Ծաղկաձորի հյուրանոց

Արսեն Թորոսյանն այցելել է Ծաղկաձորում մեկուսացված քաղաքացիներին ու տուն չգնացող բժիշկներին

90
(Թարմացված է 13:50 27.03.2020)
Մեկուսացվածներին տրամադրվում է օրական երեքանգամյա սնունդ: Բժիշկներին Ծաղկաձորում օգնում են կամավորները:

ԵՐԵՎԱՆ, 27 մարտի – Sputnik. ՀՀ առողջապահության նախարար Արսեն Թորոսյանն ուղիղ եթեր դուրս եկավ Ծաղկաձորից՝ ներկայացնելով Կոտայքի մարզի 6 հանգստյան տների տարածքում բնակվող մեկուսացված քաղաքացիների կեցության պայմաններն ու նրանց խնամող բժիշկներին ու կամավորներին:

Հայաստանում 2 ամսական երեխայի ու նրա մոր մոտ կորոնավիրուս է հաստատվել. Թորոսյան

Թորոսյանը հայտնեց, որ Ծաղկաձորում ու Կոտայքի մարզի այլ հյուրանոցների տարածքում ներկա պահին գործող մեկուսացման բոլոր 6 կետերի աշխատանքը համակարգում է Սևանի հոգեկան առողջության կենտրոնի տնօրեն Դավիթ Կարապետյանը:

«Նա փաստացի արդեն 27 օր է, որ գրեթե ապրում է Ծաղկաձորում: Չնայած առավոտյան, կարծեմ, գնում է Սևանի հոգեկան առողջության կենտրոն, որպեսզի այնտեղ էլ աշխատանքները հարթ ընթանան և նորից վերադառնում է Ծաղկաձոր»,- ասաց նախարարը:

Մեկուսացման առաջին կետը, որը ներկայացրեց նախարարը, Ծաղկաձորի «Նաիրի» հանգստյան տունն էր: Այստեղ աշխատող կամավորներից մեկը՝ Նարեկը, հայտնեց, որ «Նաիրի» հանգստյանը տունը թեև ընդամենը 2 օր առաջ է ընդունել առաջին բնակիչներին, բայց այսօր բոլոր սենյակներն արդեն զբաղված են:

«Բոլորի ինքնազգացողությունը շատ լավ է: 24 ժամ հսկողության տակ են գտնվում թե՛ մասնագետ բժիշկների, թե՛ կամավորների կողմից»,-ասաց կամավորը:

Հայաստանում կորոնավիրուսով վարակվածների թիվը մեծանում է. ունենք 329 դեպք

Նա նաև հայտնեց, որ մեկուսացվածներին տրամադրվում է օրական երեքանգամյա սնունդ, որը պատրաստվում է ինչպես տեղում, այնպես էլ ուղարկվում է բարեգործների կողմից:

Ավարտելով ուղիղ կապը, Արսեն Թորոսյանը հայտնեց, որ պատրաստվում է ներս մտնել ու հանդիպել մեկուսացված անձանց հետ, իսկ իրեն հետևող քաղաքացիներին խոստացավ ուղիղ կապով օրվա ընթացքում ներկայացնել նաև մնացած 5 կետերի վիճակը:

Հիշեցնենք՝  Հայաստանում կորոնավիրուսով վարակվածների թիվը այսօր ժամը 10։00-ի դրությամբ ավելացել է ևս 39-ով և դարձել 329։ Բուժվածները 18-ն են, փաստացի բուժվողները՝ 311-ը, 1625 թեստի պատասխանները բացասական են եղել: Ունենք մահվան 1 դեպք:

90
թեգերը:
Հյուրանոց, Արսեն Թորոսյան, Ծաղկաձոր, Հայաստան, կորոնավիրուս
Ըստ թեմայի
Հայաստանում կորոնավիրուսից մահանալու առաջին դեպքն է գրանցվել
Անսպասելի այցեր. զինվորներին ասել են` ինչ է պետք անել կորոնավիրուսից պաշտպանվելու համար
Կորոնավիրուսի գրոհն աշխարհի վրա շարունակվում է. մարտի 27-ի տվյալներ. Worldometer
Գոհար Ավետիսյան

Գոհար Ավետիսյանի առաջնեկը ծնվել է. լուսանկար

75
(Թարմացված է 00:15 04.07.2020)
Երկրպագուները վաղուց էին սպասում հայտնի դիմահարդարի փոքրիկի ծնվելուն։ Գոհարն էլ ծննդաբերությունից հետո լուսանկար է հրապարակել։

ԵՐԵՎԱՆ, 4 հուլիսի – Sputnik. Հանրահայտ դիմահարդար Գոհար Ավետիսյանը, որին Ռուսաստանում և Հայաստանում հաճախ «մեյքափի գուրու» են անվանում, ծննդաբերել է։

«Բարի գալուստ այս գեղեցիկ աշխարհ, իմ փոքրիկ հսկա, 4 կգ երջանկություն և անիրական սեր առաջին վայրկյանից։ Սա, թերևս, իմ ծննդյան օրվա լավագույն նվերն է (այն կլինի վաղը, բայց ես, միևնույնն է, բոլորին ցանկանում եմ զգալ այդ երջանկությունը)», - գրել է նա Instagram–ում:

Посмотреть эту публикацию в Instagram

Публикация от Goar Avetisyan (@goar_avetisyan)

Մաղթանքներն ու շնորհավորանքները չեն ուշացել։ Մաքսիմ Գալկինը երջանկություն է մաղթել փոքրիկին, իսկ երգչուհի Ժասմինը ապագա տղամարդուն հրահանգել է, որ ամեն օր ու ամեն ժամ ուրախացնի մայրիկին:

«Ուռա։ Շնորհավոր։ Մի հրաշալի հայ էլ ավելացավ»,- գրել է ռեժիսոր Սարիկ Անդրեասյանը:

Գոհար Ավետիսյանը ծնվել է Մարտունիում, նրա ընտանիքը տեղափոխվել է Մոսկվա, երբ Գոհարը մեկ տարեկան է եղել։ Ավետիսյանը Ռուսաստանում ամենահայտնի բյութի բլոգերն է։ Հիմա նա Instagram-ում ավելի քան 5 միլիոն բաժանորդ ունի, իսկ նրա «Կերպարանափոխություն» նախագիծը քննարկվել է անգամ Daily Mail-ի էջերում։

Գոհարն ինքնուրույն է հասել հաջողության։ Նա ինքնուս դիմահարդար է: Այս ոլորտում առաջին փորձերն արել է 11-12 տարեկանում: 16 տարեկանում ընդունվել է Ժողտնտեսության և պետական ծառայության ռուսական ակադեմիայի տնտեսագիտական ֆակուլտետ:

Գոհար Ավետիսյանը տոնական մեյքափի հեշտ ու արագ տարբերակ է առաջարկում․ տեսանյութ

Արդեն առաջին կուրսում Գոհարը սկսել է դիմահարդարել բոլոր ընկերուհիներին և ծանոթներին: Հետաքրքրությունը դարձել է աշխատանք, և նա թողել է ուսումը:

2012թ.-ին սկսել է դասախոսել, դիմահարդարման վարպետության դասեր անցկացնել։ Հիմա արդեն հայտնի դիմահարդարը Մոսկվայի կենտրոնում սեփական դպրոց և ստուդիա ունի:

Նշենք, որ առաջին ամուսնուց բաժանվելուց հետո Գոհարը գրեթե կես տարի դեպրեսիվ վիճակում էր։ Ամուսնալուծությունից հետո նա 43 կգ նիհարեց և նոր սեր գտավ։ 

«Ո՞վ կմտածեր, որ...». Գոհար Ավետիսյանի հուզիչ գրառումը

75
թեգերը:
երեխա, Գոհար Ավետիսյան
Ըստ թեմայի
«Որքան գեղեցիկ ես». դիմահարդարման վարպետ Գոհար Ավետիսյանը՝ Վարդայի նոր կերպարի մասին
«Ես քեզ կդարձնեմ ուժեղ». Գոհար Ավետիսյանը հերթական անգամ զարմացրել է երկրպագուներին
Դիմահարդար Գոհար Ավետիսյանը որոշել է երգչուհի դառնալ «միամիտ» երգով. տեսանյութ
Երևան, արխիվային լուսանկար

Ողբերգական դեպք Երևանում. վարորդը վրաերթի է ենթարկել 2 հետիոտնի, մեկը մահացել է

25
(Թարմացված է 00:15 04.07.2020)
Դեպքը տեղի է ունեցել «Մեգամոլ» առևտրի կենտրոնի դիմաց։ Հավաքվածներն ասել են, որ վրաերթի ենթարկվածներն ամուսիններ են։

ԵՐԵՎԱՆ, 3 հուլիսի – Sputnik. Այսօր վրաերթ է տեղի ունեցել Երևանում: Ժամը 22:15-ի սահմաններում Երևանի բնակիչ, 32-ամյա Աշոտ Ավետիսյանը իր վարած «Nissan» մակնիշի ավտոմեքենայով Գայի պողոտայում՝ «Մեգամոլ» առևտրի կենտրոնի հարևանությամբ, վրաերթի է ենթարկել 2 հետիոտնի, որոնք փողոցը որոշել են հատել հետիոտների համար չնախատեսված հատվածով։ Տեղեկությունը հայտնում է shamshyan.com–ը։

Վարորդն ահազանգել է Երևանի 1-03 շտապօգնություն, դեպքի վայր ժամանած շտապօգնության բժիշկները վրաերթի ենթարկվածներին ծայրահեղ ծանր ախտորոշմամբ տեղափոխել են թիվ 1 համալսարանական հիվանդանոց:

Վարորդը տեղում ենթարկվել է սթափության փորձաքննության, պարզվել է, որ նա եղել է սթափ:

Դեպքի վայրում հավաքվածներն ասել են, որ վրաերթի ենթարկվածներն ամուսիններ են:

Երևանի գերեզմանատներից մեկի մոտ 40-ամյա տղամարդը հոսանքահարվել է ու մահացել

Մինչ դեպքի վայրում աշխատել է հետաքննիչը, հիվանդանոցից հայտնել են, որ վրաերթի ենթարկվածներից 41-ամյա Արթուր Շ.-ն գիտակցության չգալով ՝ մահացել է:

Փաստի առթիվ հարուցվել է քրեական գործ՝ ՀՀ ՔՕ 242 հոդվածի 2-րդ մասի (ճանապարհատրանսպորտային պատահար, որն անզգուշությամբ առաջացրել է մարդու մահ) հատկանիշներով:

Կրակոցներ Երևանում. մեկ մարդ գլխի շրջանում վնասվածքներ է ստացել

25
թեգերը:
Մահ, հետիոտն, Վրաերթ, Հայաստան
թեմա:
Վթար, պատահար, սպանություն, գողություն
Ըստ թեմայի
Երևանում վրաերթի են ենթարկել հեծանվով երեխային
Իրինդ գյուղի ջրամբարում 36–ամյա քաղաքացի է խեղդվել
25-ամյա երիտասարդը սպանվել է տան մուտքի մոտ արձակած կրակոցից