Փոթիի նավահանգիստ

Լաստանավով կգան, երկաթուղով կգան... Իսկ Հայաստան ե՞րբ կհասնեն բեռները

225
(Թարմացված է 21:51 18.03.2020)
Փոթիի կամ Բաթումի նավահանգստից մեկնող և բեռը հասցեատիրոջը երկրի ցանկացած կետում մեկ օրվա ընթացքում հասցնող մեկ թրեյլերի արժեքը տատանվում է 800-900 դոլարի սահմաններում։

Լաուրա Սարգսյան, Sputnik Արմենիա

Հայաստանին ձեռնտու չէ բեռները ստանալ և ուղարկել բեռնափոխադրումների մուլտիմոդալ տարբերակով, որը ենթադրում է ապրանքի առաքում լաստանավով, այնուհետև երկաթգծով կամ ավտոմեքենայի ճանապարհով։ Այս տեսանկյունից վրացական երկաթուղու նախաձեռնությունն այնքան էլ չի տպավորում  բեռնափոխադրումներով զբաղվող հայկական ընկերություններին։ Sputnik Արմենիայի թղթակցի հետ զրույցում նման տեսակետ հայտնեց «Սաթի» ընկերության տնօրեն Մակար Առաքելյանը։

Հայաստանի համար Սև ծովում կարող ենք լաստանավ գտնել. Ռուսաստանի առևտրային ներկայացուցիչ

Ավելի վաղ վրացական երկաթուղին առաջարկել էր տարանցիկ բեռնափոխադրումներ իրականացնել Բաթումի, Փոթիի և Թբիլիսիի տերմինալներից` Ադրբեջանի, Հայաստանի և Կենտրոնական Ասիայի ուղղությամբ։ Ընկերությունում ընդգծեցին, որ ծառայություններն իրականացվելու են մրցունակ սակագներով։

Ինչո՞ւ շահավետ չէ

Առաքելյանը կարծում է, որ բեռնափոխադրումների մուլտիմոդալ տեսակը հաջող տարբերակ չէ նույնիսկ փակ «Վերին Լարսի» պայմաններում։ Բանն այն է, որ բեռնափոխադրողներն այստեղ ժամանակ են կորցնում, ինչը ցանկացած բեռնափոխադրման ամենաբարձր գնից ավելի թանկ է։

«Կոնտեյներային բեռնափոխադրումը, որն իրականացվում է ծովով, այնպես էլ կշարունակվի։ Նույնիսկ եթե վրացական երկաթուղին արտոնյալ սակագին առաջարկի, բեռների քանակը դրանից չի ավելանա»,- ասաց նա։

Ներկա պահին չի գործում լաստանավով Նովոռոսիյսկի նավահանգստից Փոթի բեռնափոխադրման ծառայությունը։ Կոնտեյներները բեռնում են Նովոռոսիյսկում, սակայն դրանք սկզբում կանգ է առնում հունական «Պիրեյում» կամ Ստամբուլի նավահանգստում և դրանից հետո միայն հասնում Փոթի։

Առաքելյանը նշեց, որ այդպիսով բեռները Երևան են հասնում մեկ ամսվա ընթացքում, իսկ այդ ընթացքում նույնիսկ հաշվի առնելով Լարս տանող փակ ճանապարհը՝ բեռնատարներով ապրանքն ավելի արագ է հասնում։

Լարսի այլընտրանք լաստանավային ուղին. վրացի փորձագետն ասել է` որ դեպքում այն կգործարկվի

Իրավիճակը կմեղմի Հայաստանում լաստանավի առկայությունը, որն անխափան կգործի Նովոռոսիյսկ–Փոթի ուղղությամբ։ Սակայն այստեղ էլ ամբողջ խնդիրը ֆինանսներն են. նոր լաստանավը Հայաստանի համար կարժենա 10-15 մլն դոլար, իսկ հինը (1976 թվականի արտադրություն), որը խափանումներով է աշխատում, մինչև 2.2 մլն դոլար արժե։ Այդ ամենի համար իր համաձայնությունը պետք է տա Հայաստանի իշխանությունը։

Իսկ իրականո՞ւմ

Վրաստանի տրանսպորտային միջանցքի ուսումնասիրությունների կենտրոնի տնօրեն Պաատա Ցագարեիշվիլին Sputnik Արմենիայի թղթակցի հետ զրույցում նշեց, որ կոնտեյներային բեռնափոխադրումները մեծամասամբ դրական կազդեն երկաթուղիների գործունեության վրա և կակտիվացնեն այն։

Սակայն կան բեռներ (շինանյութ, սոսինձ, ցեմենտ, ապակի), որոնք ավելի ձեռնտու է մեքենայի ճանապարհով բերել։ Նա կարծում է, որ բեռնափոխադրումների գների իջեցումը կարող է գրավել ներկրողներին, սակայն միայն նավահանգիստներից բեռնափոխադրման դեպքում։

Օրինակ՝ այսօր 40 ֆուտ բեռով Փոթիից Հայաստանի «Սադախլո» տեղափոխելու համար նախատեսված մեկ կոնտեյների արժեքը 300 դոլար է։ Դատարկ կոնտեյները` 135 դոլար։

Ավելի հարմար է, քան լաստանավային փոխադրումը. Երևանում գտել են «Վերին Լարսի» այլընտրանքը

Ինչ վերաբերում է ավտոմեքենայի ճանապարհին, ապա Փոթիի կամ Բաթումի նավահանգստից մեկնող և բեռը հասցեատիրոջը երկրի ցանկացած կետում մեկ օրվա ընթացքում հասցնող մեկ թրեյլերի արժեքը տատանվում է 800-900 դոլարի սահմաններում։

Միևնույն ժամանակ, մենք դիմեցինք ՀԿԵ՝ պարզելու, թե արդյո՞ք վրաց գործընկերներից առաջարկ է եղել վերանայելու կոնտեյներային բեռնափոխադրումների սակագները։

ՀԿԵ մամուլի քարտուղար Ռուբեն Գրձելյանը Sputnik Արմենիայի թղթակցի հետ զրույցում ասաց, որ ՀԿԵ–ն վրաց գործընկերների հետ ամեն տարի պայմանագիր է ստորագրում, որում նշվում է սակագնային քաղաքականությունը։ Ներկա պահին կոնտեյներային բեռնափոխադրումների մասով որևէ սակագնային փոփոխություն չկա։

225
թեգերը:
Սև ծով, Ծով, երկաթուղի, բեռնատար, տնտեսություն, Վրաստանի Հանրապետություն, Հայաստան
Ըստ թեմայի
Լարսի այլընտրանք կարող է լինել և՛ ավիափոխադրումը, և՛ լաստանավի փոխադրումը
Հայաստան և Հայաստանից մեկ վագոնի լաստանավով փոխադրման սակագինը կնվազի
Լաստանավ VS Լարս. Փոթի-Կովկասը Լարսի արժանի այլընտրանք
Եռաբլուր

Եղել են դեպքեր` զոհվածի մասունքը նույնականացվել է թաղումից հետո. մնացածը գաղտնիք է

70
Sputnik Արմենիայի աղբյուրները հայտնել էին, որ լինում են դեպքեր, երբ պատերազմում զոհվածներից մեկի մասունքը հայտնաբերվում է հուղարկավորությունից հետո. առողջապահության նախարարությունը հաստատել է այդ լուրը։

ԵՐԵՎԱՆ, 19 հունիսի – Sputnik. Արցախյան 44-օրյա պատերազմի զոհերի մասունքների նույնականացման դեպքեր են եղել նաև հուղարկավորությունից հետո։ Sputnik Արմենիայի գրավոր հարցմանն ի պատասխան հայտնել են ՀՀ առողջապահության նախարարությունից։

Աբովյանի դիահերձարանում պոլիէթիլենային պարկերով գետնին դրված զինծառայողների մասունքների` մեծ աղմուկ բարձրացրած դեպքի օրերին Sputnik Արմենիայի աղբյուրները հայտնեցին, որ լինում են դեպքեր` հուղարկավորությունից հետո նույն անձին պատկանող մասունքներ են նորից հայտնաբերվում։ Նման դեպքերում, բնականաբար, դժվար է լինում ծնողների համար, քանի որ արտաշիրիմում պետք է արվի։

«Նշենք, որ հուղարկավորությունից հետո մասունքների նույնականացման դեպքեր եղել են։ Դեպքերի թվի և հետագա գործողությունների վերաբերյալ տեղեկություն կարող եք ստանալ քննչական կոմիտեից»,– առողջապահության նախարարությունից այսպես են պատասխանել Sputnik Արմենիայի գրավոր հարցմանը։

Նախարարությունից հայտնել են նաև, որ ԱՆ «Դատաբժշկական գիտագործնական կենտրոնը» փորձաքննություն իրականացնող կենտրոն է և արտաշիրինման դեպքերի և հետագա ընթացքի վերաբերյալ որևէ ինֆորմացիայի չի տիրապետում։

Հետաքրքրվել էինք նաև, թե  հնարավո՞ր է` Աբովյան մասնաճյուղում եղած պարկերի մեջ, որոնք նույնականացվել են, բայց ծնողները հրաժարվում են վերցնեն, լինեն արդեն իսկ հուղարկավորված անձանց մասունքներ։ Սակայն մեզ հայտնել են` քանի որ քրեական գործ է հարուցվել և նախաքննություն է իրականացվում, որևէ տեղեկատվություն տալ չեն կարող։

«Իմ բացթողումն է». Անահիտ Ավանեսյանը` դիերի և մասունքների ոչ պատշաճ պահման դեպքի մասին

Քանի որ առողջապահության նախարարությունը մանրամասներ չէր հայտնել` ուղղորդելով դիմել ՔԿ, գրավոր հարցում էինք ուղարկել նաև վերոնշյալ կառույց` հասկանալու, թե շա՞տ են եղել դեպքերը, երբ հուղարկավորությունից հետո են մասունքներ հայտնաբերվել և ի՞նչ քայլեր են արվում այդ դեպքում։

Ի դեպ, թեմային անդրադառնում ենք ուշ, քանի որ ՔԿ-ն մեր հարցմանը պատասխանել է սահմանված 5-օրյա ժամկետից շատ անց` այդպես էլ որևէ հարցի կոնկրետ պատասխան չտրամադրելով։ Կառույցից հայտնել են`քանի որ քրգործ է հարուցվել, իսկ մեր պահանջած տեղեկությունները պարունակում են հրապարակման ոչ ենթակա նախնական քննության տվյալներ, ուստի չի կարող այն տրամադրվել։

Քննչական կոմիտեն միաժամանակ հիշեցնում է, որ պատերազմին առնչվող թիվ 69108320 քրգործն է հարուցվել քրեական օրենսգրքի մի շարք հոդվածների հատկանիշներով։ Մասնավորապես, ահաբեկչության, ահաբեկչության ֆինանսավորման, ազգային, ռասայական կամ կրոնական թշնամանք հարուցելու, ագրեսիվ պատերազմի, միջազգային ահաբեկչության, զինված ընդհարումների ժամանակ միջազգային մարդասիրական իրավունքի նորմերի լուրջ խախտումների, զինված ընդհարման ժամանակ անգործության կամ հանցավոր հրաման արձակելու, ագրեսիվ պատերազմի հրապարակային կոչերի և ցեղասպանությունն ու խաղաղության, մարդկության անվտանգության դեմ ուղղված մյուս հանցագործությունները հերքելը, մեղմացնելը, դրանց հավանություն տալու կամ արդարացնելու համար։

Հիշեցնենք միայն, որ դեռ հունիսի 1-ին ՀՀ առողջապահության նախարարությունը հայտնել էր` այս պահին դատաբժշկական կենտրոնում չկան փորձաքննություն չանցած մասունքներ: Կա 50 մասունք, որոնք մի քանի անգամ անցել են փորձաքննություն, բայց դրանցից դեռ չի հաջողվել ԴՆԹ անջատել: Մնացած բոլոր դիերը փորձաքննված են, որոնց մի մասը` 149-ը, ծնողների բազայի հետ համընկնում չի ունեցել: Կան նաև նույնականացված մասունքներ, սակայն դեռ հարազատների կողմից չեն վերցվել դրանք հուղարկավորելու համար:

Զոհվածների դիերն ու մասունքները պարկերով նկուղներում թողնելու դեպքով քրգործ է հարուցվել

70
թեգերը:
ՀՀ Առողջապահության նախարարություն, Դիակ, աճյուն, զինծառայող, Արցախյան պատերազմ, Հայաստան
Ըստ թեմայի
«Մեր մի պատուհանից Ղազանչեցոցն էր երևում, մյուսից` Կանաչ ժամը». շուշեցի ընտանիքի երազանքը
Ուզում էր զինվորական դառնալ` հավերժ զինվոր մնաց. Արտյոմը զոհվեց իր 71 ընկերների հետ միասին
«4 տարի պայքարեցինք, որ երեխա ունենանք». Հովհաննեսը զոհվեց` չտեսնելով երազանք-դստերը
Ռոբերտ Քոչարյան

Ռոբերտ Քոչարյանը պատվաստվել է «Սպուտնիկ V»–ով

73
(Թարմացված է 20:54 19.06.2021)
Ռոբերտ Քոչարյանը գարնանը մեկուսացել էր, քանի որ մերձավոր շրջապատում կորոնավիրուսի դեպք էր հայտնաբերվել, հետո նա թեստ էր հանձնել։

ԵՐԵՎԱՆ, 19 հունիսի – Sputnik. Հայաստանի երկրորդ նախագահ Ռոբերտ Քոչարյանը հայտնել է, որ կորոնավիրուսի դեմ պատվաստվել է ռուսական «Սպուտնիկ V» դեղամիջոցով։

«Հիմա չեմ կարող խոսել թվերի մասին (կորոնավիրուսի դեմ պատվաստումների քանակը Հայաստանում. խմբ.), բայց ես պատվաստվել եմ «Սպուտնիկ V»–ով», - ասել է Քոչարյանը «Ռոսիա 24» հեռուստաալիքի եթերում:

Ռոբերտ Քոչարյանը գարնանը մեկուսացել էր, քանի որ մերձավոր շրջապատում կորոնավիրուսի դեպք էր հայտնաբերվել, հետո նա թեստ էր հանձնել, և արդյունքը բացասական էր եղել։

Հիշեցնենք, որ COVID-19-ի դեմ պատվաստումները շարունակվում են հանրապետության ամբողջ տարածքում: Պատվաստումներն իրականացվում են առողջության առաջնային պահպանման կազմակերպություններում շաբաթվա բոլոր օրերին. շաբաթ և կիրակի սահմանվել են հերթապահություններ՝ ժամը 10։00-16։00-ը: «Սպուտնիկ V»-ով պատվաստումները նախատեսված են 18 տարեկանից բարձր խրոնիկ հիվանդների, 18-54 տարեկան բուժաշխատողների, սոցիալական խնամքի կենտրոնների բնակիչների և աշխատակիցների համար: Իսկ «ԱստրաԶենեկայով» և «Կորոնավակով» պատվաստումները կարող են իրականացվել 18 և բարձր տարիքի անձանց շրջանում, ըստ դիմելիության, կամավորության սկզբունքով:

Հանրապետությունում պատվաստումներն անվճար են և իրականացվում են միայն կամավորության սկզբունքով:

73
թեգերը:
Սպուտնիկ V, Ռոբերտ Քոչարյան, Հայաստան

Ինչպես հրշեջները մարեցին Նուբարաշենի աղբավայրի հրդեհը. տպավորիչ լուսանկարներ

0
(Թարմացված է 22:01 19.06.2021)
  • Նուբարաշենի աղբավայր
  • Փրկարարների հերթական ջոկատը մոտենում է Նուբարաշենի աղբավայրին
  • ԱԻՆ աշխատակից
  • ԱԻՆ–ի ավտոմեքենա
  • ԱԻՆ աշխատակիցը պատրաստվում է մարել հրդեհի հերթական օջախը
  • ԱԻՆ աշխատակիցները մարում են Նուբարաշենի աղբավայրում բռնկված հրդեհը
  • Sputnik Արմենիայի թղթակիցը զրուցում է ԱԻՆ աշխատակցի հետ
  • Հրդեհի օջախներ
  • ԱԻՆ աշխատակիցները պատրաստվում են մարել հրդեհի հերթական օջախը
  • ԱԻՆ աշխատակիցը մարում է հրդեհը
  • ԱԻՆ աշխատակից
  • ԱԻՆ աշխատակիցները մարում են հրդեհի օջախը
  • ԱԻՆ աշխատակիցը մարում է հրդեհի օջախը
  • Ինչ տեսք ունի Երևանը Նուբարաշենի աղբավայրից
Հայաստանի ամենախոշոր աղբավայրում բռնկված հրդեհը մարել են, բայց հրշեջ–փրկարարները շարունակում են հերթապահել տարածքում:

ՀՀ արտակարգ իրավիճակների նախարարության հրշեջ-փրկարարները 10 օր շարունակ 24-ժամյա ռեժիմով աշխատում էին Հայաստանի ամենամեծ աղբավայրում և մարում էին հրդեհի օջախները։

Միայն 10 անց նրանց հաջողվեց վերջնականապես մարել հունիսի 8-ին բռնկված հրդեհը։ Հրշեջ–փրկարարների աշխատանքին խանգարում էին մի շարք գործոններ ՝ չոր եղանակը, քամին, ինչպես նաև տեղանքի դժվարամատչելիությունը։

Sputnik Արմենիայի նկարահանող խումբն այցելել էր աղբավայր և սեփական աչքերով տեսել, թե ինչպես են հրշեջները պայքարում կրակի դեմ։ 

Հիշեցնենք` հունիսի 8-ին՝ ժամը 10։04-ին Ճգնաժամային կառավարման ազգային կենտրոնը տեղեկություն էր ստացել, որ հրդեհ է բռնկվել Երևանի Նուբարաշենի աղբավայրում։ Դեպքի վայր էին մեկնել հրշեջ-փրկարարական ջոկատներից վեց մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը։

Հրդեհը մեկուսացվել էր ժամը 18։40-ին։ Սահմանվել էր հերթապահություն։ Հունիսի 9-ին և 10-ին դեպքի վայրում հերթապահող հրշեջ-փրկարարական ջոկատը նկատել էր հրդեհի նոր երկու օջախ, որոնցից մեկը մարվել էր, արդյունքում այրվել էր մոտ 400 խմ շինարարական աղբ։

Հրդեհաշիջման աշխատանքներին ներգրավված էին Երևանի քաղաքապետարանի հինգ ջրատար, երկու բեռնատար մեքենա, հինգ տրակտոր, օժանդակ մեքենա (ջրատար), երկու ինժեներական տեխնիկա և ինքնաթափ մեքենա։

0
  • Նուբարաշենի աղբավայր
    © Sputnik / Aram Nersesyan

    Նուբարաշենի աղբավայր

  • Փրկարարների հերթական ջոկատը մոտենում է Նուբարաշենի աղբավայրին
    © Sputnik / Aram Nersesyan

    Փրկարարների հերթական ջոկատը մոտենում է Նուբարաշենի աղբավայրին

  • ԱԻՆ աշխատակից
    © Sputnik / Aram Nersesyan

    ԱԻՆ աշխատակից

  • ԱԻՆ–ի ավտոմեքենա
    © Sputnik / Aram Nersesyan

    ԱԻՆ–ի ավտոմեքենա

  • ԱԻՆ աշխատակիցը պատրաստվում է մարել հրդեհի հերթական օջախը
    © Sputnik / Aram Nersesyan

    ԱԻՆ աշխատակիցը պատրաստվում է մարել հրդեհի հերթական օջախը

  • ԱԻՆ աշխատակիցները մարում են Նուբարաշենի աղբավայրում բռնկված հրդեհը
    © Sputnik / Aram Nersesyan

    ԱԻՆ աշխատակիցները մարում են Նուբարաշենի աղբավայրում բռնկված հրդեհը

  • Sputnik Արմենիայի թղթակիցը զրուցում է ԱԻՆ աշխատակցի հետ
    © Sputnik / Aram Nersesyan

    Sputnik Արմենիայի թղթակիցը զրուցում է ԱԻՆ աշխատակցի հետ

  • Հրդեհի օջախներ
    © Sputnik / Aram Nersesyan

    Հրդեհի օջախներ

  • ԱԻՆ աշխատակիցները պատրաստվում են մարել հրդեհի հերթական օջախը
    © Sputnik / Aram Nersesyan

    ԱԻՆ աշխատակիցները պատրաստվում են մարել հրդեհի հերթական օջախը

  • ԱԻՆ աշխատակիցը մարում է հրդեհը
    © Sputnik / Aram Nersesyan

    ԱԻՆ աշխատակիցը մարում է հրդեհը

  • ԱԻՆ աշխատակից
    © Sputnik / Aram Nersesyan

    ԱԻՆ աշխատակից

  • ԱԻՆ աշխատակիցները մարում են հրդեհի օջախը
    © Sputnik / Aram Nersesyan

    ԱԻՆ աշխատակիցները մարում են հրդեհի օջախը

  • ԱԻՆ աշխատակիցը մարում է հրդեհի օջախը
    © Sputnik / Aram Nersesyan

    ԱԻՆ աշխատակիցը մարում է հրդեհի օջախը

  • Ինչ տեսք ունի Երևանը Նուբարաշենի աղբավայրից
    © Sputnik / Aram Nersesyan

    Ինչ տեսք ունի Երևանը Նուբարաշենի աղբավայրից

թեգերը:
Լուսանկար, հրշեջ, Նուբարաշենի աղբավայր, Հայաստան