Ոստիկանը` Ծաղկաձորի «Գոլդեն փելես» հյուրանոցի մոտ. արխիվային լուսանկար

Ծաղկաձորի «Գոլդեն փելես» հյուրանոցում նոր «կասկածյալների» են տեղավորել

1085
(Թարմացված է 10:28 13.03.2020)
120 համար ունեցող հյուրանոցն այս պահին պաշտոնական հաշվարկներով` արդեն 98 պոտենցիալ վարակակրի է տեղավորել իր հարկի տակ։ Տեղերը սահմանափակ են, վարակակիրների հետ շփում ունեցողների շրջանակը մեծանում է։

ԵՐԵՎԱՆ, 12 մարտի — Sputnik. Կորոնավիրուսով վարակվածների հետ շփված անձինք, Sputnik Արմենիայի տվյալներով, տեղավորվել են Ծաղկաձորի 5 աստղանի «Գոլդեն փելես» հյուրանոցում:

«Թումոն» մեկ ամիս փակ կլինի. կորոնավիրուսով վարակված իտալացին այդ շենքում է աշխատել

Առողջապահության նախարարությունն այս տեղեկություններն առայժմ չի հաստատում։ Պաշտոնապես նշվում է միայն, որ վարակակիրների հետ շփում ունեցած մարդիկ գտնվում են հատուկ «կարանտինի վայրում»:

Եվ այսպես, դատելով պաշտոնական լրահոսով հայտնված թվային տվյալներից, մարտի 12-ի դրությամբ Ծաղկաձորում մեկուսացված է ընդհանուր առմամբ 98 մարդ։ Նրանցից 31-ը «Գոլդեն փելես» հյուրանոց էր տեղափոխվել դեռ մարտի 1–ին 2 շաբաթ ժամկետով։ Այսինքն` մինչև մարտի 14-ը։ Ընդ որում՝ մինչ կարանտինային գոտուց ազատ արձակելը, մարտի 13-ին նրանք դարձյալ կորոնավիրուսի թեստ կանցնեն` վերջնականապես համոզվելու համար, որ վարակակիր չեն։

ՀՀ կենտրոնական բանկը հավաքում է «կորոնավիրուսոտ» փողերը

Մյուս մեկուսացվածները Ծաղկաձոր են տարվել երեկ և այսօր` մարտի 11-12–ին։ Ընդ որում՝ 10 մարդ` մարտի 11-ին, 57-ը` մարտի 12-ին։

Նշենք, որ «Գոլդեն փելես» հյուրանոցը 120 համար ունի։ Մեկուսացված անձինք այնտեղ ապրում են յուրաքանչյուր սենյակում մեկ հոգի սկզբունքով` բացառելով շփման ու վարակվելու բոլոր հնարավորությունները։ Անգամ սնունդը նրանց բաժանում են սենյակների մուտքի մոտ, հատուկ համազգեստ հագած անձանց միջոցով։

Բայց դատելով մամուլում այսօր տարածված ու առայժմ ո՛չ հաստատված, ո՛չ էլ հերքված լուրերից՝ մեկուսացվածների թիվն առաջիկա օրերին կարող է կտրուկ ավելանալ։ Բանն այն է, որ կորոնավիրուսով հիվանդներից մեկն Էջմիածնի բնակիչ է, որը 10 օր առաջ է Հայաստան ժամանել և հասցրել է մասնակցել հուղարկավորության և նշանադրության արարողությունների, մյուսը դպրոցում բուժքույր է, որը դպրոց է գնացել աշխատանքի ու շփվել աշակերտների ու ուսուցչական կոլեկտիվի հետ։ Իսկ երրորդը իտալացի մասնագետ է, որն աշխատում է Հայաստանում ու հայրենիքից վերադառնալուց հետո շփում է ունեցել «Թումո» կենտրոնի երեխաների ու ՏՏ ոլորտի այլ մասնագիտական հիմնարկների աշխատակիցների հետ։

Էջմիածնի դպրոցներից մեկի բուժքույրը շփվել է կորոնավիրուսով վարակվածի հետ

Հիշեցնենք` Հայաստանում կորոնավիրուսով վարակվելու առաջին դեպքի մասին հայտնի դարձավ մարտի 1-ի վաղ առավոտյան. վարակվածը 29-ամյա տղամարդ է: Նա Իրանից Հայաստան էր ժամանել փետրվարի 28-ին:

Մարտի 11-ին ՀՀ վարչապետ Նիկոլ Փաշինյանը հայտարարեց, որ Հայաստանում կորոնավիրուսի երեք նոր դեպք է բացահայտվել։ Երկուսը ՀՀ քաղաքացի են (45 և 27 տարեկան), մեկը՝ Իտալիայի (51 տարեկան).

Մարտի 12-ի երեկոյան ՀՀ վարչապետն ու առողջապահության նախարարը հայտարարեցին ևս 2 նոր հաստատված դեպքի մասին։ Նրանցից մեկը վարակակիրներից մեկի ամուսինն է, մյուսը՝ մորաքրոջ տղան։

Առողջապահության նախարար Արսեն Թորոսյանը հայտնել է, որ նրանք տեղափոխվել են Նորքի ինֆեկցիոն հիվանդանոց։

1085
թեգերը:
«Գոլդեն փելես» հյուրանոց, Հայաստան, Ծաղկաձոր, կորոնավիրուս
թեմա:
Կորոնավիրուսը Չինաստանում և աշխարհում (795)
Ըստ թեմայի
«Ախտանիշային բուժում է պահանջում մի պացիենտ». նախարարը` կորոնավիրուսով վարակվածների մասին
Կորոնավիրուսը Հայաստանին արդեն միլիոնների վնաս է տվել. Նովրուզը գալիս է, իրանցիները` ոչ
Էջմիածնում կորոնավիրուսի դեպք չի՞ հայտնաբերվել. նախարարությունը հայտարարություն է տարածել
Գոհար Ավետիսյան

Գոհար Ավետիսյանի առաջնեկը ծնվել է. լուսանկար

85
(Թարմացված է 00:15 04.07.2020)
Երկրպագուները վաղուց էին սպասում հայտնի դիմահարդարի փոքրիկի ծնվելուն։ Գոհարն էլ ծննդաբերությունից հետո լուսանկար է հրապարակել։

ԵՐԵՎԱՆ, 4 հուլիսի – Sputnik. Հանրահայտ դիմահարդար Գոհար Ավետիսյանը, որին Ռուսաստանում և Հայաստանում հաճախ «մեյքափի գուրու» են անվանում, ծննդաբերել է։

«Բարի գալուստ այս գեղեցիկ աշխարհ, իմ փոքրիկ հսկա, 4 կգ երջանկություն և անիրական սեր առաջին վայրկյանից։ Սա, թերևս, իմ ծննդյան օրվա լավագույն նվերն է (այն կլինի վաղը, բայց ես, միևնույնն է, բոլորին ցանկանում եմ զգալ այդ երջանկությունը)», - գրել է նա Instagram–ում:

Посмотреть эту публикацию в Instagram

Публикация от Goar Avetisyan (@goar_avetisyan)

Մաղթանքներն ու շնորհավորանքները չեն ուշացել։ Մաքսիմ Գալկինը երջանկություն է մաղթել փոքրիկին, իսկ երգչուհի Ժասմինը ապագա տղամարդուն հրահանգել է, որ ամեն օր ու ամեն ժամ ուրախացնի մայրիկին:

«Ուռա։ Շնորհավոր։ Մի հրաշալի հայ էլ ավելացավ»,- գրել է ռեժիսոր Սարիկ Անդրեասյանը:

Գոհար Ավետիսյանը ծնվել է Մարտունիում, նրա ընտանիքը տեղափոխվել է Մոսկվա, երբ Գոհարը մեկ տարեկան է եղել։ Ավետիսյանը Ռուսաստանում ամենահայտնի բյութի բլոգերն է։ Հիմա նա Instagram-ում ավելի քան 5 միլիոն բաժանորդ ունի, իսկ նրա «Կերպարանափոխություն» նախագիծը քննարկվել է անգամ Daily Mail-ի էջերում։

Գոհարն ինքնուրույն է հասել հաջողության։ Նա ինքնուս դիմահարդար է: Այս ոլորտում առաջին փորձերն արել է 11-12 տարեկանում: 16 տարեկանում ընդունվել է Ժողտնտեսության և պետական ծառայության ռուսական ակադեմիայի տնտեսագիտական ֆակուլտետ:

Գոհար Ավետիսյանը տոնական մեյքափի հեշտ ու արագ տարբերակ է առաջարկում․ տեսանյութ

Արդեն առաջին կուրսում Գոհարը սկսել է դիմահարդարել բոլոր ընկերուհիներին և ծանոթներին: Հետաքրքրությունը դարձել է աշխատանք, և նա թողել է ուսումը:

2012թ.-ին սկսել է դասախոսել, դիմահարդարման վարպետության դասեր անցկացնել։ Հիմա արդեն հայտնի դիմահարդարը Մոսկվայի կենտրոնում սեփական դպրոց և ստուդիա ունի:

Նշենք, որ առաջին ամուսնուց բաժանվելուց հետո Գոհարը գրեթե կես տարի դեպրեսիվ վիճակում էր։ Ամուսնալուծությունից հետո նա 43 կգ նիհարեց և նոր սեր գտավ։ 

«Ո՞վ կմտածեր, որ...». Գոհար Ավետիսյանի հուզիչ գրառումը

85
թեգերը:
երեխա, Գոհար Ավետիսյան
Ըստ թեմայի
«Որքան գեղեցիկ ես». դիմահարդարման վարպետ Գոհար Ավետիսյանը՝ Վարդայի նոր կերպարի մասին
«Ես քեզ կդարձնեմ ուժեղ». Գոհար Ավետիսյանը հերթական անգամ զարմացրել է երկրպագուներին
Դիմահարդար Գոհար Ավետիսյանը որոշել է երգչուհի դառնալ «միամիտ» երգով. տեսանյութ
Երևան, արխիվային լուսանկար

Ողբերգական դեպք Երևանում. վարորդը վրաերթի է ենթարկել 2 հետիոտնի, մեկը մահացել է

29
(Թարմացված է 00:15 04.07.2020)
Դեպքը տեղի է ունեցել «Մեգամոլ» առևտրի կենտրոնի դիմաց։ Հավաքվածներն ասել են, որ վրաերթի ենթարկվածներն ամուսիններ են։

ԵՐԵՎԱՆ, 3 հուլիսի – Sputnik. Այսօր վրաերթ է տեղի ունեցել Երևանում: Ժամը 22:15-ի սահմաններում Երևանի բնակիչ, 32-ամյա Աշոտ Ավետիսյանը իր վարած «Nissan» մակնիշի ավտոմեքենայով Գայի պողոտայում՝ «Մեգամոլ» առևտրի կենտրոնի հարևանությամբ, վրաերթի է ենթարկել 2 հետիոտնի, որոնք փողոցը որոշել են հատել հետիոտների համար չնախատեսված հատվածով։ Տեղեկությունը հայտնում է shamshyan.com–ը։

Վարորդն ահազանգել է Երևանի 1-03 շտապօգնություն, դեպքի վայր ժամանած շտապօգնության բժիշկները վրաերթի ենթարկվածներին ծայրահեղ ծանր ախտորոշմամբ տեղափոխել են թիվ 1 համալսարանական հիվանդանոց:

Վարորդը տեղում ենթարկվել է սթափության փորձաքննության, պարզվել է, որ նա եղել է սթափ:

Դեպքի վայրում հավաքվածներն ասել են, որ վրաերթի ենթարկվածներն ամուսիններ են:

Երևանի գերեզմանատներից մեկի մոտ 40-ամյա տղամարդը հոսանքահարվել է ու մահացել

Մինչ դեպքի վայրում աշխատել է հետաքննիչը, հիվանդանոցից հայտնել են, որ վրաերթի ենթարկվածներից 41-ամյա Արթուր Շ.-ն գիտակցության չգալով ՝ մահացել է:

Փաստի առթիվ հարուցվել է քրեական գործ՝ ՀՀ ՔՕ 242 հոդվածի 2-րդ մասի (ճանապարհատրանսպորտային պատահար, որն անզգուշությամբ առաջացրել է մարդու մահ) հատկանիշներով:

Կրակոցներ Երևանում. մեկ մարդ գլխի շրջանում վնասվածքներ է ստացել

29
թեգերը:
Մահ, հետիոտն, Վրաերթ, Հայաստան
թեմա:
Վթար, պատահար, սպանություն, գողություն
Ըստ թեմայի
Երևանում վրաերթի են ենթարկել հեծանվով երեխային
Իրինդ գյուղի ջրամբարում 36–ամյա քաղաքացի է խեղդվել
25-ամյա երիտասարդը սպանվել է տան մուտքի մոտ արձակած կրակոցից