Սերգեյ Կոպիրկին

«Եթե Հայաստանը դիմի, կօգնենք». դեսպանը` կորոնավիրուսի դեմ պայքարում ՌԴ աջակցության մասին

365
(Թարմացված է 09:02 31.03.2020)
Ռուսաստանը Հայաստանին տվել է կորոնավիրուսային վարակի հայտնաբերման 1500 թեստ։ ՌԴ դեսպանը խոսել է համավարակի դեմ համատեղ պայքարի մասին։

Կորոնավիրուսային վարակը ծայրահեղ ծանր փորձություն դարձավ պետությունների և դրանց տարբեր ինստիտուտների համար։ Անգամ աշխարհի ուժեղագույն խաղացողներն են համավարակի առաջ անպաշտպան մնում։ Այս պայմաններում դաշնակից երկրների սերտ համագործակցությունն ու համախմբումն այլընտրանք չունեն։

Որքանո՞վ են Հայաստանն ու Ռուսաստանը պատրաստ կորոնավիրուսի դեմ պայքարին, փոխազդեցության ի՞նչ ուղղություններ կան. այս ամենի մասին Sputnik Արմենիա գործակալությունը զրուցել է ՀՀ-ում Ռուսաստանի Դաշնության դեսպան Սերգեյ Կոպրիրկինի հետ։

-Սերգեյ Պավլովիչ, մի փոքր պատմեք այն քայլերի մասին, որոնք ձեռնարկում է Ռուսաստանը կորոնավիրուսի տարածումը կաննխելու համար։

-Նոր տիպի կորոնավիրուսի սրընթաց տարածումն ու դրանից բխող սպառնալիքները կարճ ժամանակում համաշխարհային մարտահրավեր դարձան` հարվածի տակ դնելով մեր մոլորակի գրեթե բոլոր պետություններին ու այնտեղ ապրող ժողովուրդներին։

Ռուսաստանն առաջին իսկ օրերից մեծ ուշադրությամբ է հետևել վարակի տարածման զարգացումներին, և հիվանդության մասշտաբների ընդլայնման առաջին իսկ նշանների ի հայտ գալուն պես գործուն քայլեր է ձեռնարկել այդ ուղղությամբ՝ առաջնորդվելով առաջին հերթին մեր քաղաքացիների անվտանգության ապահովմամբ։ Բոլոր սահմանափակող միջոցառումները, այդ թվում այլ երկրների քաղաքացիների շահերին դիպչողները, բացառապես ժամանակավոր և հարկադրված բնույթ են կրում։

Գլխավոր խնդիրն ամբողջ աշխարհում տասնյակ հազարավոր մարդկանց կյանքին սպառնացող վտանգն է, առաջին հերթին՝ ծերերի և խրոնիկ հիվանդություններով տառապողների, որոնք ռիսկի գոտում են։

Ռուսաստանի և երկրի ՆԳՆ-ի համար առաջնահերթ խնդիր է աշխարհի բոլոր երկրներից մեր քաղաքացիների անհապաղ և անվտանգ տունդարձի կազմակերպումը։ Այդ նպատակով ներքին գործերի նախարարությունում  ստեղծվել է Համակարգող շտաբ, որը ղեկավարում է ներքին գործերի նախարարի տեղակալ Օ․Վ․ Սիրոմոլոտովը։ Դրա կազմում են նախարարության տարածքային և մի շարք ֆունկցիոնալ ստորաբաժանումների ներկայացուցիչներ, առաջին հերթին՝ իրավիճակային-ճգնաժամային կենտրոն դեպարտամենտը(ДСКЦ), որն իր վրա է վերցրել գերատեսչության աշխատանքի համակարգման, մեր դեսպանությունների և քաղաքացիների հետ շփման հիմնական բեռը։

Դեպարտամենտում գործում է շուրջօրյա բազմալիք «թեժ գիծ», որի օպերատորներն ընդունում և մշակում են այն քաղաքացիների դիմումները, որոնք արտասահմանում ծանր կացության մեջ են հայտնվել: Մեր դեսպանատներն և հյուպատոսարանները Կենտրոնական ապարատի հետ համակարգված հսկայական աշխատանք են կատարում ռուսաստանցիներին հայրենիք վերադարձնելու ուղղությամբ՝  այդ պահին նրանց գտնվելու երկրի իշխանությունների հետ սերտ համագործակցության միջոցով։

-Ինչպես հայտնի է, ՌԴ-ում բազմահազարանոց հայկական սփյուռք կա, որի ներկայացուցիչները, այսպես ասած, երկու հայրենիք ունեն։ Քանի՞ ՌԴ քաղաքացի է, Հայաստանում գտնվելով, խնդրի բախվել կորոնավիրուսի դեմ պայքարով պայմանավորված սահմանափակումների պատճառով։

-Իսկապես մեր երկրների և մարդկանց միջև շատ սերտ կապ կա։ Այսօր Ռուսաստանում բավական շատ հայկական ծագմամբ ՌԴ քաղաքացիներ են ապրում և աշխատում։ Բնական է, որ նրանք այցելում են իրենց պատմական հայրենիքը և այստեղ ապրող ազգականներին։ Միաժամանակ Հայաստանը մեծ հետաքրքրություն է ներկայացնում այն ռուսաստանցիների համար, ովքեր դեռ ծանոթ չեն այս երկրի հետ։ Ավելին, մեր բազմաթիվ համաքաղաքացիներ Հայաստան են ժամանում ոչ միայն զբոսաշրջային նպատակով, այլև իրենց մասնավոր կամ աշխատանքային գործերով։

Ռուսաստանը դադարեցնում է կանոնավոր ու չարտերային չվերթերն այլ երկրների հետ

Հայաստանի Հանրապետության կառավարության կողմից արտակարգ դրության ռեժիմի սահմանումը և սահմանների փակումը, ինչպես դուք նշեցիք, անակնկալի բերեց զգալի թվով Հայաստանում գտնվող ՌԴ քաղաքացիների: Մենք, ցավոք, ճշգրիտ թվեր չունենք։ Օրինակ` միայն անձնական ավտոտրանսպորտով այս խնդրին բախվել է ավելի քան 300 ռուսաստանցի։

Բանն այն է, որ Թբիլիսիում արտակարգ դրություն հաստատելու պատճառով փակվել է Հայաստանի և Վրաստանի միջև սահմանը, որն այսօր Ռուսաստանը Հայաստանին կապող միակ ցամաքային ուղին է։

-Մարդիկ ինչպե՞ս արձագանքեցին իրադարձությունների այդպիսի զարգացմանը։ Հաջողվո՞ւմ է շտկել իրավիճակը։

-Խոստովանում եմ` մեր քաղաքացիներին հայրենիք վերադարձնելու հարցը հեշտ չէ և բացի օպերատիվությունից նաև համալիր լուծումներ և ոչ սովորական մոտեցումներ է պահանջում։ Զանազան սահմանափակումների հետ կապված բարդությունների ֆոնին դեսպանությունը բախվում է նաև մարդկային զգացմունքների հետ, որոնք որոշ դեպքերում խուճապային են։ Այնուամենայնիվ, դրան ըմբռնումով ենք վերաբերվում, փորձում ենք մարդկանց հանգստացնել և ոգևորել։

Ամենախնդրահարույցն անձնական ավտոմեքենաներով  Հայաստան եկած քաղաքացիների Ռուսաստան վերադարձն է։ Չնայած Ռուս-հայկական մարդասիրական արձագանքման կենտրոնի հետ պայմանավորվածություն ձեռք բերվեց, որ կենտրոնի տարածքում հնարավոր է մեքենաներն անվճար երկարաժամկետ պահպանման թողնել, մարդկանց մեծ մասը հայտարարեցին, որ այդպիսի տարբերակն անընդունելի է` հղում անելով մի շարք փաստացի հարգելի պատճառների, օրինակ՝  որ մեքենան հարկավոր է աշխատանքի, հիվանդ ազգականների տեղափոխման համար և այլն։ 

Ռուսաստանի ՆԳՆ-ն ձեռնարկել է բոլոր հնարավոր քայլերը մեր քաղաքացիների՝ Վրաստանով անցումն ապահովելու համար։ Այդ թվում մեր դեսպանության և վրացի գործընկերների կառուցողական մոտեցման շնորհիվ մեր քաղաքացիների երկու խումբ բարեհաջող տուն են վերադարձել Վրաստանի տարածքով․ առաջինը՝ մարտի 24-ին, երկրորդը՝ մարտի 27-ին։

Ցավոք, Վրաստանում գործող արտակարգ դրության ռեժիմի և ավտոճանապարհներին բեռնատար տրանսպորտի ծայրահեղ կուտակման պատճառով չհաջողվեց մինչև մարտի 30-ը կազմակերպել մնացած խմբերի մեկնումը(ՌԴ կառավարության  2020թ․-ի մարտի 27-ի N763-р որոշման համաձայն 2020թ․-ի մարտի 30-ից, Մոսկվայի ժամանակով ժամը 00։00-իս սկսած ՌԴ ցամաքային սահմանների հատումը սահմանափակվում է)։

Առիթից օգտվելով, ցանկանում եմ մեր քաղաքացիներին հիշեցնել, որ այս պահին տուն վերադառնալու միակ ճանապարհն օդային է։

-Մեզ հայտնի է, որ Ռուսաստանն օգնում է Հայաստանին կորոնավիրուսային վարակի դեմ պայքարում։ Օրինակ՝ ռուսական կողմը մեզ 1500 հատուկ թեստ է փոխանցել։ Այս հարցում հետագա օգնության տրամադրում  նախատեսվո՞ւմ է։

-Իհարկե, այս հարցում ռուսական կողմը կողմնորոշվում է Հայաստանի իշխանության դիմումներով։ Վստահ եմ, որ, հաշվի առնելով մեր դաշնակցային, եղբայրական հարաբերությունները, ցանկացած նման դիմում կդիտարկվի առավելագույնս ուշադիր և կառուցողական կերպով։

Ռուսաստանը կօգնի Իտալիային պայքարել կորոնավիրուսի դեմ

Կցանկանայի նշել, որ Հայաստանում աշխատող ռուսական կապիտալով ընկերությունները ևս անմասն չեն մնում։ Օրինակ` «Հարավկովկասյան երկաթուղի» ՓԲԸ-ն, «ՎՏԲ Արմենիա» բանկը և «Հայաստանի էլեկտրական ցանցեր» ՓԲԸ-ն միացել են ՀՀ ֆինանսների նախարարության մեկնարկած կորոնավիրուսի տարածման կանխարգելման և հաղթահարման նպատակով դրամահավաք-արշավին:

Այսօրվա ճգնաժամային իրավիճակը միջազգային հանրության հասունության և համերաշխության թեստ է ։ Մաղթում եմ բոլորիս, որ այս թեստը հաջողությամբ հանձնենք:

365
թեգերը:
կորոնավիրուս, Սերգեյ Կոպիրկին, Դեսպան, Հայաստան, Ռուսաստան
Ռոբերտ Քոչարյանը դատարանում

Դատարանը հրաժարվեց վերացնել Քոչարյանի ու Գևորգյանի հաշիվների վրա դրված կալանքը

2
(Թարմացված է 15:08 04.08.2020)
ՀՀ երկրորդ նախագահի ու նախկին փոխվարչապետի փաստաբանները դեմ են դատարանի որոշմանը։ Նրանք կարծում են, որ այդ որոշումը հակասում է քրեական դատավարության օրենսգրքին։

ԵՐԵՎԱՆ, 4 օգոստոսի — Sputnik. ՀՀ երկրորդ նախագահ Ռոբերտ Քոչարյանի և մյուսների գործով դատական նիստում դատարանը մերժեց քննության այս փուլում հանել Քոչարյանի ունեցվածքի, ինչպես նաև նախկին փոխվարչապետ Արմեն Գևորգյանի հաշիվների վրա դրված կալանքը։ Որոշումը կայացվեց այն բանից հետո, երբ փաստաբանները մերժեցին դատավորին տրամադրել կալանքի տակ գտնվող գույքի արժեքը։

Հուլիսի 28-ին կայացած նախորդ նիստում փաստաբանները դատարանին միջնորդել էին վերացնել նրանց գույքի և դրամական միջոցների վրա դրված կալանքը։։ Երկրորդ նախագահի պաշտպանները կարծում են, որ կալանքի ոչ մի պատճառ չկա։

Ալումյանը, ներկայացնելով պաշտպանական կողմի դիրքորոշումը, նշեց, որ

դեռ 2019 թվականին իրենք կալանքը չեղարկելու համար Վերաքննիչ դատարան էին դիմել, դատարանը բավարարել էր բողոքը։ Սակայն ընդհանուր իրավասության դատավոր Աննա Դանիբեկյանն անցյալ տարվա հունիսին փաստացի հրաժարվել էր կատարել վերադաս դատական ատյանի որոշումը։ Ալումյանի խոսքով` դատարանը չի ուզում վերացնել ակնհայտ ապօրինությունը, հենց այդ պատճառով էլ իրենք որոշել են մերժել դատարանի խնդրանքը։

Ալումյանի որոշմանը միացավ նաև նախկին փոխվարչապետ Արմեն Գևորգյանի փաստաբան Էրիկ Ալեքսանյանը։

Դանիբեկյանն իր հերթին հայտարարեց, որ դատարանը չի կարող կալանքը հանելու հարցը լուծել առանց ունեցվածքի չափի նախնական գնահատման։ Այդ պատճառով էլ դատարանը որոշել է հետաձգել կալանքը հանելու հարցը։ Ի պատասխան դրան պաշտպանները հայտնեցին, որ այդ որոշումը հակասում է քրեական դատավարության օրենսգրքին։

 

2
թեմա:
Ռոբերտ Քոչարյան
Սամվել Ալեքսանյան. արխիվային լուսանկար

Հանուն 1 միլիոնի. ինչու է քաղաքապետը «վատամարդ» դառնում Սամվել Ալեքսանյանի և մյուսների մոտ

9
(Թարմացված է 15:04 04.08.2020)
Երևանի քաղաքապետ Հայկ Մարությանը ասուլիսի ժամանակ հայտարարեց, որ աօպրինի կառուցապատողների դեմ պայքարում իրեն չի հետաքրքրում, թե ով է կանգնած դրանց հետևում`ՀՀԿ–ական է, ՔՊ–ական է, թե որևէ այլ քաղաքական ուժի ներկայցուցիչ։

ԵՐԵՎԱՆ, 4 օգոստոսի — Sputnik. Երևանի քաղաքապետարանը մտադիր է դիմել կառավարությանը` 2006 թվականի մայիսի 18–ին ընդունված 912-Ն որոշումը չեղարկելու պահանջով։ Այսօր լրագրողների հետ հանդիպմանը նման հայտարարություն արեց Երևանի քաղաքապետ Հայկ Մարությանը։

14 տարի առաջ ընդունված որոշումը, որով հաստատվում է ինքնակամ կառույցների օրինականացման և տնօրինման կարգը, Մարությանը «աբուրդ» է համարում։

«Ասում է` եթե դու համայնքային հողի վրա, կամ պետության հողի վրա ինչ–որ շինություն ես կառուցում, և այդ կառուցման պահին ու հաջորդ երկու ամսվա ընթացքում քեզ չեն բռնում, ապա դու կարողանում ես շատ սպիտակ դեմքով գալ, դիմել քաղաքապետարան, որպեսզի օրինականացնես այդ քո շինությունը։ Եվ քաղաքապետարանը պարտավոր է օրինականացնել այդ քո ապօրինի շինությունը, եթե չկա քաղաքաշինական նորմերի խախտում։ Ըստ իս` սա աբսուրդ է»,– ասաց Մարուքյանը։

Քաղաքապետը հայտնեց, որ այդ որոշումը չեղարկելու կամ փոխելու ուղղությամբ կառավարությունն արդեն աշխատում է։ Իսկ քանի դեռ որոշումը գործում է, Հայկ Մարությանի խոսքով` քաղաքապետարանի աշխատակիցներն ուղղակի «տառապում են» դրա պատճառով։

«Աղա ջան, բարկացա՞ծ ես». Թեհմինա Վարդանյանը դեղին քարտ ցույց տվեց Հայկ Մարությանին

Հայկ Մարությանը հիշեցրեց, որ այդ նույն կարգով ՀՀԿ–ական նախկին պատգամավոր, գործարար Սամվել Ալեքսանյանը փորձ էր արել օրինականացնել օպերայի տարածքում գտնվող իր «Ռիչ գարդեն» սրճարանը։

««Ռիչ գարդենը», որը Սամվել Ալեքսանյանինն էր, գուցե իր անունով չէր, ինչ–որ ազգականի վրա էր գրանցված, ես արդեն լավ չեմ հիշում, արդեն պետք է գրանցվեր կադաստրում, և ես հասցրել եմ «ստոպ տալ» այդ պրոցեսը և վերադարձնել համայնքին»,– ասաց Մարությանը։

Երևանի քաղաքապետը նշեց, որ այս կերպ ինքը ստիպված է լինում «վատամարդ» լինել, բայց փրկել քաղաքի սեփականություն մնացած սակավաթիվ հողատարածքները։

«Ես եմ այդ մարդկանց վերաբերյալ որոշումներ կայացնում, որ պետք է քանդվի քո կաֆեն, քո կաֆեն էլ պիտի քանդվի, քո տաղավարը պիտի այստեղից դուրս գա, դու այսուհետ այդ եկամուտը չպիտի ունենաս», –ասաց նա` վստահեցնելով, որ նման որոշումներ կայացնելով` ինքն առաջնորդվում է հանրային շահով. վատություն է անում մեկ անձի` հանուն Երևանի մնացած 1 մլն բնակիչների։

Մեկ այլ դեպքում էլ ապօրինի կառուցապատումներն արգելելու համար Երևանի քաղաքապետարանի աշխատակիցները, Մարությանի բնորոշմամբ, ստիպված են լինում գիշեր–ցերեկ «ծառայություն իրականացնել» կառուցապատվող տարածքում, որոնց տերերը հարմար առիթ են փնտրում քաղաքաշինական նորմերն ու թույլտվության պահանջները խախտելու համար։

«Դա իր սեփականությունն է, մենք ոչինչ չենք կարող անել». Մարությանը` Մաշտոցի պուրակի մասին

«Ես չեմ հասկանում. եթե դու ունես թույլտվություն, եղբա՛յր, գնա, կառուցիր ըստ այդ թույլտվության»,– ասաց նա` հավելելով, որ նման կառուցապատողների ամենասիրած աշխատանքային ժամանակը շաբաթ առավոտից մինչև կիրակի գիշեր ընկած ժամանակահատվածն է։

«Ինչո՞ւ։ Որովհետև աշխատանքային օրեր չեն։ Իսկ ամենաիդեալական ժամանակը շաբաթ և կիրակի գիշերներն են։ Եվ մեծ մասամբ բոլոր ապօրինությունները տեղի են ունենում այդ հատվածում։ Մենք էլ հաճախ ստիպված ենք լինում մեր աշխատողներին խնդրել, որ կասկածելի օբյեկտների մոտ շաբաթ և կիրակի, երբեմն նաև գիշերները ծառայություն տանեն»,– ասաց նա։

Մարությանը նաև նկարագրեց, թե ինչպես են կառուցվում անօրինական շինությունները` հնարավորինս արագ և անաղմուկ։
«Դուք ուղղակի չեք պատկերացնի, թե ինչպես են պատրաստված, 15-20 հոգանոց թիմով, շինանյութով գալիս` կիսաֆաբրիկատ պատերով, մի մասը արդեն կառուցած բերում են, որ բերեն ու արագ հավաքեն։ Ուղղակի կարելի է ֆիլմ նկարել դրա մասին»,– լրագրողներին պատմեց Մարությանը։

«Այ ախպեր, ո՞ւր ա գործ...». Փաշինյանը պատմել է Մարությանի հաղորդագրության մասին

Եզրափակելով թեման, Մարությանը հայտարարեց, որ իրեն չի հետաքրքրում, թե ով է կանգնած ապօրինի կառույցի հետևում`ՀՀԿ–ական է, ՔՊ–ական է, թե որևէ այլ քաղաքական ուժի ներկայցուցիչ։

9
թեգերը:
Սամվել Ալեքսանյան, շինարարություն, Երևան, Ապօրինի, Հայկ Մարության, քաղաքապետ
Ըստ թեմայի
Մեկնարկը տրված է. Աջափնյակում ապամոնտաժում են ապօրինի կրպակները
Արաբկիրի պուրակը կսկսի «շնչել». շուրջ 30 կրպակ է ապամոնտաժվում. լուսանկարներ
Երևանի գիրք–տնակներն ապամոնտաժվել են. լուսանկարներ