Ryanair ընկերության ինքնաթիռ

Ryanair–ը դադարեցնում է բոլոր չվերթերը Երևանից դեպի Իտալիա և հակառակ ուղղությամբ

121
(Թարմացված է 17:01 11.03.2020)
Ryanair–ը չեղարկված չվերթերի տոմսեր ունեցող քաղաքացիներին խոստանում է 12 ամսվա կտրվածքով հնարավորություն տալ նույն գնի սահմաններում օգտվել իրենց ընկերության այլ չվերթերից։

ԵՐԵՎԱՆ, 10 մարտի — Sputnik. Ryanair ընկերությունը մինչև ապրիլի 8–ը դադարեցնում է բոլոր չվերթերը Երևանից դեպի Իտալիա և հակառակ ուղղությամբ` հետևելով Իտալիայի կառավարության` երկիրը փակելու որոշմանը: Տեղեկությունը Facebook–ի իր պաշտոնական էջում հայտնել է Ryanair ընկերությունը։

Ryanair–ը կորոնավիրուսի պատճառով 25%–ով կկրճատի դեպի Իտալիա կարճ ավիաչվերթերը

Հայտարարության մեջ նշված է, որ բոլոր այն ուղևորները, որոնց վրա կազդի այս որոշումը, կտեղեկացվեն էլեկտրոնային նամակով: Այն ուղևորները, որոնք կցանկանան վերադառնալ հայրենիք, կկարողանան առանց գնային տարբերության փոխել իրենց տոմսը և վերադառնալ մինչև մարտի 13–ի կեսգիշեր իրականացվելիք չվերթերից որևէ մեկով:

«Այն ուղևորները, որոնց չվերթերը չի կատարվի, կարող են դիմել գնի ամբողջական վերադարձի համար կամ կարող են ստանալ գումարը կանխավճարի տեսքով իրենց հաշվի վրա, որը կկարողանան օգտագործել Ryanair–ի այլ չվերթերի տոմսերի գնելու համար՝ 12 ամսվա ընթացքում»,–ասվում է ընկերության տարածած հայտարարության մեջ:

Հիշեցնենք`2019 թվականի դեկտեմբերի վերջին Չինաստանի իշխանությունները ԱՀԿ-ին տեղեկացրել էին երկրի Ուհան քաղաքում (Հուբեյ նահանգ) անհայտ թոքաբորբի բռնկման մասին: Մասնագետները պարզել են, որ հիվանդության հարուցիչը եղել է 2019-nCoV կորոնավիրուսը։

Աշխարհում վարակի տարածման քարտեզում նշված է, որ Covid-19 նոր տեսակի կորոնավիրուսով վարակվածների թիվը հասել է 114 452–ի։

Կորոնավիրուսի դեմ պայքարի համար Երևան են ժամանել ԱՀԿ փորձագետները

Աշխարհում կորոնավիրուսով վարակվածների թիվը շարունակում է աճել։ Չինաստանում վարակվածների թիվը հասել է 80 756–ի։ Վարակվածների թվով երկրորդ տեղում Իտալիան է (9172 վարակված)։

Երրորդ տեղում Հարավային Կորեան է. այստեղ կորոնավիրուսով վարակված 7513 մարդ կա։ Հայաստանի հարևան Իրանում 7161 մարդ է վարակվել։ Հնգյակը եզրափակում է Ֆրանսիան` 1412 վարակվածներով։

Կորոնավիրուսից վախեցած. Փաշինյանը և Միշելը հրաժարվել են ձեռքսեղմումից. տեսանյութ

Մարտի 10–ի տվյալներով` ամբողջ աշխարհում կորոնավիրուսից մահացել է 3 987 մարդ, ապաքինվել` 63 500 հազար մարդ։

121
թեգերը:
կորոնավիրուս, չվերթ, Հայաստան, Իտալիա, Ryanair ավիաընկերություն
թեմա:
Կորոնավիրուսը աշխարհում (866)
Ըստ թեմայի
Կորոնավիրուսի դեմ պայքարի համար Երևան են ժամանել ԱՀԿ փորձագետները
Ֆրանսիայի մշակույթի նախարարը վարակվել է կորոնավիրուսով
Կորոնավիրուսը «չհաղթեց» Ծաղկաձորին. ինչ իրավիճակ է զբոսաշրջային կենտրոնում
Կորոնավիրուսի գրոհն աշխարհի վրա շարունակվում է. նոր թվեր
«Զվարթնոց» օդանավակայան

Նոր կանոններ կգործեն օդային ճանապարհով Հայաստան եկողների համար

46
(Թարմացված է 23:01 14.08.2020)
Հայաստան մուտք գործելուց հետո 14-օրյա ինքնամեկուսացման պահանջը շարունակում է ուժի մեջ մնալ։ Կան նաև այլ պահանջներ։

ԵՐԵՎԱՆ, 14 օգոստոսի — Sputnik. ՀՀ Զբոսաշրջության կոմիտեն տեղեկացրել է, թե օդային ճանապարհով Հայաստան եկողների համար ինչ ընթացակարգեր են գործելու։

Օգոստոսի 12-ին կառավարությունը որոշեց Հայաստանում հայտարարված արտակարգ դրությունը երկարացնել ևս մեկ ամսով։ Սակայն արտակարգ դրության ռեժիմում մեղմացումներ են եղել, որոնցից մեկն էլ օտարերկրացիների առջև ՀՀ օդային սահմանը բացելն է։

«Օդային ուղիներով ՀՀ տարածք մուտք գործելուց հետո անհապաղ կատարվում է բժշկական զննություն վարակի առկայության կամ վարակի ախտանիշների բացահայտման նպատակով։ Զննություն անցնելուց հետո ՀՀ մուտք գործող անձը ենթակա է ինքնամեկուսացման 14-օրյա ժամկետով, եթե ախտանիշներով պայմանավորված վերջինիս նկատմամբ չի կիրառվում հոսպիտալացում կամ այլ սահմանափակող միջոցառում»,–նշված է կոմիտեի Facebook սոցցանցում տեղադրված հաղորդագրության մեջ։

Բացի այդ, ինքնամեկուսացման մեջ գտնվող անձը կարող է ինքնակամ, վճարովի հիմունքներով անցնել կորոնավիրուսի ախտորոշման ՊՇՌ հետազոտություն: Ընդ որում, մեկուսացման ընթացքում ՊՇՌ թեստավորման համար անհրաժեշտ նմուշառումը պետք է իրականացվի բացառապես անձի ինքնամեկուսացման վայրում համապատասխան լաբորատորիաների մասնագետների այցի միջոցով։ ՊՇՌ հետազոտության բացասական պատասխանի դեպքում անձը դուրս է գալիս ինքնամեկուսացումից:

ՊՇՌ հետազոտությունը իրականացվում է գրեթե բոլոր մասնավոր բժշկական կենտրոններում։

Արտակարգ դրություն. ինչն է թույլատրվում օգոստոսի 13-ից

Հիշեցնենք` կորոնավիրուսի համավարակի պատճառով մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել և սահմանվել են պարտադիր պահանջներ։

 

46
թեգերը:
ուղևոր, «Զվարթնոց» օդանավակայան, Արտակարգ դրություն, կարանտին, կորոնավիրուս, չվերթ, թռիչք
Ըստ թեմայի
Արցախում ևս արտակարգ դրությունը երկարաձգվեց մեկ ամսով. ինչ փոփոխություններ են արվել
Փողոցային գործողությունները կակտիվանա՞ն. Հովսեփյանը` արտակարգ դրության մեղմացումների մասին
Երգիչները կերգեն, սահմանները կբացվեն. պարետը ներկայացրեց արտակարգ դրության նոր պայմանները
Սուրեն Պապիկյան

Սուրեն Պապիկյանը կմեկնի արձակուրդ

7
(Թարմացված է 22:47 14.08.2020)
Մինչ Սուրեն Պապիկյանը կլինի արձակուրդում, տարածքային կառավարման և ենթակառուցվածքների նախարարին կփոխարինի նրա տեղակալը։

ԵՐԵՎԱՆ, 14 օգոստոսի — Sputnik. ՀՀ վարչապետ Նիկոլ Փաշինյանի որոշմամբ՝ ՀՀ տարածքային կառավարման ենթակառուցվածքների նախարար Սուրեն Պապիկյանը կմեկնի արձակուրդ:

«Հայաստանի Հանրապետության տարածքային կառավարման և ենթակառուցվածքների նախարար Սուրեն Պապիկյանին տրամադրել 2020-2021 թվականների աշխատանքային տարվա ամենամյա նվազագույն արձակուրդի մասը՝ 2020 թվականի օգոստոսի 24-ից սեպտեմբերի 4-ը ներառյալ»,–նշված է որոշման մեջ։

Փաշինյանի որոշմամբ` Սուրեն Պապիկյանի արձակուրդում գտնվելու ընթացքում ՀՀ տարածքային կառավարման և ենթակառուցվածքների նախարարին կփոխարինի ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը:

Հիշեցնենք, որ Sputnik Արմենիան անդրադարձել էր ՀՀ պաշտոնյաների արձակուրդներին։ Մասնավորապես, գրել էինք, որ նախագահ Արմեն Սարգսյանը չի ծրագրում մեկնել արձակուրդ:

ՀՀ վարչապետ Նիկոլ Փաշինյանի` արձակուրդ գնալու որոշում էլ չկա։ Փոխվարչապետ և արտակարգ դրության պարետ Տիգրան Ավինյանը նույնպես դեռ չի պլանավորում հանգստանալ։

7
թեգերը:
Նիկոլ Փաշինյան, Նախարար, Արձակուրդ, Սուրեն Պապիկյան
Ըստ թեմայի
Հրայր Թովմասյանն արձակուրդ է գնացել
Երևանի քաղաքապետն արձակուրդ է գնում. խոսնակը հայտնել է, թե որտեղ է լինելու Մարությանը
Հայաստանի արտակարգ ամառն ու պաշտոնյաների ձախողված արձակուրդը. ո՞վ է ամենաշատը «հոգնել»
Հաքեր

Հաքերները ռուսական բանկերի վրա յուրօրինակ հարձակում են գործել. ԶԼՄ–ները խուճապի են մատնվել

0
(Թարմացված է 23:45 14.08.2020)
Նամակներ են ուղարկվել են հայտնի ԶԼՄ–ների անուններից։ Օրինակ` կիբեռհարձակումներից մեկն իրականացվել է հաղորդագրության օգնությամբ, որն իբրև թե ուղարկվել է ՌԲԿ–ի կորպորատիվ փոստից։

ԵՐԵՎԱՆ, 14 օգոստոսի – Sputnik. Կիբեռհանցագործները լրագրողների անվան տակ գրոհել են Ռուսաստանի բանկերի վրա։ Ինչպես գրում է ռուսական մամուլը, որոշ տվյալներով` TinyScouts խմբավորման հաքերները հաղորդագրություններ էին ուղարկում հարցազրույցի առաջարկով և համավարակի երկրորդ ալիքի մասին նախազգուշացումներով։

«Ռոստելեկոմի» կիբեռսպառնալիքների մոնիթորինգի և արձագանքման կենտրոնի մասնագետներին հայտնի է դարձել, որ կիբեռհանցագործները հարձակման համար ծրագրային նոր ապահովագրում են կիրառում։ Բանկերի վրա առանձին հարձակումներն իրականացվել են ապրիլին։

Նամակներ են ուղարկվում հայտնի ԶԼՄ–ների անուններից։ Օրինակ` կիբեռհարձակումներից մեկն իրականացվել է հաղորդագրության օգնությամբ, որն իբրև թե ուղարկվել է ՌԲԿ–ի կորպորատիվ փոստից։ Հաղորդագրության մեջ բանկի աշխատակիցներից մեկին առաջարկվել է հարցազրույց անցնել։ Հարցերին պատասխանելու համար կից ներկայացված հղումով անցնելու դեպքում բեռնվում է վնասակար ծրագրի հիմնական բաղադրիչը, և կիբեռհանցագործները հեռավար հասանելիություն ու վերահսկողություն են ստանում օտար համակարգիչների նկատմամբ։

Չինացի հաքերները թիրախավորել են Նուբար Աֆեյանի ընկերության COVID-19–ի դեմ պատվաստանյութը

Եթե սարքի վրա որևէ կարևոր տեղեկություն ստանալ չի հաջողվում, այլ ծրագիր է տեղադրվում, որը կոդավորում է համակարգչի ողջ կոնտենտը, այնուհետև գումար պահանջում այն ապակոդավորելու համար։

0
թեգերը:
ԶԼՄ, Ռուսաստան, Բանկ, հաքեր
Ըստ թեմայի
Սին «հերոսություն» է. մասնագիտական ապտակ ադրբեջանցի հաքերներին
«Մենք թիկունքում ենք և ձեր մեջ». հայերը պատասխան հարված են հասցրել ադրբեջանցի հաքերներին
Հայերը կոտրել են ադրբեջանցիների գլխավոր հաքերական կայքը. համացանցում «փոխհրաձգություն» է