Նիկոլ Փաշինյան. արխիվային լուսանկար

«Կպավ». ուշադիր եղեք, հնարավոր է` ձեզ անծանոթ համարից զանգողը Փաշինյանն է

448
(Թարմացված է 13:13 28.03.2020)
Վարչապետի հեռախոսազրույցները բավականին երկար են տևում. նա մանրամասն հետաքրքրվում է, թե ինչ խնդիրներ ունեն քաղաքացիներն ու ինչ սպասելիքներ կառավարությունից։

ԵՐԵՎԱՆ, 28 մարտի- Sputnik. Շաբաթ առավոտը վարչապետ Նիկոլ Փաշինյանը որոշել էր սկսել քաղաքացիների հետ հեռախոսազրույցով։ Նա Facebook-ի ուղիղ եթերում պատահականության սկզբունքով զանգում է մարդկանց ու հետաքրքրվում, թե ինչպես են նրանք անցկացնում արտակարգ դրությունը, ինչ խնդիրներ ունեն և այլն։

Վարչապետի հեռախոսազրույցները բավականին երկար են տևում. նա մանրամասն հետաքրքրվում է, թե ինչ խնդիրներ ունեն քաղաքացիներն ու ինչ սպասելիքներ` կառավարությունից։

Առաջին զրուցակից կինը մանրամասն պատմեց այն մասին, թե ինչպես է ընտանիքը կազմակերպում առօրյան արտակարգ դրության օրերին։

Կնոջ խոսքով՝ միակ խնդիրն այն է, որ երեխաները չեն կարողանում բակ իջնել խաղալու համար, մնացած հարցերը կազմակերպում են։ Երեխաներից մեկը մանկապարտեզ է հաճախում, մյուսը դպրոցահասակ է։ Վարչապետը հետաքրքվեց, թե ինչպես են անցկացվում հեռավար դասերը՝ արդյո՞ք արդյունավետ են, թե՞ ձևականություն է։ Կինը վստահեցրեց, որ ամեն ինչ բարձր մակարդակով է կազմակերպվում, դասերն իրական են։

«Կպավ»,- ուրախացած արձագանքեց Փաշինյանը, երբ կարողացավ միանալ հաջորդ հեռախոսազանգով։ Պատահական այս մի զանգին Շիրակի մարզի Մարալիկ քաղաքի 16-ամյա բնակչուհի պատասխանեց։

«Երիտասարդության հայացքով ո՞նց է վիճակը»,- հետաքրքրվեց վարչապետը։

Զրուցակից աղջկը նշեց, որ ամեն ինչ նորմալ է, հեռավար դասերն էլ լավ են անցկացվում, բայց լավ կլիներ՝ կարողանային դպրոց հաճախել։
Վարչապետն ամենայն մանրամասնությամբ հետաքրքրվեց ընտանիքի եկամուտների մասին՝ փորձելով հասկանալ սոցիալական դրությունն ու խնդիրները։ Աղջիկը նշեց, որ ընտանիքում հինգ հոգով են, հայրն արտագնա աշխատանքի է մեկնել Մոսկվա. հիմա ապրում են պապիկի թոշակով և հայրիկի՝ դեռևս անցյալ տարի ստացած աշխատավարձով։

Վարչապետը զարմացավ, թե որքան թոշակ է ստանում պապիկն ու ինչպես են կարողանում ապրել այդպես։

Պապիկը հուշեց, որ աշխատավարձը քառասունմեկ հազար դրամ է, աղջիկն էլ նշեց, որ «յոլա գնում են», չեն դժգոհում։ Փաշինյանը շարունակեց հետաքրքրվել, թե ինչպես է ընտանիքը հոգում առօրյա խնդիրները։ Հեռախոսազրույցին միացավ աղջկա եղբայրը, որը Երևանում ուսանող է. սովորում է ԵՊՀ միջազգային հարաբերությունների ֆակուլտետում, զուգահեռ աշխատում «Դիջիթեյնում»։

«Մեր Մարիամն էլ է էնտեղ աշխատում»,- արձագանքեց Փաշինյանը։

Տղան էլ նշեց, որ այո՛, միասին նույն շենքում են աշխատում։

Հաջորդ պատահական զանգը Երևանի Շենգավիթ բնակչուհիներից մեկին բաժին ընկավ։ Միայնակ ապրող կինը ևս չդժգոհեց սոցիալական վիճակից՝ նշելով, որ «յոլա գնում են»։ Պարզվեց՝ որդին Իսպանիայում է ապրում, որտեղ հիմա վիճակը բավականին վատ է։

Կինը նշեց, որ աղջիկն աշխատում է տնից, միայն դստեր ամուսինն է աշխատանքի գնում, ԿԲ աշխատակից է։ Վարչապետը հետաքրքրվեց, թե արդյոք խանութներում թանկացումներ նկատո՞ւմ են։

Կինը վստահեցրեց, որ Շենգավիթում ու Ավանում թանկացումներ չկան։

«Դուք ո՞նց եք, պարոն Փաշինյան, լա՞վ եք»,- հետաքրքրվեց նա։

Փաշինյանը դրական պատասխան տվեց։

Հեռախոսազրույցի վերջում տիկինը բարեմաղթանքներ հղեց վարչապետին ու երկրին։

Հայաստանի պատմության համար աննախադեպ բան է տեղի ունեցել. Փաշինյան

ՀՀ վարչապետ Նիկոլ Փաշինյանի այսօրվա բոլոր զրուցակիցները նշեցին, որ խիստ պահպանում են մեկուսացման կանոններն ու տնից դուրս են գալիս միայն խիստ անհրաժեշտության դեպքում։

Հիշեցնենք, որ երեկ ևս ՀՀ վարչապետ Նիկոլ Փաշինյանը Facebook սոցիալական ցանցի իր էջով ուղիղ եթերով զանգահարեց մի քանի քաղաքացիների` իմանալու, թե ինչպես են իրենց զգում, ոնց են դիմանում արտակարգ դրությանը։
Հեռախոսազրույցների վերջում Փաշինյանը հայտնեց, որ շարունակելու է շփվել քաղաքացիների հետ, սակայն ուղիղ եթեր կմտնի, թե ոչ, դեռ չգիտի։

Հիշեցնենք նաև, որ Հայաստանում, ինչպես մի շարք այլ երկրներում, կորոնավիրուսի տարածման դեմ պայքարի համար արտակարգ դրության ռեժիմ է հայտարարվել։ Հայաստանում արտակարգ դրության ռեժիմը կտևի մեկ ամիս` մարտի 16–ից ապրիլի 14-ը։

Սահմանափակվել է երկիր մուտքն ու ելքը, Երևանում և մյուս քաղաքներում ագելվել են հանրային միջոցառումները, սեփականատերերի նախաձեռնությամբ փակվել են մի շարք ռեստորաններ, սրճարաններ և խանութներ (բացի պարենայինից)։ Փակ են նաև ուսումնական և մշակութային հաստատությունները։

Արտակարգ դրության ռեժիմը խստացվել է մարտի 25-ից. տնից կարելի է դուրս գալ միայն անձը հաստատող փաստաթղթով, լրացրած ձևաթղթով, խիստ անհրաժեշտության դեպքում։

Այսօրվա դրությամբ Հայաստանում կորոնավիրուսով վարակվածների թիվը 372 է։

Հայաստանում սինդրիկի պահանջարկը շատացել է. «մեղավորը» Նիկոլ Փաշինյանն է

448
թեգերը:
կորոնավիրուս, Հայաստան, Արտակարգ դրություն, զանգ, Նիկոլ Փաշինյան
թեմա:
ՀՀ վարչապետ Նիկոլ Փաշինյան (1093)
Ըստ թեմայի
Կորոնավիրուսով պայմանավորված այս իրավիճակը կարող է շատ ավելի երկար տևել. Փաշինյան
Ճգնաժամը նոր հնարավորություններ է բացում. Փաշինյանը տվյալներ է հայտնել
Որտե՞ղ է Փաշինյանի միջնեկ դուստրը մեքենա վարել սովորում. Աննա Հակոբյանի խոսնակի պատասխանը
ՀԱՊԿ ուժեր. արխիվային լուսանկար

Խոսքը ՀԱՊԿ-ի մասին չէ. Հայաստանն աջակցության համար Ռուսաստանին է դիմել․ Տողանյան

67
(Թարմացված է 14:08 31.10.2020)
Լեռնային Ղարաբաղի հակամարտության կարգավորման գործում ՀԱՊԿ-ի մասնակցության անհրաժեշտության հարցը քննարկվում է պատերազմի սկզբից։ Երևանն ավելի վաղ ասել էր, որ դեռ չի դիմել ՀԱՊԿ-ին։

ԵՐԵՎԱՆ, 31 հոկտեմբերի - Sputnik. Երևանն անվտանգության գծով խորհրդատվությունների է դիմել ՌԴ-ին երկկողմանի համաձայնագրերի շրջանակում. խոսքը ՀԱՊԿ-ի մասին չէ։ ՌԻԱ Նովոստիի հետ զրույցում այս մասին ասել է Ռուսաստանում Հայաստանի դեսպան Վարդան Տողանյանը։

Ավելի վաղ նա չէր բացառել, որ խորհրդատվությունների ժամանակ կքննարկվի Ռուսաստանի կողմից Հայաստանին ռազմական օգնություն տրամադրելու հարցը։

«Խոսքը ՌԴ նախագահին դիմելու մասին է՝ հղում անելով մեր երկկողմանի պայմանագրին», - ասել է դեսպանը, պատասխանելով հարցին՝ արդյո՞ք Երևանի դիմումն առնչություն ունի ՀԱՊԿ-ի հետ, թե՞ խոսքը երկկողմանի ձևաչափի մասին է։

ՀՀ արտգործնախարարի տեղակալ Շավարշ Քոչարյանը նույնպես ավելի վաղ մեկնաբանել էր ՀԱՊԿ-ին Երևանի դիմելու հարցը։

«ՀԱՊԿ-ին դիմելու համար Հայաստանը պետք է ագրեսիայի ենթարկվի։ Այժմ վաղ է գնահատել Ադրբեջանի գործողությունները որպես այդպիսին։ Եթե ագրեսիա լինի, սկզբում կդիմենք ՄԱԿ-ին՝ ագրեսիայի փաստն ու ինքնապաշտպանությունն արձանագրելու համար։ Կդիմենք նաև ՀԱՊԿ։ Ամեն ինչ կարգավորված է՝ ՀԱՊԿ-ը կհայտնի ՄԱԿ-ին արդեն հավաքական ինքնապաշտպանության մասին», - ասել էր Քոչարյանը։

Հիշեցնենք` հաշվի առնելով մարտական գործողությունների` Հայաստանի սահմանին մոտենալը, ՀՀ տարածքի նկատմամբ արդեն իսկ տեղի ունեցած ոտնձգությունների փաստերը, այսօր` հոկտեմբերի 31–ին, ՀՀ վարչապետ Նիկոլ Փաշինյանը նամակով դիմել էր ՌԴ նախագահ Վլադիմիր Պուտինին` սկսելու անհապաղ խորհրդակցություններ, դրանց միջոցով սահմանելու աջակցության տեսակները և չափը, որը Ռուսաստանը կարող է հատկացնել Հայաստանին իր անվտանգության ապահովման համար՝ հիմք ընդունելով Հայաստանի և Ռուսաստանի միջև դաշնակցային հարաբերությունները և 1997թ. օգոստոսի 29-ի պայմանագիրը։

Ռուսաստանի ԱԳՆ–ն ի պատասխան հայտնել էր, որ համաձայն ՀՀ-ի և ՌԴ-ի միջև կնքված համաձայնագրի՝ Ռուսաստանն անհրաժեշտ օգնություն կցուցաբերի, եթե ռազմական բախումները տեղափոխվեն անմիջապես ՀՀ տարածք։

ՌԴ ԱԳՆ պաշտոնական ներկայացուցիչ Մարիա Զախարովան էլ իր հերթին հայտնել էր, որ անվտանգության խորհրդատվություն ստանալու համար Հայաստանի՝ Ռուսաստանին դիմելու հետ կապված բոլոր մանրամասները` այդ թվում կոնկրետ ձևաչափերը, լրացուցիչ են քննարկվելու։

67
թեգերը:
Վարդան Տողանյան, Ռուսաստան, Պատերազմ, Հայաստան, Հավաքական անվտանգության պայմանագիր կազմակերպություն (ՀԱՊԿ)
թեմա:
Ադրբեջանական ագրեսիան Արցախում - 2020
Ըստ թեմայի
Ինչո՞ւ Հայաստանը ՀԱՊԿ–ին չի դիմում. պարզաբանում է ՀՀ ԱԳ փոխնախարարը
«Դաշնակիցներին տեղեկացնում ենք». Զոհրաբ Մնացականյանը` ՀԱՊԿ-ին ներգրավելու մասին
Քանի դեռ հակամարտությունը Ղարաբաղում է, ՀԱՊԿ-ի օգնության մասին խոսելը կոռեկտ չէ. ՌԴ ԱԳՆ
Զորահավաք. արխիվային լուսանկար

Զորահավաքի ենթակա անձի մոտ կորոնավիրուսի առկայության հավանականությունը վերստուգվելու է

46
(Թարմացված է 13:53 31.10.2020)
Առողջապահության փոխնախարարը կորոնավիրուսային հիվանդության նմուշառում և լաբորատոր թեստավորում իրականացնող կազմակերպություններին հորդորում է զերծ մնալ իրավախախտ գործունեությունից:

ԵՐԵՎԱՆ, 31 հոկտեմբերի - Sputnik. ՀՀ առողջապահության նախարարի տեղակալ Արտյոմ Սմբատյանը տեղեկացնում է, որ զորահավաքի ենթակա անձի մոտ կորոնավիրուսային հիվանդության դրական պատասխանի դեպքում մեծ հավանականությամբ վերստուգվելու է։

«Վերստուգվելու է թե՛ անձի նմուշին համապատասխանությունը և թե՛ նմուշի ՊՇՌ թեստավորման պատասխանի իսկությունը»,–Facebook սոցցանցի իր էջում գրել է Սմբատյանը։

Նա հորդորել է կորոնավիրուսային հիվանդության նմուշառում և լաբորատոր թեստավորում իրականացնող կազմակերպություններին, համապատասխան ստորաբաժանումներին զերծ մնալ իրավախախտ գործունեությունից:

Ավելի վաղ ԱԱԾ-ն հայտնել էր, որ զորահավաքի ենթակա քաղաքացու հայրը դիմել է բժշկական կենտրոններից մեկն և հորդորել լաբորատորիայի աշխատակիցներին կեղծ եզրակացություն կազմել, որ իր որդին վարակվել է կորոնավիրուսով:

Դրա համար կազմվել են լաբորատոր թեստերի եզրակացություններ՝ ուրիշի անալիզների հիման վրա։ Հարուցվել է քրեական գործ, ձերբակալվել է զորահավաքի ենթակա քաղաքացին և բժշկական կենտրոնի աշխատակիցները:

Զինծառայողին զորահավաքից ազատելու համար Covid-19-ի կեղծ եզրակացություն են տվել. տեսանյութ

46
թեգերը:
Պատերազմ, թեստ, կորոնավիրուս, զորահավաք
Ըստ թեմայի
Արցախում ռազմական դրություն և համատարած զորահավաք է հայտարարվել
Հանրապետության հրապարակում զորահավաք է, ազատամարտիկները հավաքվում են. տեսանյութ
ՀՀ կառավարությունն առաջարկում է փոխել Հայաստանում հաստատված զորահավաքային պլանը
Пресс-секретарь МО РА Шушан Степанян

Ադրբեջանը ջրից չոր դուրս գալու անհաջող ճիգեր է անում. ՀՀ Պն խոսնակը հրապարակում է արել

0
(Թարմացված է 14:29 31.10.2020)
Շուշան ստեփանյանը դրել է, որ ադրբեջանական պաշտոնական շրջանակները լծվել են զավեշտի հասնող պարզունակ հայտարարություններ տարածելու անհեռանկար գործին։

Արցախի ՊԲ-ն թշնամական ուժերի կողմից քիմիական զենքի տարրեր պարունակող ֆոսֆորային զինատեսակի կիրառման անհերքելի փաստեր ներկայացրեց, որից հետո ադրբեջանական պաշտոնական շրջանակները լծվել են զավեշտի հասնող պարզունակ հայտարարություններ տարածելու անհեռանկար գործին` անհաջող ջիգեր գործադրելով ջրից չոր դուրս գալու համար:

0