Նարեկ Սամսոնյան

Նարեկ Սամսոնյանը Նիկոլ Փաշինյանի նկատմամբ սուտ մատնություն է արել. ՀՔԾ

101
(Թարմացված է 13:40 23.03.2020)
Նարեկ Սամսոնյանի դեմ հարուցված քրգործը հանձնվել է հսկողություն իրականացնող դատախազին` դատարան ուղարկելու միջնորդությամբ:

ԵՐԵՎԱՆ, 23 մարտի — Sputnik. Հատուկ քննչական ծառայությունը տեղեկացնում է, որ «Քաղաքացիական գիտակցություն» ՀԿ նախագահ Նարեկ Սամսոնյանի կողմից սուտ մատնություն կատարելու վերաբերյալ քրեական գործի նախաքննությունն ավարտվել է։

«Հիմնավորվել է, որ Սամսոնյանը, գիտակցելով իր տրամադրած տեղեկատվության կեղծ լինելը, ՀՀ վարչապետի նկատմամբ կատարել է սուտ մատնություն։ Նա վարչապետին է վերագրել պաշտոնեական լիազորությունները չարաշահելու՝ ՀՀ քրեական օրենսգրքի 308-րդ հոդվածի 1-ին մասով նախատեսված հանցագործության կատարում»,– նշված է հաղորդագրության մեջ:

Հանցագործության մասին սուտ մատնություն կատարելու համար Նարեկ Սամսոնյանին մեղադրանք է առաջադրվել ՀՀ քրեական օրենսգրքի 333-րդ հոդվածի 1-ին մասով։

Գործը մեղադրական եզրակացությամբ հանձնվել է հսկողություն իրականացնող դատախազին` այն դատարան ուղարկելու միջնորդությամբ:

Սամսոնյանին հարցաքննել են «իկրայի գործով». նա չի ընդունում իրեն առաջադրված մեղադրանքը

Հիշեցնենք, որ Սամսոնյանը որոշ ժամանակ առաջ Facebook–ի իր էջում գրել էր, որ վարչապետ Նիկոլ Փաշինյանի ընտանիքն ամեն ամիս ռեստորաններից մեկից գնում է 3000 դոլար արժողությամբ սև խավիար։ Հետո, ըստ գրառման, երբ նորից են ուզել խավիար գնել, փորձել են անկանխիկ վճարել, բայց նրանց հայտնել են` այդ դեպքում այն ավելի թանկ է արժենալու։ Դրանից հետո Փաշինյանը ՊԵԿ–ին հրահանգել էր զբաղվել այդ ռեստորանով։

Արարատ Միրզոյանը դատի է տվել Նարեկ Սամսոնյանին

101
թեգերը:
Հատուկ քննչական ծառայություն (ՀՔԾ), Նիկոլ Փաշինյան, Նարեկ Սամսոնյան, Հայաստան
Ըստ թեմայի
ՀՅԴ-ն դատի է տվել Արման Բաբաջանյանին
Արդարադատության նախարարը դատի է տվել Նարեկ Մալյանին
Հրայր Թովմասյանը դատի է տվել Նիկոլ Փաշինյանին
Արամ Օրբելյանը դատի է տվել ԱԱԾ–ին և Հանրային հեռուստաընկերությանը
Ռոբերտ Քոչարյանի պաշտպանը դատի է տվել Նիկոլ Փաշինյանին