Ալբերտ Վարդանյան

Ինչպես է ստեղծվել Մարտի 1-ի զոհերին նվիրված հուշակոթողը. պատմում է գյումրեցի քանդակագործը

437
(Թարմացված է 18:30 07.03.2020)
Քանդակագործն Ալբերտ Վարդանյանն ասում է, որ իր «Ազդեցություն-հակազդեցություն» հուշակոթողը անարյուն պայքարի կոչ է սերունդներին։

ԵՐԵՎԱՆ, 7 մարտի – Sputnik, Արմենուհի Մխոյան. Մարտի 1-ի զոհերի հիշատակը հավերժացնող հուշակոթողի հեղինակ, քանդակագործ Ալբերտ Վարդանյանը համոզված է, որ երբ իր նախագիծը միս ու արյուն ստանա, շատ ավելի հետաքրքիր կլինի, քան մանրակերտը։

Փետրվարի 26-ին հայտնի դարձավ, որ Մարտի 1-ի զոհերի հիշատակը հավերժացնող հուշակոթողի մրցույթում 12 աշխատանքների շարքում լավագույնն է ճանաչվել ՀՀ վաստակավոր նկարիչ, քանդակագործ Ալբերտ Վարդանյանի «Ազդեցություն-հակազդեցություն» գործը: Հուշակոթողը տեղադրվելու է Գրիգոր Լուսավորիչ փողոցում՝ Բեյրութի փողոցից դեպի Զաքյան փողոց ձգվող ցանկապատի 22-23-րդ հենապատերի ﬕջնամասում: 

Макет мемориала, увековечивающего память жертв 1 марта, работы скульптора Альберта Вартаняна
provided by Albert Vardanyan
Ալբերտ Վարդանյանի «Ազդեցություն-հակազդեցություն» հարթաքանդակը

Գյումրեցի քանդակագործն ասում է, որ կոթողի գաղափարը վաղուց է հղացել:

«Սա այդ օրերի անհանգստությունն իմ միջից հանելու լավագույն տարբերակն էր: Ես քանդակագործ եմ, ու իմ զգայական դաշտն ու ապրումները ձև ընդունելով են իմ միջից դուրս գալիս: Իմ մեջ խմորումներ կային, այս կոթողի նախագծում զգացողություններս ավելի եմ սրել»,- Sputnik Արմենիային պատմեց Վարդանյանը և ավելացրեց` հուշակոթողն ուղերձ ու կոչ է սերունդներին, որ նման դեպքեր տեղի չունենան, որ ցանկացած պայքար անարյուն լինի:

Մրցույթի մասնակիցների առաջ խնդիր էր դրվել, որ հուշարձանի գաղափարական հորինվածքը սահմանափակվի միայն նշմարվող մարﬕնների ուրվագծերի համադրությամբ՝ բացառելով դիմանկարային նմանությունները։

«Առաջադրանքն իմ սրտով էր, որովհետև երբ հերթը հասնում է դեմքերին, դա ֆիլմի է վերածվում, իսկ քանդակը ֆիլմ չէ, այլ ամբողջացրած ծավալ, որը կարող է ընդհանուր տպավորություն ու տրամադրություն արտահայտել»,– ասաց Վարդանյանը:

  • Работа скульптора Альберта Вартаняна
    Работа скульптора Альберта Вартаняна
    © Sputnik / Armenuhi Mkhoyan
  • Ալբերտ Վարդանյանի աշխատանքներից
    Ալբերտ Վարդանյանի աշխատանքներից
    provided by Albert Vardanyan
  • Ալբերտ Վարդանյանի աշխատանքներից
    Ալբերտ Վարդանյանի աշխատանքներից
    © Sputnik / Armenuhi Mkhoyan
1 / 3
© Sputnik / Armenuhi Mkhoyan
Работа скульптора Альберта Вартаняна

Քանդակագործն անդրադարձավ նաև հուշակոթողի անվանմանը` «Ազդեցություն-հակազդեցություն»։

«Ժողովուրդ և իշխանություն գաղափարների մշտական պայքարն է, որը դարերից է գալիս: Անհանդուրժողականությունը միշտ է եղել, սա նոր չէ: Նոր չէ նաև հակադրությունը, միայն թե երբ ողբերգություն է տեղի ունենում, դա է ցավալի»,– ասաց նա։

Ինչպես վարպետ Օնիկը մերժեց Վազգեն Առաջինին, և ինչու Վեհափառը հասկացավ նրան

Այս պահին հարթաքանդակի հիմնական աշխատանքները դեռ չեն մեկնարկել. գործն ընթացք կստանա պայմանագիրը կնքելուց հետո:

Հեղինակը չի բացառում, որ մանրակերտը քարին ու բրոնզին իրական չափերով հանձնելու ժամանակ կարող են որոշակի փոփոխություններ լինել, բայց համոզված է, որ դրանք միայն դրական փոփոխություններ կլինեն:

«Տեղայնացնելու շատ բաներ կան: Մի բան է փոքր ծավալի վրա անել, մեկ այլ բան` ավելի մեծի: Ամեն դեպքում այն դեռ կհղկվի ու ավելի հետաքրքիր և արտահայտված կլինի»,– վստահեցրեց նա:

Նշենք, որ 2006 թվականին Գերմանիայի Բոխում քաղաքում տեղադրվել է Ալբերտ Վարդանյանի «Խաղաղության ձոն. Պուլսար» հուշարձանը։ Վարդանյանը մասնակցել է հանրապետական, համամիութենական, միջազգային ցուցահանդեսների, արժանացել է մրցանակների, պատվոգրերի։ Նրա աշխատանքները գտնվում են ԱՄՆ-ում, Ֆրանսիայում, Գերմանիայում, Դանիայում, Լեհաստանում, Հոլանդիայում, Էստոնիայում, Վրաստանում, Ռուսաստանում, Կանադայում, Բրազիլիայում, Բելգիայում։

Բնօրինա՞կ, թե՞ կրկնօրինակ. կազմակերպիչները զարմացած են «Դալի և Պիկասո»–ի շուրջ աղմուկից

437
թեգերը:
քանդակագործ, Մարտի 1, Հայաստան
Ըստ թեմայի
Հայ քանդակագործը Շվեյցարիայում պարգև է ստացել Ցեղասպանության հուշահամալիրի համար
Հյուսիսային պողոտայում կտեղադրվի Արտո Չաքմաքչյանի «Քայլող մարդը» քանդակը
Ինչպիսին կլինի լեգենդար հետախույզ Գևորգ Վարդանյանի` Ռուսաստանում կառուցվող հուշարձանը
Արծրուն Հովհաննիսյան

Արծրուն Հովհաննիսյանը խոստանում է՝ Հիքմեթ Հաջիևին անակնկալներ են սպասում

51
(Թարմացված է 22:58 31.10.2020)
Հստակ ապացույցներ կան ոչ միայն ահաբեկիչների ներկայության, այլև նրանց՝ որպես «расходный материал» օգտագործելու վերաբերյալ։

ԵՐԵՎԱՆ, 31 հոկտեմբերի - Sputnik. Ադրբեջանի նախագահի խորհրդական Հիքմեթ Հաջիևին հետաքրքիր անակնկալներ են սպասում։ Այսօր կայացած ճեպազրույցի ժամանակ խոստացավ ՀՀ ՊՆ ներկայացուցիչ Արծրուն Հովհաննիսյանը՝ անդրադառնալով Հաջիևի այն հայտարարությանը, թե Հայաստանում ձերբակալված ահաբեկիչն իրականում է հայ, և այդ ամենն էլ թատրոն է։

«Նրան հետաքրքիր անակնկալներ են սպասում ոչ միայն այս ահաբեկչի կապակցությամբ։ Ապացույցներ թե՛ այս ահաբեկչի, թե՛ այլ ահաբեկիչների առկայության, որպես «расходный материал» նրանց օգտագործելու առնչությամբ, և մարտավարությունը, թե ինչպես են ահաբեկիչներին կիրառում, որտեղ են կիրառում, ինչ խնդիր են լուծում, ինչպես են եկել, Ադրբեջան հասել. այդ ամենի առնչությամբ բավականին հետաքրքիր անակնկալներ են սպասում պարոն Հաջիևին և ադրբեջանցիներին ընդհանրապես»,- նշեց Հովհաննիսյանը՝ հավելելով, որ այս ահաբեկիչը ձերբակալված է, քրեական գործը հարուցված է, և փաստերը բավարար են հետագա գործընթացների համար։

Հիշեցնենք` ՀՀ ՊՆ մամուլի խոսնակ Շուշան Ստեփանյանը երեկ` հոկտեմբերի 30-ին, հայտնեց, որ ՊԲ զինծառայողներն Արցախում իսլամիստ ահաբեկչի են գերեվարել։ ՀՀ դատախազությունն այսօր տեղեկացրեց, որ Թուրքիայի կողմից Ադրբեջան ուղարկված ահաբեկչական խմբավորման անդամ, սիրիացի վարձկան Մըհըրաբ Մուհամմադ Ալ Շխայիրը ձերբակալվել է։

 

51
թեգերը:
Ադրբեջան, Արծրուն Հովհաննիսյան, Արցախ, Հայաստան
Ըստ թեմայի
ՊԲ–ն ԱԹՍ է ոչնչացրել Ստեփանակերտի երկնքում
Հայկական կողմը կարողացել է հակառակորդից հետ վերցնել որոշակի դիրքեր. Արծրուն Հովհաննիսյան
Հայկական զինված ուժերը մշակում են հրադադարի վերֆիկացիայի առաջարկներ. Արծրուն Հովհաննիսյան
Ցուցահանդես

Ռազմական կոմունիզմ, կամ ինչպես են Հայաստանի ինժեներներն ամրապնդում պաշտպանությունը

140
Մրցակցություն, անձնական հավակնություններ, անգամ ֆինանսական հաշվարկներ՝ ամեն ինչ մի կողմ է դրվել։ Ցանկացած խնդրանքին իսկույն արձագանքում են թե՛ բիզնես-գործընկերները, թե՛ պետությունը, ընդ որում՝ ոչ միայն ուժային գերատեսչությունները։

ԵՐԵՎԱՆ, 31 հոկտեմբերի – Sputnik. Թե ինչպիսի պաշտպանական տեխնոլոգիաներ են մշակում Հայաստանում, մենք արդեն բազմիցս ենք պատմել։ Թե դրանցից որոնք են կիրառվում, բնականաբար, բարձրաձայնել չարժե (համենայն դեպս՝ հիմա)։ Բայց մի բան կարելի է հաստատ ասել` ինժեներական ոլորտի ձեռնարկություններն ինքնակազմակերպվել են և բանակին օգնում են այնպես, ինչպես երբևէ չեն օգնել։

Ընկերությունները, որոնք նախկինում մոլի մրցակիցներ էին, հիմա գծագրեր և ծրագրային կոդեր են փոխանակում: Եթե նյութեր կամ մասեր են անհրաժեշտ, տալիս են անվճար կամ ինքնարժեքով:

«Ընդ որում՝ նույնիսկ չեն ճշտում, թե ինչի համար է պետք։ Բավական է որևէ բան խնդրել, չեն հարցնում` ինչո՞ւ կամ ինչքա՞ն կտաս, ասում են՝ արի, վերցրու»։ Մենք էլ, բնականաբար, այդպես ենք անում»,- Sputnik Արմենիային ասաց «Լոկատոր» ընկերության տնօրեն Արման Խաչատրյանը։

Հայերն Ադրբեջանի պետական փաստաթղթերի հասանելիություն են ստացել. տեսանյութ

Ոլորտի ձեռնարկությունները հայտարարությունների ներքին հարթակ են ստեղծել, որտեղ հայտնում են, թե ինչ ռեսուրսներ կարող են առաջարկել։ Ինչ-որ մեկը շարժիչներ ունի, ուրիշը՝ միկրոսխեմաներ, երրորդի ծրագրավորողները կարող են մի քանի օր անվճար աշխատել, կամ ինժեներները կարող են էլեկտրոնային սխեմա հավաքել։ Ինչ-որ ընկերություն գրել էր, որ հաշվարկների և փորձարկումների համար ֆիզիկոսներ են պետք։ Մի քանի ժամ անց նրանց դուռը թակեց միանգամայն անծանոթ մարդ՝ ինստիտուտներից մեկի գիտաշխատող, և հարցրեց, թե ինչով կարող է օգնել։

Ձևավորվել են նաև ծրագրող-կամավորականների շարժական բրիգադներ, որոնցում շատ երիտասարդ տղաներ ու աղջիկներ կան։ Երբ որևէ ձեռնարկության համար շտապ պետք է որևէ բան գրել, նրանք իսկույն գալիս են` չհարցնելով, թե որքան են վճարելու։

Կես խոսքից փոխըմբռնում է ձևավորվել նաև պաշտպանության նախարարության հետ։ Եթե ուսումնասիրությունների համար ինչ-որ նյութեր են պետք, տրամադրում են առաջին իսկ խնդրանքով` իմանալով, թե որ ընկերությունն ինչով է զբաղվում և հասկանալով, թե ինչի համար է խնդրում այս կամ այն բանը։

«Ընդ որում՝ նույնպիսի անվերապահ աջակցություն կա նաև պաշտպանության հետ կապ չունեցող գերատեսչություններից, եթե պետք է լինում նրանց հետ որևէ բան կարգավորել»,-ընդգծեց Խաչատրյանը։

Ինժեներներին օգնում է նաև սփյուռքահայությունը։ Մեկը՝ որպես ծրագրավորող, երկրորդը՝ որպես առաքիչ, եթե պետք է արագ ինչ-որ բան գնել և ուղարկել, ինչ-որ մեկն էլ ուղղակի նյութապես է օգնում, եթե ինչ-որ նյութեր կամ տեխնիկա շտապ գնելու կարիք կա։

Այլ կերպ ասած՝ տարերայնորեն, առանց կազմակերպման և վերևից եկած հրահանգի յուրատեսակ կոմունիզմ է ձևավորվել մեկ ընդհանուր նպատակի համար։

«Այս ամենի շնորհիվ մենք նոր, կարևոր տեխնոլոգիա ենք կազմել։ Սովորական պայմաներում մեզնից կես տարի կպահանջվեր, հիմա գլուխ հանեցինք մեկ շաբաթից էլ պակաս ժամանակում։ Տղաները մի քանի օր չեն քնել, աշխատել են երեք հերթափոխով, բայց ամեն ինչ արել են․․․ մի խոսքով, լավ ենք աշխատում»,-ավելացրեց Խաչատրյանը։

Այս և այլ տեխնոլոգիաները փորձարկվում և կատարելագործվում են պատերազմական պայմաններում։

ՊԲ–ն ԱԹՍ է ոչնչացրել Ստեփանակերտի երկնքում

140
թեգերը:
ինժեներ, Հայաստան
Ըստ թեմայի
Ինչպես ունենալ ԱԹՍ-ների մեր բանակը. Կարեն Վարդանյանի ընտանիքի առաջարկն ու առաջին ներդրումը
Կորուստներ են պատճառել թշնամուն ու հետ շպրտել․ նոր հերոսներ ունենք
Հայկ Պետրոսյանը նույնպես կմեկնի Արցախ. ճակատագիրը չի ների, եթե արժանի չլինենք մեր տղաներին