ԵՐԵՎԱՆ, 22 ապրիլի – Sputnik. ՀՀ Ազգային ժողովն առաջին ընթերցմամբ ընդունեց «Իմ քայլը» խմբակցության պատգամավոր Բաբկեն Թունյանի ու «Բարգավաճ Հայաստանի» պատգամավոր Միքայել Մելքումյանի հեղինակած երկու օրենսդրական առաջարկները՝ ՀՀ Հարկային օրենսգրքում փոփոխություններ կատարելու մասին: Երկու որոշումներն էլ ընդունվեցին միաձայն՝ 111 կողմ ձայներով:

Կորոնավիրուսի շրջանում ներդրումներ անող գործարարները հնարավոր է` արտոնություն ստանան

Նախագծերի երկրորդ ու վերջնական ընթերցմամբ քննարկումը տեղի կունենա 3 ժամ անց: ԱԺ նախագահ Արարատ Միրզոյանը հայտարարեց, որ այդ ընթացքում պատգամավորները կարող են իրենց առաջարկները ներկայացնել նախագծերի վերաբերյալ: Իսկ 3 ժամ անց խորհրդարանը կշարունակի արտահերթ նիստը:

«Մոտավորապես հիմա ժամը 2-ն է, 3 ժամ անց կլինի մոտավորապես ժամը 5 անց կեսը» ,- ասաց Միրզոյանը:

Հիշեցնենք՝ նախագծերի հրատապությունից ելնելով՝ դրանց հեղինակները ԱԺ ղեկավարությանն առաջարկել են ԱԺ արտահերթ նիստ գումարել:

«Բարգավաճ Հայաստան» խմբակցության պատգամավոր Միքայել Մելքումյանն իր ներկայացրած նախագծով առաջարկում է կորոնավիրուսի հետևանքով առաջացած ճգնաժամի ընթացքում իրենց հարկային պարտավորությունները չկատարած գործարարների նկատմամբ տույժ-տուգանքների չափերը կրկնակի նվազեցնել՝ 0.075%- ից իջեցնելով 0.04%-ի:

© Sputnik / Asatur Yesayants

Կորոնավիրուսի պատճառով հարկերը չվճարած գործարարների տույժ-տուգանքները կնվազեցվեն

Բացի այդ, առաջարկվում նաև տնտեսվարողի գույքի վրա արգելանք կիրառել ոչ թե 500 000, այլ 1 500 000 դրամի չկատարված հարկային պարտավորության դեպքում:

«Իմ քայլը» խմբակցության պատգամավոր Բաբկեն Թունյանն էլ իր օրենսդրական նախաձեռնությամբ առաջարկում է արտոնություն սահմանել կորոնավիրուսի շրջանում՝ 2020թ-ի ընթացքում Հայաստանում ներդրումներ անող գործարարների համար՝ նրանց հնարավորություն տալով ներդրումների ծախսերը հարկերից հանել ոչ թե տարիներ անց, ինչպես նախատեսված է գործող օրենսգրքով, այլ հենց այս տարվա ընթացքում: 

Նշենք, որ երկու նախագծերի վերջնական ընդունման համար սահմանվել է 24-ժամյա ռեժիմ: Բաբկեն Թունյանը, սակայն, հայտարարեց, որ որոշ փոփոխություններ անելու համար առաջարկում է հետաձգել իր հեղինակած օրինագծի քննարկումը շուրջ 10 օրով:

Հայաստանի տնտեսության 1,7% անկում. Եվրասիական զարգացման բանկի կանխատեսումը

ԵՐԵՎԱՆ, 3 մարտի -Sputnik. Մահացել է հայտնի թավջութակահար, ՀԽՍՀ ժողովրդական արտիստ Մեդեա Աբրահամյանը: Այս մասին հայտնել է Արամ Խաչատրյանի տուն-թանգարանի տնօրեն Արմինե Գրիգորյանը:

© Photo : Facebook / National Cinema Center of Armenia-Հայաստանի ազգային կինոկենտրոն

Մահացել է Գեորգի Կևորկովը

Նշենք, որ Մեդեա Աբրահամյանի նվագացանկում ընդգրկված է եղել թավջութակի ավելի քան 300 ստեղծագործություն, որոնցից շուրջ 120-ը գրված հենց նրա համար և նվիրվել են նրան։ Նրա լեգենդար անունն այսօր դարձել է դասական կատարողական արվեստի խորհրդանիշ:

Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:

Նրան ծափահարել են աշխարհի բազմաթիվ երկրներում՝ Ամերիկայի Միացյալ Նահանգներում,  Կանադայում,  Ֆրանսիայում, Գերմանիայում, Իսլանդիայում, Արգենտինայում, Ուրուգվայում, Սիրիայում, Լիբանանում, Կորեայում, Ռումինիայում, Հունգարիայում, Բուլղարիայում, Լեհաստանում, Բելգիայում, Լյուքսեմբուրգում, նախկին խորհրդային հանրապետություններում և այլ երկրներում։

Մեդեա Աբրահամյանն արժանացել է բազմաթիվ մրցանակների, դրանք են`

• Պրահայի Հ. Վիհանի անվան թավջութակահարների միջազգային մրցույթի դափնեկիր (երկրորդ մրցանակ), 1955
• Հայաստանի երիտասարդության առաջին փառատոնի դափնեկիր (առաջին մրցանակ), 1957
• Մոսկվայի երաժիշտ-կատարողների համամիութենական մրցույթի դափնեկիր (առաջին մրցանակ), 1961
• ՀԽՍՀ վաստակավոր արտիստ, 1963
• Բուլղարիայի Ռուսե քաղաքի պատվավոր քաղաքացի, 1968  
• ՀԽՍՀ պետական մրցանակ, 1973
• ՀԽՍՀ ժողովրդական արտիստ, 1980
• Երևանի Կոմիտասի անվան պետական կոնսերվատորիայի պրոֆեսոր, 1983
• ԽՍՀՄ Գերագույն խորհրդի նախագահության կողմից «Աշխատանքի վետերան» մեդալ, 1987
• Հայ արվեստի ասպետ, 2007
• «Հայրենիքին մատուցած ծառայությունների համար» 1-ին աստիճանի մեդալ, 2012
• ՀՀ վարչապետի ոսկե հուշամեդալ, 2016
• «Նաիրի» համահայկական երաժշտական փառատոնի գլխավոր մրցանակ «Դասական լարային նվագարաններ» անվանակարգում, 2017[6]
• Հայաստանի երաժշտական ընկերության «Կոմիտաս» հուշամեդալ, 2018

1956 թվականից մինչև 1990-ական թվականների վերջը Մեդեա Աբրահամյանը եղել է Հայֆիլհարմոնիայի մենակատար։

Մահացել է նախկին գյուղնախարար Սերգո Կարապետյանը