՁԻԱՀ-ի կանխարգելման կենտրոնի նախկին տնօրենը դատի է տվել ՀՀ առողջապահության նախարարությանը

51
թեգերը:
Դատարան, դիմակ, Արա Զոհրաբյան, Արսեն Թորոսյան, Հայաստան
Ըստ թեմայի
Մանվել Գրիգորյանի պաշտպանները դատի են տվել ՀՀ առողջապահության նախարարությանը
Գագիկ Խաչատրյանը և նրա որդիները դատի են տվել Փաշինյանին, նրա խոսնակին և աշխատակազմին
Ռոբերտ Քոչարյանը դատի է տվել ՀՀ–ին` ի դեմս ֆինանսների նախարարության. հայտնի է պահանջը
Տիգրան Հակոբյան

Տեսակամուրջ. «ԱՊՀ վավերագրական կինոյի «Eurasia.DOC» հինգերորդ փառատոնը»

0
Սեպտեմբերի 28-ին` ժամը 15: 00-ին, Sputnik Արմենիա մուլտիմեդիոն մամուլի կենտրոնում Մինսկ-Սմոլենսկ- Երևան տեսակամուրջի ձևաչափով կկայանա ԱՊՀ երկրների «Եվրասիա.DOC» վավերագրական ֆիլմերի հինգերորդ փառատոնի բացման մասնակիցների առցանց ասուլիսը:

2020-ին փառատոնին ներկայացվել է 152 ֆիլմ 18 երկրից: Կարճ ծրագրում ընդգրկված է 28 ֆիլմ 9 երկրից:

Փառատոնը կանցկացվի Սմոլենսկում և Մինսկում սեպտեմբերի 28-ից հոկտեմբերի 2-ը: Ցուցադրվելու են եզրափակիչ փուլի 28 ֆիլմեր Ռուսաստանից, Բելառուսից, ԱՊՀ այլ երկրներից, ինչպես նաև Սերբիայից և Լատվիայից:

Փառատոնի, այս և այլ միջոցառումների մասին կպատմեն ասուլիսի մասնակիցները՝

Մինսկում.

փառատոնի գործադիր տնօրեն, Բելառուսի Հանրապետության լրագրողների միության նախագահ Անդրեյ Կրիվոշեևը,

Sputnik Բելառուս լրատվական գործակալության ղեկավար Անդրեյ Կաչուրան։

Սմոլենսկում.

Մոսկվայի պետական համալսարանի հեռուստատեսության բարձրագույն դպրոցի դեկան Վիտալի Տրետյակովը,

Ռուսաստան-Բելառուս միության հեռուստատեսության և ռադիոյի հեռարձակման կազմակերպություն պետական հիմնարկի նախագահ Նիկոլայ Էֆիմովիչը,

ռեժիսոր, սցենարիստ, Եվրասիա. DOC-2019 փառատոնի հաղթող Մարի Ռենոն,

Format A-3 մեդիա ակումբի նախագահ Գալինա Սապոժնիկովան,

Eurasia.DOC փառատոնի ծրագրերի տնօրեն, Ստուդիո երրորդ Հռոմ պրոդյուսերական կենտրոնի նախագահ Վալերի Շեխովցովը,

փառատոնի ժյուրիի անդամ, «Բելայա Ռուս» հանրապետական հասարակական միավորման նախագահ Գենադի Դավիդկոն։

Երևանում.

Հեռուստատեսության և ռադիոյի հանձնաժողովի նախագահ Տիգրան Հակոբյանը։

Հարգելի գործընկերներ, այժմ դուք արդեն կարող եք գալ Sputnik Արմենիա մուլտիմեդիոն մամուլի կենտրոն և ինքներդ հարցեր ուղղել բանախոսներին: Միակ պայմանը դիմակ դնելն է, իսկ մենք մեր հերթին երաշխավորում ենք սոցիալական հեռավորության պահպանումը և անհրաժեշտ քանակությամբ ախտահանիչ նյութերի առկայությունը:

Բացի այդ, ասուլիսը ավանդաբար հեռարձակվելու է Facebook և Youtube սոցիալական ցանցերի մեր էջերում:

Հեռ.` +374(98)180-626, +374(91)42-12-35։

Հասցե` Երևան, Ամիրյան 4/7, «Իմպերիում պլազա» բիզնես կենտրոն, 4-րդ հարկ։

Մամուլի կենտրոնի ծանուցումները ստանալու համար կարելի է բաժանորդագրվել՝ հայտ ուղարկելով v.aloyan@sputniknews.com էլ. հասցեով:

0
թեգերը:
փառատոն, կինո