Արմեն Գրիգորյան. արխիվային լուսանկար

Իրավապահ համակարգի վերին օղակների դավաճաններն աշխատանքից ազատվել են. Գրիգորյան

97
(Թարմացված է 14:50 05.03.2020)
Անվտանգության խորհրդի քարտուղարը լրագրողների հետ զրույցում անդրադարձել է Նիկոլ Փաշինյանի հայտարարությանը, թե իրավապահ համակարգի ամենավերին օղակներում կան դավաճաններ։

ԵՐԵՎԱՆ, 5 մարտի — Sputnik. Իրավապահ համակարգի ամենավերին օղակներում եղել են դավաճաններ, որոնք աշխատանքից ազատվել են։ Անվտանգության խորհրդի քարտուղար Արմեն Գրիգորյանը կառավարության նիստից հետո լրագրողների հետ զրույցում այսպես պատասխանեց հարցին` արդյո՞ք գտել են դավաճաններին և ովքե՞ր են նրանք։

Վերջին ամիսներին Հայաստանում գրանցված ամենաաղմկահարույց պաշտոնանկությունները

Վարչապետ Նիկոլ Փաշինյանը փետրվարի 26–ին կոռուպցիայի դեմ պայքարի վերաբերյալ խորհրդակցության ժամանակ հայտարարել էր, որ իրավապահ համակարգի ամենավերին օղակներում եղել են դավաճաններ։

«Եթե անուններ տալու անհրաժեշտություն լիներ, վարչապետը կխոսեր այդ մասին։ Համակարգի ներսում լինում են դեպքեր, որ չեն կատարվում հեղափոխության պահանջներին համապատասխան քայլեր։ Երբ դրանք բացահայտում ենք, մենք էլ մեր քայլերն ենք անում»,–ասաց Գրիգորյանը։

Դիտարկմանը` հասարակությունը գործնական քայլեր այդպես էլ չի տեսնում` միայն ելույթներ ենք լսում այդ մասին, ե՞րբ հստակ քայլեր կարվեն, Գրիգորյանը պատասխանեց, որ գործնական բազմաթիվ քայլեր արդեն իսկ արվել են։ Որպես դրա վառ ապացույց, ԱԽ քարտուղարն ասաց, որ կառավարման համակարգի բարեփոխումներ ու աշխատանքից ազատումներ են եղել։ Նա խուսափեց անուններ տալ, թե ում նկատի ունի։

Կլինե՞ն նոր պաշտոնանկություններ. պատասխանում է Ավինյանը

Նկատառմանը, թե պետական դավաճանության հոդվածով որևէ քրգործ չկա, Գրիգորյանը պատասախանեց` որպեսզի իրավական գործընթաց սկսվի, նախ պետք է անկախ դատարան ունենալ։

Հիշեցնենք, որ իրավապահ համակարգի ամենավերին օղակներում պաշտոնանկություններ եղան դեռ 2019–ին. սեպտեմբերի 16-ին Փաշինյանը հայտնեց, որ ստորագրել է ԱԱԾ տնօրեն Արթուր Վանեցյանի հրաժարականի միջնորդությունը, իսկ սեպտեմբերի 18–ին Վալերիյ Օսիպյանն ազատվեց ՀՀ ոստիկանապետի պաշտոնից։

Վանեցյանի ու Օսիպյանի պաշտոնանկություններով կառավարությունն ուժեղացել է. Հակոբ Արշակյան

97
թեգերը:
պաշտոնանկություն, պաշտոն, Արմեն Գրիգորյան, Անվտանգության խորհրդի քարտուղար, Անվտանգության խորհուրդ
Ըստ թեմայի
Մտածեցի՝ ցանկում իմ անունն էլ կարող է գտնեմ. Մակունցը՝ հնարավոր պաշտոնանկությունների մասին
Ինչ կմտածի մեկը, եթե նայի նախարարի հրաժարականը պահանջողների բեղերին. Փաշինյանի տեսակետը
Ի՞նչ գիտեն ՀՀ քաղաքացիները Արթուր Վանեցյանի հրաժարականի մասին. տեսանյութ
Սարդարապատի ճակատամարտի ժամանակ օգտագործված զենք

Եպիսկոպոսը խորհուրդ էր տալիս նշան բռնել գլխին․ հայ հոգևորականն ու Սարդարապատի ճակատամարտը

39
(Թարմացված է 21:44 30.05.2020)
Մի քանի հայ հոգևորականներ օգնել են փարատել հայկական զորքի բարոյալքված վիճակը և Էջմիածնի մատույցներում մարտնչել թուրքերի դեմ։

ԵՐԵՎԱՆ, 30 մայիսի – Sputnik. «Սարդարապատ» թանգարանի տնօրեն Կարեն Փահլևանյանը Sputnik Արմենիային պատմեց, որ Սարդարապատի ճակատամարտի ժամանակ եպիսկոպոս Գարեգին Հովսեփյանն անձամբ է հայ «դիպուկահարներին» հրահանգել նշան բռնել հակառակորդի գլխին։

Директор Национального музея этнографии армян и истории освободительной борьбы в Мемориальном комплексе Сардарапат Карен Пахлеванян
© Sputnik / Aram Nersesyan
Կարեն Փահլևանյան

1918թ․-ի մայիսի կեսին տարածաշրջանում իրավիճակը ծանր էր։ Բրեստ-Լիտովսկի պայմանագրի ստորագրումից և Բաթումը, Արդահանն ու Կարսը գրավելուց հետո թուրքերը շարունակում էին գրոհը Էջմիածնի ուղղությամբ։ Հայոց քաղաքական և ռազմական ղեկավարությունը նախազգուշացրեց կաթողիկոս Գևորգ Ե Սուրենյանցին, որ ժամանակն է լքել Էջմիածինը և տեղափոխվել Բջնի, Բյուրական կամ Սևան, բայց կաթողիկոսը մերժեց։

Կաթողիկոսն ասաց, որ եթե հայկական զորքն ի վիճակի չէ պաշտպանել իրեն, պաշտպանել քրիստոնեությունը, ապա ինքը պատրաստ է մնալ Էջմիածնում։ Եվ Սարդարապատի հերոսամարտի օրերին հոգևորականությունը զորքի կողքին մնաց՝ ռազմաճակատի առաջին գծում։

«Թվում է՝ հոգևորականությունը պետք է հանդես գար ընդդեմ սպանության, առավել ևս՝ չպետք է գտնվեր իրադարձությունների էպիկենտրոնում։ Բայց ոչ այս դեպքում»,-ասաց Փահլևանյանը։

Այն ժամանակ խաղասեղանին էր դրված ազգի ֆիզիկական ինքնապահպանման հարցը։ Եպիսկոպոս Գարեգին Հովսեփյանը (հետագայում՝ Մեծի Տանն Կիլիկիո կաթողիկոս) Հայաստանի ամենակրթված մարդկանցից էր, սովորել էր արտասահմանում։

Հենց նա էլ ռադիոյով դիմեց զորքին, ու նրա խոսքը ոգեշնչեց հուսալքված մարդկանց։

Թուրքերի դեմ պայքարի դուրս եկան ոչ միայն զինվորները, այլև սովորական գյուղացիները, հողագործները, որսորդները։ Այն ժամանակ հենց որսորդներն էին դառնում լավագույն «դիպուկահարները»։

Մի պատմություն է պահպանվել այդպիսի որսորդներից մեկի՝ Զարզանդի և Գարեգին եպիսկոպոսի խոսակցությունից։

Մենք մի պատասխան ունենք աշխարհին. Գագիկ Գինոսյանը երիտասարդների հետ պարում է Սարդարապատում

«Երբ Զարզանդը կրակում էր հակառակորդին, Գարեգինը քմծիծաղով ասում էր` գլխին չկպավ։ Նա համարում էր, որ կրակոցները պետք է դիպուկ լինեն»,-պատմեց Փահլևանյանը` ուշադրություն հրավիրելով զինամթերքի պակասության և դրա արդյունավետ օգտագործման անհրաժեշտության վրա։

Իհարկե, այս պատմությունը գեղարվեստական տարր ունի, բայց կոնկրետ մարդկանց անուններ և գյուղերի անվանումներ են նշվում։

Ճակատամարտին մասնակցած հոգևորականների հստակ թիվը հայտնի չէ։ Բայց ամբողջ Գևորգյան ճեմարանը այնտեղ է եղել, ուստի կարելի է խոսել մոտ 300 հոգևորականի մասնակցության մասին։

Առհասարակ հոգևորականները հսկայական դեր են խաղացել զորքի հոգեբանական և բարոյական աջակցության հարցում։ Չպետք է մոռանալ, որ ընդամենը մի քանի տարի առաջ էր ցեղասպանությունը սկսվել, և Հայաստանում հարյուր հազարավոր փախստականներ կային, սով էր ու ավերածություններ։

Եվ ահա այդպիսի պահին պատմական հրաշք կատարվեց։ Իզուր չէ, որ որոշ պատմաբաններ Սարդարապատի ճակատամարտը համեմատում են Ավարայրի ճակատամարտի հետ և նույնիսկ ավելի կարևոր են համարում։

Տոնի տխուր կողմը. Սարդարապատի հերոսամարտի հուշահամալիրում մայիսի 28–ին մարդ չկա

39
թեգերը:
Սարդարապատ, Հայաստան
Ըստ թեմայի
ԱՄՆ–ում բնակվող հայերից մեկը Դավիթ Տոնոյանին է փոխանցել իր պապի` 100 տարվա ստացականը
Ամենադժվարն առաջին անկախությունն էր. ինչով են նման Առաջին և Երրորդ հանրապետությունները
Հայաստանի 1-ին Հանրապետության և Սարդարապատի հերոսամարտի 100-ամյակը` լուսանկարներով
Կենաց-մահու կռիվ, որ պետականության վերականգնման արժեք ունեցավ. Սարդարապատից մինչև…
Նիկոլ Փաշինյան

Փաշինյանն ասաց` երբ կորոնվիրուսի հարցով կդիմենք Վրաստանին

44
(Թարմացված է 19:33 30.05.2020)
Նիկոլ Փաշինյանը նշեց, որ փոխօգնությունը մեծ դեր ունի Հայաստանի և Վրաստանի հարաբերություններում։ Նա հիշեց նաև, թե ինչպես է ժամանակին Հայաստանը օգնել Վրաստանին։

ԵՐԵՎԱՆ, 30 մայիսի – Sputnik. ՀՀ վարչապետ Նիկոլ Փաշինյանն այսօր պարետատան նիստից հետո կայացած ճեպազրույցի ընթացքում վստահեցրեց, որ համաճարակի առաջին օրվանից ակտիվ համագործակցել են Վրաստանի հետ և այդ համագործակցությունը շատ արդյունավետ են համարում։

«Վրաստանը մեզ համար եղբայրական երկիր է և ջերմացնում է մեզ նման պատրաստակամությամբ։ Եթե անհրաժեշտություն ծագի աջակցության, մենք իհարկե կարող ենք դիմել Վրաստանին, սակայն մենք անում ենք ամեն ինչ, որ դրա կարիքը չլինի»,–ասաց Փաշինյանը։

Նա հիշեցրեց, որ փոխօգնությունը մեծ դեր ունի Հայաստանի և Վրաստանի հարաբերություններում։ Մասնավորապես Հայաստանը 2019 թվականին կարմրուկի համաճարակի բռնկման ժամանակ Վրաստանին 30 000 դոզա պատվաստանյութ է փոխանցել։

«Մենք պետք է մշտապես իրար կողքի լինենք, աջակցենք։ Իսկ համաճարակներն ընդհանուր սպառնալիք են»,–ասաց վարչապետը։

Հիշեցնենք` Վրաստանի Հիվանդությունների վերահսկման ազգային կենտրոնի տնօրեն Ամիրան Գամկրելիձեն հայտարարել էր, որ եթե Հայաստանին որևէ օգնություն պետք լինի, այդ թվում նաև նոր տիպի կորոնավիրուսով վարակված պացիենտների բուժման հարցում, Վրաստանը պատրաստ է օգնել։

Նա ընդգծել էր` երկու երկրները հաճախ են տարբեր դեղամիջոցներ, պատվաստանյութեր փոխանակել, երբ ունեցել են դրա կարիքը։

44
թեգերը:
Վրաստանի Հանրապետություն, կորոնավիրուս, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան
Ըստ թեմայի
Ելենա Մալիշևան անդրադարձել է Փաշինյանի` կորոնավիրուսի 2-րդ ալիքի մասին հայտարարությանը
Կորոնավիրուսով վարակվածներից 358–ը ծանր վիճակում են, 58–ը` ծայրահեղ ծանր. Փաշինյան
Մի քանի օրից ՀՀ–ում կսկսվի կորոնավիրուսն ախտորոշող թեստերի արտադրությունը. Փաշինյան