Աննա Հակոբյանն ու Նիկոլ Փաշինյանը

Նիկոլ Փաշինյանն ու Աննա Հակոբյանը կորոնավիրուսի թեստ են հանձնելու

2129
(Թարմացված է 02:39 14.03.2020)
ՀՀ վարչապետը խոսել է կորոնավիրուսի մասին` անդրադառնալով Աննա Հակոբյանի ու Բրազիլիայի նախագահի տիկնոջ հանդիպմանը։

ԵՐԵՎԱՆ, 13 մարտի – Sputnik. ՀՀ վարչապետ Նիկոլ Փաշինյանը որոշել է կնոջ հետ մեկուսանալ Սևանում։ Նա իրենց որոշման մասին հայտնեց Facebook–ի ուղիղ եթերում։ 

Պատճառը եղել է Աննա Հակոբյանի և Բրազիլիայի նախագահի տիկնոջ` Միշել դե Պաուլա Ֆիրմո Ռեինալդու Բոլսոնորուի հանդիպումը, որը կայացել է մարտի 7-ին։ Ավելի վաղ O Dia պարբերականը հայտնել էր, որ Բրազիլիայի նախագահը կորոնավիրուսի թեստ է անցել, և արդյունքը դրական է եղել։ Այսօր պաշտոնապես հայտարարվեց, որ նախագահի երկրորդ թեստի արդյունքը բացասական է եղել։

Встреча Анны Акопян с супругой президента Бразилии Мишель Больсонаро (6 марта 2020). Бразилиа
Աննա Հակոբյանն ու Միշել դե Պաուլա Ֆիրմո Ռեինալդու Բոլսոնորուն

«Երեկվանից մի քիչ անհանգստացած էինք, որովհետև լուր կար, որ Բրազիլիայի նախագահը կորոնավիրուսի թեստ է անցել։ Երեկ այդ մասին իմանալով` մենք որոշեցինք մեկուսանալ և այսօր երեկոյան մեկնեցինք Սևան։ Առաջին գործողությունը, որ արեցինք, մեր ջերմությունը չափելն էր։ Համոզված էինք, որ խնդիր չի լինի, և մեզ մոտ իսկապես ջերմություն չկար»,– ասաց նա։

Փաշինյանի խոսքով` վաղը թեստ կհանձնեն, թեև մասնագետների հետ խորհրդակցել են, և, նրանց խոսքով, հավանականությունը շատ քիչ է, որ պատասխանը դրական կլինի։

Վարչապետը խոստացավ, որ կորոնավիրուսի թեստ անցնելուց հետո պատասխանը կհայտնեն հանրությանը:

Փաշինյանը համոզվել է, որ կորոնավիրուսի դեմ պայքարի ամենաարդյունավետ միջոցն ամեն մարդու պատասխանատվությունն է ինքն իր անձի և շրջապատի նկատմամբ։

«Մենք նաև օրենսդրական հնարավոր փոփոխություններն ենք քննարկում, որ համաճարակային իրավիճակում ժամանակին բժշկին չդիմելը, չինքնամեկուսացվելը կարող է հանգեցնել որոշակի պատասխանատվության», -  ասաց նա:

Նշենք, որ քիչ առաջ ՀՀ առողջապահության նախարար Արսեն Թորոսյանը հայտնեց, որ Հայաստանում կորոնավիրուսով վարակվելու ևս 5 դեպք է բացահայտվել, վարակվածների ընդհանուր թիվը հասել է 13–ի։

Հիշեցնենք` Հայաստանում կորոնավիրուսով վարակվելու առաջին դեպքի մասին հայտնի դարձավ մարտի 1-ի վաղ առավոտյան. վարակվածը 29-ամյա տղամարդ է: Նա Իրանից Հայաստան էր ժամանել փետրվարի 28-ին: Մարտի 11-ին Փաշինյանը հայտարարեց, որ Հայաստանում կորոնավիրուսի երեք նոր դեպք է բացահայտվել։ Երկուսը ՀՀ քաղաքացի են (45 և 27 տարեկան), մեկը՝ Իտալիայի (51 տարեկան)։

Մարտի 12-ի երեկոյան ՀՀ վարչապետն ու առողջապահության նախարարը հայտարարեցին ևս 2 նոր հաստատված դեպքի մասին։ Նրանցից մեկը վարակակիրներից մեկի ամուսինն է, մյուսը՝ մորաքրոջ տղան։ Այսօր` մարտի 13–ին, Հայաստանում կորոնավիրուսով վարակվելու ևս 2 դեպք էր հաստատվել։

2129
թեգերը:
կորոնավիրուս, Աննա Հակոբյան, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան (973)
Ըստ թեմայի
Կորոնավիրուսի կանխարգելման նպատակով ՀՀ ԿԲ-ն հորդորում է օգտվել անկանխիկ վճարամիջոցներից
Շիրակում խուճապ ու կորոնավիրուսի դեպքեր չկան. Պետրոսյանը` մարզում տիրող իրավիճակի մասին
Հայտնի է` ցանկացողներին երբ Հռոմից կտեղափոխեն Երևան
Աշակերտների հետ կշփվեն տեսակապով, քննությունները կհետաձգեն. ԿԳՄՍՆ–ն քայլեր է ձեռնարկում