ԵՐԵՎԱՆ, 14 մարտի — Sputnik. ՀՀ պաշտպանության նախարարությունը տեղեկացնում է, որ Զինված ուժերի գլխավոր շտաբի ծառայության վարչության սպաներն անակնկալ ստուգայցեր են կատարել Լոռու, Արմավիրի և Երևանի կայազորների զորամասերում:
Արցախի հետ սահմանին ադրբեջանցիների կրակոցների թիվն ավելացել է
«Ստուգվել են զորամասերում ներքին վերակարգերի ծառայության կազմակերպումը, անցագրային ռեժիմի պահպանումը, ուսումնանյութական բազայի սարքինության վիճակը, զորքերի ծառայության կազմակերպումը»,–նշված է հաղորդագրության մեջ։
Շրջայցի ընթացքում ստուգվել են նաև զորամասերի սանիտարական պայմանները, զինված ուժերի անձնակազմի շրջանում նոր կորոնավիրուսային վարակի ներթափանցման կանխարգելման վերաբերյալ հանձնարարականների կատարման ընթացքը:
Հիշեցնենք, որ Հայաստանում այս պահին կա կորոնավիրուսով վարակվելու 15 դեպք։ ՀՀ պաշտպանության նախարարությունն ավելի վաղ` փետրվարի 26-ին, հայտարարություն էր տարածել` հորդորելով չայցելել զորամասեր` զինվորներին տեսակցելու։ ՊՆ–ն սահմանափակում է դրել նաև զինվորների արձակուրդների վրա։
Սարգսյանը կորոնավիրուսի թեմայով զրուցել է ԱՀԿ գլխավոր տնօրենի հետ
