Սամվել Մարտիրոսյան. արխիվային լուսանկար

«Ժող, ես ձեր տեղը ամաչում եմ». նոր «Բազիլիո կատուն» գրավում է սոցցանցերի հայ օգտատերերին

286
(Թարմացված է 11:53 10.03.2020)
Օգտատերերին միլիոններ են խոստանում իրենց անվան առաջին տառի դիմաց։ Հնարավոր է` սա պարզապես խաբեության շատ խորամանկ տարբերակ է։

ԵՐԵՎԱՆ, 10 մարտի– Sputnik. Սոցցանցերի հայկական տիրույթում կրկին ակտիվացել են միլիոնների շահում խոստացող կեղծ էջերը։ Տեղեկատվական անվտանգության փորձագետ Սամվել Մարտիրոսյանն այսօր հերթական գրառումն է արել Facebook–ում։

Նա որպես օրինակ է բերել Roocky Bisnis Murakabi անունով էջի հրապարակումը։ Ակնհայտորեն ֆեյք էջից (ոչ մի հրապարակում, գլխավոր նկարն էլ ուրիշինն է) հրապարակած լուսանկարն առաջարկում է. «Ընտրեք ձեր անվան առաջին տառը և կստանաք ըստ ձեր անվան։ Դա արեք հավատքով»։ Ներքևում հայոց այբուբենն է, ամեն տառի դիմաց գումար է նշված (արժույթը նշված չէ)։ Ակնհայտ խարդախություն չկա. ոչ ոք չի խնդրում գումար ուղարկել կամ կասկածելի հղումներով անցնել։

Ադրբեջանական և այլ օտարերկրյա հեռախոսահամարներից զանգեր. ԱԱԾ–ն հորդորում է հետ չզանգել

«Էս տավարիցավությունը ունի հազարից շատ շեյր։ Ու նման գրառումները լիքն են։ Ժող, դուք սենց բաների հետևից մի ընկեք, ես ձեր տեղը ամաչում եմ», – գրել է Սամվել մարտիրոսյանը։

Նշենք` գրառման տեքստի մեջ ակնհայտորեն գուգլ–թարգմանչի «մատն է խառը»։ Կարելի է ենթադրել, որ հեղինակը նույնիսկ հայերեն չգիտի։ Անհայտ է` որտեղից է նա։ «bisnis» բառից կարելի է ենթադրել, որ նա Ինդոնեզիայից է (հենց այդպես է իրենց լեզվով գրվում բիզնես բառը)։ Բայց հնարավոր է` դա ֆեյք է։

Վերջին ամիսներին այսպիսի հրապարակումները սոցցանցերում բավականին շատ են։ Ի՞նչ է պետք նման «Բազիլիո կատուներին»։ Փորձագետի կարծիքով` կարող է մի քանի պատասխան լինել։ «Ամենաանշառ» տարբերակը, որ ինչ–որ մեկը որոշել է կատակել ու զվարճանալու համար է էջը բացել։ Սակայն մեկ այլ բացատրություն էլ կա. չարագործներն այդպիսով «կարթ են գցում» ու առանձին հաղորդագրություններ ուղարկում այն մարդկանց, որոնք կխաբվեն դրանով։ Ամենակարևորը, որ խաբեբաները կարող են զանգվածային կերպով սպամ ուղարկելու փոխարեն աշխատել «թիրախային լսարանի» հետ։

Մարտիրոսյան. «Առաջնագծից բոլոր զանգերը կարող են գաղտնալսվել, ինչը վտանգավոր է»

Roocky bisnis էջում հայտնվել են նաև հայերեն մեկնաբանություններ։

«Բարև ձեզ։ Ինչպե՞ս կարող եմ ստանալ գումարը»,– հարցնում է մի կին օգտատեր։

Հարցին ի պատասխան Roocky–ն առեղծվածային լռում ու անիմաստ ժպտում է։

286
թեգերը:
խաբեություն, Հայաստան, Facebook, Սամվել Մարտիրոսյան
Ըստ թեմայի
Եթե իշխանությունն ուզում է պայքարել ֆեյքերի դեմ, առաջինն իր ֆեյքերից պիտի սկսի. Ենոքյան
Facebook–ն արդեն փորձարկում է ֆեյքերի դեմ պայքարող նոր «գործիքը»
Սկանդալային «Դիանա Հարությունյանին» ազատ կարձակեն. ինչո՞ւ է ֆեյքերի դեմ պայքարն անիմաստ
Ինքնաթիռ, արխիվային լուսանկար

Առաջիկա օրերին ՌԴ-ից միանգամից 3 չարտերային չվերթ կիրականացվի

5
(Թարմացված է 18:08 03.08.2020)
Չարտերային չվերթներից երկուսը նախատեսված է Մոսկվա-Երևան, մեկը՝ Կալուգա - Երևան ուղղություններով:

ԵՐԵՎԱՆ, 3 օգոստոսի - Sputnik. Ռուսաստանում ՀՀ դեսպանատնից հայտնում են, որ «Aircompany Armenia» ավիաընկերությունն առաջիկա օրերին կիրականացնի 3 չարտերային չվերթ՝ Մոսկվա-Երևան և Կալուգա - Երևան ուղղություններով:

Հայաստանից հայրենիք է վերադարձել ևս 158 ռուսաստանցի

«Տոմսերն ազատ վաճառքի սկզբունքով կարելի է ձեռք բերել ընկերության կայքից (armeniafly.com), կամ ընկերության երևանյան գրասենյակից (հասցե՝ Վ․Սարգսյանի 10)։ Մոսկվա-Երևան չվերթների տոմսերի արժեքը՝ սկսած 14 հազ․ 500 ռուբլի, իսկ Կալուգա-Երևան չվերթի տոմսի արժեքը՝ սկսած 10 հազ․ 700 ռուբլի»,- նշված է հաղորդագրության մեջ։

Մոսկվա-Երևան առաջին չվերթը նախատեսված է օգոստոսի 7-ին՝ ժամը 12։30-ին՝ «Վնուկովո» օդանավակայանից, Կալուգա - Երևան չվերթը՝ օգոստոսի 10-ին՝ ժամը 10։30-ին՝ «Կալուգա» միջազգային օդանավակայանից: Մոսկվայից դեպի Երևան ևս մեկ չվերթ նախատեսված է օգոստոսի 11-ին՝ ժամը 12։30-ին՝ դարձյալ «Վնուկովո» օդանավակայանից:

4 չվերթ՝ 2 օրում. օդային փոխադրումներն աստիճանաբար աշխուժանում են

5
թեգերը:
ուղևոր, տոմս, չվերթ, Կալուգա, Մոսկվա, Երևան, Հայաստան
Ըստ թեմայի
Մոսկվայից դեպի Երևան ու Գյումրի չարտերային չվերթեր կլինեն
Երևան–Մոսկվա չվերթ. Հայաստանից Ռուսաստան են վերադարձել ևս 112 քաղաքացի
Երևան-Մոսկվա երկու չվերթ․ Հայաստանում Ռուսաստանի դեսպանատունը մանրամասներ է ներկայացրել
Մինսկ-Երևան չվերթի ուղևորի ուղեբեռում թմրանյութեր են հայտնաբերվել
ֆուտբոլիստներ

2019/20 մրցաշրջան. հայտնի է` ով է Հայաստանի լավագույն ֆուտբոլիստը

7
(Թարմացված է 17:58 03.08.2020)
Հայաստանի ֆուտբոլի ֆեդերացիան ամփոփել է քվեարկության արդյունքներն ու հրապարակել լավագույն ֆուտբոլիստի անունը։

ԵՐԵՎԱՆ, 3 հուլիսի – Sputnik. Գյումրու «Շիրակ» ակումբի հարձակվող Մորի Կոնեն Հայաստանի՝ 2019/20 մրցաշրջանի լավագույն ֆուտբոլիստն է։ Տեղեկությունը հայտնում է Հայաստանի ֆուտբոլի ֆեդերացիան։

«Քվեարկության արդյունքում Մորի Կոնեն հավաքել է 137 միավոր»,– գրված է հաղորդագրության մեջ։

Եվրոպայի լիգային ընդառաջ. Հենրիխ Մխիթարյանը մարզումներից լուսանկար է հրապարակել

Լավագույն ֆուտբոլիստին որոշելու համար կազմակերպված քվեարկության արդյունքում 31 միավորով երկրորդ հորիզոնականում է «Նոայի» կիսապաշտպան Մաքսիմ Մայրովիչը, 22 միավորով երրորդ տեղում է «Լոռի» ֆուտբոլային ակումբի հարձակվող Ջոնել Դեսիրեն:

Ալեքսանդր Կարապետյանը մարզական կարիերան կշարունակի ռուսական «Տամբովում»

7
թեգերը:
ֆուտբոլիստ, ֆուտբոլ, Հայաստան
Ըստ թեմայի
«Ջորդանը նրան չի հասնի». Գալուստյանը սպորտում «ռեկորդներ» է սահմանում. տեսանյութ
«Նոան» նոր մրցաշրջանում կհանդիպի Արարատի հետ ու կիրագործի հեռուն գնացող նպատակները
Արագ, ուժեղ, բարձր. Ծաղկաձորն օլիմպիական ոսկու պայքարի գլխավոր «հենակետն» էր
Մարզիկները ո՛չ իրենց «քաշեցին», ո՛չ էլ թիմին. Հայաստանը լավագույններին էր Մոսկվա ուղարկում
Լաբորատորիա, արխիվային լուսանկար

Ռուսաստանի ՊՆ-ում ներկայացրել են COVID-19-ի  դեմ պատվաստանյութի փորձարկման արդյունքները

0
Կամավորների շրջանում կատարված ուսումնասիրությունները վկայում են պատվաստանյութի անվտանգության ու առանց կողմնակի ազդեցության մասին։

ԵՐԵՎԱՆ, 3 օգոստոսի – Sputnik. Բուրդենկոյի հոսպիտալում կորոնավիրուսի դեմ պատվաստանյութի փորձարկմանը մասնակցող կամավորների զննման արդյունքում իմունային պատասխան է գրանցվել։ Տեղեկությունը հայտնում է Ռուսաստանի պաշտպանության նախարարության մամուլի ծառայությունը։

Կլինիկական փորձարկումների մասնակիցների ամփոփիչ զննումն իրականացվել է օգոստոսի 3-ին։

«Հետազոտության արդյունքը հստակ ցույց է տվել, որ կամավորների մոտ պատվաստումից հետո ակնհայտ իմունային պատասխան կա։ Որևէ կողմնակի ազդեցություն կամ շեղումներ նրանց օրգանիզմում չի բացահայտվել», - նշված է հաղորդագրության մեջ։

Ռուսաստանում զանգվածային պատվաստումը կմեկնարկի հոկտեմբերին. նախարարն ասել է` ումից կսկսեն

Հետազոտության տվյալները թույլ են տալիս ասել, որ պատվաստանյութն անվտանգ է, մարդիկ այն լավ են տանում։

Փորձն անցկացվել է հունիսի 3-ից հուլիսի 20-ն ընկած ժամանակահատվածում, կամավորները գտնվել են Բուրդենկոյի անվան հոսպիտալի բժիշկների մշտական հսկողության տակ։

Կորոնավիրուսի դեմ առաջին պատվաստանյութը պատրաստ է․ ՌԴ պաշտպանության փոխնախարար

0
թեգերը:
պատվաստանյութ, կամավոր, Ռուսաստան, կորոնավիրուս
թեմա:
Կորոնավիրուսը Չինաստանում և աշխարհում
Ըստ թեմայի
Ռուսաստանում հայտնել են COVID-19-ի պատվաստանյութի փորձարկման 3–րդ փուլի կամավորների թիվը
ՌԴ–ում Covid-19-ի դեմ պատվաստանյութի փորձարկում անցած կամավորները տուն գնացին. տեսանյութ
Չինացի հաքերները թիրախավորել են Նուբար Աֆեյանի ընկերության COVID-19–ի դեմ պատվաստանյութը
Նուբար Աֆեյանի ընկերությունը սկսել է Covid-19-ի դեմ պատվաստանյութի փորձարկման 3-րդ փուլը