ԵՐԵՎԱՆ, 22 ապրիլի — Sputnik. ՀՀ ԱԺ «Բարգավաճ Հայաստան» խմբակցության պատգամավոր Միքայել Մելքումյանը Հարկային օրենսգրքում լրացումների ու փոփոխությունների նախագիծ է ներկայացրել, որի բուն նպատակը կորոնավիրուսի հետևանքով առաջացած ճգնաժամի ընթացքում իրենց հարկային պարտավորությունները չկատարած գործարարներին աջակցելն է:

Այսօր ԱԺ արտահերթ նիստում ներկայացնելով օրենքի նախագիծը, Մելքումյանը մասնավորապես նշեց, որ առաջարկվում է հարկային պարտավորություն կուտակած գործարարների նկատմամբ կիրառվող տույժ-տուգանքները կրկնակի նվազեցնել:

Եթե գործող օրենքով տուգանքի չափը հաշվարկվում է հարկային պարտավորության 0.075%- ի չափով, ապա Մելքումյանի առաջարկով տուգանքը կկազմի 0.04%:

«Նաև օրենսգրքի 430-րդ հոդվածի 1-ին մասով, եթե հարկային պարտավորությունը գերազանցում է 500 000 դրամը, հարկային մարմնի ղեկավարն իրավունք ունի հարկ վճարողի գույքի վրա արգելանք դնելու: Մենք առաջարկում ենք այս շեմը բարձրացնել մինչև 1 500 000 դրամ»,- ասաց Մելքումյանը:

ՀՀ ՊԵԿ նախագահ Դավիթ Անանյանը խորհրդարանականներին հայտնեց, որ ՊԵԿ-ը կողմ է առաջարկվող փոփոխություններին և առաջարկեց կարգավորումը տարածել ապրիլի 21-ից սկսած չվճարված հարկերի նկատմամբ, քանի որ նախորդ ամսվա հարկային պարտավորությունները ժամկետանց են դառնում յուրաքանչյուր հաջորդ ամսված 20-ից հետո:

© Sputnik / Aram Nersesyan

Կորոնավիրուսի շրջանում ներդրումներ անող գործարարները հնարավոր է` արտոնություն ստանան

Միաժամանակ ՊԵԿ նախագահն առաջարկեց նմանօրինակ փոփոխություն կատարել նաև ՀՀ կուտակային կենսաթոշակների մասին օրենքում՝ խոստանալով, որ այդ նախագիծը կներկայացնի արդեն ՊԵԿ-ը:

«Ես ուզում եմ, որ այս առաջարկը մենք ներկայացնենք տնտեսագիտական տեսանկյունից: Սա ոչ թե սոսկ տույժի տոկոսադրույքի նվազեցում է կամ արգելադրման շեմի ավելացում՝ երեք անգամ, այլ սա, ըստ էության, կառավարության կողմից հարկ վճարողներին հարկային գործիքի տրամադրում է: Մենք ասում ենք, որ արտակարգ դրության պայմաններում ժամկետանց պարտավորությունների վրա տույժ չենք կիրառելու և գույքի վրա արգելանք չենք դնելու»,- ասաց Անանյանը:

ՊԵԿ նախագահի հաշվարկով՝ այս հնարավորությունից կօգտվեն ՀՀ հարկ վճարողների շուրջ 50%-ը:

Հայաստանում կորոնավիրուսով վարակակիրների թիվն ավելանում է․ նոր տեղեկություններ

Հիշեցնենք՝ ԱԺ-ն այսօր երկու պատգամավորի առաջարկով արտահերթ նիստ է գումարել: Պատգամավորները փորձում են իրենց օրենսդրական նախաձեռնություններով մեղմել կորոնավիրուսի հետևանքով առաջացած ճգնաժամի տնտեսական հետևանքները: Օրակարգում երկու նախագիծ է, որի հեղինակները «Իմ քայլը» խմբակցության պատգամավոր Բաբկեն Թունյանն ու «Բարգավաճ Հայաստանի» պատգամավոր Միքայել Մելքումյանն են:

Երկուսն էլ լրացումներ են առաջարկում ՀՀ Հարկային օրենսգրքում:

Նշենք, որ Բաբկեն Թունյանն իր օրենսդրական նախաձեռնությամբ առաջարկում է արտոնություն սահմանել կորոնավիրուսի շրջանում՝ 2020թ-ի ընթացքում Հայաստանում ներդրումներ անող գործարարների համար:

Երկու նախագծերի վերջնական ընդունման համար սահմանվել է 24-ժամյա ռեժիմ: Նախագծերի հեղինակները հույս հայտնեցին, որ դրանք հնարավոր կլինի ընդունել այսօրվա ընթացքում:

Վանաձորում կա՛մ կորոնավիրուսի թվերը կաճեն, կա՛մ աղքատությունը. պատգամավոր

ԵՐԵՎԱՆ, 3 մարտի -Sputnik. Մահացել է հայտնի թավջութակահար, ՀԽՍՀ ժողովրդական արտիստ Մեդեա Աբրահամյանը: Այս մասին հայտնել է Արամ Խաչատրյանի տուն-թանգարանի տնօրեն Արմինե Գրիգորյանը:

© Photo : Facebook / National Cinema Center of Armenia-Հայաստանի ազգային կինոկենտրոն

Մահացել է Գեորգի Կևորկովը

Նշենք, որ Մեդեա Աբրահամյանի նվագացանկում ընդգրկված է եղել թավջութակի ավելի քան 300 ստեղծագործություն, որոնցից շուրջ 120-ը գրված հենց նրա համար և նվիրվել են նրան։ Նրա լեգենդար անունն այսօր դարձել է դասական կատարողական արվեստի խորհրդանիշ:

Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:

Նրան ծափահարել են աշխարհի բազմաթիվ երկրներում՝ Ամերիկայի Միացյալ Նահանգներում,  Կանադայում,  Ֆրանսիայում, Գերմանիայում, Իսլանդիայում, Արգենտինայում, Ուրուգվայում, Սիրիայում, Լիբանանում, Կորեայում, Ռումինիայում, Հունգարիայում, Բուլղարիայում, Լեհաստանում, Բելգիայում, Լյուքսեմբուրգում, նախկին խորհրդային հանրապետություններում և այլ երկրներում։

Մեդեա Աբրահամյանն արժանացել է բազմաթիվ մրցանակների, դրանք են`

• Պրահայի Հ. Վիհանի անվան թավջութակահարների միջազգային մրցույթի դափնեկիր (երկրորդ մրցանակ), 1955
• Հայաստանի երիտասարդության առաջին փառատոնի դափնեկիր (առաջին մրցանակ), 1957
• Մոսկվայի երաժիշտ-կատարողների համամիութենական մրցույթի դափնեկիր (առաջին մրցանակ), 1961
• ՀԽՍՀ վաստակավոր արտիստ, 1963
• Բուլղարիայի Ռուսե քաղաքի պատվավոր քաղաքացի, 1968  
• ՀԽՍՀ պետական մրցանակ, 1973
• ՀԽՍՀ ժողովրդական արտիստ, 1980
• Երևանի Կոմիտասի անվան պետական կոնսերվատորիայի պրոֆեսոր, 1983
• ԽՍՀՄ Գերագույն խորհրդի նախագահության կողմից «Աշխատանքի վետերան» մեդալ, 1987
• Հայ արվեստի ասպետ, 2007
• «Հայրենիքին մատուցած ծառայությունների համար» 1-ին աստիճանի մեդալ, 2012
• ՀՀ վարչապետի ոսկե հուշամեդալ, 2016
• «Նաիրի» համահայկական երաժշտական փառատոնի գլխավոր մրցանակ «Դասական լարային նվագարաններ» անվանակարգում, 2017[6]
• Հայաստանի երաժշտական ընկերության «Կոմիտաս» հուշամեդալ, 2018

1956 թվականից մինչև 1990-ական թվականների վերջը Մեդեա Աբրահամյանը եղել է Հայֆիլհարմոնիայի մենակատար։

Մահացել է նախկին գյուղնախարար Սերգո Կարապետյանը