Զոհրաբ Մնացականյան

Հայաստանն աջակցում է ՄԱԿ-ի գլխավոր քարտուղարի՝ գլոբալ հրադադարի կոչին. Մնացականյան

75
(Թարմացված է 14:36 24.03.2020)
ՄԱԿ-ի գլխավոր քարտուղար Անտոնիո Գուտերեշը հակամարտող երկրներին հրադադարի կոչ է արել՝ աշխարհի առաջ ծառացած կորոնավիրուսային համավարակի պատճառով:

ԵՐԵՎԱՆ, 24 մարտի –Sputnik. ՀՀ արտաքին գործերի նախարար Զոհրաբ Մնացականյանը Twitter-ի իր միկրոբլոկում անդրադարձել է Միավորված ազգերի կազմակերպության (ՄԱԿ) գլխավոր քարտուղար Անտոնիո Գուտերեշի` աշխարհի բոլոր անկյուններում գլոբալ հրադադարի կոչին և նշել, որ Հայաստանը միանում և աջակցում է այդ կոչին:

«Հայաստանը լիակատար աջակցություն է հայտնում ՄԱԿ-ի գլխավոր քարտուղար Անտոնիո Գուտերեշի կոչին, որտեղ նա նշում է, որ մինչ ողջ մարդկությունը պայքարում է ընդդեմ ընդհանուր թշնամու՝ COVID-19-ի, աշխարհի բոլոր անկյուններում պետք է հաստատել գլոբալ հրադադար»,-գրել է Մնացականյանը:

Նշենք, որ ՄԱԿ-ի գլխավոր քարտուղար Անտոնիո Գուտերեշը հակամարտող երկրներին հրադադարի կոչ է արել՝ աշխարհի առաջ ծառացած կորոնավիրուսային համաճարակի պատճառով:

«COVID19-ը ազգային, էթնիկ, կրոնական պատկանելիություն չի ճանաչում: Այն խոցում է բոլորին: Այս ամենի ֆոնին ամբողջ աշխարհում շարունակվում են զինված հակամարտությունները և առավել խոցելիները ամենաբարձր գինն են վճարում: Այդ պատճառով անհապաղ գլոբալ հրադադարի կոչ եմ անում»,-գրել է ՄԱԿ-ի գլխավոր քարտուղարը Twitter-ում:

Նա նշել է, որ պատերազմից տուժած երկրներում առողջապահական համակարգերը փլուզվել են: Փախստակնները, տեղահանված անձինք կրկնակի խոցելի են դարձել: «Վերջ տվեք պատերազմին և եկեք պայքարենք այն հիվանդության դեմ, որը փչացնում է մեր աշխարհը»,-ասել է նա:

ԱԻՆ–ը կորոնավիրուսի վերաբերյալ 233 զանգ է ստացել

Նշենք, որ այսօր ադրբեջանական մամուլը գրել էր, թե իբր պաշտպանության բանակի առաջապահ ստորաբաժանումները «Գերանբոյի ուղղությամբ դիմել են սադրանքի և չեզոք գոտում թողել մեկ զինծառայողի, ինչին ի պատասխան Արցախի պաշտպանության նախարարությունը հայտարարություն տարածեց, որով վստահեցրեց, որ ադրբեջանական լրատվամիջոցների տարածած տեղեկությունը, թե հայկական կողմը զոհ ունի, սուտ է։

Արցախի ՊՆ–ն կոչ արեց ադրբեջանական կողմին զերծ մնալ իրադրությունն արհեստականորեն սրելու անհեռանկար մարտավարությունից և չգնալ հետագա լարման:

75
թեգերը:
Անտոնիո Գուտերեշ, Միավորված ազգերի կազմակերպություն (ՄԱԿ), Զոհրաբ Մնացականյան, կորոնավիրուս
թեմա:
Կորոնավիրուսը Չինաստանում և աշխարհում (462)
Ըստ թեմայի
Սերժ Սարգսյանի պաշտպանը խնդրել է հետաձգել ՀՀ երրորդ նախագահի դատը
Գործատուներն արտակարգ դրության ժամանակ վճարում են ըստ ցանկության. նոր նախագիծ է մշակվել
Ի՞նչ պատժամիջոցներ կկիրառվեն Ծառուկյանի նկատմամբ, եթե նա հրաժարվի վճարել աշխատակիցներին