Շտապօգնության մեքենայի վարորդ. արխիվային լուսանկար

Եվս մեկ բժիշկ ու շտապօգնության մեկ վարորդ վարակվել են կորոնավիրուսով. նախարար

273
(Թարմացված է 16:32 26.03.2020)
Կորոնավիրուսով վարակված երկու բժիշկների, ինչպես նաև շտապօգնության մեկ վարորդի կյանքին վտանգ չի սպառնում։

ԵՐԵՎԱՆ, 26 մարտի — Sputnik. Հայաստանում կորոնավիրուսով վարակված բժիշկների թիվն ավելացել է. ևս մեկ բժշկի և շտապօգնության մեկ վարորդի մոտ է վարակը հայտնաբերվել: Կառավարության մամուլի կենտրոնում կայացած ասուլիսի ժամանակ լուրը հայտնեց ՀՀ առողջապահության նախարար Արսեն Թորոսյանը։

«Ո՞վ ասաց` չունենք». Թորոսյանը` կորոնավիրուսի թեստերի ու քարտեզ ստեղծելու մասին

«Օրեր առաջ հայտնած դեպքի մասին, թե մի բուժքույր է վարակվել, գիտեմ, որ նրա վիճակը ծանր չէ։ Այսինքն` նրա վիճակը լավ է, քանի որ հակառակի մասին չգիտեմ։ Իսկ նոր հայտնաբերված դեպքերի` մեկ բժշկի և շտապօգնության մեկ վարորդի առողջական վիճակը նույնպես լավ է, նրանց կյանքին վտանգ չի սպառնում»,–ասաց նախարարը։

Նրա խոսքով` ինչքան էլ փորձում են պաշտպանել նրանց, միշտ չէ, որ դա հաջողվում է անել, քանի որ նրանք շատ–շատ են շփվում վարակակիրների հետ։

Հիշեցնենք, որ մարտի 19–ին հայտնի դարձավ, որ «Նորք» ինֆեկցիոն ԲԿ–ի մի բուժքրոջ մոտ է հայտնաբերվել կորոնավիրուս։

Հայաստանում կորոնավիրուսով վարակվածների թիվն այսօր ժամը 10։00-ի դրությամբ ավելացել է 25–ով և դարձել 290, առողջացել է 18 քաղաքացի։

Հայաստանում կորոնավիրուսով վարակված դպրոցահասակ երեխաներ կան. Թորոսյան

273
թեգերը:
ՀՀ Առողջապահության նախարարություն, Արսեն Թորոսյան, հիվանդ, բուժքույր, բժիշկ, կորոնավիրուս
թեմա:
Կորոնավիրուսը Հայաստանում և Արցախում (1651)
Ըստ թեմայի
Մնացե՛ք տանը հանուն մտերիմների. «Ռոսիա սեգոդնյան» ընդդեմ կորոնավիրուսի
Հայաստանում կորոնավիրուսով վարակված դպրոցահասակ երեխաներ կան. Թորոսյան
3 զինծառայողի մոտ ախտորոշվել է կորոնավիրուս. Տոնոյան
Ձմեռ

Մարզերում զգալի կցրտի. եղանակի տեսություն

20
(Թարմացված է 16:06 04.12.2020)
Օդերեևութաբանների կանխատեսումներով` առաջիկա օրերին որոշ մարզերում տեղումներ կգրանցվեն, իսկ մայրաքաղաքում` ոչ։

ԵՐԵՎԱՆ, 5 դեկտեմբերի – Sputnik. Հանրապետության տարածքում դեկտեմբերի 5-ի գիշերը, 7-ի ցերեկը, 8-9-ը սպասվում է առանց տեղումների եղանակ, 5-ի ցերեկը, 6-ին, 7-ի գիշերը առանձին շրջաններում սպասվում են տեղումներ, առանձին վայրերում գիշերը և առավոտյան ժամերին սպասվում է մառախուղ։

Մյասնիկյան պողոտայի մի հատվածում երթևեկությունը միակողմանի կդադարեցվի

Տեղեկությունը հայտնում է ՀՀ ԱԻՆ «Հիդրոմետ» ծառայությունը և հավելում, որ քամին հարավ-արևելյան է՝ 3-8 մ/վ արագությամբ:

Եղանակի կանխատեսում
Եղանակի կանխատեսում

Օդի ջերմաստիճանը Լոռիում, Տավուշում, Սյունիքում և Արցախում դեկտեմբերի  5-7-ը՝ ցերեկը, աստիճանաբար կնվազի 4-5 աստիճանով։

Դավթաշեն կամ Զովունի հասնելն ավելի արագ կլինի

Երևան քաղաքում դեկտեմբերի 5-9-ը սպասվում է առանց տեղումների եղանակ, գիշերը և առավոտյան ժամերին` մառախուղ։

Մայրաքաղաքում դեկտեմբերի 5–ի գիշերը կլինի 0-2 աստիճան տաքություն, իսկ ցերեկային ժամերին կգրանցվի +5...+7 աստիճան։

20
թեգերը:
ձմեռ, Արցախ, Երևան, ձյուն, եղանակ, Հայաստան
թեմա:
Եղանակը Հայաստանում
Ռոբերտ Քոչարյան

Հիմա Ռուսաստանի հետ ավելի խորը ինտեգրում է պետք. Ռոբերտ Քոչարյան

251
(Թարմացված է 00:24 05.12.2020)
Երկրորդ նախագահը վստահ է, որ ներկա իշխանությունները չեն կարող Ռուսաստանի հետ խորացնել հարաբերությունները։

ԵՐԵՎԱՆ, 5 դեկտեմբերի - Sputnik. Այս պատերազմում զինտեխնիկայի ահռելի մեծ կորուստներ ենք կրել։ Այդ ամենը սեփական ուժերով վերականգնելու և մարտունակ բանակ ունենալու հնարավորություն չունենք։ «5-րդ ալիքի» հետ հարցազրույցում ասեց ՀՀ երկրորդ նախագահ Ռոբերտ Քոչարյանը։

«Մենք այսօր նույնիսկ բանակ չունենք, որ Սյունիքում սահման պահի։ Գյուղացիները` աշխարհազորով, տղամարդկանցով հավաքված, գյուղի սահմանն են պահում՝ պետական սահմանը։ Ո՞ւր է մեր կառավարությունը։ Ադրբեջանցիներն այն կողմից գալիս են, սահման են գծում, մեր կողմից մեկը չկա, որ բանակցի, ասի՝ այս կողմից չէ, դա այն կողմն է։ Գյուղապետն է դա անում։ Սա՞ է կառավարությունը»,- վրդովված աաց նախագահն ու շեշտեց, որ այս ամենը բնականոն ընթացքի բերելու և բանակի մարտունակությունը վերականգնելու համար մեզ Ռուսաստանն է պետք։

Վստահ է, որ պետք է ավելի խոր ինտերգման բանաձևեր գտնել՝ նաև հաշվի առնելով Թուրքիայի գործոնը, որը փորձելու է հնարավորինս թուլացնել Հայաստանին։ Ուստի և՛ անվտանգության, և՛ տնտեսական ոլորտում Ռուսաստանի հետ հարաբերություններն ավելի պետք է զարգանան։

«Եթե ես լինեի, պատերազմ չէր սկսվի». Ռոբերտ Քոչարյան

«Բանակցելու հարց է...Եվ այստեղ պետք է լինի իշխանություն, որն ունի բացարձակ վստահություն Ռուսաստանի հետ հարաբերությունները ճիշտ կառուցելու համար։ Սա այն հանգամանքներից ևս մեկն է, որը ենթադրում է շատ արագ իշխանափոխություն, որ մենք կարողանանք սկսել այդ գործընթացը։ Մենք այսօր պաշտպանված չենք, և երկրորդ հարվածը ստանալու վտանգը, այո, կա»,- նշեց Քոչարյանը։

Վարչապետի հրահանգով անցկացված «օպերացիան» դարձավ պատերազմի ամենամեծ ձախողումը. Քոչարյան

Նա վստահ է՝ այս իշխանությունների հետ դա անհնար է։ Հիշեցրեց այն, որ ԱԱԾ նախկին պետ Արգիշտի Քարամյանի առջև խնդիր էր դրվել «ազատվել ռուսական գործակալներից»։ Ասում է՝ խոսքը Ռուսաստանում կրթություն ստացած մարդկանց մասին է։ Այս պայմաններում ինչպե՞ս կարող էին մեր երկրների հատուկ ծառայությունները համագործակցել։

251
թեգերը:
Ռուսաստան, Նիկոլ Փաշինյան, Հայաստան, Ռոբերտ Քոչարյան
թեմա:
Հայաստան-Ռուսաստան համագործակցություն
Ըստ թեմայի
Արայիկ Հարությունյանը չի համաձայնել հանդիպել Ռոբերտ Քոչարյանի հետ. ասել է՝ «իրեն կուտեն»
Ինչ հարաբերություններ ուներ Մանուկյանը «նախկինների» հետ, կամ պաշտոն ստանալու նուրբ արվեստը
«Փոքրիկ ծակոց»․ Կիսելյովը` Sputnik Լատվիայի և Baltnews-ի աշխատակիցների ձերբակալման մասին

Մի շարք առումներով Մանուկյանի թեկնածությունը լավագույնը չէ. Արմեն Բաղդասարյան

0
(Թարմացված է 19:57 04.12.2020)
Քաղաքագետ Արմեն Բաղդասարյանը Sputnik Արմենիայի հետ զրույցի ընթացքում խոսել է ներքաղաքական զարգացումների և ընդդիմադիր քաղաքական ուժերի կողմից անցումային շրջանում միասնական վարչապետ ընտրելու որոշման մասին։ 

16 կուսակցությունների խորհուրդը որոշել է ընդլայնել իր ձևաչափը՝ ձևավորելով Հայրենիքի փրկության շարժում և որպես անցումային կառավարության ղեկավար՝ Հայաստանի Հանրապետության վարչապետ, առաջադրել է Վազգեն Մանուկյանի թեկնածությունը։ 

Արմեն Բաղդասարյանի դիտարկմամբ` Վազգեն Մանուկյանի ընտրությունը կապված էր այն հանգամանքի հետ, որ ավելի հարմար թեկնածու չեն ունեցել, քանզի մի շարք առումներով Մանուկյանի թեկնածությունը, ըստ նրա, լավագույնը չէր։ Քաղաքագետի գնահատմամբ` նախ պետք է հասկանալ, որ խոսքն անցումային կառավարության մասին է, և Մանուկյանը պայմանավորվածության համաձայն` չպետք է մասնակցի հաջորդ ընտրություններին, բայց որքան էլ անցումային շրջանը կարճ տևի, կարևոր է, քանզի իրադարձությունները զարգանում են ժամ առ ժամ, և կան բազմաթիվ այսրոպեական լուծվելիք խնդիրներ։ 

«Այդ խնդիրները լուծելու համար անհրաժեշտ էր առաջադրել այնպիսի քաղաքական գործչի, ով վայելում է հանրության առնվազն մեծամասնության վստահությունը, բայց այդ առումով չեմ կարծում, որ Վազգեն Մանուկյանն ամենահարմար թեկնածուն էր։ Նույնը վերաբերում է նաև ընտրությունների կազմակերպմանը, որովհետև Մանուկյանն է լինելու դրանց անցկացման պատասխանատուն, հետևաբար հանրային վստահությունը չափազանց կարևոր է»,– նշեց քաղաքագետը։

Բաղդասարյանի կարծիքով` կա նաև այլ խնդիր. Մանուկյանի թեկնածության առաջադրումը ցույց է տալիս, որ մենք այս պատերազմից դասեր չենք քաղել, շուրջ 25 տարի ապրել ենք պատրանքներով, իրականությունից կտրված, կեղծ պաթոսի մեջ, մինչդեռ անհրաժեշտ էր իրատեսորեն նայել համաշխարհային զարգացումներին, ճիշտ հաշվարկել սեփական ուժերը` նախընտրելով իրական քաղաքականությունը։ 

Բաղդասարյանը հիշեցրեց, որ Վազգեն Մանուկյանը «Հայերը համաշխարհային ազգ են» գաղափարի ջատագովներից մեկն էր, այսինքն` այն գաղափարախոսության կրողն է, որի արդյունքում այսօր, նրա համոզմամբ, հայտնվել ենք այս պարտված ու ջախջախված վիճակում։ Քաղաքագետը գտնում է, որ 16 ուժերը չէին կարող հաշվի չառնել այդ հանգամանքը, բայց նրանք, ըստ երևույթին, ավելի լավ տարբերակ չեն ունեցել։ 

0
թեգերը:
ընդդիմություն, Արմեն Բաղդասարյան (քաղաքական մեկնաբան), Վազգեն Մանուկյան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
«Լուսավոր Հայաստանը» վարչապետի իր թեկնածուն ունի. նրանք չեն միանում ընդդիմությանը
Վազգեն Մանուկյանը` վարչապետի թեկնածու․ ի՞նչ գիտենք հայկական քաղաքականության վետերանի մասին
Ընդդիմությունը հայտարարեց, որ իրենց վարչապետի թեկնածուն Վազգեն Մանուկյանն է