ԱԱԾ

Հայաստանը վավերացրել է տվյալների փոխանակման մասին ԱՊՀ հակաահաբեկչական համաձայնագիրը

40
(Թարմացված է 12:03 04.03.2020)
Համաձայնագրին համապատասխան ՝ կողմերը պարտավորվում են սահմանված կարգով անհատույց հիմունքներով ապահովել տեղեկատվության փոխանակումը, ինչպես նաև տեղեկատվության գաղտնիության պաշտպանությունը։

ԵՐԵՎԱՆ, 4 մարտի — Sputnik. Հայաստանի խորհրդարանը այսօր կայացած նիստում միաձայն վավերացրել է ԱՊՀ շրջանակներում ահաբեկչության և ծայրահեղականության այլ դրսևորումների դեմ պայքարի ոլորտում տեղեկատվության փոխանակում նախատեսող համաձայնագիրը:

Գաղտնի տվյալների փոխանցումն իրականացվելու է պետությունների օրենսդրությանը համապատասխան ՝ յուրաքանչյուր կոնկրետ դեպքում ՝ ելնելով կողմերի շահերից։

Տեղեկատվության փոխանակումը կարող է իրականացվել դիվանագիտական ուղիներով, սուրհանդակային ծառայության միջոցով կամ իրավասու մարմինների կողմից համաձայնեցված այլ եղանակով, ինչպես նաև տեղեկատվական համակարգերի օգտագործմամբ, այդ թվում ՝ միջպետական:

Համաձայն փաստաթղթի ՝ ահաբեկչության դեմ պայքարի ոլորտում միջպետական տեղեկատվական համակարգը ԱՊՀ մասնակից պետությունների Հակաահաբեկչական կենտրոնի տվյալների մասնագիտացված բանկն է:

Ինչ պետք է անել ահաբեկչության սպառնալիքի դեպքում

40
թեգերը:
համաձայնագիր, Ահաբեկչություն, Անկախ պետությունների համագործակցություն (ԱՊՀ), Հայաստան
Ըստ թեմայի
Ահաբեկչություն Ֆրանսիայում. կրակողը բղավել է «Ալլահ աքբար». տեսանյութ
Հայաստանում Իրանի փոխդեսպանն ամերիկյան գործողությունն ահաբեկչություն է համարում
Էստուկյան. «Ահաբեկիչներին հետապնդելու պատրվակով Դիարբեքիրում պատմական շենքեր են ավերել»
Артур Алексанян празднует победу над Николозом Нахелашвили (Италия) в финальном поединке Чемпионата Европы по греко-римской борьбе (12 февраля 2020). Рим

«Բոլորս զինվոր ենք ու հաղթանակն էլ մերն է լինելու»․ Արթուր Ալեքսանյան

4
(Թարմացված է 15:46 27.09.2020)
Ճանաչված հայ ըմբիշը վստահ է, որ մենք միասնական ազգ ենք ու հաղթանակը մերն է լինելու։

ԵՐԵՎԱՆ, 27 սեպտեմբերի - Sputnik. Ռիո 2016-ի օլիմպիական չեմպիոն, աշխարհի եռակի ու Եվրոպայի քառակի չեմպիոն, հունահռոմեական ոճի ըմբիշ, «Սպիտակ արջ» մականունը ստացած Արթուր Ալեքսանյանը Instagram-ի իր էջում գրառում է կատարել և անդրադարձել ադրբեջանական զինուժի կողմից Արցախի խաղաղ բնակչությանը թիրախավորելուն։

«Հայաստանի և Արցախի համար այս բախտորոշ պահին մեկ բան կասեմ՝ բոլորս մեկ ենք, բոլորս զինվոր ենք ու հաղթանակն էլ մերն է լինելու»,-գրել է Ալեքսանյանը։

Посмотреть эту публикацию в Instagram

Публикация от Artur Aleksanyan (@arturaleksanyan_)

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։

Արցախում և Հայաստանում ռազմական դրություն և համատարած զորահավաք է հայտարարվել։

4
թեմա:
Ադրբեջանական ագրեսիա Արցախում. 2020
Գարեգին կաթողիկոս և Հռոմի պապ

Գարեգին Բ–ն հանդիպել է Հռոմի պապի հետ և ներկայացրել Ադրբեջանի սանձազերծած ագրեսիան

9
(Թարմացված է 15:44 27.09.2020)
Վատիկանում Հռոմի պապի հետ հանդիպման ժամանակ Գարեգին Բ–ն և Հռոմի պապը աղոթել են խաղաղության վերականգնման համար։

ԵՐԵՎԱՆ, 27 սեպտեմբերի - Sputnik. Ամենայն Հայոց Կաթողիկոսը Ն.Ս.Օ.Տ.Տ. Գարեգին Երկրորդ հանդիպել է Հռոմի Սրբազան Քահանայապետ Ֆրանցիսկոս Պապի հետ` ներկայացնելով Ադրբեջանի կողմից արցախա-ադրբեջանական շփման գծի ողջ երկայնքով սարձազերծված գործողությունները։

«Ռազմական գործողությունների դադարեցման և հակամարտության խաղաղ կարգավորման հարցում Ամենայն Հայոց Կաթողիկոսը կարևորել է Կաթոլիկ Քույր Եկեղեցու և նրա հովվապետի ձայնը։ Դատապարտելով Ադրբեջանի կողմից դրսևորած ագրեսիան՝ Գարեգին Բ Կաթողիկոսը հաստատել է, որ Արցախի ժողովրդի իրավունքների հարգմամբ և արդարության հռչակումով միայն հնարավոր կլինի վերահաստատել խաղաղությունն ու կայունությունը»,–ֆեյսբուքյան իր էջում գրել է Մայր աթոռ Սուրբ Էջմիածնի տեղեկատվական համակարգի տնօրեն տեր Վահրամ քահանա Մելիքյանը։Լ
Երկու հովվապետերը աղոթել են խաղաղության վերականգնման համար։

Առավոտյան Ամենայն Հայոց Կաթողիկոսը Սուրբ Պետրոսի տաճարում ներկա է գտնվել Սուրբ Պատարագի արարողությանը։ Պատարագիչ Լանզարի արքեպիսկոպոսը, ողջունելով Վեհափառ Հայրապետի ներկայությունը սրբազան արարողությանը, մասնակից եկեղեցականներին և հավատացյալներին տեղեկացրել է վաղ առավոտյան վերսկսված հակամարտության մասին։ Լանզարի արքեպիսկոպոսը ներկաների անունից զորակցություն է հայտնել Հայոց Եկեղեցուն և հայ ժողովրդին՝ աղոթելով Արցախի և արցախահայության անվտանգ ու ապահով կյանքի վերահաստատման համար։

ԱԺ-ն հատուկ նիստ կգումարի. ՀՀ-ում հայտարարվում է ռազմական դրություն և ընդհանուր զորահավաք

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:
Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։
Արցախում և Հայաստանում ռազմական դրություն և համատարած զորահավաք է հայտարարվել։

9
թեգերը:
հայ-ադրբեջանական, Հռոմի պապ, կաթողիկոս
թեմա:
Ադրբեջանական ագրեսիա Արցախում. 2020