Նիկոլ Փաշինյանը Վրաստանում հայ համայնքի հետ հանդիպմանը

Նույնիսկ Հիսուսի ընտրած կադրերի մեջ դավաճաններ կային. Փաշինյան

112
(Թարմացված է 21:15 03.03.2020)
ՀՀ վարչապետը խոստովանել է, որ կառավարության կադրային քաղաքականությունն անթերի չէ։ Թեմայի մասին խոսելիս` նրան օգնության է եկել Ավետարանը։

ԵՐԵՎԱՆ, 3 մարտի – Sputnik. Վրաստանի հայ համայնքի ներկայացուցիչների հետ հանդիպման ժամանակ ՀՀ վարչապետ Նիկոլ Փաշինյանն անդրադարձել է կառավարության վարած կադրային քաղաքականության թեմային:

«Վերջերս խոսում էի դավաճանության և դավաճանների մասին, որոնք նույնպես եղել են և հնարավոր է նորից լինեն մեր իշխանության մեջ, մասնավորապես՝ իրավապահ համակարգում. երբ այս թեմայով մտածում եմ, ինձ նորից օգնության է գալիս Ավետարանը: Նույնիսկ Հիսուսի ընտրած կադրերի մեջ, պարզվեց, դավաճաններ կային: Այնպես որ, եթե Հիսուսն ի վիճակի չի եղել անդավաճան կադրային քաղաքականություն վարել, մեծամտություն կլինի մտածել, որ որևէ վարչապետ կամ կոնկրետ ես կարող եմ այդպիսի քաղաքականություն վարել»,- ասել է Փաշինյանը:

Նա նշել է, որ կառավարության կադրային քաղաքականությունը կատարյալ չէ։

«Կադրային քաղաքականության մասին խոսելիս կարո՞ղ եմ ասել, որ մեր կադրային քաղաքականությունն իդեալական է, ոչ, չեմ կարող: Գուցե և ոչ ցավոք սրտի, բայց մենք իդեալական չենք: Կարծում եմ, որ յուրաքանչյուր մարդու ամենամեծ ուսուցիչը իր սխալներն են: Իդեալականությունը լճացման կարևոր նախապայման է, հետևաբար պետք է անընդհատ լինեն սխալներ, ձախողումներ: Այլ բան, որ այդ սխալները և ձախողումները հանկարծ ճակատագրական նշանակություն չունենան: Սա է առաջընթացի հիմնական բանաձևը»,- ասել է վարչապետը:

Փաշինյանն առաջադրանք է տվել դիվանագետներին

Հիշեցնենք` փետրվարի 26-ին իրավապահ մարմինների ղեկավարների մասնակցությամբ խորհրդակցության ընթացքում Փաշինյանն անդրադարձել էր կոռուպցիայի դեմ պայքարին` նշելով, որ թե՛ հանրությունը, թե՛ ինքն անձամբ բավարարված չեն կոռուպցիայի դեմ պայքարում գրանցած արդյունքներով։ Իսկ հարուցվող քրեական գործերն, ըստ վարչապետի, որպես կանոն, փակուղի են մտել այն պատճառով, որ իրավապահների ամենաբարձր օղակներում եղել են դավաճաններ, որոնք կոռուպցիայի դեմ պայքարի ծխածածկույթի տակ առաջնորդվել են այլ հաշվարկներով ու հանձնարարություններով։

Հայաստանն ու Վրաստանն ունեն ընդհանուր մարտահրավերներ. Մելիքյանը` Փաշինյանի այցի մասին

ՀՀ վարչապետ Նիկոլ Փաշինյանը Վրաստան է մեկնել պաշտոնական այցով։

«Սարոյան եղբայրներ», կամ երբ «պրո» և «հակա» փաշինյանական կռիվները ընտանիք են քանդում

112
թեգերը:
Նիկոլ Փաշինյան, Վրաստանի Հանրապետություն, Հայաստան
թեմա:
ՀՀ վարչապետ Նիկոլ Փաշինյան (973)
Ըստ թեմայի
Փաշինյանը մարտահրավե՞ր է նետում Վենետիկի հանձնաժողովին. փորձագետները բացում են փակագծերը
Փաշինյան–Ալիև մյունխենյան բանավեճը կողմերից ոչ մեկի շահերից չէր բխում. Կիրո Մանոյան
Փաշինյանն ու Մնացականյանը բաժանել են դերերը. փորձագետը` Արցախի շուրջ շեշտադրումների մասին