Բուժքույր

Բուժքույրը վարակվել է կորոնավիրուսով. Թորոսյան

243
(Թարմացված է 11:34 19.03.2020)
Ինֆեկցիոն հիվանդանոցի բուժքույրը, որի մոտ կորոնավիրուս է հայտնաբերվել, հոսպիտալացվել է։ Նա թոքաբորբ չունի։

ԵՐԵՎԱՆ, 19 մարտի — Sputnik. ՀՀ առողջապահության նախարար Արսեն Թորոսյանը հայտնում է, որ կորոնավիրուսային հիվանդությամբ հաստատված 115 դեպքից 1-ն արձանագրվել է բուժքրոջ մոտ։

«Նա իր մասնագիտական առաքելությունն է իրականացրել ինֆեկցիոն հիվանդանոցում: Վերջինս անմիջապես հոսպիտալացվել է, նրա վիճակը գնահատվում է բավարար, թոքաբորբ չունի»,–Facebook սոցիալական ցանցի իր էջում գրել է նախարարը։

Թորոսյանի խոսքով` այս օրերին բուժաշխատողներն աշխատում են գերծանրաբեռնված` հաճախ հայտնվելով ռիսկային իրավիճակներում: Նրանք, ըստ նախարարի, համարվում են վարակվելու ամենախոցելի խմբերից մեկը։

Թորոսյանը խնդրում է հարգել բժիշկների աշխատանքը և մնալ տանը:

Ինչ տուգանքներ են սահմանված արտակարգ դրության ռեժիմը խախտելու համար

Հիշեցնենք, որ այս պահի դրությամբ Հայաստանում կորոնավիրուսով վարակման 115 դեպք է գրանցվել։

243
թեգերը:
Արսեն Թորոսյան, բուժքույր, բժիշկ, կորոնավիրուս
թեմա:
Կորոնավիրուսը աշխարհում (930)
Ըստ թեմայի
Ղարաբաղյան հակամարտության գոտում ԵԱՀԿ մշտադիտարկումը կդադարեցվի կորոնավիրուսի պատճառով
«Պինդ մնացեք հայեր ջան»․ հուզիչ տեսանյութ աշխարհի տարբեր մասերում գտնվող հայերից
Մնացեք տանը հանուն մեզ․ «Նորք» ինֆեկցիոն հիվանդանոցի բժշկի ֆլեշմոբը հուզել է օգտատերերին
Здание Министерства иностранных дел Армении

Ժամանակավոր մարտական հենակետերի տեղակայման հստակեցում է իրականացվում. ԱԳՆ

9
Պետական սահմանի սահմանագծումը և սահմանազատումն ընթանում է միջպետական բանակցությունների ճանապարհով։

 

ԵՐԵՎԱՆ, 27 նոյեմբերի – Sputnik. ՀՀ արտաքին գործերի նախարարությունը տեղեկացնում է, որ մարտական հերթապահության իրականացման նպատակով նոյեմբերի 27-ին Հայաստանի և Ադրբեջանի զինված ուժերի միջև տեղի է ունեցել ժամանակավոր մարտական հենակետերի փաստացի տեղակայման կետերի հստակեցում:

«Պետական սահմանի սահմանագծումը և սահմանազատումը տևական, համալիր գործընթացներն են, որոնք իրականացվում են պետությունների միջև ձևավորվող համատեղ միջգերատեսչական հանձնաժողովների և աշխատանքային խմբերի կողմից»,–նշված է հաղորդագրության մեջ։

Պետական սահմանի սահմանագծումը և սահմանազատումն ընթանում է միջպետական բանակցությունների ճանապարհով, որի արդյունքում կնքվում է համապատասխան միջազգային փաստաթուղթ:

Հիշեցնենք, որ մամուլում լուրեր էին շրջանառվում, որ ադրբեջանական զինվորները մտել են Սոթքի հանքավայր և աշխատակիցներին ժամանակ տվել դուրս գալու համար: ՀՀ պաշտպանության նախարարությունը հերքել էր այդ լուրը։ Գեղամասար խոշորացված համայնքի (որտեղ ներառված է նաև Սոթքը) ղեկավար Հակոբ Ավետյանը Sputnik Արմենիայի հետ զրույցում հայտնել էր, որ ադրբեջանցիները Սոթքի հանքի տարածքում են` բանակցություններ են վարում։

 

9
թեգերը:
Ադրբեջան, Լեռնային Ղարաբաղ, Արցախ, Հայաստան, Սահման, սահմանապահ, ՀՀ Արտաքին գործերի նախարարություն. ԱԳՆ
ՀԿԵ

ՀԿԵ–ն Երևանում ջերմային էլեկտրակայանի կառուցման համար խոշոր ծավալի բեռներ է փոխադրել

27
(Թարմացված է 11:13 27.11.2020)
ՀԿԵ-ն տրամադրել էր փոխադրումների ծառայությունների համալիր, որը ներառում է բեռնաթափման համար հարթակի և պահեստային տերմինալների տրամադրումը, անվտանգության ապահովումը։

ԵՐԵՎԱՆ, 27 նոյեմբերի – Sputnik. «Հարավկովկասյան երկաթուղի» ընկերությունը տեղեկացնում է, որ Երևանում ջերմային էլեկտրակայանի կառուցման ծրագրի իրականացման համար նախատեսված խոշոր ծավալաչափի բեռների փոխադրումը կատարվել է: Մասնավորապես, կազմակերպվել և իրականացվել է 564,5 տոննա ընդհանուր քաշով խոշոր չափի ծանր սարքավորումների փոխադրումը:

«ՀԿԵ-ն լուրջ փորձ է կուտակել բարդ` խոշոր ծավալաչափի և ծանրաքարշ բեռների տեղափոխման ոլորտում։ Ներկայումս ընկերությունն ունի ցանկացած բարդության բեռների փոխադրման հնարավորություն, այդ թվում մուլտիմոդալ ձևաչափով», - ասել է ընկերության Ֆիրմային տրանսպորտային սպասարկման ճանապարհային կենտրոնի պետ Սերգեյ Դորոխինը:

Բեռների ամենածանր միավորը՝ 205,5 տոննա քաշ ունեցող գազային տուրբինը, ինչպես նաև տուրբինի գեներատորը (170 տոննա) և տրանսֆորմատորը (189 տոննա), Վրաստանի Փոթի նավահանգստից տեղափոխվել է Երևանի երկաթուղային կայարան: ՀԿԵ-ն տրամադրել էր փոխադրումների ծառայությունների համալիր, որը ներառում է բեռնաթափման համար հարթակի և պահեստային տերմինալների տրամադրումը, անվտանգության ապահովումը և այլն։

«Ուրախ եմ, որ բոլոր հարցերը փակված են»․ Կոպիրկինը` ՀԿԵ–ի շուրջ ստեղծված իրավիճակի մասին

Հիշեցնենք, որ 2019-ին Հարավկովկասյան երկաթուղին կազմակերպել և իրականացրել է ցեմենտի արդյունաբերության համար չափազանց մեծ սարքավորումների միջազգային մուլտիմոդալ փոխադրում:

27
թեգերը:
երկաթուղի, Հայաստան, Հարավկովկասյան երկաթուղի (ՀԿԵ)
Ըստ թեմայի
ՀՀ իշխանությունները վերջնականապես վախեցրին «Ռուսաստանի  երկաթուղիներին». Քոչարյան 
«Ռուսական երկաթուղիներից» հաստատել են` ՀԿԵ–ի շուրջ բոլոր տարաձայնությունները վերացվել են
Ռուսաստանի և Ադրբեջանի վարչապետները քննարկել են երկաթուղու զարգացման հարցը