ԵՐԵՎԱՆ, 16 ապրիլի – Sputnik. «Վեոլիա Ջուր» ընկերությունը որոշում է կայացրել հատուկ պայմաններ տրամադրել COVID-19–ի պացիենտների բուժմամբ զբաղվող 9 բժշկական կազմակերպություններին՝ ազատելով նրանց մարտ և ապրիլ ամիսների ջրի վարձավճարների պարտավորությունից։ Համապատասխան որոշումը հրապարակված է ընկերության պաշտոնական էջում։
Հատուկ կարգավիճակ ստացած կազմակերպությունների ցանկում են՝
- «Նորք» ինֆեկցիոն կլինիկական հիվանդանոցը
- Վնասվածքաբանության և օրթոպեդիայի գիտական կենտրոնը
- Ոստիկանության բժշկական վարչության հոսպիտալը
- «Սուրբ Աստվածամայր» ԲԿ–ի ծննդատան մասնաշենքը
- Արտաշատի բժշկական կենտրոնը
- Գյումրու ինֆեկցիոն-հակատուբերկուլյոզային հիվանդանոցը
- Վանաձորի ինֆեկցիոն հիվանդանոցը
- Կապանի բժշկական կենտրոնի առանձին մասնաշենքը
- «Սուրբ Գրիգոր Լուսավորիչ» բժշկական կենտրոնը։
Ընկերությունը շնորհակալություն է հայտնում առողջապահության համակարգում գործող կառույցներին և բժշկական անձնակազմերին՝ իրենց հերոսական աշխատանքի համար։
Հիշեցնենք, որ Հայաստանում կորոնավիրուսով վարակվածների թիվն այսօր դարձել է 1159։
Վերջին տվյալներով՝ բուժվել է 358 մարդ, փաստացի բուժվողների թիվը 783 է, արձանագրվել է 18 մահ։
ՀՀ 85 000 անապահով ընտանիք ֆինանսական աջակցություն կստանան. 13-րդ ծրագիրը հաստատվեց
