Жилое здание

Կոմունալ վճարումները արտակարգ դրության ժամանակ․ ՀՀ քաղաքացիներին արտոնություններ կտրվե՞ն

3140
(Թարմացված է 23:57 24.03.2020)
Այս օրերին, երբ Հայաստանում արտակարգ դրության ռեժիմ է հայտարարվել, ու մարդիկ մեկուսացած են, կոմունալ ծառայությունների դիմաց վճարումների հարցն արդիական է դառնում։ Sputnik Արմենիան պարզել է՝ ինչպես վճարումներ անել, ու արդյո՞ք բնակչությանն արտոնություններ են տրվելու։

Լաուրա Սարգսյան, Sputnik Արմենիա

Կորոնավիրուսի հետ կապված իրավիճակը փոփոխություններ է մտցրել հայաստանցիների առօրյա կյանքում։ Բնակչության մեծ մասը ստիպված է տանը նստել կանխարգելման միջոցների ու երկրում հայտարարված արտակարգ դրության ռեժիմի պատճառով։ Դա նշանակում է, որ ամենայն հավանականությամբ քաղաքացիները մեծ քանակով էլեկտրականություն, գազ ու ջուր են սպառելու, ինչը կհանգեցնի կոմունալ ծառայությունների վճարի աճին՝ նախորդ տարվա մարտի համեմատ։

Սարգսյանը ստորագրեց արտակարգ դրության պահանջները խախտելու մասին օրինագիծը

Ոմանց հաջողվում է հեռակա աշխատել ու աշխատավարձ ստանալ, սակայն մասնավոր սեկտորի ներկայացուցիչներից, անհատ ձեռներեցներից, օրավարձով աշխատողներից շատերն առանց եկամտի են մնացել։

Աշխարհի շատ պետություններում համավարակի պատճառով բարդ իրավիճակ է ստեղծվել: Իշխանությունները փորձում են որևէ կերպ մեղմացնել կարանտինի հետ կապված սահմանափակումների ու արգելքների հետևանքները։ Օրինակ, Իտալիայում, կորոնավիրուսի հետ կապված հարկերը ժամանակավոր չեղարկել են, Ֆրանսիայում չեղարկել են կոմունալ վճարումները։ Ուկրաինայում կարանտինի ժամանակ արգելվել է պարտքերի պատճառով անջատել լույսը կամ գազը։

Sputnik Արմենիայի թղթակիցը փորձել է պարզել՝ ինչ իրավիճակ է Հայաստանի Հանրապետության կոմունալ ոլորտում ու դիմել է կոմունալ ծառայություններ մատուցող ընկերություններին։ Նշենք, որ Հայաստանի իշխանությունը դեռ կոմունալ վճարումների վերաբերյալ որևէ ընդհանուր որոշում չի կայացրել։

Հարցրել ենք էլեկտրաէներգիա, ջուր ու գազ մատակարարող ընկերություններից, արդյո՞ք երկրում տիրող իրավիճակի պատճառով կոմունալ վճարումների վերաբերյալ փոփոխություններ եղել են, ու արդյո՞ք սոցիալական որոշ խմբերին արտոնություններ կտրվեն։

 «Գազպրոմ Արմենիա»

«Գազպրոմ Արմենիա» ՓԲԸ-ն կոչ է անում քաղաքացիներին ժամանակին մարել գազի պարտքերը։ Այդպես է ընկերությունը պատասխանել Sputnik Արմենիայի հարցմանը։ Ընկերությունը շարունակում է աշխատել, հիմնվելով ՀՀ Հանրային ծառայությունները կարգավորող հանձնաժողովի 08.07.2005թ. N95-Ն որոշմամբ հաստատված Բնական գազի մատակարարման և օգտագործման կանոնների 8.4 կետի վրա։ Դրանում նշված են բնական գազի մատակարարման և օգտագործման կանոնները, համաձայն որոնց՝

 «Բնակիչ-բաժանորդը նախորդ հաշվարկային ամսում մատակարարված (վերահաշվարկված) գազի արժեքի համար պարտավոր է վճարել սահմանված կարգով և ժամկետներում՝ նախորդ հաշվարկային ամսում բնակիչ-բաժանորդներին մատակարարված (վերահաշվարկված) գազի քանակի և արժեքի մասին տեղեկատվության հրապարակումից հետո 7 օրվա ընթացքում», - նշված է հաղորդագրության մեջ։

Քանի որ ՀՀ օրենսդրությամբ այլ արտոնություն սահմանված չէ, «Գազպրոմ Արմենիա» ՓԲԸ-ն չի կարող լրացուցիչ արտոնություն տրամադրել մատակարարված գազի արժեքի համար վճարումների հարցում:

 «Վեոլիա Ջուր»

Ինչպես «Գազպրոմ Արմենիան», «Վեոլիա Ջուր» ընկերությունը նույնպես քաղաքացիներին հորդորում է ժամանակին կատարել վճարումները։ Ընկերության հանրային կապերի բաժնում նշեցին, որ բնականաբար, կգտնվեն առանձին քաղաքացիներ, որոնց համար դժվար է կամ հակացուցված տնից դուրս գալը:

«Չի բացառվում, որ նրանցից որոշների մոտ, աշխատանքի բնույթից ելնելով, կարող են առաջանալ նաև ֆինանսական դժվարություններ: Հասկանալի է, որ նման դեպքերում «Վեոլիա Ջուր» ՓԲԸ-ն պատրաստ է անհատական մոտեցում ցուցաբերել», - նշեցին ընկերությունում։

Սակայն ընկերությունը մատուցած ծառայությունների դիմաց վճարումների հարցում օրենսդրությամբ սահմանված կարգի փոփոխության համար որևէ հիմք չի տեսնում:

 «Հարկ է նշել, որ «Վեոլիա Ջուր» ընկերությունը, ի տարբերություն հանրային ծառայություններ մատուցող այլ ընկերությունների, ունենալով բոլոր իրավունքները, հասկանալի պատճառներով թերի վճարումների հետ կապված երբեք էլ բնակիչ-բաժանորդների ջրանջատումներ չի իրականացրել»,-նշված է ընկերության պատասխանում։

Ընդ որում, ընկերությունը նշում է, որ այդ հանգամանքով պայմանավորված՝ անբարեխիղճ բաժանորդների պատճառով որոշակի ֆինանսական վնասներ է կրում։

Ովքե՞ր կարող են աշխատել ՀՀ–ում. սահմանափակումների ու բացառությունների ցանկը հրապարակվեց

Մի շարք հանգամանքների թվում, խնդիրն այստեղ նաև այն է, որ գործող սակագինը ներառում է հիմնականում համակարգի շահագործման (վերանորոգում, կառուցում, պահպանում և այլն) ծախսերը և շուրջ 3000 աշխատակիցների աշխատավարձը։ «Ավելորդ» գումարներ չկան:

 «Հետևաբար, սառեցնելով հավաքագրումը, մենք ուղղակի վտանգում ենք նույն սպառողների կայուն ջրամատակարարումը։ Իսկ այս անհանգիստ օրերին, երբ զգալիորեն ավելացել է ջրի սպառումը, և շատերը դիմում են մեզ, այդ թվում ԶԼՄ-ների միջոցով, խնդրելով ապահովել շուրջօրյա գրաֆիկ, դա ընդհանրապես անթույլատրելի է», - նշված է ընկերության պատասխանում։

Ինչ վերաբերում է վճարման խնդրի տեխնիկական կողմին, ապա ակնհայտ է, որ ժամանակակից վճարման համակարգերը թույլ են տալիս վճարումներ կատարել անգամ տնից: Նաև ամենուր տեղադրված են վճարումներ ընդունող տերմինալներ: Բանկերն ու Հայփոստը նույնպես գործում են ամենօրյա ռեժիմով:

 «Ի վերջո, խոսքն ամսական ընդամենը 650-700 դրամի մասին է, որ վճարում է յուրաքանչյուր սպառող: Մեր կոմունալ ծախսերի մեջ ջրամատակարարման չափաբաժինն առ այսօր ամենափոքրն է: Ակնհայտ է, որ դա այն գումարը չէ, ոը կարող է բացասաբար անդրադառնալ ընտանեկան բյուջեի վրա, մինչդեռ հավաքագրվող գումարները «Վեոլիա Ջուր» ՓԲԸ-ին հնարավորություն են տալիս աշխատել շուրջօրյա ռեժիմով ու զարգացնել մի համակարգ, որի կարևորությունն ակնհայտ է ամբողջ հանրության համար», - ասացին ընկերությունից։

 «Հայաստանի էլեկտրական ցանցեր»

 «Հայաստանի էլեկտրական ցանցեր» ՓԲԸ-ի մամուլի քարտուղար Նատալյա Սարջանյանը Sputnik Արմենիայի հետ զրույցում նշեց, որ ընկերությունը չի անջատել պարտքերը չմարած քաղաքացիների էլեկտրամատակարարումը։

 «Այս պահին ընկերությունը էլեկտրականությունն անջատելու մասին որոշում չի կայացրել։ Սակայն կոչ ենք անում քաղաքացիներին կատարել վճարումները», - ասաց Սարջանյանը։

Նրա խոսքով՝ դեռ հայտնի չէ, թե որքան է ընկերությունը սպասելու պարտքերը մարելուն։ Այս մասին լրացուցիչ կտեղեկացվի։

Հիշեցնենք՝ կորոնավիրուսի տարածումը կանխարգելելու նպատակով հանրապետությունում մարտի 16-ից ապրիլի 14-ը արտակարգ դրություն է հայտարարվել:

ՀՀ փոխվարչապետ, գլխավոր պարետ Տիգրան Ավինյանը քիչ առաջ որոշում է կայացրել, ըստ որի՝ ՀՀ ամբողջ տարածքում մինչև մարտի 31-ը, ժամը 23:59-ն արգելվում է տնտեսական գործունեության տեսակներով զբաղվել։ Իսկ էլեկտրականության, գազի մատակարարմամբ, ինչպես նաև ջրամատակարարմամբ, կոյուղու, թափոնների կառավարմամբ ու վերամշակմամբ զբաղվողների գործունեությունն իրականացնում են անհրաժեշտ նվազագույն անձնակազմով՝ անհետաձգելի և վթարային աշխատանքներ իրականացնելու նպատակով։

ՀՀ–ում տեղաշարժի սահմանափակումներ կլինեն. կորոնավիրուսի կանխարգելման քայլերը խստացվում են

3140
թեգերը:
ջուր, Հայաստանի էլեկտրական ցանցեր (ՀԷՑ), Լույս, «Գազպրոմ Արմենիա» ընկերություն, գազ, կոմունալ ծախսեր
թեմա:
Կորոնավիրուսը Հայաստանում և Արցախում (1329)
Ըստ թեմայի
Նոր մեկուսարանը գրեթե պատրաստ է. «Տա Աստված, այսպես դատարկ էլ մնա․․․»
Հիվանդանոցների հնարավորությունների մասին. նախարարը շրջայց է կատարել
Ո՞վ է պահելու աշխատավարձ չստացող քաղաքացուն. պարտականության հարցում կարծիքները տարբեր են
Բեռնատար, արխիվային լուսանկար

ՌԴ-ից ՀՀ պայթուցիկ նյութեր տեղափոխող բեռնատարները մնացել են Վրաստանում․ ո՞րն է պատճառը

74
(Թարմացված է 01:07 05.08.2020)
Հանքարդյունահանման ոլորտում հայկական ձեռնարկությունների կողմից օգտագործվող պայթուցիկ նյութով բեռնված յոթ ֆուռերն արդեն երկու շաբաթ է ՝ գտնվում է Վերին Լարսի չեզոք գոտում ։

ԵՐԵՎԱՆ, 5 օգոստոսի – Sputnik․ Հանքարդյունահանման ոլորտում հայկական ձեռնարկությունների կողմից օգտագործվող նյութով բեռնված յոթ բեռնատարներն արդեն երկու շաբաթ է՝ գտնվում են «Վերին Լարսի» սահմանային անցակետի չեզոք գոտում։ Բեռնատարները հատել են ռուսական կողմի սահմանը, սակայն վրացական սահմանապահ ծառայությունը չի թույլատրում դրանց տեղաշարժը Վրաստանի տարածքով։ Այս մասին Sputnik Արմենիայի թղթակցի հետ զրույցում հայտնեց Հայաստանում Geo Pro Mining ընկերության պաշտոնական ներկայացուցիչ Ռուզաննա Գրիգորյանը։

Նա նշեց, որ սահմանապահները չեն մեկնաբանում, թե ինչու  բեռնատարների մուտքը Վրաստան չեն թույլատրում։ ՀՀ ԱԳՆ-ն, և Վրաստանում Հայաստանի դեսպանատունն  արդեն զբաղվում են խնդրով։

Ինչի՞ համար են պայթուցիկ նյութերը

Հանքարդյունահանող GPM Gold ընկերության, ինչպես նաև Ագարակի կոմբինատի համար նախատեսված բեռնատարները բեռնված են ԱՍ-25 Պէմուլսիոն բաղադրանյութով․ պայթուցիկ նյութը նախատեսված է լեռնային աշխատանքների համար: Այն արդեն մի քանի տարի է՝Ռուսաստանից Հայաստան է ներկրվում Վրաստանի տարածքով։

Այս ապրանքի մատակարարման մասին GPM Gold-ը ռուսական «Պրոմսինթեզ» ընկերության հետ պայմանագիր է կնքել դեռևս 2018 թվականին։ Այդ ժամանակից ի վեր,միայն իր ներքին սպառման համար,ընկերությունը մատակարարում է 160 տոննա նշված նյութից՝ 12-13 տրանսպորտային միջոցներով. Գրիգորյանը նշեց, որ 2 տարվա ընթացքում որևէ խնդիր չի առաջացել։

«Ապրանքը չեն ընդունել և անցումը չեն թույլատրել վրացի սահմանապահները, չնայած որ մատակարարը՝ ռուսական «Պրոմսինթեզ» ընկերությունը, ունեցել է անհրաժեշտ բոլոր փաստաթղթերն ու ներկրման իրավունքը»,- պարզաբանեց նա։

«Ֆուդ սիթիի» խնդիրը չի լուծվել, բայց մթերքով բեռնված և արգելափակված բեռնատար չկա. Տողանյան

Գրիգորյանը նշեց, որ այդ ապրանքը պարբերաբար օգտագործվում է ընկերության ակտիվների ներկարտադրական ցիկլում և վերահսկվում է ՀՀ իրավասու մարմինների կողմից: Հետևաբար, բեռը երրորդ կողմին հանձնելու հնարավոր սպառնալիքների մասին խոսք լինել չի կարող։

Նշված նյութը հատուկ տեսակի ապրանքների կատեգորիայի մեջ է։ Ոչ մի ընկերություն չի կարող հենց այնպես, ինքնուրույն մատակարարել այն, դրա համար հատուկ ծառայություններից ստացած թույլտվություն, ինչպես նաև երկրի կառավարությունների երաշխավորական պարտավորագրեր են հարկավոր։ Բացի առևտրային համաձայնագրի կնքումից, Էկոնոմիկայի նախարարությունը հատուկ հավաստագիր է տրամադրում, համաձայն որի՝ ապրանքը հասնում է վերջնական օգտագործողին՝ պատվիրատուին, տվյալ դեպքում՝ GPM Gold-ին։

Ընկերությունում հույս ունեն, որ Հայաստանի Հանրապետության իրավասու մարմինների և Վրաստանի համապատասխան կառույցների միջև բանակցությունները կավարտվեն կառուցողական եզրակացությամբ, և կարճ ժամանակում ապրանքը տեղ կհասնի։

Խնդիրը տեխնիկակա՞ն է

Վրաստանի միջազգային բեռնափոխադրողների ասոցիացիայի գլխավոր քարտուղար Գիա Ցիպուրիան կարծում է, որ խնդիրը զուտ տեխնիկական տիրույթում է։

«Սա սովորական ապրանք չէ և սովորական բեռնափոխադրումների ու բարդ տրանզիտի մեջ չի տեղավորվում»,-շեշտեց նա։

Ցիպուրիան վերհիշեց, որ մեկ անգամ բեռը հետ են ուղարկել պարզապես այն պատճառով, քանի որ հնարավոր չի եղել այն թունելով անցկացնել։ Մեկ անգամ էլ պատճառ է դարձել նախապես նշված չափերի ու ծավալի գերազանցումը։ Մեկ այլ դեպքում՝ բեռը կանգնեցրել են, քանի որ վարորդի որակավորման ժամկետը լրացած է եղել։ Իսկ թե ինչ է տեղի ունեցել այս անգամ՝ նա որևէ մեկնաբանություն չի տվել։

Ինչ կտա «կանաչ միջանցքը» հայկական բեռնատարներին. «Վերին Լարսի» հերթերը կմնա՞ն անցյալում

Վրաստանի նախագահի աշխատակազմի նախկին ղեկավար Պետրե Մամրաձեն քաղաքական ենթատեքստը բացառեց․ «Ես լավ գիտեմ նման իրավիճակները։ Բացառված է, որ որևէ մեկը հենց այնպես վերցնի ու որոշի բեռնատարները ներս չթողնել»։

Մամրաձեն ևս կոչ արեց սպասել պաշտոնական հայտարարությունների։

74
թեգերը:
դեսպանատուն, Արտաքին գործերի նախարարություն (ԱԳՆ), բեռնափոխադրում, բեռնատար, Վրաստանի Հանրապետություն, Հայաստան, Ռուսաստան
Ըստ թեմայի
ՀՀ քաղաքացիների հետ միջադեպ Վերին Լարսում․ դեսպանությունը բացատրեց` ինչ է տեղի ունեցել
«Մենք ամեն ինչի պատրաստ ենք, միայն թե Վերին Լարսում ֆիզիկական զննում չլինի». Փաշայան
Ինքնագործունեությունը բարդացնում է իրավիճակը Լարսում` ստեղծելով լարումներ. Թանանյան
Տևական ժամանակ Վերին Լարսում գտնվող քաղաքացիները տեղափոխվել են Հայաստան
Բեյրութ

Լիբանանում ՀՀ դեսպանությունը փորձում է պարզել՝ Բեյրութի պայթյունից հայեր տուժել են, թե ոչ

233
(Թարմացված է 22:05 04.08.2020)
Համացանցը ողողվել է հզոր պայթյունի ահասարսուռ կադրերով։ Լիբանանում ՀՀ դեսպանության աշխատակիցներն ու Մեծի Տանն Կիլիկիո Կաթողիկոս Արամ Ա-ն շրջում է հայկական թաղամասերում։

ԵՐԵՎԱՆ, 4 օգոստոսի- Sputnik. Լիբանանում ՀՀ դեսպանությունն անհրաժեշտ աշխատանքներ է իրականացնում Բեյրութի նավահանգստում տեղի ունեցած պայթյունի հետևանքով զոհվածների և տուժածների շրջանում ՀՀ քաղաքացիների հայտնաբերման ուղղությամբ: Այս մասին Sputnik Արմենիային հայտնեց ՀՀ ԱԳՆ մամուլի քարտուղար Աննա Նաղդալյանը:

Համացանցում արդեն հայտնվել են կադրեր, որտեղ Մեծի Տանն Կիլիկիո Կաթողիկոս Արամ Ա-ն շրջում է հայկական թաղամասերում և փորձում պարզել, արդյոք տուժածներ կան, թե ոչ ։ Կաթողիկոսի կողքով անցնող մարդիկ կանգ են առնում և օրհնություն խնդրում նրանից։ Կադրերում երևում է, որ տների ապակիները կոտրվել են, իսկ բեկորները թափվել գետնին, իսկ շտապօգնության մեքենաները՝ ազդանշանները միացրած երթևեկում։

Նշենք, որ "Management MIX" ընկերության տնօրեն Րաֆֆի Սեմերջյանն Էլ Facebook-ի իր էջում հայտնել է, որ պայթյունը որոտացել է իր տնից 10 կմ հեռավորության վրա, սակայն ընտանիքի անդամներից ոչ ոք չի տուժել: Նա տեսանյութ և լուսանկար է հրապարակել։

233
թեգերը:
Բեյրութ, Լիբանան, պայթյուն, դեսպանատուն, հայ