Սուպերմարկետ. արխիվային լուսանկար

Նավթային պատերազմ և կորոնավիրուս. Հայաստանում գնաճը կարող է Ռուսաստանին էլ գերազանցել

287
(Թարմացված է 16:28 12.03.2020)
Փորձագետը պարզաբանել է` ինչպես կարող են համաշխարհային շուկայում նավթային պատերազմը և կորոնավիրուսն ազդել Հայաստանի տնտեսության վրա։

ԵՐԵՎԱՆ, 12 մարտի — Sputnik. Նավթի գնի անկումն ու կորոնավիրուսը, ազդելով Ռուսաստանի տնտեսության վրա, կարող են գնաճի հանգեցնել նաև Հայաստանում։ Sputnik Արմենիա մամուլի կենտրոնում այսօր կայացած Մոսկվա–Երևան–Բիշքեկ–Թբիլիսի–Մինսկ տեսակամուրջի ընթացքում այսպիսի տեսակետ հայտնեց ՌԴ կառավարությանն առընթեր Ֆինանսական համալսարանի Սոցիալ–տնտեսական հետազոտությունների ինստիտուտի տնօրեն, տնտեսական գիտությունների դոկտոր Ալեքսեյ Զուբեցը։

Նավթի գներն անկում ապրեցին այն բանից հետո, որբ ՕՊԵԿ+ երկրները մարտի 6-ին չկարողացան պայմանավորվել ո՛չ արդյունահանումը կրճատելու գործարքի պարամետրերի փոփոխման, ո՛չ էլ դրա երկարացման մասին։ Նավթի գնանկման ֆոնին բարձրացել են ռուբլու նկատմամբ դոլարի և եվրոյի կուրսերը։

Զուբեցի խոսքով` համարվում է, որ նավթային «պատերազմը» Ռուսաստանն է սկսել, սակայն իրականում այն սկսել են ԱՄՆ–ն և Սաուդյան Արաբիան։

«Եթե անհրաժեշտություն առաջանա, քարոզարշավը կընդհատենք». Փաշինյանը` կորոնավիրուսի մասին

«Ռուսաստանի վրա սաուդցիների լուրջ հարձակումը խոսում է այն մասին, որ Էր Ռիյադը փորձում է վերադարձնել Մոսկվան բանակցությունների սեղան։ Ռուսաստանը կարող է դա անել, ինչը կհանգեցնի նավթային շուկայի կայունացմանը։ Դրանով է իրավիճակը տարբերվում 2014 թվականից», – ասաց Զուբեցը։

Փորձագետի կարծիքով` առաջիկա 3-4 ամիսները կարող են ամենածանրը լինել։ Նավթի գինը կարող է նվազել` հասնելով մեկ բարելի դիմաց մինչև 20 դոլարի։ Միևնույն ժամանակ, ըստ նրա, «սև ոսկու» արժեքը կայունանում է 40-50 դոլարի սահմաններում։ 

Sputnik Արմենիայի այն հարցին, թե իրավիճակն ինչպես կազդի Ռուսաստանում շինարարության և սպասարկման ոլորտների վրա, որտեղ հիմնականում հայեր են ներգրավված, Զուբեցը պատասխանեց, որ առաջին դեպքում հարվածն այդքան ուժգին չի լինի։

«Մինչ այդ շինարարական շուկան վերելք էր ապրում։ Գներն աճում էին, պահանջարկը` նույնպես։ Ռուսաստանում շինարարության աճի տեմպերը սկսեցին դանդաղել դեռ անցած տարվա վերջում։ Եթե չլինեին այս տհաճ իրադարձությունները (նավթի գնանկում, կորոնավիրուս), արդյունաբերական և բնակշինության շուկաներում կարելի էր լավ աճ ակնկալել», – ասաց Զուբեցը։

Խոշոր գնումների հիմնական թշնամին վախն է։ Հասկանալի է, որ անորոշությունը ստիպում է մարդկանց հրաժարվել անշարժ գույք ձեռք բերելուց։ Պահանջարկը դեռ պահպանվում է, սակայն եթե իրավիճակը չփոխվի` այն կնվազի։ Իր հերթին դա կհանգեցնի անշարժ գույքի շուկայում դադարի և շինարարական աշխատանքների ծավալի անկման։ Անկումը կարող է 10-20% կազմել։

Էջմիածնի քաղաքապետը հաստատեց` կորոնավիրուսով վարակվածներից մեկն իրենց քաղաքի բնակիչ է

«Միջնաժամկետ հեռանկարում անհնար է չմտահոգվել այդ շուկայում ճգնաժամային երևույթների վերաբերյալ։ Հասկանալի է, որ շուկան ցիկլային է, և որոշ ժամանակ անց այն աճի կվերադառնա։ Այստեղ կարևոր է, թե որքան երկար կտևի վիրուսի և նավթի գների հետ կապված պատմությունը»,–նշեց Զուբեցը։

Ինչ վերաբերում է այլ երկրներ արտահանելու համար ռուսական արտադրության ապրանքների գների նվազմանը (ռուբլու անկման ֆոնին), ապա, ըստ ամենայնի, հետխորհրդային տարածքի պետությունները ազգային արժույթների կուրսերի շտկումներ կիրականացնեն։

«Աշխարհի ոչ մի երկիր շահագրգռված չէ, որ էժան ներմուծումը ճնշի ներքին արտադրությունը», – նշեց փորձագետը։

Ինչ վերաբերում է հավանական գնաճին` Հայաստանում այն կարող է գերազանցել Ռուսաստանին։ Դա կապված է նրա հետ, որ ռուսաստանցիները կկրճատեն ապրանքների և ծառայությունների սպառումը, կտնտեսեն գումարն ու ներմուծումը կտուժի։

«Ներմուծումը միշտ էլ ավելի շատ և ուժեղ է տուժում, քան ներքին սպառումը։ Այդ իսկ պատճառով ներմուծող երկրներն ավելի ծանր դրության մեջ կհայտնվեն, և գնաճը կարող է կտրուկ աճել։ Սակայն մենք գնաճի առումով լուրջ աղետի չենք սպասում, և այս պատմությունը լավատեսական տարբերակով մի քանի ամսից կվերջանա, վատագույն դեպքում` մեկ տարուց», – նշեց Զուբեցը։

Նրա կարծիքով` Ռուսաստանի և հետխորհրդային տարածքի այլ երկրների տնտեսության վիճակը, ամենայն հավանականությամբ, կբարելավվի աշնանը։

Կորոնավիրուսը Հայաստանին արդեն միլիոնների վնաս է տվել. Նովրուզը գալիս է, իրանցիները` ոչ

287
թեգերը:
տնտեսություն, նավթ, Ռուսաստան, Հայաստան, գնաճ, կորոնավիրուս
թեմա:
Կորոնավիրուսը Չինաստանում և աշխարհում (723)
Ըստ թեմայի
Մոլորակի բնակչության 66%–ը կարող է կորոնավիրուսով վարակվել. ԱՀԿ փորձագետ
Կրակոտ պար կորոնավիրուսի դեմ. «Դոմոդեդովոյում» կինը խուճապ է ցրում. տեսանյութ
Կորոնավիրուսը «չհաղթեց» Ծաղկաձորին. ինչ իրավիճակ է զբոսաշրջային կենտրոնում
Հայաստանի ազգային գրադարան

Արայիկ Հարությունյանը Ազգային գրադարանի վերաբերյալ 2 լավ լուր է հայտնել

25
(Թարմացված է 23:21 03.06.2020)
Նախարարը հատուկ շնորհակալություն է հայտնել այն մարդկանց, ովքեր օգնել են այս կարևոր գործում։

ԵՐԵՎԱՆ, 3 հունիսի – Sputnik. Հայաստանի ազգային գրադարանի էլեկտրոնային շտեմարանները կրկին հասանելի են: Լավ լուրը Facebook-ի իր էջում հայտնել է ՀՀ ԿԳՄՍ նախարար Արայիկ Հարությունյանը։

«Ազգային գրադարանի թվայնացված նյութերն ամբողջ ծավալով հասանելի են: Եվ սա այն դեպքում, երբ մեկ ամիս առաջ որոշ գորշ շրջանակներ հայտնում էին ամբողջ նյութի ոչնչացման մասին»,–գրել է նա:

Նախարարը հատուկ շնորհակալությունն է հայտնել HP ընկերության պաշտոնական գործընկեր, տեղեկատվական տեխնոլոգիաների ոլորտի հայկական Bi Line ընկերության տնօրեն Լևոն Քեշիշյանին, ընկերության ողջ անձնակազմին ՀԱԳ սերվերները դետալ առ դետալ, մանրակրկիտ կերպով մաքրելու, թեստավորելու և շահագործման պատրաստի վիճակում Ազգային գրադարանին հանձնելու համար։

Ինչպես նաև Dell ընկերության գործընկեր Brand computers ընկերության տնօրեն Զոհրաբ Վարդանյանին տեխնիկական խորհրդատվության, Microsoft-ի պաշտոնական գործընկեր Dom Daniel ընկերության տնօրեն Արտաշես Քալանթարյանին, Softcontract ընկերության տնօրեն Հարություն Համբարձումյանին` աջակցելու պատրաստակամության համար։

Երախտագիտության խոսքերի են արժանացել նաև Ազգային գրադարանի Համակարգչային գրիդ տեխնոլոգիաների բաժնի վարիչ Էդգար Սարգսյանը և բաժնի աշխատակից Կորյուն Շեկոյանը վերականգնման ուղղությամբ տարված բացառիկ աշխատանքի և ծրագրային կարգավորումների համար:

Հովսեփյան. «Սահմանամերձ գյուղում գրադարան բացելով` կրճատում ենք գյուղից գնալու շանսերը»

Հարությունյանի 2–րդ լավ լուրը`շուտով հասանելի կլինի նաև Ազգային գրադարանի նոր կայքը:

Հիշեցնենք, որ մայիսի 14–ին հայտնի դարձավ, որ Հանրային գրադարանի սերվերները հայտնաբերել են ծխեցված վիճակում։ Տեղեկացվում էր, որ մայիսի 10-ին ինտերնետ կապի խափանման և ՀԱԳ էլեկտրոնային շտեմարանների առցանց անհասանելիության պատճառները պարզելու նպատակով ՀԱԳ աշխատակիցները շենքի պահպանությունն իրականացնող ոստիկաններից մեկի ուղեկցությամբ որոշ էլեկտրական սարքեր հայտնաբերել են ծխեցված վիճակում:

25
թեգերը:
գրադարան, Կրթության, գիտության, մշակույթի և սպորտի նախարարություն (ԿԳՄՍ), Արայիկ Հարությունյան
Նիկոլ Փաշինյանի բրիֆինգը

Համաճարակն ու Հայաստանը․ կորոնավիրուսը արագացնո՞ւմ է քաղաքական գործընթացները

278
(Թարմացված է 22:18 03.06.2020)
Հայաստանի քաղաքացիները մեծ մասը դժգոհ է կորոնավիրուսի դեմ պայքարի իշխանության գործողություններից, իսկ հակաճգնաժամային օգնությունը բոլորին չէ, որ հասել է։ Այս ֆոնին քաղաքական գործընթացները նոր երանգներ են ստացել։

Վերջին շրջանում իշխանությունը հաճախ էր խոսում հարկային մուտքերի աճի ու իրականացվող տնտեսական հեղափոխության մասին։ Հնարավոր է՝ այդ պատճառով է, որ կորոնավիրուսի համաճարակին ու գրեթե բոլոր ոլորտների կաթվածահար վիճակին բախվելիս, քաղաքացիները կառավարությունից իրական օգնություն էին ակնկալում։ Առաջին հերթին՝ նյութական, քանի որ շատերը  հատկապես՝ սպասարկման ոլորտում աշխատողները, բառացիորեն գոյատևման եզրին են հայտնվել։  

Կառավարությունը կարծես թե հայտարարել էր բնակչությանն ու բիզնեսին տրամադրվելիք մեծ դոտացիայի՝ 300 միլիոն դոլարի մասին։ Միջոցառումների փաթեթ էր մշակվել, որում մոտ 20 տարբեր թիրախային ծրագրեր կային։ Սակայն ինչ-որ պահի հասկանալի դարձավ, որ այդ ծրագրերը տեղում են դոփում։ Վարչապետն անձամբ հետևում էր դրանց իրականացմանը, կշտամբում էր նախարարներին, զանգում էր քաղաքացիներին։

Այդ պատճառով շատ արդիական է հարցը, թե ինչպես են քաղաքացիներն ընկալում իշխանության կողմից իրենց ցուցաբերված աջակցությունը։ Այսօր արդեն կարելի է գնահատել կառավարության հակաճգնաժամային միջոցառումները, քանի որ դրանց մեծ մասը միանգամյա էին ու ենթակա չէին երկարացման։

«Ժողովրդի ձայնը» փորձագիտական ակումբն առցանց հարցում է անցկացրել այդ թեմայով։ Դրան մասնակցել են 18 տարեկանից բարձր 1700 քաղաքացիներ։ Հարցման հիմք է հանդիսացել այն, որ բազում քաղաքացիներ ահազանգել են, թե այս կամ այն պատճառով կառավարությունից ոչ մի աջակցություն չեն կարողացել ստանալ։

«Կորոնավիրուսի պատճառով ՀՀ–ում գործազուրկների քանակը կհատի 40 000–ի սահմանը». Մակարյան

Բավականին մտահոգիչ պատկեր ստացանք հարցումների արդյունքում։ Պարզվեց՝ քաղաքացիների 75%-ը զգալի տնտեսական խնդիրներ ունի (աշխատանքի, բիզնեսի կամ եկամտի կորուստ)։ Ստեղծված իրավիճակում իշխանության իրական օգնության վրա հույսը դրել են հարցման  մասնակիցների միայն 30%-ը (մնացածը հույսները դրել են իրենց, մտերիմների, մարդասիրական կազմակերպությունների և այլնի վրա)։ Հարցվածների 63%-ը ոչ մի օգնություն չի ստացել, ու միայն 9%-ն են հայտնել, որ գոհ են կառավարության հակաճգնաժամային միջոցառումներից։ Եվս մեկ հատկանշական թիվ՝ քաղաքացիների 56%-ը վստահ է, որ համաճարակը զսպելուն ուղղված կառավարության գործողություններն ակնհայտորեն բավարար չեն։

Ի՞նչ հետևանքներ կունենան այս տրամադրությունները։ Արմավիրի մարզի շուկայում տեղի ունեցած իրադարձությունները ցույց են տալիս, որ «հետհեղափոխական» շրջանը Հայաստանում ավարտվել է։

Եթե ծանր պահին քաղաքացիներին ոչ ոք չի աջակցում, նրանք փորձում են սեփական աշխատանքով ապահովել իրենց գոյությունը՝ անտեսելով համավարակի բերած սպառնալիքները։ Իսկ եթե մարդկանց արգելում են դա անել, նրանք  սկսում են նորից գիտակցել, որ հենց իրենք են իշխանություն տվողը և կարող են փողոց դուրս գալով ու ընտրություններին մասնակցելով, փոխանցել իրենց վստահության մանդատն այդ քաղաքական գործիչների։

Այժմ Հայաստանի քաղաքական կյանքում դեռ պահպանվում է մինչկորոնավիրուսային իներցիան։ Սակայն և՛ մեր հարցումը, և՛ տեղի ունեցած առանձին իրադարձությունները ցույց տվեցին, որ մեր երկրում աստիճանաբար վերակենդանանում է քաղաքական աշխուժությունը՝ կրքեր բորբոքվելով, ծրագրերի ու անձանց մրցակցություն բերելով։ Կորոնավիրուսի համաճարակն այդ անխուսափելի գործընթացի կատալիզատոր դարձավ։

Կամ–կամ. Փաշինյանը խոսեց կորոնավիրուսով պայմանավորված իրավիճակի շուրջ առկա ելքերի մասին

278
թեգերը:
համավարակ, ընդդիմություն, Իշխանություն, քաղաքականություն, կորոնավիրուս, Հայաստան
Ըստ թեմայի
Արցախում կորոնավիրուսով վարակվածների թիվը կրկին ավելացել է
Փարաքարում կորոնավիրուսից երիտասա՞րդ է մահացել. Մինասյանի խոսքով` մահացողը 62 տարեկան է
Կորոնավիրուսից մահացածների տվյալների հրապարակման դեպքով քրեական գործ է հարուցվել
Կաննի կիոնփառատոն

Հայ ռեժիսորի ֆիլմը ներկայացված է Կաննի փառատոնին

56
(Թարմացված է 00:04 04.06.2020)
Կաննի միջազգային 73-րդ կինոփառատոնն արդեն հայտարարել է այս տարվա իր ծրագիրը։

ԵՐԵՎԱՆ, 3 հունիսի – Sputnik. Կաննի միջազգային 73-րդ կինոփառատոնին այս տարի ներկայացված կլինի նաև հայ ռեժիսոր Նորա Մարտիրոսյանի «Եթե քամին վրա հասնի» ֆիլմը։ Տեղեկությունը Facebook–ի իր էջում հայտնել է «Ոսկե ծիրան» միջազգային կինոփառատոնի ծրագրերի տնօրեն Կարեն Ավետիսյանը։

Փառատոնի արտ-տնօրեն Թիերի Ֆրեմոն ու նախագահ Պիեր Լեսկյուրը հայտարարել են՝ ինչ ֆիլմեր են ընտրել Կաննի 73-րդ կինոփառատոնի համար։

The First Features ծրագրին մասնակցում է հայ ռեժիսոր Նորա Մարտիրոսյանի Si Le Vent Tombe (Should the wind fall) «Եթե քամին վրա հասնի» ֆիլմը, որը Բելգիայի, Ֆրանսիայի ու Հայաստանի համատեղ արտադրությունն է։

Գեղեցկության և շքեղության վերջին ակորդը Կաննում. կինոփառատոնի վերջին լուսանկարները

Սյուժեի համաձայն՝ միջազգային աուդիտոր Ալենն Արցախ է գալիս՝ ինքնահռչակ  հանրապետության օդանավակայանը գնահատելու համար, որպեսզի այն բացվի։ Էդգարը` տեղացի տղան, թափառում է օդանավակայանում ու տարօրինակ գործով է զբաղվում։ Վերջիվերջո տղամարդն ու տղան հանդիպում են։

Հիշեցնենք՝ Կաննի փառատոնը նախատեսված էր մայիսին, ինչպես ամեն տարի, սակայն համավարակի պատճառով փառատոնը չի կայանա, բայց կազմկոմիտեն որոշել է հայտարարել ընտրված ֆիլմերը։

56
թեգերը:
ֆիլմ, Արցախ, ռեժիսոր, հայ, Կաննի կինոփառատոն
Ըստ թեմայի
Սա տեսնել է պետք. Կանն եկած աստղերի զարդերն ու հանդերձանքը. լուսանկարներ
Հայտնի են Կաննի 72-րդ միջազգային կինոփառատոնի դափնեկիրները. լուսանկարներ
Դեկամերոն-2020 կամ կարանտինի կաննոնների պահպանման հայկական ձևն ու մեղավորները