ԵՐԵՎԱՆ, 24 մարտի – Sputnik. ՀՀ նախագահ Արմեն Սարգսյանը ստորագրեց արտակարգ դրության ժամանակ մեկուսացման կամ ինքնամեկուսացման պահանջները խախտելու համար վարչական ու քրեական պատասխանատվության մասին օրինագիծը։
Ինչպես տեղեկացնում են նախագահի մամուլի ծառայությունից, Արմեն Սարգսյանն այսօր է ստորագրել «Հայաստանի Հանրապետության քրեական օրենսգրքում» լրացումներ կատարելու մասին» և ««Վարչական իրավախախտումների վերաբերյալ» Հայաստանի Հանրապետության օրենսգրքում փոփոխություն և լրացումներ կատարելու մասին» օրենքները:

© Sputnik / Andranik Ghazaryan

«Տաշիր» հիմնադրամը Հայաստանին 200 հազար դոլար է տրամադրել կորոնավիրուսի դեմ պայքարի համար

«Օրենքները նպատակաուղղված են բարձրացնելու արտակարգ դրության ընթացքում ձեռնարկվող միջոցառումների արդյունավետությունը:

Կանխարգելիչ միջոցառումներն անհրաժեշտ են և պետք է անվերապահ և պատասխանատու ձևով կատարվեն յուրաքանչյուրի կողմից»,-ասված է նախագահի հայտարարության մեջ:

Նշվում է, որ անհրաժեշտ է նաև բոլոր պատկան մարմինների, այդ թվում՝ իրավապահների կողմից օրենքների կիրառման ընթացքում բարձր պատասխանատվության դրսևորում:

ՀՀ քաղաքացիները կարող են Բելառուսով հայրենիք վերադառնալ․ դեսպան

«Մեկուսացման և ինքնամեկուսացման կանոնները սահմանելիս, անգամ արտակարգ դրության պայմաններում, տարբեր առողջական լուրջ խնդիրներ ունեցող անձանց համար, ընտանեկան դժբախտությունների ժամանակ և այլ բացառիկ դեպքերում անհրաժեշտ է ցուցաբերել հոգատար վերաբերմունք և անհատական մոտեցում»,-ասված է հայտարարության մեջ:

Սարգսյանի հայտարարության մեջ նշնում է, որ կարևոր է նաև, օրենքով մամուլի համար սահմանվող սահմանափակումների հիմնավորված ու համաչափ կիրառումը: 

© Sputnik / Andranik Ghazaryan

Ովքե՞ր կարող են աշխատել ՀՀ–ում. սահմանափակումների ու բացառությունների ցանկը հրապարակվեց

Հիշեցնենք, որ երեկ՝ մարտի 23-ին ԱԺ-ն արտահերթ նիստում միաձայն (117 կողմ) հաստատեց արտակարգ դրության ժամանակ մեկուսացման կամ ինքնամեկուսացման պահանջները խախտելու համար վարչական ու քրեական պատասխանատվության մասին օրինագիծը։

Քրեական ու վարչական օրենսգրքերում կատարված փոփոխություններով` արտակարգ դրության ընթացքում մեկուսացման կամ ինքնամեկուսացման կանոնները խախտելն առաջացնում է տուգանքի նշանակում 100-250 հազար դրամի չափով (առաջին ընթերցմամբ ընդունված տարբերակում 300-500 հազար էր), մեկուսացման կամ ինքնամեկուսացման կանոնները խախտելու հետևանքով անզգուշությամբ այլ անձի վարակումը պատժվում է տուգանքով՝ 300-500 հազար դրամի չափով, կամ կալանքով՝ առավելագույնը 1 ամիս ժամկետով, երկու կամ ավելի անձանց վարակումը կամ մարդու առողջությանը ծանր վնասի պատճառումը պատժվում է տուգանքով՝ 500-700 հազար դրամի չափով կամ կալանքով՝ 1-3 ամիս ժամկետով, կամ ազատազրկմամբ՝ մինչև 2 տարի ժամկետով, մարդու մահվան առաջացումը պատժվում է ազատազրկմամբ՝ 2-4 տարի ժամկետով։

ՀՀ–ում տեղաշարժի սահմանափակումներ կլինեն. կորոնավիրուսի կանխարգելման քայլերը խստացվում են

ԵՐԵՎԱՆ, 8 մարտի – Sputnik. Բրիտանիայի թագավորական ընտանիքին անհանգստացրել է արքայազն Հարրիի և նրա կնոջ՝ Մեգան Մարքլի ապագա երեխայի մաշկի մգությունը։ Մեգանն այդ մասին պատմել է Օփրա Ուինֆրիին տված հարցազրույցում։

© AP Photo / Christiaan Kotze

2 մլն դոլար փոխհատուցում. Մեգան Մարքլը շահել է բրիտանական պարբերականի դեմ դատը

Նրա խոսքով` իր առաջին հղիության ժամանակ արքայազն Հարրին իրեն պատմել է, որ ընտանիքի ներկայացուցիչներից ոմանք անհանգստացել են, թե որքան մուգ կլինի երեխայի մաշկի գույնը։ Միաժամանակ Մեգանն ակնարկել է, որ իրենց որդին հենց այդ պատճառով տիտղոս չի ստացել։ Սասեքսի դքսուհին պատմել է, որ իրենք Արչիի տիտղոսից չեն հրաժարվել, բայց երեխան ոչ միայն չի ստացել այն, այլև զրկվել է թագավորական ընտանիքի պաշտպանությունից։

Այդ ֆոնին Մեգանն ընդգծել է, որ թագուհու՝ Եղիսաբեթ 2-րդի և Քեյթ Միդլթոնի հետ ինքը լավ հարաբերություններ ունի անգամ ընտանիքից հեռանալուց հետո, իսկ Հարրին շարունակում է սիրել Ուիլյամին ու Չարլզին, սակայն չի ուզում համակարգի անդամ լինել։ Ի դեպ, Մեգանը բազմաթիվ անգամ ասել է, որ արքայական ընտանիքի անդամները շատ բարեհոգի են և շատ են տարբերվում թագավորական ինստիտուտի կառավարիչներից։

Հարցազրույցի ընթացքում դքսուհին խոստովանել է նաև, որ արքայական ընտանիքի անդամի պարտականություններն իրեն ոչ ոք չի սովորեցրել, և նա հաճախ ստիպված է եղել «գուգլել» (փնտրել համացանցում), որպեսզի չխայտառակվի։
Բացի այդ, նա ընտանեկան գաղտնիք է բացահայտել․ պարզվում է՝ Մեգն ու Հարրին ամուսնացել են հրապարակային արարողությունից երեք օր առաջ։ Արարողությանը հյուրեր չեն եղել, ներկա է եղել միայն Քենթրբերիի արքեպիսկոպոսը։ Բայց հենց այդ երդումն են ամուսինները իրական պսակադրություն համարում։

© AP Photo / Simon Dawson

«Պարծենկոտ արքայադստեր օրագիրը»․ հրապարակվել են Մեգան Մարքլի խորթ քրոջ ու հոր հուշերը

Մեգան Մարքլի վրա ճնշում է գործադրել ոչ միայն թագավորական, այլև սեփական ընտանիքը։ Պարզվում է՝ մեկ տարի առաջ Մեգանը հետապնդման պատճառով անգամ ինքնասպանության մտքեր է ունեցել։ Սակայն հղիությունը դրական է ազդել նրա ինքնազգացողության և տրամադրության վրա։ Մարքլն ակնարկել է նաև, որ իրենց երկրորդ երեխան աղջիկ է լինելու։

Հարցազրույցը բաղկացած է երկու մասից՝ Օփրայի զրույցը Մեգանի հետ և համատեղ զրույց Հարրիի հետ։ Նկարահանումները տեղի են ունեցել մոտավորապես այն օրերին, երբ զույգն առաջին անգամ աշխարհին հայտնեց, որ իրենց ընտանիքում համալրում է լինելու։ Այդ լուրից և հարցազրույցի ծանուցման հրապարակումից հետո Բուքինգհեմյան պալատը պաշտոնապես հայտարարեց, որ Հարրիին ու Մեգանին զրկում է պաշտպանությունից։

Արդեն նախկին դուքսն ու դքսուհին ի պատասխան հայտարարեցին, որ պատրաստվում են ծառայել հանրությանը՝ անկախ իրենց պաշտոնական դերից և բնակավայրից։