Նիկոլ Փաշինյան. արխիվային լուսանկար

Կառավարությունը 3 կարևոր ուղղությամբ է քայլեր ձեռնարկելու. Փաշինյանը մանրամասներ հայտնեց

143
(Թարմացված է 20:07 20.03.2020)
Նիկոլ Փաշինյանը խորհրդակցություն է անցկացրել կառավարությունում` ներկայացնելով, թե կորոնավիրուսի հետ կապված ինչ քայլեր պետք է արվեն, որ տնտեսությունը շատ վնաս չկրի։

ԵՐԵՎԱՆ, 20 մարտի — Sputnik. Տնտեսական, սոցիալական հրատապ և տնտեսական բնույթի ռազմավարական գործողություններ: Կառավարությունում խորհրդակցության ժամանակ ՀՀ վարչապետ Նիկոլ Փաշինյանն ասել է, որ այս երեք ուղղություններով են աշխատանքներ կատարելու։

«Մենք կոնկրետացրել ենք մեր պատկերացումներն այդ գործողությունների վերաբերյալ և պետք է անենք այնպիսի քայլեր, որոնք էականորեն կփոխեն մեր տնտեսական վիճակն ու դիրքն աշխարհում։ Առավել ևս, որ ի հեճուկս համաշխարհային ճգնաժամի՝ Հայաստանը շարունակում է բարելավել իր տնտեսական իմիջը միջազգային ռեյտինգներում»,–ասաց Փաշինյանը։

Աշխատատեղերի կրճատում, ավելի քիչ հարկային մուտքեր. ի՞նչ է սպասվում Հայաստանի տնտեսությանը

Նրա խոսքով` այս փուլում կառավարության խնդիրը պետք է լինի տնտեսվարողներին աջակցելն ու նրանց մրցունակությունը բարձրացնելը։ Բացի այդ, պետք է այնպես անել, որ աշխարհում շատերին տեսանելի լինի` հետճգնաժամային պայմաններում Հայաստանը տնտեսական գործունեություն իրականացնելու համար լավագույն վայրերից է աշխարհում։ Սա, ըստ Փաշինյանի, լուրջ աշխատանքներ է պահանջելու, և այդ առումով շատ կարևոր է լինել բաց և ընդունել բոլոր օգտակար գաղափարները։

Վարչապետը նշեց, որ արդեն իսկ ռազմավարություն կա, որի էությունը հետևյալն է` պետք է ոչ թե խեղճանալ ճգնաժամի ընթացքում, այլ ուժեղանալ և աջակցել նրանց, ովքեր ուզում են ուժեղանալ։

«Այսօր հանդիպել եմ աշխատանքի և սոցիալական հարցերի նախարարի հետ ու քննարկել մի շարք հարցեր։ Մեր խնդիրն այն է, որ սոցիալական աջակցությունը պետք է հասցեական լինի ու բաժին հասնի այն մարդկանց, որոնք ունեն դրա կարիքը, այլ ոչ թե օգնությունը հասնի նրանց, ում դա պետք չէ»,–ասաց վարչապետը։

Նա հայտնեց, որ այսօր նաև գյուղատնտեսական ոլորտի անելիքների առնչությամբ քննարկումներ կլինեն։

Հիշեցնենք, որ Փաշինյանը «Շանթ» ՀԸ–ին տված հարցազրույցի ժամանակ հայտարարել էր, որ կառավարությունը 150 մլրդ դրամի աջակցություն կցուցաբերի տնտեսությանը։

Կառավարությունը 150 մլրդ դրամի աջակցություն կցուցաբերի տնտեսությանը. Փաշինյան

143
թեգերը:
Հայաստան, կորոնավիրուս, խորհրդակցություն, տնտեսություն, կառավարություն, Նիկոլ Փաշինյան
թեմա:
Կորոնավիրուսը Հայաստանում (267)
Ըստ թեմայի
«Ստեղծել վախի մթնոլորտ. վնասել տնտեսությանը». նոր վարկած` կորոնավիրուսի ստեղծման մասին
Հանքահումքի միջազգային գների անկումը կարող է ուղղակիորեն հարվածել ՀՀ տնտեսությանը 
Կորոնավիրուսից «հիվանդացել» է նաև տնտեսությունը. ո՞ր ոլորտներն են տուժել ամենաշատը