Դեղատուն

Հայաստանում դիմակ ու կորոնավիրուս չկա, բայց խուճապ ու վախ կա. ի՞նչ են ասում մասնագետները

1608
(Թարմացված է 08:55 01.03.2020)
Վերջին օրերին սոցցանցային տիրույթում ակտիվորեն լուրեր են տարածվում, որ դեղատներում դիմակներ (անհատական պաշտպանիչ միջոցներ) չկան։

ԵՐԵՎԱՆ, 29 փետրվարի — Sputnik. «Դիմակս փռել եմ չորանա» թևավոր խոսք դարձած արտահայտությունը մարդկանց այլևս չի զվարճացնում։ Հայաստանում խուճապ է, որովհետև կորոնավիրուսն արդեն սողոսկել է սահմանակից բոլոր բարեկամ ու ոչ բարեկամ երկրներ։

Вывеска на двери аптеки Масок нет (27 февраля 2020). Еревaн
© Sputnik / Naira Melkumyan
Դեղատներից շատերի վրա գրված է․ «Դիմակ չկա»

Սուր շնչառական հիվանդությունների սրացումը, որը սեզոնային բնույթ է կրում, ավելացնում է մարդկանց վախերը. նրանք չգիտեն` իրականում ինչ վարակի հետ գործ ունեն: Sputnik Արմենիայի թղթակիցը վիրուսների հետևանքով առաջացած իրավիճակը պարզելու համար այցելել է դեղատներ և կապ հաստատել Երևանի քաղաքապետարանի ենթակայության տակ գտնվող ամբուլատոր-պոլիկլինիկական բուժհաստատություններից մի քանիսի հետ։

Вывеска на двери аптеки Масок нет (27 февраля 2020). Еревaн
© Sputnik / Diana Atoyan
Հերթական դեղատունը, որտեղ դիմակ չկա

Ըստ քաղաքապետարանի տեղեկատվության վարչության պետի տեղակալ Տարոն Գևորգյանի ` փետրվարի 21-27–ն ընկած ժամանակահատվածում Երևանի ամբուլատոր-պոլիկլինիկական բուժհաստատություններ դիմած 3914 քաղաքացիների մոտ սուր շնչառական վարակի առկայություն է հաստատվել։

Sputnik Արմենիային Նուբարաշենի պոլիկլինիկայից հայտնեցին, որ վերջին շաբաթվա ընթացքում վիրուսային վարակով իրենց դիմել է 609 քաղաքացի, և որ այս պահի դրությամբ իրենց դիմած քաղաքացիներից հոսպիտալացվածներ չկան։

Նոր Արեշի պոլիկլինիկայից տեղեկացրին, որ վերջին մեկ շաբաթվա տվյալներով` ունեցել են 1234 վիրուսային վարակի դեպք։ Դիմել են ինչպես երեխաներ, այնպես էլ մեծահասակներ։ Վերջին շաբաթվա ընթացքում բրոնխիտով և թոքաբորբով 1-2 դեպք է հանդիպել։ Հիվանդները հոսպիտալացվել են։

«Թու, թու, թու...» . Փաշինյանը կորոնավիրուսի վերաբերյալ գրառում է արել

Մենք փորձեցինք կապ հաստատել նաև այլ պոլիկլինիկաների հետ, սակայն մի մասը հրաժարվեցին տվյալներ տրամադրել, պարզաբանելով, որ քաղաքապետարանին արդեն իսկ ամեն օր տվյալներ են տրամադրում։ Շատ պոլիկլինիկաներում էլ հեռախոսազանգերին պարզապես չեն պատասխանում։

ՀՀ իմունականխարգելման ազգային ծրագրի ղեկավար Գայանե Սահակյանը վստահ է, որ ժողովրդի մեջ խուճապ կա։

«Անցած տարի այս նույն ժամանակահատվածում նույն ախտանշաններով մարդիկ գուցե չդիմեին բժշկի, սակայն կորոնավիրուսի հետ կապված` մարդիկ վախենում են։ Անգամ սկսկել են գրիպի դեմ պատվաստվել։ Բժշկի են դիմում ամեն փռշտոցի դեպքում»,–ասաց Սահակյանը` նշելով, որ պոլիկլինիկաներն այսքան շատ դիմելիություն երբեք չէին ունեցել։

Սահակյանը նշեց, սակայն, որ իրավիճակը վերահսկելի է։

Այն, որ մտահոգվելու առիթ չկա, Sputnik Արմենիայի հետ զրույցում ընդգծեց նաև բժիշկ,Արտաշատի ԲԿ-ի մոր և մանկան գծով փոխտնօրեն Գրիգոր Շադյանը։

Ադրբեջանում կորոնավիրուսի նոր դեպքեր են գրանցվել․ իշխանությունը փակել է Իրանի հետ սահմանը

«Իմ փորձը ցույց է տալիս, որ այս տարի համեմատաբար ավելի մեղմ է վիրուսային իրավիճակը։ Մարդկանց հոսքը դեպի բուժհաստատություններ իհարկե շատ է, բայց դա բնորոշ է այս սեզոնին, որևէ խուճապի առիթ չեմ տեսնում»,–ասաց Շադյանը։

Մասնագետի պնդմամբ` սեզոնային վիրուսը տևում է միջինը մեկ շաբաթ, երբեմն լինում է հիվանդության 2–րդ, 3–րդ ալիք։

«Հիվանդը 3-4 օր ջերմում է, հետո ջերմությունը 2-3 օր իջնում է, այնուհետև կրկնվում է վիրուսային ալիքը։ Ռենտգեն ենք անում, և եթե չի հայտնաբերվում թոքաբորբ, ապա շարունակում ենք բուժումը առանց շատ դեղորայքի։ 3-4 օր հետո հիվանդն ապաքինվում է»,–նշեց նա։

Բժշկի դիտարկմամբ` հիվանդների կողմից պաշտպանիչ դիմակների օգտագործումը կարևոր է։ Արդեն 3 ամիս է` իրենց դռան վրա գրված է «Հիվանդների մուտքը` միայն դիմակներով»։

Բժշկի խոսքով` քանի դեռ Հայաստանում կորոնավիրուս չկա, առողջ մարդկանց դիմակ կրելու անհրաժեշտությունը նույնպես չկա։ Այլ բան է, եթե հստակ օջախ լինի։

Շադյանը շեշտում է, որ ըստ վիճակագրության` բոլոր երկրներում էլ գրիպից մահացության որոշակի դեպքեր լինում են։ Ուղղակի կորոնավիրուսը նոր է, երևի դրա համար են մարդիկ ահաբեկված։

Նշենք, որ Sputnik Արմենիան եղել է Երևանում և մարզերում գործող ավելի քան 20 դեղատներում։ Աշխատակիցները միաբերան հայտարարում են, որ դիմակ չկա. մեկ ամիս է` վաճառքում չունեն։

Դեղատների ցանցերից մեկում ի վերջո հաջողվեց պաշտպանիչ դիմակ գտնել, բայց աշխատակիցը հայտարարեց, որ դիմակն այնքան էլ որակյալ չէ և արժե 250 դրամ։

Հիշեցնենք, որ կորոնավիրուսով վարակման դեպքեր են արձանագրվել նաև մեր տարածաշրջանում` Իրանում, Վրաստանում, Թուրքիայում և Ադրբեջանում։

Իրանում կորոնավիրուսից ֆուտբոլիստ է մահացել. երիտասարդ աղջկան չեն կարողացել փրկել

1608
թեգերը:
Դեղատուն, դիմակ, պոլիկլինիկա, հիվանդանոց, վիրուս, Հայաստան, կորոնավիրուս
Ըստ թեմայի
Վրաստանում կորոնավիրուսով վարակվելու երկրորդ դեպքն է գրանցվել
Լեփ–լեցուն հիվանդանոցներ ու խուճապահար ծնողներ. կորոնավիրուսի վախը հիվանդանոց է տանում
Կորոնավիրուսի բռնկում Իրանում. խորհրդարանը դադարեցնում է աշխատանքը
Եվգենի Պետրոսյանն ու Տատյանա Բրուխանովան, արխիվային լուսանկար

Իզո՞ւր է նեղացել երիտասարդ կնոջ պատճառով․ ինչո՞ւ է Պետրոսյանը դատի տվել Կոկլյուշինին

31
(Թարմացված է 00:43 07.07.2020)
Կոկլյուշինը Եվգենի Պետրոսյանի շատ մենախոսությունների հեղինակն է, նրանք բազմիցս հանդես են եկել նույն բեմում, այս թվում՝ «Ծուռ հայելի» հաղորդման ընթացքում՝ համատեղ համարներով։ Բայց երիտասարդ կնոջ պատճառով նրանց միջև սև կատու է անցել։

ԵՐԵՎԱՆ, 6 հուլիսի – Sputnik. Հայտնի հումորիստ Եվգենի Պետրոսյանը դատարանում գրող-երգիծաբան Վիկտոր Կոկլյուշինի դեմ հայց է ներկայացրել սխալմամբ։ Այդ մասին ՌԻԱ Նովոստիին հայտնել է ինքը՝ Կոկլյուշինը։

Ավելի վաղ հայտնի էր դարձել, որ Եվգենի Պետրոսյանը որոշել է պաշտպանել իր երիտասարդ կնոջը՝ Տատյանա Բրուխունովային և պատասխանատվության կանչել գործընկերոջը՝ Վիկտոր Կոկլյուշինին։ Բանն այն է, որ Տատյանան շարունակ խիստ քննադատությունների կիզակետում է հայտնվում։ Մեկ նա բոլորին դուր չի գալիս, մեկ նրա ընտրությունները դուր չեն գալիս, հագուստը չի սազում և այլն։

Մի քանի օր առաջ ԶԼՄ-ները հայտնել էին, որ նրա հասցեին ոչ կոռեկտ է արտահայտվել երգիծաբան Վիկտոր Կոկլյուշինը։ Ռուսական պարբերականների տվյալներով՝ Կոկլյուշինը հայտարարել է, որ Պետրոսյանը դադարել է հայտնվել հեռուստաէկրաններին, իսկ Տատյանան բոլորովին այն մարդը չէ, որը պետք է լինի հումորիստի կողքին։

Դրանից հետո Պետրոսյանը սկսեց պաշտպանել կնոջը և որոշեց պատասխանատվության կանչել Կոկլյուշինին։ Արտիստի փաստաբան Սերգեյ Ժորինը համապատասխան հայց ներկայացրեց դատախազություն։ «Պետրոսյանը խիստ վրդովված էր, մենք էլ որոշեցինք անպատիժ չթողնել այս ամենը և պաշտպանել Տատյանային։ Նշված արտահայտությունները միանշանակ վիրավորական են, քանի որ ուղղված են նրա արժանապատվությանը և պատվին»,-մեջբերում է պարբերականը արտիստի ներկայացուցչի խոսքերը։ Կոկլյուշինին սպառնում է մի քանի հարյուր հազար ռուբլի տուգանք։

Եվգենի Պետրոսյանի երիտասարդ կինը փոխել է «այրու կերպարն» ու որոշել գիրք կարդալ

Մեկնաբանելով այդ զարգացումները, Կոկլյուշինն ասել է, որ իր խոսքերում որևէ վիրավորական բան չի եղել։ Հուլիսի 6-ին նա հանդիպել է փաստաբան Ժորինի հետ և բացատրել է թյուրիմացության պատճառները։

««Собеседник» պարբերականում հոդված էր հրապարակվել, որը երկու մասից էր բաղկացած։ Առաջին հատվածում ես էի պատասխանում թղթակցի հարցերին, երկրորդում՝ մի արտիստ, որը չէր ցանկացել իր անունը հրապարակել։ Եվ ահա, երկրորդ մասը բավականին կտրուկ է, այնտեղ արտահայտություններ կան, որոնք չեն կարող դուր գալ։ Իսկ երբ տարբեր այլ պարբերականներ սկսեցին արտատպել, ուրիշի խոսքերը վերագրեցին ինձ»,-ասել է Կոկլյուշինը։

Կոկլյուշինը Եվգենի Պետրոսյանի շատ մենախոսությունների հեղինակն է, նրանք բազմիցս հանդես են եկել նույն բեմում, այդ թվում՝ «Ծուռ հայելի» հաղորդման ընթացքում՝ համատեղ համարներով։

Հիշեցնենք, որ անցած տարվա դեկտեմբերին Եվգենի Պետրոսյանն ամուսնացել է իր օգնականի՝ Տատյանա Բրուխունովայի հետ։ Հանուն Տատյանայի նա 30 տարի համատեղ կյանքից հետո  բաժանվել է իր չորրորդ կնոջից՝ Ելենա Ստեպանենկոյից։ Մամուլը բազմիցս գրել է, որ Պետրոսյանն ու Բրուխունովան երեխա ունեն, սակայն առայժմ կողմերից ոչ մեկը չի հաստատել այդ տեղեկությունը։ 74-ամյա երգիծաբանը հասուն դուստր ունի՝ Վիկտորիան։ Կարանտինի պատճառով վերջինս մնացել է Մոսկվայում է ինքնամեկուսացել է Ստեպանենկոյի բնակարանում, որին աջակցում է ամուսնալուծությունից հետո։

«Երջանկության ալբոմ»․ Պետրոսյանի երիտասարդ կինը նրան սեր խոստովանելու նոր ձև է գտել

31
թեգերը:
փաստաբան, դատ, Տատյանա Բրուխունովա, Եվգենի Պետրոսյան
Ըստ թեմայի
«Իհարկե օրիգինալն է»․ Եվգենի Պետրոսյանի երիտասարդ կինը պարծեցել է Dior-ի գլխարկով
Եվգենի Պետրոսյանի երիտասարդ կինը փոխել է իմիջը. տեսանյութ
Եվգենի Պետրոսյանն առաջին ընտանեկան լուսանկարն է հրապարակել Տատյանա Բրուխունովայի հետ
«Բոլորը կպատժվեն ըստ արժանվույն». Եվգենի Պետրոսյանի կինն արձագանքել է մեղադրանքներին
Երևան, արխիվային լուսանկար

«Իմ քայլն» առաջարկում է բարձրացնել դիմակ չդնողների տուգանքները

94
(Թարմացված է 00:44 07.07.2020)
Ավտոմեքենաներում դիմակ չդնելու համար տուգանքն առաջարկվում է հասցնել 50 000 դրամի: Նույն արարքը կրկնելու դեպքում տուգանքը կկրկնապատկվի:

ԵՐԵՎԱՆ, 6 հուլիսի - Sputnik. ԱԺ «Իմ քայլը» խմբակցությունը շջանառության մեջ է դրել դիմակ չդնելու համար նախատեսված տուգանքները բարձրացնելու մասին օրենքի նախագիծ:

ԱԺ պաշտոնական կայքում հրապարակված «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ ու լրացումներ կատարելու մասին» նախագծով նախատեսվում է բաց տարածքներում դիմակ չդնելու համար ներկայում գործող տուգանքը 10 000 ՀՀ դրամից դարձնել 20 000 դրամ, իսկ փակ տարածքներում (խանութ, տրանսպորտ և այլն) դիմակ չդնելու համար՝ ներկայիս 10 000 դրամի փոխարեն՝ 50 000 դրամ:

Հայաստանում արտակարգ դրությունը ևս մեկ ամսով կերկարաձգվի. Նիկոլ Փաշինյան

Հիշեցնենք, այս օրենքը փոխվել էր ընդամենը 2 ամիս առաջ: Մայիսի 19-ին ԱԺ-ն դիմակ չդնելու համար տուգանքները սահմանեց 10 000 դրամ՝ բոլոր դեպքերի համար՝ նախկին 100-250 հազարի փոխարեն:

Այսօր պարետատան նիստից հետո կայացած ճեպազրույցում ՀՀ վարչապետ Նիկոլ Փաշինյանը հայտնել էր, որ գործադիրը մտադիր է առաջիկա ամսվա ընթացքում կատարելագործել արտակարգ դրության մասին ՀՀ օրենսդրությունն այնպես, որ արտակարգ դրության ռեժիմը վերացնելուց հետո կառավարությունը հակահամաճարակային քաղաքականություն վարելու որոշակի գործիքներ ունենա:

Հաղորդավար Վարդան Սարգսյանին տուգանել են. նա պնդում է`անտեղի էր ու չի վճարելու. տեսանյութ

94
թեգերը:
Տուգանք, նախագիծ, «Իմ քայլը» խմբակցություն, դիմակ, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Ինչո՞ւ դիմակով չեք․ ճապոնացին ոտքով հասել է Հայաստան ու համավարակի պատճառով մնացել այստեղ
«Միակ պատվաստանյութը մնում է դիմակը. մեզ ոչ մի նոր ռեկոմենդացիա չի տրվել ԱՀԿ-ից»․ Փաշինյան
«Առանց դիմակ, իրար վրա...». Սուրբ Հովհաննես մատուռում դարձյալ կուտակումներ են
Ոստիկանները դիմակներ են բաժանում փողոցում և արձանագրություն կազմում. տեսանյութ
 Ջեններ քույրերը, արխիվային լուսանկար

Կորոնավիրուսային սկանդալ․ Ջեններ քույրերը ժխտել են աշխատակիցների շահագործման մասին լուրերը

0
(Թարմացված է 00:50 07.07.2020)
Ակտիվիստներն ու իրավապաշտպանները կարծում են, որ ինչ-որ բան այն չէ և այս գործի բոլոր մասնակիցները ինչ-որ բան են թաքցնում։ Նրանք պահանջում են թույլ տալ իրենց մուտք գործել Բանգլադեշում գտնվող գործարաններ։

ԵՐԵՎԱՆ, 7 հուլիսի – Sputnik. Աշխարհահռչակ Քիմ Քարդաշյանը քույրերը՝ սուպերմոդել Քենդալ Ջենները և աշխարհի ամենաերիտասարդ միլիարդատեր Քայլի Ջենները պատասխանել են իրավապաշտպանների մեղադրանքներին։

Посмотреть эту публикацию в Instagram

Публикация от Kendall + Kylie (@kendallandkylie)

Բանն այն է, որ հունիսին ԶԼՄ-ներում տեղեկություն հայտնվեց, որի համաձայն Kendall + Kylie ապրանքանիշն իբրև թե պատկանում է Global Brands Group (GBG)-ին, որը Բանգլադեշի իր ֆաբրիկաների աշխատակիցներին չի վճարում փետրվար ամսից՝ կորոնավիրուսի համավարակի պատճառով սկսված ճգնաժամի պատճառով։

Նշվում էր, որ GBG-ի հետ բրենդները շահագործում են աշխատողներին։ Միաժամանակ Ջեններ քույրերի ապրանքանիշը ներկայացված է եղել GBG-ի կայքում։ Այժմ Քենդալն ու Քայլին որոշել են հանդես գալ հայտարարությամբ։ Քիմ Քարդաշյանի քույրերը ժխտում են, թե որևէ կապ ունեն GBG-ի հետ։

«Kendall + Kylie ապրանքանիշը պատկանում է Canada Inc.-ին։ Նախկինում բրենդը համագործակցել է GBG-ի հետ, բայց միմիայն վաճառքի և բիզնեսի զարգացման ոլորտներում»,-հայտարարել են քույրերը։

Այդ ընթացքում GBG-ն իր կայքից հեռացրել է Ջեններ քույրերի ապրանքանիշի լոգոտիպը։ ԶԼՄ-ների տվյալներով՝ լոգոն հեռացրել են հունիսի 24-ին։ Դրա հետևանքով սկանդալն ավելի է բորբոքվել, քանի որ ակտիվիստները և իրավապաշտպանները կարծում են, որ ինչ-որ բան այստեղ այն չէ և այս գործի բոլոր մասնակիցներն էլ թաքցնելու բան ունեն։ Նրանք պահանջում են իրավապաշտպան ընկերությունների ակտիվիստներին թույլ տակ մուտք գործել Բանգլադեշում գտնվող ֆաբրիկաներ։

Посмотреть эту публикацию в Instagram

Публикация от Kendall + Kylie (@kendallandkylie)

Հիշեցնենք, որ Քայլի Ջեններն ունի սեփական Kylie Cosmetics բրենդը, որը հիմնել է 2016թ․-ին։ Կարճ ժամանակում նա վաստակել է մեկ միլիարդ դոլար։ 2019թ․-ի մարտի 5-ին Forbes պարբերականը Քայլիին ճանաչեց աշխարհի ամենաերիտասարդ միլիարդատեր։ Այդպիսով 21-ամյա Ջեններն առաջ անցավ Facebook սոցիալական ցանցի հիմնադիր Մարկ Ցուկերբերգից, որը միլիարդատեր էր դարձել 23 տարեկանում։

0
թեգերը:
աշխատավարձ, կորոնավիրուս, ապրանքանիշ, գործարան, Քիմ Քարդաշյան
թեմա:
Կորոնավիրուսը Չինաստանում և աշխարհում
Ըստ թեմայի
Քիմ Քարդաշյանը կթողարկի իր սեփական պոդկաստը․ այն գլամուր կյանքի մասին չի լինելու
Քիմ Քարդաշյանի քրոջ` Քայլի Ջենների ավտոմեքենաների տեսականին
Քիմ Քարդաշյանի ամուսինը «Արարատ» անվանումով կոշիկ է արտադրել. լուսանկար
Քիմ Քարդաշյանի ու նրա քրոջ ռեփեր ամուսինները տեսահոլովակ են նկարահանել