Երվանդ Զախարյան. արխիվային լուսանկար

Երվանդ Զախարյանի և Արսեն Լալայանցի նկատմամբ քրեական հետապնդումը դադարեցվել է. ՀՔԾ

162
(Թարմացված է 12:35 04.03.2020)
«Հաղթանակ» զբոսայգու` օտարման ոչ ենթակա տարածքի օտարման դեպքով հարուցված քրեական գործը չի կարճվել։

ԵՐԵՎԱՆ, 4 մարտի — Sputnik. Երևանի նախկին քաղաքապետ Երվանդ Զախարյանի և Երևանի քաղաքապետարանի աշխատակազմի ճարտարապետության և քաղաքաշինության վարչության նախկին պետ Արսեն Լալայանցի նկատմամբ քրեական հետապնդումը դադարեցվել է։ Sputnik Արմենիայի հարցմանն այսպես պատասխանեցին ՀՔԾ-ի մամուլի ծառայությունից։

«Քրեական գործի նախաքննության ընթացքում հիմնավորվել է, որ Զախարյանը և Լալայանցը կատարել են ՀՀ քրեական օրենսգրքի 308-րդ հոդվածի 2-րդ մասով նախատեսված հանցավոր արարքներ։ Այսինքն` պաշտոնեական դիրքի չարաշահում է տեղի ունեցել»,–հայտնում են ՀՔԾ–ից։

Նրանց գործողությունների հետևանքով «Հաղթանակ» զբոսայգու մասը կազմող և պետական սեփականություն հանդիսացող 2.990.000.000 դրամ շուկայական արժեքով օտարման ոչ ենթակա 10 000 քմ մակերեսով հողամասը Երևանի քաղաքապետի` 2008 թ.–ի որոշմամբ 2009թ.–ին 164.760.000 դրամով վաճառվել է մասնավոր ընկերության։

Հասարակությունը, այսպիսով, հանիրավի զրկվել է ազգային զբոսայգու մի ստվար հատվածից:

Սակայն նկատի ունենալով, որ անցել են քրեական պատասխանատվության ենթարկելու` օրենքով նախատեսված ժամկետները, Զախարյանն ու Լալայանցը դիմել են վարույթն իրականացնող մարմնին։ ՀՔԾ քննիչը որոշել է քրեական հետապնդումը դադարեցնել:

Որոշման օրինակն ուղարկվել է ՀՀ գլխավոր դատախազություն, որպեսզի հողամասի օտարման գործարքներն առ ոչինչ ճանաչվելու հարցը քննարկվի։

«Հաղթանակ» զբոսայգու տարածքում 756 շինություն կա. թողնելը մի խնդիր է, քանդելը` մեկ այլ

Միաժամանակ, հողակտորի օտարման քրեական գործով նախաքննությունը շարունակվում է «Հաղթանակի» հարակից տարածքներում գտնվող առանձնատների կառուցման համար հողահատկացման իրավաչափությունը և մյուս հանգամանքները պարզելու ուղղությամբ:

Հիշեցնենք, որ 2019–ի սեպտեմբերի 28–ին ՀՔԾ–ն հայտնել էր, որ Զախարյանի դեմ քրեական գործ է հարուցվել և մեղադրանք է առաջադրվել ՀՀ քրեական օրենսգրքի 308-րդ հոդվածի 2-րդ մասով, այն է` պաշտոնեական լիազորությունները չարաշահելը։

Երևանի զբոսայգու տարածքում կառուցված տները կարող են քանդվել

162
թեգերը:
Երևանի քաղաքապետարան, քաղաքապետարան, Երվանդ Զախարյան, Ապօրինի, Քրեական գործ, Հատուկ քննչական ծառայություն (ՀՔԾ)
Ըստ թեմայի
Ապօրինի ձեռք բերված գույքը կբռնագանձվի առանց դատարանի որոշման. կառավարությունն ընդունեց
Երևանում ապօրինի շինարարության համար կաշառել է պաշտոնատար անձի. հարուցվել է քրեական գործ
ՀՀ ոստիկանապետը գործընկերուհուն ապօրինի բնակարան է հատկացրել. տեսանյութ
Ամառային անձրև

Ամենաշոգը Երևանում կլինի. եղանակի տեսություն

2
(Թարմացված է 16:40 04.06.2020)
Օդերևութաբանների կանխատեսումների համաձայն` մինչև ամսի 7–ը տեղումները կշարունակվեն։

ԵՐԵՎԱՆ, 5 հունիսի – Sputnik. Այսօր Հայաստանի հյուսիսային շրջաններում, վաղը շրջանների զգալի մասում կեսօրից հետո սպասվում է կարճատև անձրև և ամպրոպ։ Տեղեկությունը հայտնում է ՀՀ արտակարգ իրավիճակների նախարարությունը։

«Ամպրոպի ժամանակ սպասվում է քամու ուժգնացում՝ 15-20 մ/վ:

Օդի ջերմաստիճանն էապես չի փոխվի»,– նշված է հաղորդագրության մեջ:

 Եղանակի կանխատեսում
Եղանակի կանխատեսում

Ըստ օդերևութաբանների կանխատեսումների` այսօր օդի ջերմաստիճանը +30-ի կհասնի Արարատի, Վայոց Ձորի, Սյունիքի մարզերում և Արցախում։ Իսկ Երևանում ցերեկային ժամերին 30-32, գիշերային ժամերին 13-15 աստիճան տաքություն կգրանցվի։

2
թեգերը:
Անձրև, եղանակ, Հայաստան
թեմա:
Եղանակը Հայաստանում
Ըստ թեմայի
Այսուհետ կենսաթոշակներն ու նպաստները կառաքվեն բացառապես փոստատարների միջոցով
Անձնագրային բաժիններն օրական 2 ժամ կաշխատեն և մի քանի գործառույթ կիրականացնեն
Քանի՞ մարդ կկարողանա այս տարի օգտվել «Դայակ պետության աջակցությամբ» ծրագրից
Փաշինյանը ցույց է տվել` որտեղից կարելի է 2 դիմակ գնել 200 դրամով
Նիկոլ Փաշինյան

Փաշինյանի եթերը հուզել է վրացիներին. 18–ամյա Սանդրոն կոչ է արել օգնել Հայաստանին

553
(Թարմացված է 00:18 05.06.2020)
SARS-CoV-2 –ի հետ կապված` Հայաստանի վարչապետ Նիկոլ Փաշինյանի կոչը Թբիլիսի է հասել։

ԵՐԵՎԱՆ, 4 հունիսի –Sputnik. UWC Dilijan միջազգային քոլեջի շրջանավարտ Սանդրո Չումաշվիլին արձագանքել է երկրում կորոնավիրուսային վարակի հետ կապված տագնապալի իրավիճակի մասին` ՀՀ վարչապետ Նիկոլ Փաշինյանի խոսքին։ Sputnik Արմենիայի թղթակցի հետ զրույցում տղան պատմել է, որ հարևանների վիճակը թեթևացնելու համար ստորագրահավաք է կազմակերպել` կոչ անելով Վրաստանի կառավարությանը օգնել բարեկամական երկրին։ 

ՀՀ վարչապետ Նիկոլ Փաշինյանն այսօր առավոտյան կորոնավիրուսային վարակի հետ կապված իրավիճակը մտահոգիչ էր անվանել։ Երկրում անցած մեկ օրվա ընթացքում ռեկորդային թվով վարակվածներ են բացահայտվել։

«Այսօր լսել եմ ՀՀ վարչապետ Նիկոլ Փաշինյանի ուղերձն այն մասին, որ Հայաստանում անցած մեկ օրվա ընթացքում SARS-CoV-2 կորոնավիրուսային վարակի շուրջ 700 նոր դեպք է գրանցվել։ Վրաստանում կորոնավիրուսի հետ կապված իրավիճակն ավելի լավ է»,–ասել է Սանդրոն։

Նրա խոսքով` դա է առիթ դարձել, որ ինքը ստորագրահավաք կազմակերպի։ Սանդրոն նշել է, որ Վրաստանը կարող է և ինչ–որ առումով` պետք է օգնի եղբայրական Հայաստանին։

Կորոնավիրուսի տարածման դինամիկան Հայաստանում

Սանդրոն 18 տարեկան է, ծնվել և մեծացել է Թբիլիսիում։ Հայաստանը նրան հոգեհարազատ է, քանի որ վերջին երկու տարին սովորել է UWC Dilijan միջազգային քոլեջում։ Այդ քոլեջը նա համարում է տարածաշրջանում լավագույնը։ Սանդրոն այն ավարտել է 2020 թվականի մայիսին և արդեն ընդունվել ԱՄՆ–ի բուհերից մեկի տնտեսագիտության ֆակուլտետը։

«Դրանք իմ կյանքի լավագույն տարիներն էին։ Ես եղել եմ Տաթևում, շատ ընկերներ ունեմ Վանաձորից, ինչպես նաև բազմաթիվ ընկերներ եմ ձեռք բերել աշխարհի տարբեր երկրներից», – պատմել է Սանդրոն։

Այս տարիների ընթացքում բազմաթիվ իրադարձություններ են եղել, սակայն տղայի համար ամենահիշվողը Երևանում Ֆրանկոֆոնիայի գագաթնաժողովին նվիրված համերգն է եղել։

Ավելի վաղ Վրաստանի ԱԳՆ–ն հայտարարել էր կորոնավիրուսի դեմ պայքարում Հայաստանին օգնելու պատրաստակամության մասին։ Նշվում էր, որ համավարակի շրջանում Վրաստանի իշխանությունները մշտական կապի մեջ են հայկական կողմի հետ։

«Մի քանի օր առաջ հեռախոսազրույց է տեղի ունեցել երկու երկրների վարչապետների միջև։ Շփումները շարունակվում են նաև առանձին նախարարների մակարդակով։ Այսօր Վրաստանի և Հայաստանի արտգործնախարարները (Դավիթ Զալկալիանին և Զոհրաբ Մնացականյանը, – խմբ.) տեղեկություն են փոխանակել երկրում տիրող իրավիճակի մասին», – գրված է Վրաստանի ԱԳՆ–ի հայտարարության մեջ։

Մասնավորապես, Զալկալիանին համերաշխություն է հայտնել հայկական կողմին և Վրաստանի իշխանությունների անունից ևս մեկ անգամ պատրաստակամութուն հայտնել աջակցելու COVID-19–ի դեմ պայքարում։

Նշենք, որ հունիսի 4-ի դրությամբ Հայաստանում SARS-CoV-2 կորոնավիրուսի նոր տիպի 11221 դեպք է բացահայտվել, Վրաստանում` 801։

Հայաստանում կորոնավիրուսով վարակվածների թիվը մեկ օրում ավելացել է 515-ով և հասել 10524–ի

553
թեգերը:
Վրաստանի Հանրապետություն, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Փաշինյանը զայրացել է. մի քանի տատիկ, պապիկ կմահանան միջոցառման պատճառով
Ինչ պետք է անի Փաշինյանը, որ հասարակությունը նորից հավատա իրեն
Օրվա կադր. Փաշինյանը ցույց է տվել` ինչպես է վարակակիրների թիվը ռեկորդային դառնում
Հայաստանում ևս 12 մարդ է մահացել կորոնավիրուսից
Համաճարակն ու Հայաստանը․ կորոնավիրուսը արագացնո՞ւմ է քաղաքական գործընթացները