ԵՐԵՎԱՆ, 30 մարտի — Sputnik. Զբոսաշրջության կոմիտեն կոչ է անում 50 և ավելի սենյակներ ունեցող հյուրանոցներին գնառաջարկով հանդես գալ` կորոնավիրուսով վարակվածներին կամ էլ մեկուսացվածներին այնտեղ տեղավորելու համար։ Կառավարության մամուլի կենտրոնում կայացած մամուլի ասուլիսի ժամանակ Զբոսաշրջության կոմիտեի նախագահ Սուսաննա Սաֆարյանն ասաց, որ այժմ հյուրանոցներ են փնտրում Ծաղկաձորի, Դիլիջանի և Երևանի տարածքում։
«Հյուրանոցներում գրեթե զբոսաշրջիկներ չկան։ Իսկ այն հյուրանոցները, որտեղ կորոնավիրուսով վարակվածները կամ էլ մեկուսացվածները կտեղավորվեն, այդտեղ որևէ այլ անձ մուտք գործել չի կարող»,–ասաց Սաֆարյանը։
Նրա խոսքով` հյուրանոցները դրանից հետո պարտադիր ախտահանվում են, և որևէ մեկը չպետք է մտավախություն ունենա հետագայում այդ հյուրանոցներից օգտվելիս։
Սաֆարյանն ասաց նաև, որ չի բացառվում նաև ժամանակի հետ ավելի փոքր հյուրանոցներին դիմեն։ Ուստի, փոքրաթիվ սենյակներով հյուրանոցները նույնպես պետք է փաթեթ կազմեն գների մասով։
ԱԺ պատգամավորների մոտ մի թեստը հաստատել է կորոնավիրուսի առկայությունը, մյուսը՝ հերքել
Հիշեցնենք, որ մարտի 1-ին, երբ հայտնի դարձավ կորոնավիրուսով առաջին վարակվածի մասին, դրանից հետո նրա հետ շփվածներին տեղափոխեցին Ծաղկաձորի «Գոլդեն փելես» հյուրանոց։ Այս պահի դրությամբ հայաստանյան որոշ հյուրանոցներում կան ինչպես մեկուսացվածներ, այնպես էլ կորոնավիրուսով վարակվածներ։
Ռուսաստանում կորոնավիրուսը բուժող դեղորայք են ստեղծել. սպասում են մասնագետների պատասխանին
