Հայաստանում Ռուսաստանի դեսպանատուն

Ինչպես են աշխատում դեսպանատները Հայաստանի արտակարգ ռեժիմի պայմաններում

393
(Թարմացված է 22:46 21.03.2020)
Դիվանագիտական ներկայացուցչություններից շատերը սահմանափակել են քաղաքացիների ընդունումն ու անցել աշխատանքի հեռավար ռեժիմի, թեժ գծեր են գործում։

ԵՐԵՎԱՆ, 21 մարտի – Sputnik. Հաշվի առնելով Հայաստանում հայտարարած արտակարգ դրության ռեժիմը, ինչպես նաև աշխարհում կորոնավիրուսի տարածման հետ կապված իրավիճակը` դեսպանատներն իրենց աշխատակիցների ու քաղաքացիների անմիջական շփումները նվազագույնի են հասցրել։

Ռուսաստանի դեսպանատուն

Կորոնավիրուսի տարածման պատճառով Ռուսաստանի կառավարությունը մարտի 18-ից մինչև մայիսի 1-ը ժամանակավորապես սահմանափակել է օտարերկրյա քաղաքացիների և քաղաքացիություն չունեցող անձանց մուտքը երկրի տարածք։

«Սահմանափակումները չեն կիրառվում դիվանագիտական ներկայացուցչությունների և հյուպատոսական հաստատությունների, միջազգային կազմակերպությունների և Ռուսաստանում այլ պաշտոնական ներկայացուցչությունների աշխատակիցների, ինչպես նաև նշված անձանց ընտանիքի անդամների, միջազգային ավտոմոբիլային հաղորդակցման մեքենաների վարորդների, օդանավերի, ծովային և գետային տրանսպորտի, միջազգային երկաթուղային հաղորդակցման գնացքների և լոկոմոտիվային բրիգադների անձնակազմի, պաշտոնական պատվիրակությունների անդամների և այն անձանց նկատմամբ, որոնք ունեն դիվանագիտական, ծառայողական, ինչպես նաև սովորական մասնավոր վիզաներ, որոնք տրվել են մոտ հարազատի մահվան հետ կապված, ՌԴ–ի տարածքում մշտական բնակություն ունեցող անձանց նկատմամբ, ինչպես նաև օդային անցակետերով տարանցում իրականացնող անձանց նկատմամբ», – գրված է հաղորդագրության մեջ։

ՌԴ դիվանագիտական ներկայացուցչություններն ու հյուպատոսական հաստատությունները ժամանակավորապես դադարեցրել են փաստաթղթերի ընդունումը, ձևակերպումն ու վիզաների բոլոր կարգերի տրամադրումը` բացառությամբ վերոնշյալ անձանց տրամադրվող վիզաների։

Կասեցվել է նաև վիզաների ձևակերպումը էլեկտրոնային փաստաթղթի տեսքով։ 

Հայրենիք վերադառնալու ցանկություն ունեցող ՌԴ քաղաքացիներին դեսպանատունը խորհուրդ է տալիս օգտվել ավիափոխադրողների ծառայություններից։

ՌԴ այն քաղաքացիները, որոնք կորոնավիրուսի պատճառով կորոշեն մեկնել Հայաստանից, կարող են իրենց մեքենաները կայանել Ռուս-հայկական մարդասիրական արձագանքման կենտրոնի տարածքում։

Հեռ.` +374 99 123 465

ԱՄՆ դեսպանատուն

Դիվանագիտական ներկայացուցչությունն իր էջում հայտնել է, որ թեպետ դեսպանատունը դեռ շարունակում է աշխատել, բայց ձեռնարկում է համապատասխան նախազգուշական միջոցներ՝ առաջնորդվելով Հիվանդությունների կանխարգելման կենտրոնի և Առողջապահության համաշխարհային կազմակերպության ցուցումներով։ Այդ միջոցները ներառում են մարդաշատ միջոցառումներին մասնակցելուց կամ այդպիսի միջոցառումներ կազմակերպելուց զերծ մնալը, սոցիալական շփումը նվազեցնելու նպատակով որոշ աշխատողների համար հեռահար աշխատելու հնարավորությունների ապահովումը, դեսպանատան տարածք այցելուների թվի կրճատումը և անհատական հիգիենայի կանոնների խստիվ պահպանումը։

Հյուպատոսական գրասենյակը շարունակում է ԱՄՆ քաղաքացիների սպասարկումը։ Բացի այդ, մարտի 14-ին ԱՄՆ պետքարտուղարությունը թույլատրել է ԱՄՆ դեսպանությունների ու հյուպատոսական գրասենյակների աշխատակիցների և նրանց ընտանիքի անդամների կամավոր մեկնումը Միացյալ Նահանգներ, եթե նրանք առկա առողջական խնդիրների հետևանքով առավել խոցելի են նոր կորոնավիրուսի վարակի հանդեպ կամ ունեն մեկնումը հիմնավորող այլ ծանրակշիռ փաստարկներ։

Դեսպանատնից Sputnik Արմենիային հայտնեցին, որ կասեցվել են նաև վիզա ստանալու համար անցկացվող հարցազրույցները։ Վիզաների տրամադրման ծառայությունների վերականգնման ժամկետները դեռ հայտնի չեն։

Գերմանիայի դեսպանատուն

Գերմանիայի դեսպանության վիզայի բաժինը մարտի 19-ից փակվել է անորոշ ժամանակով: Չեն սպասարկվի շենգենյան և ազգային վիզաների դիմումները:

Արդեն ամրագրված պայմանավորվածությունները, որոնք համընկնում են վիզայի բաժնի պարապուրդի ժամանակահատվածի հետ, կչեղարկվեն` առանց վերամրագրման հնարավորության: Հետագայում կպահանջվի նոր ամրագրում: Դեսպանությունն իր կայքում կտեղեկացնի, թե երբ կրկին հնարավոր կլինի հերթագրվել, և երբ կսկսի նորից գործել վիզայի բաժինը:

Դեսպանատնից Sputnik Արմենիային հայտնեցին, որ անձնագրերը դեսպանատնից կարող են ստանալ այն անձինք, որոնք արդեն իսկ անցել են հարցազրույցը։

Մարտի 18-ին դեսպանատունը հայտնել էր նաև, որ նրանք, ովքեր ԵՄ քաղաքացի չեն, այդ պահից սկսած` այլևս չեն կարող մուտք գործել Գերմանիա: Սահմանափակումը գործում է առայժմ 30-օրյա ժամկետով:

ԵՄ անդամ պետությունների քաղաքացիներին և նրանց հարազատներին, ինչպես նաև Մեծ Բրիտանիայի, Իսլանդիայի, Լիխտենշտեյնի, Նորվեգիայի և Շվեյցարիայի քաղաքացիներին և նրանց ընտանիքի անդամներին թույլատրվում է մուտքը Գերմանիա՝ որպես իրենց հայրենի երկրներ հասնելու տարանցիկ հնարավորություն: Բացառություն է արվում նաև երրորդ երկրների այն քաղաքացիների համար, ովքեր երկարաժամկետ կացության իրավունք ունեն ԵՄ անդամ որևէ պետությունում: Սույն կարգավորումը չի վերաբերում Գերմանիայի քաղաքացիներին:

Ֆրանսիայի դեսպանատուն

COVID-19 կորոնավիրուսի տարածման դեմ պայքարի և արտակարգ դրության համատեքստում վիզաների ծառայության գործունեությունը դադարեցվել է մարտի 17-ից մինչև հետագա ծանուցում:

Հետևաբար չեղարկվել են նաև հարցազրույցները։

Դեսպանատնից Sputnik Արմենիային հայտնեցին, որ անցել են հեռավար աշխատանքի։ Դեսպանատանը գտնվող քաղաքացիների անձնագրերը վերադարձվել են։

Դեսպանատունը պատրաստ է ծայրահեղ անհրաժեշտության դեպքում ընդունել Ֆրանսիայի քաղաքացիներին։

Մեծ Բրիտանիա

Ոչ հրատապ հյուպատոսական աջակցության համար հնարավոր է դեսպանատուն մտնել միայն նախնական գրանցման դեպքում։ Այս պահին դեսպանատունը կորոնավիրուսի (COVID19) պատճառով նախազգուշական լրացուցիչ միջոցներ է ձեռնարկում, որոնց թվում է նաև աշխատակազմի հեռավար աշխատանքը։

Որպես 24-ժամյա գործող թեժ գիծ նշված է +37410264301 հեռախոսահամարը։

Հաշվի առնելով ընթացիկ իրավիճակը` որոշ հարցազրույցներ կարող են տեղափոխվել։ Ցանկացած փոփոխության վերաբերյալ կտեղեկացվի համապատասխան դիմորդներին։

Վրաստանի դեսպանատուն

ՀՀ-ում Վրաստանի դեսպանությունը դեռ մարտի 15-ին էր հայտարարել, որ անցնում է աշխատանքային արտակարգ ռեժիմի։ Գործում է թեժ գիծ՝ +37493167737:

Նշենք, որ մարտի 14-ից Վրաստանը 10 օրով փակել է Հայաստանի հետ սահմանը (բացի բեռնափոխադրումներից)։

Հայաստանի և Վրաստանի քաղաքացիները կարող են հայրենիք վերադառնալ։

Ղազախստանի դեսպանատուն

2020 թվականի մարտի 16-ից Ղազախստանի Հանրապետությունում արտակարգ դրություն հայտարարելուց հետո սահմանափակվել է օտարերկրյա քաղաքացիների մուտքը։ Ղազախստանի և Հայաստանի քաղաքացիները կարող են վերադառնալ հայրենիք։

Սահմանափակումը չի կիրառվում դիվանագիտական անձնակազմի և նրանց ընտանիքի անդամների, ինչպես նաև միջազգային պատվիրակությունների և կազմակերպությունների ներկայացուցիչների նկատմամբ։

Դեսպանատունն իր քաղաքացիներին (այդ թվում` այն օտարերկրացիներին, քաղաքացիություն չունեցող անձանց, որոնք ունեն կացության իրավունք կամ Ղազախստանի քաղաքացիություն ունեցող անձանց ընտանիքիների այն անդամներին, որոնք հայրենիք և մշտական բնակության վայր վերադառնալու իրավունք ունեն) խորհուրդ է տվել վերադառնալ Ղազախստան։

Դեսպանատան տվյալներով` մինչև մարտի 23-ը դեռ հնարավոր կլինի օգտվել «Աերոֆլոտի» և «S7 Airlines» ռուսական ընկերությունների ավիաուղիներից Երևանից Մոսկվա, այնտեղից էլ Ղազախստան մեկնելու համար։ Միևնույն ժամանակ պետք է ունենալ Ղազախստան մեկնելու տոմսը, այլապես կարող են արգելել Մոսկվա մեկնող ինքնաթիռ նստել։

Sputnik Արմենիային դեսպանատնից հայտնեցին, որ աշխատանքի առցանց ռեժիմի են անցնում։

Հյուպատոսական ծառայության հետ կապ հաստատելու համար գործում է +37498935930 հեռախոսահամարը։

Բելառուսի դեսպանատուն

Բելառուսի դեսպանատունը խնդրում է այցելությունները նախապես համաձայնեցնել հետևյալ հեռախոսահամարով` +374 10 610053։

Դեսպանատունը նախազգուշացնում է Բելառուսի քաղաքացիներին, որ բոլոր նրանք, ովքեր ցանկանում են հայրենիք վերադառնալ, կարող են օգտվել «Բելավիա» ավիաընկերության` մարտի 23-ի, ժամը 03:35–ի Երևան–Մինսկ ուղիղ չվերթից։

Դիվանագիտական ներկայացուցչությունը նշում է, որ Երևան–Մինսկ–Երևան երթուղով չվերթերը կդադարեցվեն Հայաստանում հայտարարված արտակարգ դրության պատճառով։

Ուկրաինայի դեսպանատուն

Ուկրաինայի դեսպանատունը մարտի 15-ին տեղեկացրել էր, որ մարտի 16-ից մինչև մարտի 20-ը քաղաքացիների ընդունելություն չի լինելու:

Նրանք առաջարկում են դեսպանատան հյուպատոսական բաժնի հետ կապ հաստատել +374 10 22 97 27 և +37410 25 65 41 հեռախոսահամարներով, ինչպես նաև Facebook–ի կամ Twitter–ի միջոցով:

Ուկրաինայի քաղաքացիների առողջությանը սպառնացող վտանգի, մահվան կամ կորոնավիրուսով վարակվելու դեպքում խնդրում են զանգել թեժ գծի հեռախոսահամարով՝ +374 77 100 273:

Դեսպանատունը հիշեցրել է նաև Հայաստանում հրատապ օգնության հեռախոսահամարները` նշելով «Նորք» ինֆեկցիոն կլինիկական հիվանդանոցի ընդունարանի և «Ուկրաինայի միջազգային ավիաուղիների» հեռախոսահամարները։

Չինաստանի դեսպանատուն

Նախնական տվյալներով` Չինաստանի դեսպանատունը մարտի 19-ից կասեցրել է քաղաքացիների ընդունումը։ Անձնագրերը կվերադարձվեն ՀՀ քաղաքացիներին ապրիլից։

Նշենք, որ Հայաստանը մինչև մարտի 31-ը դադարեցրել է Չինաստանի քաղաքացիների ազատ մուտքը Հայաստան։

Չինաստանի դեսպանատան հեռախոսահամարներն են` +374-10-560067 և +374-10-560663։

393
թեգերը:
կորոնավիրուս, Արտակարգ դրություն, հարցազրույց, Վիզա, դեսպանատուն, Հայաստան
Ըստ թեմայի
Կորոնավիրուսի խնդիրը ԵԱՏՄ-ում լուրջ է, բայց վերահսկելի. ԵԱՏՀ սանիտարական վարչություն
Կուբանում Հայաստանից գնացած տղամարդու մոտ կորոնավիրուս է հայտնաբերվել․ օպերատիվ շտաբ
«Գահերի խաղի» դերասանուհիներից մեկը վարակվել է կորոնավիրուսով
Կորոնավիրուսից «հիվանդացել» է նաև տնտեսությունը. ո՞ր ոլորտներն են տուժել ամենաշատը
Կորոնավիրուսի դեմ պայքարի համար հավաքվել է ավելի քան 300 մլն դրամ
Ինչպե՞ս կանդրադառնա կորոնավիրուսը գնաճի վրա. պետական մարմինների պատասխանները
ՀՀ ԱԻՆ

Երևանում փրկարարներն ինքնասպանության փորձ են կանխել

3
(Թարմացված է 09:26 02.06.2020)
Հոգեբանական աջակցության բաժնի հրահանգիչը աջակցություն է ցուցաբերել տուժածի հարազատներին։

ԵՐԵՎԱՆ, 2 հունիսի – Sputnik. Երևանում 85–ամյա կինը փորձել է ինքնասպան լինել։ Ինչպես տեղեկացնում են ՀՀ ԱԻՆ մամուլի ծառայությունից, հունիսի 1-ին, ժամը 15։27-ին Ճգնաժամային կառավարման ազգային կենտրոն ահազանգ է ստացվել, որ Երևանի Աբովյան փողոցի թիվ 26 շենքի բնակարաններից մեկի բնակիչն ինքնավնասվել է՝ կտրելով դաստակի երակները։

Դեպքի վայր են մեկնել ԱԻՆ փրկարար ծառայության փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի ջոկատը և հոգեբանական աջակցության բաժնի հրահանգիչը:

Փրկարարները 1935թ.–ին ծնված Մարիետա Ս․-ին մոտեցրել են շտապօգնության ավտոմեքենային, ով հոսպիտալացվել է «Հերացի» թիվ 1 հիվանդանոցային համալիր, որտեղ ստանալով համապատասխան բուժօգնություն՝ տեղափոխվել է Հոգեկան առողջության պահպանման ազգային կենտրոն։

Հոգեբանական աջակցության բաժնի հրահանգիչը  աջակցություն է ցուցաբերել տուժածի հարազատներին։

Թբիլիսիի գազալցակայաններից մեկում պայթյուն է որոտացել

3
թեգերը:
ՀՀ արտակարգ իրավիճակների նախարարություն (ԱԻՆ), փրկարար, Կին, Երևան, ինքնասպանության փորձ
թեմա:
Վթար, պատահար, սպանություն, գողություն
Ըստ թեմայի
Հայաստանում արտադրված թեստերը կիրառության մեջ են դրվում. պարետն ասել է` երբ և ինչ քանակով
Կորոնավիրուսով վարակվածներից 440–ի վիճակը ծանր է. ռեանիմացիոն մահճակալների թիվը կավելանա
«Ալեքսը խորթ հորը տեսավ, ասաց` արի փախնենք». Հերմինեն վստահեցնում է, որ ընտանիքը ստում է
«Գյումրի» ակումբը. 1979թ.

Ինչպես Լենինականի «Գյումրին» հաղթեց Ադրբեջանի «Քյափազին». «Կաշվե գնդակի» հիշվող մրցաշարը

55
(Թարմացված է 08:54 02.06.2020)
Հայկական ֆուտբոլում տիտղոս բերող հաղթանակները շատ չեն եղել: Միշտ հիշում ենք «Արարատի» դուբլը նախկին ԽՍՀՄ առաջնություններում՝ 1973 թվականին: Բայց youtube պորտալի միջոցով վերհիշել ենք ևս մեկ հաղթանակ, որը ռազմավարական տեսանկյունից պակաս կարևոր չէր:

Խաչիկ Չախոյան Sputnik Արմենիա

1979 թվականին համախորհրդային մրցաշարի՝ «Կաշվե գնդակի», մրցումներում չեմպիոն դարձավ Լենինականի (այժմ` Գյումրի) «Գյումրին»:  Ինչպե՞ս այս ակումբին հաջողվեց 2 անգամ հաղթել ադրբեջանական թիմին, որը, այսպես ասած, ոչ միայն մարզադաշտում էր հակառակորդ, ինչ միջադեպ գրանցվեց ու ինչպես վերջում ադրբեջանցիները ճանապարհեցին հաղթող թիմին։ Sputnik Արմենիային հաջողվել է խոսել 41 տարի առաջ կայացած եզրափակիչի մասնակիցների հետ:

Архивная фотография юношеской футбольной команды Гюмри
© Sputnik / Aram Nersesyan
«Գյումրի» ակումբը. 1979թ.

«Կաշվե գնդակի» մինչև 14 տարեկան ֆուտբոլիստների մրցումներում 1979 թվականին Լենինականի «Գյումրին» միայն հաղթանակներ տանելով հասավ եզրափակիչ, որտեղ մեր թիմի մրցակիցն էր Ադրբեջանի «Քյափազ» ակումբը:

Շվեյցարիայի հավաքականի հայ մարզիչը. որ խորհուրդներն են առաջնորդել Ալֆրեդ Տեր-Մկրտչյանին

Ռուսաստանի Սամարա (այն ժամանակ` Կույբիշև) քաղաքում սպասվող «Կաշվե գնդակի» եզրափակիչը` «Գյումրիի» և «Քյափազի» միջև, սկզբունքային նշանակություն ուներ ադրբեջանական թիմի համար: Դրանից երկու տարի առաջ՝ 1977թվականին, մինչև 12 տարեկան ֆուտբոլիստների մրցաշարում «Գյումրին» հաղթել էր «Քյափազին» 1:0 հաշվով ու դարձել չեմպիոն: Երկու տարի անց հայկական թիմի մրցակիցն ամեն ինչ անելու էր «պատասխան» հաղթանակը կորզելու համար: Եվ դա շատ լավ հիշում է «Գյումրիի» մարզիչներից մեկը՝ Ժորա Բարսեղյանը:

Медаль победителя детского футбольного турнира Кожаный мяч 1979 года (СССР)
© Sputnik / Aram Nersesyan
«Գյումրի» ակումբի շահած մեդալը «Կաշվե գնդակ» մրցաշարում. 1979թ.

«Մրցումների կազմակերպիչները «Գյումրիի» խաղին շատ բարձր գնահատական էին տալիս ու համարում հաղթողի հիմնական հավակնորդը: Եզրափակչից առաջ ադրբեջանական թիմը համալրվեց վեց նոր ֆուտբոլիստներով:  Հիշելով երկու տարի առաջ կրած պարտությունը` ադրբեջանցիները նոր ֆուտբոլիստներ բերեցին իրենց երկրից, որպեսզի անպայման հասնեն հաղթանակի: Մենք, ճիշտ է, ուսումնասիրել էինք մրցակցին, բայց պարզվեց, որ լրիվ այլ թիմի հետ ենք խաղալու եզրափակիչում»- հիշում է Ժորա Բարսեղյանը:

«Գյումրիի»  գլխավոր մարզիչ, երջանկահիշատակ Հայկ Ավետիսյանը ֆուտբոլիստներին անընդհատ ոգևորում էր ու իր խրոխտ ձայնով գոռում, որ չեմպիոնը «Գյումրին» է լինելու, և ոչ մի թիմ մեզ հաղթել չի կարող: Սա արդեն այն ժամանակ «Գյումրիի» հարձակվող Սամվել Նիկոլյանի հիշողություններն են խաղից 41 տարի անց։ Նիկոլյանը երկար տարիներ խաղացել է մեծ ֆուտբոլում խորհրդային և անկախ Հայաստանի առաջնություններում։

Самвел Николян во время интервью агентству Sputnik Армения
© Sputnik / Aram Nersesyan
Սամվել Նիկոլյանը Sputnik Արմենիայի սպորտային մեկնաբան Խաչիկ Չախոյանի հետ

«Մենք տրամադրված էինք միայն հաղթանակի ու այլ արդյունքի մասին չէինք էլ մտածում: Խաղի ընթացքում երևաց, որ «Քյափազի» հիմնական նպատակը իրենց դարպասն անառիկ պահելն է: Մենք ունեցանք գոլային բազմաթիվ պահեր, բայց մրցակցին հաջողվեց կատարել իր առաջադրանքը: Հաղթողը որոշվեց 11 մետրանոց հարվածներով, որոնցում մենք ավելի դիպուկ էինք: Բոլորս ցատկում ու գոռում էինք ուրախությունից, իսկ «Քյափազի» ֆուտբոլիստներն արտասվում էին եզրափակիչից հետո» ,- պատմում է Նիկոլյանը:

Самвел Николян
© Sputnik / Aram Nersesyan
Սամվել Նիկոլյանը

Իհարկե, ծեծկռտուքից խուսափել չեղավ։ Նիկոլյանը հիշում է, որ մրցումների ընթացքում Հայաստանի ու Ադրբեջանի ֆուտբոլիստների միջև տհաճ միջադեպ` թեթև ծեծկռտուք գրանցվեց: Ու եզրափակիչում բնականաբար հաղթանակի ձգտումը երկու կողմի ֆուտբոլիստների համար էլ ավելի սրվեց։

«Չնայած, որ մենք, մեղմ ասած, իրար նկատմամբ լավ տրամադրված չէինք, եզրափակիչից հետո, երբ մեր թիմն արդեն պատրաստվում էր վերադառնալ Հայաստան, «Քյափազի» ֆուտբոլիստները հաճելի անակնկալ մատուցեցին: Նրանք մեր թիմի ֆուտբոլիստների պայուսակները տեղափոխեցին ավտոբուս` այսպես արժանին մատուցելով չեմպիոն թիմին» - հիշում է Նիկոլյանը:

«Կաշվե գնդակի» մրցումներում հայկական թիմերից շատերն են հաղթանակի հասել տարբեր տարիքային խմբերում: Այդ հաղթանակներն ապացուցում էին, որ ֆուտբոլի հայկական դպրոցը կա ու ապագան էլ մշուշոտ չէ: Այդ պատճառով էլ վարպետ թիմերի մարզիչները հետագայում ֆուտբոլիստների ընտրության հնարավորություն ունեին: Ցավոք, այդ հնարավորությունը չունեն հայկական թիմերի ներկայիս մարզիչները:

1979 թվականին չեմպիոն դարձած թիմի կազմում կային շատ հեռանկարային ֆուտբոլիստներ: Նրանցից Սամվել Նիկոլյանը, Հրաչիկ Ավետիսյանը, Արմեն Ղուկասյանը հետագայում իրենց վարպետությամբ աչքի էին ընկնում նաև մեծ ֆուտբոլում:

55
թեգերը:
Ծեծկռտուք, մեդալ, ԽՍՀՄ, Ադրբեջան, հաղթանակ, Գյումրի, ֆուտբոլ
Ըստ թեմայի
Ինչպես հաղթեց օլիմպիական չեմպիոնին, կամ ըմբշամարտիկ Լևոն Գեղամյանի հաջողակ թիվը
Անփոխարինելի մարզիչը, կամ զգացողություն, որը հայ ըմբշամարտիկից «խլեց» օլիմպիական ոսկին
Հայաստանի հավաքականի առաջին գոլը պաշտոնական խաղերում. ինչ «ավանդույթ» ուներ մեր ընտրանին