ԵՐԵՎԱՆ, 22 ապրիլի-Sputnik. ՀՀ առողջապահության նախարար Արսեն Թորոսյանը եղել է Ծաղկաձորում, այցելել մեկուսացման հատուկ վայրեր: Facebook-ի իր պաշտոնական էջի ուղիղ եթերում նա պատմել է, թե ինչպես են իրենց զգում տարբեր հյուրանոցներում մեկուսացված մեր քաղաքացիները:

Նա տեղեկացրել է, որ այս պահին Ծաղկաձորում մեկուսացման 9 վայր կա, որոնցում մոտ 750 քաղաքացիներ են իրենց 14-օրյա կարանտինն անցկացնում: Այսօր նրանց կմիանան նաև ՌԴ-ից չորրորդ չարտերային թռիչքով Հայաստան ժամանող մեր 203 քաղաքացիները:

«Հավաստիացնում եմ՝ բոլոր վայրերում և՛ մեր բուժաշխատողները, և՛ կամավորները, և՛ մեկուսացման վայրերի կառավարիչները, ինչպես նաև որոշ հյուրանոցների կառավարիչները պատշաճ հսկողություն, բուժօգնություն, ամեն ինչ կազմակերպում են»,- նշեց նախարարը՝ անկեղծանալով, որ, իհարկե, խնդիրներ լինում են, բայց դրանց արագորեն լուծում են տալիս:

Թորոսյանը վստահ է՝ մեկուսացման այս քաղաքականությունը թույլ է տվել մեզ խուսափել վարակի ավելի լայն տարածումից: Այսօր Հայաստանում կորոնավիրուսով հիվանդներից 350-400-ը նախապես մեկուսացված են եղել: Դա նշանակում է՝ եթե նրանք մինչև թեստի դրական պատասխանի ստացվելը մեկուսացված չլինեին՝ կարող էինք չիմանալ նրանց վարակված լինելու մասին, և նրանք ուրիշներին էլ կվարակեին:

© Sputnik / Aram Nersesyan

Հայաստանը 80 000 թեստ ունի. նախարարը հայտնել է` ովքեր են թեստավորվում այս փուլում

Նախարարը նաև տեղեկացրեց, որ ներկայում մեկուսացման հատուկ վայրեր կան Երևանում, Գյումրիում, Վանաձորում, Տավուշի մարզում, երևանամերձ շրջաններում:

«Այդ գործողությունները շարունակվելու են այնքան, քանի դեռ կարողանալու ենք զսպել վարակի տարածումն այդ շատ կարևոր միջոցառումով»,- ասաց Թորոսյանն՝ ընդգծելով, որ այս ամենը ներկայացնում է, որպեսզի իրավիճակի պատկերն առավել հստակ լինի:

Վարակի տարածումը զսպելը հեշտ չէ, միայն մեկ կառույցի ջանքերով հնարավոր չէ դիմագրավել համաշխարհային մարտահրավերին: Արդյունքի հասնելու համար պետք է յուրաքանչյուր քաղաքացի իր անձնական ջանքերն ուղղի՝ սահմանափակելով շփումներն ու խստորեն պահպանելով անվտանգության կանոնները:

«Իրավունք չունենք զգոնությունը կորցնելու». Թորոսյանին մտահոգում են կորոնավիրուսի տեմպերը

Նա նաև օգտատերերին պատմեց սեփական օրինակը՝ ծնողներին գրեթե 1 ամիս չէր տեսել՝ հաշվի առնելով, որ այցելում է ռիսկի գոտիներ ու չի կարող ապահովագրված լինել վարակվելուց, թեպետ հետևում է բոլոր կանոններին:

«Այցելեցի, բայց նույնիսկ մատով չեմ կպել նրանց: Անգամ շատ ցանկանալով՝ մորս չեմ գրկել, հորս ձեռքով չեմ բարևել»,- խոստովանեց նախարարը՝ ևս մեկ անգամ հորդորելով անձնական պատասխանատվություն դրսևորել մոլորակի համար դժվարին այս օրերին:

Հիշեցնենք՝ այսօրվա դրությամբ Հայաստանում կորոնավիրուսով վարակվածների թիվը 1473 է: Վերջին մեկ օրում վարակման 72 նոր դեպք է արձանագրվել։

28 երեխա, 4 հղի. Թորոսյանը բացառիկ մանրամասներ է հայտնել կորոնավիրուսի թեմայով

ԵՐԵՎԱՆ, 3 մարտի -Sputnik. Մահացել է հայտնի թավջութակահար, ՀԽՍՀ ժողովրդական արտիստ Մեդեա Աբրահամյանը: Այս մասին հայտնել է Արամ Խաչատրյանի տուն-թանգարանի տնօրեն Արմինե Գրիգորյանը:

© Photo : Facebook / National Cinema Center of Armenia-Հայաստանի ազգային կինոկենտրոն

Մահացել է Գեորգի Կևորկովը

Նշենք, որ Մեդեա Աբրահամյանի նվագացանկում ընդգրկված է եղել թավջութակի ավելի քան 300 ստեղծագործություն, որոնցից շուրջ 120-ը գրված հենց նրա համար և նվիրվել են նրան։ Նրա լեգենդար անունն այսօր դարձել է դասական կատարողական արվեստի խորհրդանիշ:

Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:

Նրան ծափահարել են աշխարհի բազմաթիվ երկրներում՝ Ամերիկայի Միացյալ Նահանգներում,  Կանադայում,  Ֆրանսիայում, Գերմանիայում, Իսլանդիայում, Արգենտինայում, Ուրուգվայում, Սիրիայում, Լիբանանում, Կորեայում, Ռումինիայում, Հունգարիայում, Բուլղարիայում, Լեհաստանում, Բելգիայում, Լյուքսեմբուրգում, նախկին խորհրդային հանրապետություններում և այլ երկրներում։

Մեդեա Աբրահամյանն արժանացել է բազմաթիվ մրցանակների, դրանք են`

• Պրահայի Հ. Վիհանի անվան թավջութակահարների միջազգային մրցույթի դափնեկիր (երկրորդ մրցանակ), 1955
• Հայաստանի երիտասարդության առաջին փառատոնի դափնեկիր (առաջին մրցանակ), 1957
• Մոսկվայի երաժիշտ-կատարողների համամիութենական մրցույթի դափնեկիր (առաջին մրցանակ), 1961
• ՀԽՍՀ վաստակավոր արտիստ, 1963
• Բուլղարիայի Ռուսե քաղաքի պատվավոր քաղաքացի, 1968  
• ՀԽՍՀ պետական մրցանակ, 1973
• ՀԽՍՀ ժողովրդական արտիստ, 1980
• Երևանի Կոմիտասի անվան պետական կոնսերվատորիայի պրոֆեսոր, 1983
• ԽՍՀՄ Գերագույն խորհրդի նախագահության կողմից «Աշխատանքի վետերան» մեդալ, 1987
• Հայ արվեստի ասպետ, 2007
• «Հայրենիքին մատուցած ծառայությունների համար» 1-ին աստիճանի մեդալ, 2012
• ՀՀ վարչապետի ոսկե հուշամեդալ, 2016
• «Նաիրի» համահայկական երաժշտական փառատոնի գլխավոր մրցանակ «Դասական լարային նվագարաններ» անվանակարգում, 2017[6]
• Հայաստանի երաժշտական ընկերության «Կոմիտաս» հուշամեդալ, 2018

1956 թվականից մինչև 1990-ական թվականների վերջը Մեդեա Աբրահամյանը եղել է Հայֆիլհարմոնիայի մենակատար։

Մահացել է նախկին գյուղնախարար Սերգո Կարապետյանը