Տաթևիկ Ռևազյան

«Չկան փաստաթղթերը, որոնք հիմա մեզնից պահանջում են»․ Տաթևիկ Ռևազյան

395
(Թարմացված է 00:19 05.04.2020)
Տաթևիկ Ռևազյանը վստահ է, որ ստեղծված իրավիճակը կազդի ՔԱԿ-ի հեղինակության վրա, բայց լուրջ ազդեցություն չի ունենա, քանի որ Հայաստանում գրանցված ավիաընկերությունները բավականին քիչ քանակով չվերթեր են իրականացնում դեպի Եվրոպա։

ԵՐԵՎԱՆ, 4 ապրիլի – Sputnik. Քաղաքացիական ավիացիայի կոմիտեի ղեկավար Տաթևիկ Ռևազյանն այսօր Հանրային հեռուստաընկերության եթերում խոսեց Հայաստանում գրանցված 2 ավիաընկերություններին թռիչքներ իրականացնելու իրավունքից զրկելու և Քաղավիացիայի շուրջ ծավալված աղմուկի մասին։

ԶԼՄ–ներում տեղեկություն էր տարածվել, թե Միջազգային ավիացիոն գործակալությունը փետրվարին իրականացրած ստուգումներից հետո Հայաստանի Քաղավիացիայի կոմիտեին զրկել է լիցենզիայից։ 

«Հերքում եմ, մեզ որևէ լիցենզիայից չեն զրկել։ Խոսքը վերաբերում է Հայաստանում գրանցված ավիաընկերություններին։ Ճիշտ է, որ դրանցից երկուսին ժամանակավորապես զրկել են Եվրոպայի ուղղությամբ թռիչքներ իրականացնելու իրավունքից։ Մենք հիմա ուզում ենք եվրոպական կողմից պարզել, թե այդ որոշումն ինչու են այդքան արագ կայացրել, որովհետև Հայաստանում կատարված ստուգման արդյունքը պետք է հրապարակվի մայիսին։ Հիմա նամակ ենք պատրաստում մեր գործընկերներին, որպեսզի ստանանք պարզաբանումներ։ Քանի որ ընթացակարգն այնպիսին է, որ իրենք ստուգումներից հետո մեզ դիտողություններով նամակ պետք է ուղարկեին, այնուհետև հնարավորություն տային, որպեսզի մենք էլ մեր դիտողություններն անեինք։ Իսկ վերջնական որոշումը պետք է կայացվեր մայիսին։ Մենք մեր դիտողությունները կուղարկենք երկուշաբթի՝ ապրիլի 6-ին, ասեմ, որ բավականին շատ են այդ դիտողությունները»,-ասաց Ռևազյանը։

Ռևազյանի կարծիքով` Հայաստանի քաղավիացիան մի շարք փոփոխություններ պետք է կրի, որպեսզի համապատասխանի եվրոպական գործընկերների ակնկալիքներին։ Քաղավիացիայում լրջագույն փոփոխությունները պետք է լինեն երկարաժամկետ ծրագրերով, որովհետև առկա են խնդիրներ, որոնք տարիների պատմություն ունեն և չեն կարող լուծվել մի օրում։

Ինչ վերաբերվում է մամուլում տարածված այն տեղեկությանը, թե 2015 թվականին էլ են ստուգումներ եղել քաղավիացիայում, և ասել են, որ ամեն ինչ շատ լավ է, Ռևազյանը բացատրեց, որ Միջազգային քաղավիացիան, երբ գալիս է ստուգումների, շատ չի մանրանում, այլ գլոբալ հարցեր է տալիս, իսկ մասնագետը կարող է պատասխանել՝ այո` առանց համապատասխան փաստը ներկայացնելու։ Իսկ երբ եվրոպացիներն են գալիս ստուգումների, նրանց պահանջներն ավելի բարձր են։ Երբ մասնագետին հարցեր են տալիս, դրական պատասխանը ստանալուց հետո նաև ապացույց են ուզում։

«Հայաստանի քաղավիացիայում տարիներ շարունակ շատ բաներ արվել են, բայց բանավոր, այսինքն` չկան փաստաթղթեր, որոնք հիմա մեզնից պահանջում են, որպեսզի ներկայացնենք։ Ասում են, որ այդ գործառույթները չեն իրականացվել, իրականում փաստաթղթերը չեն պահվել»,-ասաց նա։

Ռևազյանի խոսքով` կատարվածն առաջին հերթին վատ է իրենց հեղինակության համար, բայց չվերթերի քանակի վրա լուրջ ազդեցություն չի ունենա, քանի որ Հայաստանում գրանցված ավիաընկերությունները բավականին քիչ քանակով չվերթեր ունեն դեպի Եվրոպա։

Ռևազյանն ավելի քան վստահ է, որ հիմնարար փոփոխությունների հենքն արդեն կա, ամեն ինչ հնարավոր է շտկել ժամանակի ընթացքում։

395
թեգերը:
Քաղավիացիայի կոմիտե, Տաթևիկ Ռևազյան, Հայաստան
Ըստ թեմայի
Տաթևիկ Ռևազյանը 6–ամյա Տիգրանին ժպիտ պարգևելու համար մեկ օրով փոխեց մասնագիտությունը
«Ինձ ամենաստոր բաներն էին գրում Տաթևիկ Ռևազյանի մասին». Փաշինյան
«Կորոնավիրուսից փախչելն անհեթեթություն է». Տաթևիկ Ռևազյանն ասել է` ինչու է մեկնել Դանիա
Արման Թաթոյան

Ադրբեջանի իշխանությունների պնդումը չի համապատասխանում իրականությանը. ՄԻՊ

159
Բժիշկ մասնագետների եզրակացությամբ՝ մեր հայրենակցի առկա առողջական վիճակը թույլ չի տվել իրականացել նրա տեղափոխումը։

ԵՐԵՎԱՆ, 30 հոկտեմբերի - Sputnik. Ադրբեջանի իշխանության մարմինները հայտարարել են, թե հայկական կողմը հրաժարվել է այսօր ընդունել քաղաքացիական անձ, 84-ամյա Միշա Մելքումյանին, նշված է Հայաստանի Մարդու իրավունքներին պաշտպան Արման Թաթոյանի Facebook-ի էջում։

Հայաստանի մարդու իրավունքների պաշտպանի քննության արդյունքներով հաստատվել է, որ այս պնդումը չի համապատասխանում իրականությանը:

Ադրբեջանական իշխանությունների նշված հայտարարությունը հրապարակվելուց անմիջապես հետո Հայաստանի իրավասու մարմիններին ներկայացրվել են հրատապ հարցումներ։ Պարզվել է, որ իրականում բժիշկ մասնագետների եզրակացությամբ՝ մեր հայրենակցի առկա առողջական վիճակը թույլ չի տվել իրականացել նրա տեղափոխումը։

Արման Թաթոյանի խոսքով՝ Միշա Մելքումյանի տեղափոխումը կազմակերպելու անթույլատրելիության վերաբերյալ բժշկական եզրակացության մասին տեղյակ են եղել նաև Ադրբեջանի իշխանությունները։ Հայաստանի իրավասու մարմինները Մարդու իրավունքների պաշտպանի հարցումներին ի պատասխան ներկայացրել են միանշանակ պատրաստակամություն առ այն, որ Միշա Մելքումյանի առողջական վիճակը թույլ տալու առաջին իսկ հնարավորության դեպքում կկազմակերպվի նրա վերադարձը:

Նշենք, որ այսօր հայկական կողմին է փոխանցվել 85-ամյա Եվգենիա Բաբայանը:

Հիշեցնենք, որ հոկտեմբերի 29-ին ադրբեջանական կողմը Երևանին է հանձնել նաև զոհված հայ զինվորների և սպաների մոտ 30 դի։ Դիերը փոխանցել են Տավուշի մարզի Այգեպար գյուղի մոտ։ 

Ռազմական գործողությունների ընթացքում զոհված հայ զինծառայողների մարմինները փոխանցվել են ԿԽՄԿ-ի և ԵԱՀԿ գործող նախագահի անձնական ներկայացուցչի դաշտային թիմի մասնակցությամբ։ Փոխանցումն իրականացվել է ՌԴ պաշտպանության նախարարության միջնորդական ջանքերի շնորհիվ։

Ադրբեջանական դաժանությունները` օրինակներով. ՀՀ ՄԻՊ-ը հանդիպել է Ֆրանսիայի պատվիրակներին

159
թեգերը:
Ադրբեջան, գերի, ՀՀ ՄԻՊ, Արցախյան պատերազմ
թեմա:
Ադրբեջանական ագրեսիան Արցախում - 2020
Ըստ թեմայի
Ստեփանակերտում ամենաագրեսիվ հարձակման օրն է պատերազմի սկզբից ի վեր․ կան զոհեր․ ԱՀ ՄԻՊ
Հայ զինվորների դիերի, գերիների հետ վարվում են ԻԼԻՊ-ի մեթոդներով. ՀՀ ՄԻՊ
Ադրբեջանը թիրախավորում է փրկարարներին. նրանցից մեկը զոհվել է. Արցախի ՄԻՊ
Ռոբերտ Օ'Բրայան

ԱՄՆ-ը երրորդ երկրներին կոչ է անում ձեռնպահ մնալ ղարաբաղյան հակամարտությանը միջամտելուց

205
(Թարմացված է 00:12 30.10.2020)
Ռոբերտ Օ'Բրայանը տեղեկացրել է, որ հեռախոսազրույց է ունեցել ՀՀ վարչապետ Նիկոլ Փաշինյանի հետ և կոչ արել բոլոր կողմերին պահպանել հրադադարի ռեժիմը:

ԵՐԵՎԱՆ, 30 հոկտեմբերի – Sputnik. Վաշինգտոնը երրորդ երկրներին կոչ է անում ձեռնպահ մնալ ղարաբաղյան հակամարտությանը միջամտելուց և միանալ ԱՄՆ-ին ԵԱՀԿ Մինսկի խմբի համանախագահների աջակցությամբ բանակցություններին վերադառնալու ջանքերին: Այս մասին ասված է ԱՄՆ նախագահի ազգային անվտանգության հարցերով օգնական Ռոբերտ Օ'Բրայանի հայտարարության մեջ, որը տարածել է Սպիտակ տանը կից Ազգային անվտանգության խորհրդի մամուլի ծառայությունը։

Ռոբերտ Օ'Բրայանը տեղեկացրել է, որ հեռախոսազրույց է ունեցել ՀՀ վարչապետ Նիկոլ Փաշինյանի հետ և կոչ արել բոլոր կողմերին պահպանել հրադադարի ռեժիմը:

«Հակամարտությունը ռազմական լուծում չունի։ Ադրբեջանն ու Հայաստանը պետք է կատարեն հրադադարի վերաբերյալ իրենց պարտավորությունները։ Երկու երկրների ժողովուրդները ծանր կորուստներ են կրել։ Ավելին, Հայաստանի ժողովուրդը, որը բախվել է հարձակողական գործողությունների, այժմ իր վրա է կրում կորուստների հիմնական ծանրությունը»,–ասել է Օ'Բրայանը։

Նա կոչ է արել երրորդ երկրներին զերծ մնալ միջամտությունից և միանալ ԱՄՆ-ին` կողմերին ԵԱՀԿ Մինսկի խմբի համանախագահների հովանու ներքո բանակցություններին վերադարձնելու համար։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ: 

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

205
թեգերը:
Նիկոլ Փաշինյան, ԱՄՆ, Արցախյան պատերազմ
Ըստ թեմայի
Մնացականյանն ԱՄՆ–ում հայ համայնքի ներկայացուցիչների հետ խոսել է ԼՂ իրավիճակի մասին
«ԱՄՆ-ի նախագահը պետք է անձամբ միջամտի, որպեսզի կանգնեցնի պատերազմը Ղարաբաղում»․ Ջո Բայդեն
Սա Ադրբեջանի լկտի պատասխանն էր Ռուսաստանին, Ֆրանսիային ու ԱՄՆ–ին. Արցախի ԱԳՆ