Գագիկ Ծառուկյան

Ի՞նչ պատժամիջոցներ կկիրառվեն Ծառուկյանի նկատմամբ, եթե նա հրաժարվի վճարել աշխատակիցներին

873
(Թարմացված է 13:56 24.03.2020)
Գործատուն պարտավոր է վճարել հարկադիր պարապուրդի համար, սակայն Գագիկ Ծառուկյանը հայտարարել է, որ ինքը չի պատրաստվում այդ քայլին գնալ։

ԵՐԵՎԱՆ, 24 մարտի — Sputnik. Կառավարությունում այսօր կայացած ասուլիսի ժամանակ ՀՀ աշխատանքի և սոցիալական հարցերի նախարարության աշխատանքի և զբաղվածության վարչության պետ Ժորա Սարգսյանը, պատասխանելով հարցին, թե ի՞նչ սանկցիաներ կլինեն ԲՀԿ ղեկավար Գագիկ Ծառուկյանի նկատմամբ, որը հրաժարվում է վճարել աշխատակիցներին, ասաց` եթե գործատուն հարկադիր պարապուրդի համար չի վճարում աշխատողին, ապա նա պարտավորվում է տույժ վճարել։

Նիկոլ Փաշինյանը ուղերձով կդիմի ժողովրդին

Երեկ Ազգային ժողովում Ծառուկյանը լրագրողների հետ զրույցում ասել էր` ինքն ինչո՞ւ պիտի վճարի իր աշխատակիցներին. պետությունը հայտարարել է արտակարգ իրավիճակ, պետությունն էլ պարտավոր է վճարել։

«Աշխատանքային օրենսգրքում այժմ էլ ամրագրված է, որ գործատուն աշխատակիցներին պարտավոր է մինչև յուրաքանչյուր ամսի 15–ը աշխատավարձ վճարել։ Չվճարելու դեպքում գործատուն տույժ է վճարում աշխատակցի աշխատավարձի չափով»,– ասաց Սարգսյանը։

Նրա խոսքով` պարապուրդի համար աշխատակցին չվճարելու դեպքում գործատուն նույն տույժին է ենթարկվում։

Ամեն ինչ թափվելու է անդունդը. Ծառուկյան

Անդրադառնալով արտակարգ դրության ժամանակ մի շարք գործատուների` աշխատակիցներին հարկադիր արձակուրդի ուղարկելու հարցին` Սարգսյանը պատասխանեց, որ եթե աշխատողը դիմում չի գրում, որ արձակուրդի գնա, ապա գործատուն իրավունք չունի հարկադիր արձակուրդի ուղարկել նրան։

Հիշեցնենք, որ աշխատանքային օրենսգրքի 107 հոդվածը նախատեսում է, որ եթե պարապուրդն առաջացել է ոչ աշխատողի մեղքով, ապա գործատուն նրան այլ աշխատանքի տեղափոխելու իրավունք ունի: Իսկ եթե չի կարողանում աշխատողին այլ աշխատանքի տեղափոխել, ապա պարտավոր է վճարել ժամային նվազագույն աշխատավարձի չափով։ Մյուս կողմից, 186-րդ հոդվածի 6-րդ կետի մասի համաձայն` անհաղթահարելի ուժ համարվող պատճառներով առաջացած պարապուրդի համար աշխատակիցը չի վճարվում։ Այս օրերին գործատուների մի մասն առաջնորդվում է Աշխատանքային օրենսգրքի մի հոդվածով` վճարելով իր աշխատողներին, մի մասն էլ ընդհանրապես չի վճարում` առաջնորդվելով մյուս հոդվածով։

Նշենք, որ Հայաստանում մարտի 16-ին արտակարգ դրություն է հայտարարվել, որը կտևի մինչև ապրիլի 14-ը։

Արտաշատի խանութներից մեկում մանրը վերադարձնում են գոգաթիակով. տեսանյութ

873
թեգերը:
Արտակարգ դրություն, աշխատանք, Գագիկ Ծառուկյան, Հայաստան
Ըստ թեմայի
Արտակարգ իրավիճակում բեռն ընկնում է գործատուների վրա. իսկ նրանք պատրա՞ստ են դրան
Ի՞նչ պետք է իմանան աշխատող քաղաքացիներն ու գործատուները. ՄԻՊ–ը հայտարարություն է տարածել
Թումասյան. «Անհրաժեշտ է, որ գործատուները ցուցաբերեն սոցիալական պատասխանատվություն»