ԵՐԵՎԱՆ, 31 մարտի – Sputnik. Կորոնավիրուսով վարակված 532–ի դեպքերից 30-ի վիճակը ծանր է. Facebook սոցիալական ցանցի իր էջում ուղիղ եթերի ժամանակ ասաց ՀՀ վարչապետ Նիկոլ Փաշինյանը։
«Վարակվածներից 424–ը նույնիսկ ջերմություն չունեն այս պահին, այսինքն` ախտանշաններ չկան կորոնավիրուսի։ Սակայն վարակվածներից շուրջ 90 անձ էլ թոքաբորբ ունի»,–նշեց նա։
Այս պահին, ըստ վարչապետի, 532–ից 499–ն են բուժվում, մնացածներն արդեն բուժվել են։
Նրա խոսքով` այսօր իրավիճակը ռիսկային է, ինչի համար էլ ստիպված ենք ՀՀ բազմաթիվ քաղաքացիների մի շարք կենսական իրավունքներ սահմանափակել ու սահմանափակումները շարունակել։ Այսինքն` պետք է քայլեր արվեն, որպեսզի ինտենսիվ բուժօգնության կարիք ունեցող իհիվանդների թիվն այնքան չշատանա, որ մենք այլ երկրների նման ստիպված չլինենք փողոցներում ծառերի տակ մահճակալներ տեղադրել։
ՀՀ առողջապահության նախարար Արսեն Թորոսյանն էլ Facebook սոցիալական ցանցի իր էջում գրել է, որ ունենք ևս մեկ առողջացած պացիենտ. այսպիսով` առողջացածների թիվը դարձավ 31:
Բացի այդ, մեկուսացումից դուրս են եկել 150 հոգի, որից 65-ը Իտալիայից հատուկ չվերթով ժամանած ՀՀ քաղաքացիներն են:
Աշխարհում կորոնավիրուսով վարակվածների թիվը գերազանցել է 786 հազարը
Հիշեցնենք, որ քիչ առաջ Փաշինյանն ասաց, որ ևս 10 օրով կերկարացվեն խստացված սահմանափակումները։ Հայաստանում կորոնավիրուսով վարակված մարդկանց թիվը մեկ օրվա ընթացքում ավելացավ 50-ով` դառնալով 532։
