Սահմանապահներ. արխիվային լուսանկար

Ադրբեջանական դիվերսիոն գործողություններից վիրավորված զինծառայողներին կտեղափոխեն Երևան

145
(Թարմացված է 23:12 30.03.2020)
ՀՀ ՊՆ-ն հայտնում է, որ վիրավոր զինծառայողների վիճակը կայուն է, նրանց կյանքին վտանգ չի սպառնում:

ԵՐԵՎԱՆ, 30 մարտի –Sputnik. Տավուշի մարզում, հայ-ադրբեջանական սահմանին ադրբեջանական դիվերսիոն ներթափանցման փորձի ժամանակ վիրավորված երկու զինծառայողների վիճակը կայուն է, նրանց կյանքին վտանգ չի սպառնում: Տեղեկությունը facebook-ում հայտում է ՀՀ ՊՆ մամուլի խոսնակ Շուշան Ստեփանյանը:

Այդուհանդերձ, ըստ նրա, զինծառայողներին որոշվել է տեղափոխել Երևան:  Քանի որ զինված ուժերի ռազմաբժշկական վարչության որդեգրած մոտեցումն է այդպիսին»,- գրում է Ստեփանյանը:

Հիշեցնենք, այսօր ժամը 19:00-ի սահմաններում ադրբեջանական կողմը ձեռնարկել է դիվերսիոն ներթափանցման փորձ Տավուշի մարզի Նոյեմբերյանի շրջանի հայկական դիրքերի ուղղությամբ:

ՀՀ ՊՆ-ը տարածած հայտարարության մեջ հայտնել էր, որ հայկական դիրքապահ ուժերի գործողությունների շնորհիվ հակառակորդը հետ է շպրտվել, կորուստների վերաբերյալ տեղեկությունները ճշտվում են: Իսկ հայկական կողմը կորուստներ չունի, գործողությունների հետևանքով թեթև վիրավորում են ստացել երկու զինծառայող:

Դիվերսիոն գործողության ժամանակ հակառակորդը թիրախավորել էր Բաղանիս և Ոսկեվան գյուղերը, ինչի հետևանքով վիրավորում է ստացել Ոսկեվան համայնքի բնակիչ 15–ամյա մի տղա, որն այդ պահին գտնվել է պատշգամբում:

Երեխան վիրահատվել էր Նոյեմբերյանի բժշկական կենտրոնում և այժմ տեղափոխվում է Երևան: Նրա վիճակը գնահտվում է կայուն ծանր, կյանքին վտանգ չի սպառնում:

145
թեգերը:
զինծառայող, դիվերսիա, սահմանապահ, Սահման, հայ-ադրբեջանական, Ադրբեջան, Տավուշ
Ըստ թեմայի
Արցախի սահմանին այս շաբաթ համեմատաբար քիչ են կրակել. 7 օր առաջնագծում
Անկանխատեսելի ընտրություններ Արցախում. ո՞վ է ֆավորիտը
Ադրբեջանական կողմը գնդակոծել է Տավուշի Ոսկեպար գյուղը
Դեղատուն

ՀՀ քաղաքացիները կկարողանան արտերկրից դեղեր ներմուծել կամ փոստով պատվիրել

0
(Թարմացված է 12:56 01.06.2020)
Նոր օրենքով ՀՀ քաղաքացիները իրավունք ունեն դեղեր ներմուծել արտերկրից կամ պատվիրել դրանք միջազգային սուրհանդակային ծառայությունների միջոցով:

ԵՐԵՎԱՆ, 1 հունիսի - Sputnik. ՀՀ ազգային ժողովը երկրորդ ընթերցմամբ և ամբողջությամբ ընդունեց «Դեղերի մասին» օրենքում փոփոխություններ և լրացումներ կատարելու մասին օրենքի նախագիծը: Նախագծի հեղինակը ԱԺ «Իմ քայլը» խմբակցության պատգամավոր Սիսակ Գաբրիելյանն է: Կատարված փոփոխությունների արդյունքում այսուհետ կթույլատրվի դեղերի ստացումը փոստային ծառայության միջոցով:

Նախագիծն ընդունվեց միաձայն. դահլիճում գտնվող 114 պատգամավորները կողմ քվեարկեցին:

Նախկինում օրենքը թույլ էր տալիս դեղեր գնել միայն լիցենզավորված հաստատություններում, այսինքն ՝ դեղատներում: Իսկ այն դեղերը, որոնք այս կամ այն ​​պատճառով գրանցվել չէին կամ Հայաստանում չէին վաճառվում, բերվում էին մասնավոր ճանապարհով՝ ընկերների և ծանոթների միջոցով:

Ով կդառնա դեղերի փորձագիտական կենտրոնի նոր տնօրենը

Նոր օրինագծի համաձայն՝ ՀՀ քաղաքացիները իրավունք ունեն ներմուծել դեղեր արտերկրից կամ պատվիրել դրանք միջազգային սուրհանդակային ծառայությունների միջոցով, բայց այդպիսի ծանրոցները կարող են ստացվել ոչ ավելի, քան ամիսը մեկ անգամ: Դեղերի ներմուծման թույլատրելի ծավալը և կարգը հաստատում է ՀՀ կառավարությունը:

0
թեգերը:
Պատգամավոր, նախագիծ, ԱԺ, Դեղատուն, Դեղ, Հայաստան
Ըստ թեմայի
ԱՀԿ-ն կանգնեցրել է COVID-19-ի դեմ երկու դեղամիջոցի մշակումը. մահացության ռիսկը մեծ է
Ինչպիսի՞ն կլինի կորոնավիրուսի դեմ դեղամիջոցը․ ինչու՞ գիտնականներին չի հաջողվում այն գտնել
«Դեղատուն» անիվների վրա. հնարամիտ գյումրեցիների նոր «բիզնեսը». տեսանյութ
Թովմասյան. «Հանգանակած գումարով դեղորայք և սարքավորումներ ձեռք կբերենք»
Արմեն Սարգսյանը երեխաների հետ

Պետք է այնպես անենք, որ իրականությունը լինի ձեր երազանքի նման. նախագահի շնորհավորհանքը

1
(Թարմացված է 12:50 01.06.2020)
Նախագահը նշել է, որ ցանկացած պարտավորություն ստանձնելիս՝ միջազգային փաստաթղթերից մինչև դրանցից բխող օրենքներ, պետք է առաջնորդվել ընտանիքի և երեխաների մասին ազգային արժեհամակարգից բխող ընկալումներով:

ԵՐԵՎԱՆ, 1 հունիսի — Sputnik. ՀՀ նախագահ Արմեն Սարգսյանը շնորհավորել է երեխաների իրավունքների պաշտպանության օրը։ Ինչպես տեղեկացնում են ՀՀ նախագահի մամուլի ծառայությունից, նա կոչ է արել սիրել ու պաշտպանել  երեխաներին և նրանց իրավունքները, քանզի ի դեմս նրանց՝ պաշտպանված կլինի ընտանիքների, երկրի, հասարակության վաղվա օրը:

«Գիտեմ, որ այս օրերին շատ դժվար է տանը նստելը, երբ բնությունը, բակը, խաղը դուրս են կանչում: Շնորհակալ եմ, որ համբերում եք և հասկանում: Հավատացեք, որ այսօրվա դժվարությունն ու անհարմարությունը վաղվա ավելի լավ օրվա համար են, երազանքների օրվա համար: Ձեր մեջ երազանքներ կան, որոնք ոչ միայն ձերն են, այլև ձեր ծնողներինը: Պետք է կարողանանք միասին այնպես անել, որ իրականությունը լինի ձեր երազանքի նման», - նշել նախագահը:

Սարգսյան ասել է, որ երեխաների միջոցով մարդիկ նորովի են բացահայտում շրջապատող աշխարհը, որը մեծ ու փոքր, բազմագույն ու բազմաշերտ աշխարհների խճանկար է: Ըստ նրա, այն կառուցվում է երեխաների շնորհիվ ու մեծերի մասնակցությամբ:

Այս համատեքստում նա կոչ է արել որպես պետություն և քաղաքացի, որպես ընտանիք և ծնող, որպես իշխանություն և հասարակություն չխնայենք ջանքերը, գործի դնել սիրտն ու միտքը, որ այդ աշխարհը կառուցվի ամուր և կայուն հիմքերի վրա:

Իլոն Մասկը ստիպված է եղել փոխել երեխայի անունը. նորը պակաս տարօրինակ չէ

«Սակայն հանուն երեխաների և երեխաների համար գործադրվող բոլոր ջանքերը իզուր կլինեն, եթե նախ և առաջ չերաշխավորվի նրանց խաղաղ մանկությունը: Խաղաղությունը միայն կապույտ երկինքը չէ: Խաղաղությունը նաև այն մթնոլորտն է, որտեղ սեր, հանդուրժողականություն ու համերաշխություն կա ինչպես փոքրերի, այնպես էլ մեծերի, ինչպես հարազատների, այնպես էլ անծանոթների միջև», - ասել է նախագահը:

Նա նաև հավելել է, որ հենց այսօր է ապագայի պաշտպանության օրը: Ըստ նրա ` պաշտպանությունը նշանակում է նաև պատասխանատվություն երեխայի այսօրվա ու վաղվա համար, նրա ազատության և իրավունքի համար, նրա ճակատագրի համար:  Սարգսյանն ընդգծել է, որ երեխաները պետք  լինեն յուրաքանչյուրիս ուշադրության կենտրոնում `անկախ մեր զբաղեցրած պաշտոնից և հասարակական դիրքից:  Իսկ ցանկացած պարտավորություն ստանձնելիս՝ միջազգային փաստաթղթերից մինչև դրանցից բխող օրենքները, ուսման ծրագրերն ու դասագրքերը, պետք է առաջնորդվել  նախ և առաջ ընտանիքի և երեխաների մասին ազգային արժեհամակարգից բխող ընկալումներով:

«Այդ փաստաթղթերը, օրենքները կիրառելիս պետք է գտնվեն այնպիսի կարգավորումներ, որոնք կհամապատասխանեն մեր պետության, ապագայի ու երեխաների մասին մեր պատկերացումներին, հարիր կլինեն մեր ազգային նկարագրին», - ամփոփել է նախագահը։

Ստեփանը թույլ չտվեց, որ հայրն Ալեքսին սպանի. 7-ամյա տղայի սկանդալային տեսանյութի հետքերով

Նշենք , որ այսօր Հայաստանում և ևս մի շարք երկրներում նշվում է Երեխաների իրավունքների պաշտպանության միջազգային օրը։ Այս տարի տոնական միջոցառումներ գրեթե չեն անցկացվի կորոնավիրուսային վարակի պատճառով, նույնիսկ Երևանի կենդանաբանական այգին է փակ ու չեղարկվել են այնտեղի միջոցառումները։

1
թեգերը:
շնորհավորանք, Արմեն Սարգսյան, երեխա, Հայաստան