ԵՐԵՎԱՆ, 3 մարտի — Sputnik. ՀՀ պաշտպանության նախկին նախարար Սեյրան Օհանյանն այսօր լրագրողների հետ զրույցում ասաց, որ ինքը կապ չունի ՀՔԾ–ում քննվող վատնման գործի հետ։
«Ես այդ կասկածանքը չեմ ընդունում, որովհետև ինձ հետ կապ չունի»,–ասաց Օհանյանը։
Հիշեցնենք` երեկ` մարտի 2–ին, ՀՔԾ–ն հայտարարեց, որ ՀՀ հատուկ քննչական ծառայությունում քննվող քրեական գործի շրջանակում ՀՀ պաշտպանության նախկին նախարար Սեյրան Օհանյանը որպես կասկածյալ է ներգրավվել ՀՀ քրեական օրենսգրքի 179-րդ հոդվածի 3-րդ մասի 1-ին կետով նախատեսված հանցավոր արարք` առանձնապես խոշոր չափերի` 1,046,400,000 ՀՀ դրամ արժողությամբ գույքի վատնում կատարելու կասկածանքով:«Խոսքը «Ձորագետ» ՓԲԸ-ի օտարման մասին է, որն իրականացվել է կառավարության կողմից. 2002–ին այն փոխանցվել է Պաշտպանության նախարարությանը, 2010–ին` օտարվել։ Բնականաբար, ես և ՊՆ–ն այդտեղ որևէ շահագրգռվածություն չէինք կարող ունենալ։ Կառավարության որոշմամբ փոխանցվել է, կառավարության որոշմամբ` օտարվել»,–ասաց Օհանյանը։
Նախկին նախարարի խոսքով` օտարման հիմնական գործընթացն իրականացրել է Էներգետիկայի նախարարությունը, որովհետև մասնագիտական առումով «Ձորագետ» ՓԲԸ-ի արդյունավետությունը ՀՀ էներգետիկ համակարգում և նրա զարգացման ընթացքը որոշում է մասնագիտական գերատեսչությունը։ «Նրանք են ընտրել գնորդ կողմին, նրանք են ընտրել գինը։ Ավելին` այն ժամանակվա օտարման գինը եղել է 10 մլն դոլար, որն այսօր 9.5 մլն դոլար է կազմում»,–ասաց Օհանյանը` նշելով, որ կասկածանքն իր կողմն է ուղղվել, որովհետև ՊՆ է կառավարության որոշումը ներկայացրել։
Պապիկյանի անձնական կյանքի գաղտնիքը հանրայնացնող ԱԱԾ պաշտոնյային մեղադրանք է առաջադրվել
«Ասում են` խափանման միջոց է ընտրվել ստորագրություն չհեռանալու մասին, ես ցուցմունք չեմ տվել, ստորագրություն չեմ տվել։ ՀՔԾ–ում քանի՞ անգամ կարող եմ ստորագրություն տալ, չէ՞ որ ես «Մարտի 1»–ի գործով էլ ստորագրություն ունեմ չհեռանալու մասին»,–հարց բարձրացրեց նա։
Աբովյանի քաղաքապետին մեղադրանք է առաջադրվել
Օհանյանի խոսքով` տեղեկատվական դաշտում այս ամբողջ թատրոնն անտեղի է։ Նա նշում է, որ ՀՔԾ–ն վերջին տարիների իր գործելաոճում խախտում է նախաքննական գաղտնիքը, քանի որ գաղտնիության խնդիր կա, կասկածանքը դեռ պետք է ապացուցվի։
Նախկին նախարարը կարծում է, որ ուղղորդում կա այսօրվա կամ նախկին պաշտոնյաների նկատմամբ։
