Նիկոլ Փաշինյան. արխիվային լուսանկար

Կստեղծվի հանրաքվեի հռչակագիր. արդեն իսկ սահմանվել է 6 դրույթ

90
(Թարմացված է 12:51 11.03.2020)
Ցանկացողները կարող են մինչև մարտի 31–ը հանրաքվեի հռչակագրի վերաբերյալ առաջարկներ ուղարկել «Այո»–ի շտաբ։

ԵՐԵՎԱՆ, 11 մարտի — Sputnik. ՀՀ վարչապետ Նիկոլ Փաշինյանն այսօր Գորիսում սահմանադրական բարեփոխումների հանրաքվեի «Այո»–ի քարոզարշավի ժամանակ հայտնեց, որ հանրաքվեի հռչակագիր կլինի։

«Մտածեցինք, որ հանրաքվեն շատ լավ առիթ է, որ նկարագրենք տեղի ունեցող պրոցեսի քաղաքական կոնտեքստը։ Հանրաքվեի հռչակագրով կտրվի վերջին 30 տարիներին տեղի ունեցած պրոցեսների քաղաքական գնահատականը»,–ասաց նա։

Փաշինյանը հայտնեց` ցանկացողները մինչև մարտի 31–ը կարող են առաջարկներ ուղարկել «Այո»–ի շտաբ։ «Քաղաքացիական պայմանագրի» վարչությունը կքննարկի դրանք, և մարտի 31-ին կամ ապրիլի 2-3–ին հռչակագրի տեքստը կհրապարակվի։

Փաշինյանը Facebook սոցցանցի իր էջում հրապարակել է հանրաքվեի հռչակագրի հիմնական դրույթները, որոնք վեցն են։

Առաջին կետում սահմանված է, որ 1995–ից մինչև 2018 –ի հեղափոխությունը տեղի ունեցած համապետական ընտրությունների պաշտոնական արդյունքները չեն արտահայտել ժողովրդի ազատ կամքը։ 1999–ի խորհրդարանական ընտրությունների արդյունքները, որոնք զրոյացել են 1999–ի հոկտեմբերի 27-ի ահաբեկչությամբ, արտահայտել են ժողովրդի ցանկությունը։

Ըստ երկրորդ կետի` ընտրությունների արդյունքները կեղծելու գործընթացին զուգահեռ Հայաստանում սկսել է ձևավորվել կոռուպցիոն համակարգ, որը վերաճել է համակարգային կոռուպցիայի։ Այս երևույթը Հայաստանում գոյություն է ունեցել մինչև հեղափոխությունը։

Երրորդ կետն էլ անդրադառնում է նախագահական, օրենսդիր, գործադիր և դատական իշխանություններին։ Նշվում է` դրանք և Սահմանադրական դատարանը մեծ մասամբ սպասարկել են անձնային, խմբային շահեր, ինչի արդյունքում բազմաթիվ պետական բարձրաստիճան պաշտոնյաներ կուտակել են հսկայածավալ ապօրինի հարստություն։

Այդ համատեքստում էլ չորրորդ կետում նշվում է, որ պաշտոնյաների ապօրինի կուտակած հարստության վերադարձը պետական գանձարան պետք է տեղի ունենա բացառապես իրավական ճանապարհով։

Հրանտ Բագրատյանը կոչ է անում անհապաղ չեղարկել հանրաքվեն

Հինգերորդ կետը սահմանում է, որ ՀՀ–ում պետք է ձևավորվեն իշխանության և բիզնեսի տարանջատման գործուն մեխանիզմներ։

Իսկ եզրափակիչ 6–րդ դրույթն անդրադառնում է ընտրական համակարգին։ Ըստ այդմ, ընտրական համակարգը կարող է հանդիսանալ արդյունավետ, հակակշիռների և փոխզսպումների համակարգով օժտված պետական կառավարման երաշխիք։ Նշվում է, որ Հայաստանի ժողովուրդը չի հանդուրժի դրանց արդյունքները կեղծելու որևէ երևույթ։

Հիշեցնենք, որ սահմանադրական փոփոխությունների հանրաքվեն կկայանա ապրիլի 5–ին։ Քարոզարշավը մեկնարկել է մարտի 2-ին և կտևի մինչև ապրիլի 3-ը։

«Այո»-ի և «Ոչ»-ի հանդարտությունը պայմանավորված է քարոզարշավի երկար ժամկետով. Մուկուչյան

90
թեգերը:
Սահմանադրական դատարան, սահմանադրություն, հանրաքվե, Նիկոլ Փաշինյան
Ըստ թեմայի
Ի՞նչ կարելի էր անել հանրաքվեին հատկացված 7 մլն դոլարով
«Հանրաքվեն մեր քաղաքական ուժի քմահաճույքի համար չենք կազմակերպել». Փամբուխչյան
Վարչապետ Փաշինյանն արձակուրդ կվերցնի հանրաքվեի քարոզարշավի օրերին. նախարար
Արման Թաթոյան

Ադրբեջանը կիրառել է մարդուն խոշտանգող ու անվերականգնելի վնաս հասցնող հրետանային արկեր. ՄԻՊ

20
(Թարմացված է 22:26 15.07.2020)
ՄԻՊ-ը հայտարարեց, որ մասնագետների հետ ուսումնասիրելու են նաև այդ զինատեսակների՝ միջազգայնորեն արգելված լինել-չլինելու հարցը:

ԵՐԵՎԱՆ, 15 հուլիսի – Sputnik. Տավուշի մարզի Մովսես գյուղի հարևանությամբ Ադրբեջանի կողմից հուլիսի 12-ին իրականացրած հրետակոծությունների մասին առաջին ահազանգը ՀՀ ՄԻՊ գրասենյակը ստացել է կրակոցների մեկնարկից րոպեներ անց: Այս մասին Տավուշի մարզում կայացած ճեպազրույցում լրագրողներին հայտնեց ՀՀ ՄԻՊ Արման Թաթոյանը:

Ադրբեջանական կրակոցների հետքերը Այգեպարում. տեսանյութ

«Ես, իհարկե, անմիջապես հրատապ հարցմամբ դիմեցի ՀՀ պաշտպանության նախարարին, մենք ունեցանք քննարկում, նախարարը հաստատեց և մենք սկսեցինք մեր միջազգային գործընկերներին զեկույցներ ներկայացնելու ուղղությամբ աշխատանքներ տանել»,- ասաց Թաթոյանը:

Ավելի ուշ պաշտպանն ու նրա աշխատակազմը մեկնեցին Տավուշ ու դիտարկումները արեցին հրետակոծության ենթարկված Բերդ քաղաքում:

«Այստեղ հրետակոծության էր ենթարկվել «Տավուշ տեքստիլը», ինչպես նաև Երևանի կոնյակի գործարանի մասնաճյուղը: Պետք է ասեմ, որ սա հատկապես մտահոգիչ ու խիստ դատապարտելի է, որովհետև «Տավուշ տեքստիլն» արտադրում է բժշկական դիմակներ: COVID-19-ի պայմաններում հարցն ակնհայտ մարդասիրական դաշտում է ու միջազգային մարդասիրական իրավունքի նորմերի խախտման»,- ասաց պաշտպանը:

Պաշտպանը նշեց` քանի որ բնակչության հետ շփումներից պարզ է դարձել, որ հակառակորդը կիրառել է ԱԹՍ-ներ, դա մեզ հիմք է տալիս պնդելու, որ ադրբեջանական կողմը նախապես տեղյակ է եղել, որ այդտեղ ոչ ռազմական օբյեկտ է, և այն էլ՝ առողջապահական դիմակներ արտադրող: Իսկ քանի որ հրետակոծությունը տեղի է ունեցել ցերեկային ժամին, դա իր հերթին հիմք է տալիս ենթադրելու, որ խոսքը թիրախային հարվածներ հասցնելու մասին է։ 

«Մեր դիտարկումներով` ակնհայտ էր վտանգը՝ անմիջական վնաս պատճառելու քաղաքացիական բնակչության կյանքին ու առողջությանը»,- ասաց Թաթոյանը:

Ինչ վերաբերում է գյուղերի ուղղությամբ արձակված արկերին, Թաթոյանը շեշտեց, որ կիրառվել են այնպիսի հրետանային արկեր, որոնք ներսից պայթում են, բեկորների վերածվում ու կարող են կյանքի ու առողջության համար ակնհայտ վտանգ ներկայացնել:

«Դրանք ունեն նաև մարդուն խոշտանգման ու անվերականգնելի վնաս հասցնելու հատկություններ»,- ասաց պաշտպանը:

Նման արկերից մեկը Ներքին Կարմիրաղբյուր գյուղում բնակելի տունը վերածել է փլատակների:

ՄԻՊ-ը հայտարարեց, որ մասնագետների հետ ուսումնասիրելու են նաև այդ զինատեսակների՝ միջազգայնորեն արգելված լինել-չլինելու հարցը:

Ի՞նչ է ակնկալում Հայաստանը Ադրբեջանի ղեկավարությունից. Զոհրաբ Մնացականյանի հարցազրույցը

Իսկ Չինարիում բնաելի տան բակում ընկած չպայթած արկը, Թաթոյանի խոսքով, հնարավորությւն կտա ավելի մանրամասն ուսումնասիրելու կիրառված արկերի ողջ տեսականին:

Մեկ այլ տուն արկի պայթյունի հետևանքով ամբողջությամբ հրդեհվել է:

Թաթոյանը շեշտեց, որ ի տարբերություն Ադրբեջանի, հայկական տարածքում բնակավայրերին մոտ ռազմական կրակակետեր երբևէ չեն տեղադրվում, ուստի Ադրբեջանը խաղաղ բնակչության նկատմամբ իր ոտնձգությունները չի կարող ներկայացնել իբրև պատահականության հետևանք:

Թաթոյանը հիշեցրեց, որ հայկական կողմն արդեն Ադրբեջանի գյուղերի անմիջական հարևանությամբ տեղակայված նման կրակակետերի կադրեր է հրապարեկել ու հիշեցրեց, որ նույն գործելակերպին ականատես է եղել նաև 2016թ.-ին Արցախի շփման գծի հարևանությաբմ գտնվող ադրբեջանական գյուղերում:

Ի՞նչ է կատարվում հայ–ադրբեջանական սահմանագոտում. ՊՆ–ն նոր տեղեկություն է հայտնում

«Դրանով փորձ է արվում Հայաստանի հնարավոր պատասխանի դեպքում ցույց տալ, թե քաղաքացիական բնակչությանը վնաս է հասցվում»,- ասաց Թաթոյանը՝ նշելով, որ հարցն այս դիտակետից ևս ներկայացնելու է միջազգային կառույցներում:

Պաշտպանը նշեց, որ մի քանի միջանկյալ զեկույցներ միջազգային կառույցներին արդեն ուղարկվել են: Նախատեսվում է առաջիկայում ավելի մանրամասն փաստերով նոր համապարփակ զեկույցներ ներկայացնել:

20
թեգերը:
Հայաստան, Արման Թաթոյան, ՀՀ ՄԻՊ, հայ-ադրբեջանական, ադրբեջանցի, Ադրբեջան
Ըստ թեմայի
Չպայթած արկ` Տավուշի գյուղերում. Արծրուն Հովհաննիսյանը լուսանկար է հրապարակել
Հայաստանի մարդու իրավունքների պաշտպանը Տավուշի մարզում է
Սահմանամերձ գյուղերը կապահովվեն տեսահսկման, հատուկ կապի ու շչակային իրազեկման համակարգերով
Արծրուն Հովհաննիսյան

Հայկական ԶՈւ ստորաբաժանումները 13 ԱԹՍ են խոցել

132
(Թարմացված է 21:56 15.07.2020)
Արծրուն Հովհաննիսյանը լրագրողներին ներկայացրեց արկերից մեկից պոկված մի մեծ կտոր, որն իր հետ բերել էր իբրև ապացույց:

ԵՐԵՎԱՆ, 15 հուլիսի – Sputnik. Հայկական ԶՈՒ ՀՕՊ ստորաբաժանումները հուլիսի 12-ից մինչև հուլիսի 15-ի կեսգիշեր խոցել են Ադրբեջանի 13 ԱԹՍ-ներ, որոնցից 10–ը` հարվածային, 3–ը` հետախուզական: Այսօր Տավուշում ընթացող ճեպազրույցի ժամանակ այս տեղեկությունը հայտնեց ՀՀ պաշտպանության նախարարության ներկայացուցիչ Արծրուն Հովհաննիսյանը:

«Սա բավականին բարձր ցուցանիշ է արդյունավետության տեսանկյունից»,- ասաց նա։

Հովհաննիսյանը նաև նշեց, որ ադրբեջանական կողմը հայկական 5-6 գյուղերի նկատմամբ 50-ից ավելի հրետանային արկեր է կիրառել: Նա լրագրողներին ներկայացրեց արկերից մեկից պոկված մի մեծ կտոր՝ շուրջ մի քանի սանտիմետրանոց, որն իր հետ բերել էր իբրև ապացույց:

Հովհաննիսյանի խոսքով` երեկ կեսգիշերից մինչև այս պահը սահմանում հարաբերական անդորրը պահպանվում է: Հարցին, թե արդյոք այդ անդորրը չի՞ նշանակում, որ հակառակորդը պատրաստվում է նոր սադրանքների որևէ այլ տեղ, ՊՆ ներկայացուցիչը պատասխանեց. «Մենք պատրաստ ենք անհրաժեշտ հակահարված տալ հակառակորդի ցանկացած սադրանքների՝ լինի ցամաքային, թե օդային զորատեսակներով: Ինչպես նաև տեսնում ենք հակառակորդի ցանկացած շարժերը՝ ցամաքային, թե օդային»:

Հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Ադրբեջանը Տավուշի ուղղությամբ «Գրադ» համազարկային կրակի ռեակտիվ համակարգեր է կիրառել

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Պաշտոնական տվյալներով՝ Ադրբեջանն ունի 11 զոհ, իսկ հայկական կողմը` 4 զոհ, 10 վիրավոր։

Ինչպես է Ադրբեջանը հարվածներ հասցրել հայկական գյուղերին. տեսանյութեր

Հուլիսի 14–ին Տավուշի ճգնաժամային տեղեկատվական կենտրոնում կայացած առաջին ճեպազրույցի ժամանակ լրագրողների հետ աշխատանքը համակարգող Արծրուն Հովհաննիսյանն ասել էր, որ հակառակորդը թիրախավորել է հայկական բնակավայրերը՝ Տավուշի Չինարի, Ագեպար, Պառավաքար, Ներքին Կարմիրաղբյուր գյուղերը, նաև Բերդ քաղաքը՝ 2 գործարաններով, վնասվել են տներ, գազատարը։

132
Ըստ թեմայի
Ի՞նչ է ակնկալում Հայաստանը Ադրբեջանի ղեկավարությունից. Զոհրաբ Մնացականյանի հարցազրույցը
«Հիմա պետք չէ մեղավորներ փնտրել». Մատվինեկոն` հայ–ադրբեջանական սահմանի լարվածության մասին
Մարդկային և նյութական կորուստներն Ադրբեջանի նախագահին դրել են անհարմար վիճակի մեջ. Տոնոյան