Նիկոլ Փաշինյան. արխիվային լուսանկար

«Սենսացիոն վիճակագրություն». վարչապետը դժգոհ է կոռուպցիայի դեմ պայքարից

160
(Թարմացված է 14:08 26.02.2020)
Կոռուպցիայի դեմ պայքարին նոր թափ և որակ հաղորդելու համար ՀՀ վարչապետը կառավարությունում խորհրդակցություն է հրավիրել:

ԵՐԵՎԱՆ, 26 փետրվարի — Sputnik. Չնայած կոռուպցիայի դեմ պայքարի մասշտաբներն աննախադեպ են, բայց ՀՀ վարչապետ Նիկոլ Փաշինյանը բավարարված չէ դրա արդյունքներով։ Այս հայտարարությունը Փաշինյանն արեց այսօր կառավարությունում հրավիրված խորհրդակցության ժամանակ` հավելելով, որ կոռուպցիայի դեմ պայքարի արդյունքներով բավարարված չէ նաև հանրությունը։

Անդրադառնալով կոռուպցիայի դեմ պայքարի, իր բնորոշմամբ, աննախադեպ ծավալներին` Փաշինյանը 2019թ.-ի վիճակագրություն ներկայացրեց։ ՀՔԾ–ն, օրինակ, նրա խոսքով` քրեական գործերով վերականգնել է 4 միլիարդ 331 միլիոն դրամ, որը 7 անգամ ավելի է, քան ՀՔԾ ողջ ընթացքում ծառայողական գործերով վերականգնված գումարը։ Վարչապետի հավաստմամբ` նույն կամ մոտավորապես նույն իրավիճակն է մյուս իրավապահ մարմիններում. ԱԱԾ–ն 2017–ի համեմատ 2019-ին վերականգնել է 1371 տոկոսով ավելի գումար, քննչական կոմիտեն` 462 տոկոսով ավելի, ոստիկանությունը` 107։

«Այս վիճակագրությունը տպավորիչ է, կասեի` սենսացիոն։ Հեղափոխությունից հետո կոռուպցիոն գործերով վերականգնել ենք 150 միլիո դոլարի վնաս։ Եթե ՊԵԿ–ի վերականգնումները հանենք հաշվարկից, մեր թվաբանությունը կիսով չափ կկրճատվի»,–ասաց Փաշինյանը։

ԵՄ-ն Հայաստանում կոռուպցիայի դեմ պայքարի բարեփոխումներում առաջընթաց է արձանագրել

Այս թվաբանությունը ներկայացնելուց հետո ՀՀ վարչապետը հարց տվեց` կարող ենք պնդել, որ վերջին 30 տարում կոռուպցիոն արարքներով պետությանը հասցված վանսը վերականգնվել է։ «Միանշանակ ոչ»,–ինքն իր հարցին պատասխանեց Փաշինյանը` հավելելով, որ նաև ընդունել է առկա օբյեկտիվ և սուբյեկտիվ դժվարությունները, մասնագիտական կադրերի սակավությունը, գործերի տևական լինելը, քննիչների ծանրաբեռնվածության մասին պատճառաբանությունները։

«Դրանց մի մասը օբյեկտիվ են ու արդարացված։ Բայց մյուս կողմից ժամանակն անցնում է, և դա հնարավորություն է տալիս կոռուպցիոներներին փախչել Հայաստանից կամ թաքցնել, քողարկել հանցանշանները։ Կան ավելի աղաղակող բաներ. երբ այս կամ այն կոռուպցիոն սխեման կապված է նախկին կամ ներկա բարձրաստիճան պաշտոնյայի հետ, բայց մեր իրավապահ մարմինները այդ կապերը ապացուցող փաստեր չեն գտնում, ինչը վարկաբեկում է մեր իրավապահ համակարգն ու կոռուպցիայի դեմ պայքարն ընդհանրապես։ Սրա հետևանքով որոշ կոռուպցիոներներ կարողացել են լքել երկիրը, և այդ գործերը մտել են փակուղի»,–նշեց վարչապետը։

Նրա խոսքով` սրա հիմնական պատճառն այն է, որ իրավապահ համակարգի վերևներում եղել են բառիս բուն իմաստով դավաճաններ, որոնք առաջնորդվել են այլ հաշվարկներով ու այլ հանձնարարություններով։

Փաշինյանը շարունակում է դժգոհել. ինչու է ուշանում կոռուպցիայի դեմ պայքարը

«Բայց արդյոք այսօր իրավապահ համակարգը լիովին իրականացնում է կոռուպցիայի դեմ պայքարը։ Ցավոք, չեմ կարող վստահաբար դրան դրական պատասխան տալ։ Առանց սեթևեթելու ասենք, որ Հայաստանում երբեք կոռուպցիայի դեմ իրական պայքար չի տարվել, և ուրեմն համեմատությունը ոչնչի հետ չի կարող շահեկան և օբյեկտիվ համարվել։ Ես ժողովրդից մանդատ եմ ստացել այդ գողացված միլիարդները հետ բերելու համար։ Եվ ակնկալում եմ, որ իրավապահ մարմիններն իրականացնեն ժողովրդի սպասելիքը»,–ասաց Փաշինյանը։

Նա նաև ընդգծեց, որ այս ամենը չպետք է մեկնաբանվի որպես օրինական ձեռնարկատիրական գործունեության դեմ քայլ։ Վարչապետի խոսքով` օրինական բիզնեսի առաջ միայն մեկ խնդիր կա` վճարել հարկերը, հարստանալ և հարստացնել։

160
թեգերը:
պաշտոնյա, բյուջե, ՀՀ ազգային անվտանգության ծառայություն. ԱԱԾ, Պետական եկամուտների կոմիտե (ՊԵԿ), Հատուկ քննչական ծառայություն (ՀՔԾ), կոռուպցիա, Հայաստան, Նիկոլ Փաշինյան
թեմա:
ՀՀ վարչապետ Նիկոլ Փաշինյան (1026)
Ըստ թեմայի
Հայաստանի ներկայիս կոռումպացված պաշտոնյաները նախորդներից վտանգավոր են. Փաշինյան
Հաշվեքննիչ պալատը պետական պարտքի կառավարման մեջ ռիսկեր է գտել
ՊԵԿ աշխատակիցը պիտի այնքան վաստակի, որ կոռուպցիայի մասին չմտածի. Անանյան
Ռուբեն Հայրապետյան

«Հարսնաքարի» նախկին տնօրենն ինքն է գույք հափշտակել. Ռուբեն Հայրապետյանի փաստաբան

24
(Թարմացված է 00:16 02.06.2020)
Ռուբեն Հայրապետյանի փաստաբանը հույս ունի, որ այս քրեական գործով բոլոր հնարավոր միջոցները կձեռնարկվեն արտերկրում գտնվող Հայկ Շահնազարյանին ՀՀ վերադարձնելու ուղղությամբ։

ԵՐԵՎԱՆ, 2 հունիսի – Sputnik. Հայաստանի ֆուտբոլի ֆեդերացիայի նախկին ղեկավար Ռուբեն Հայրապետյանի ընտանիքին պատկանող «Հարսնաքար» համալիրի նախկին տնօրեն Հայկ Շահնազարյանի կողմից Ընկերության առանձնապես խոշոր չափերով գույքը խարդախությամբ հափշտակելու փաստի առթիվ ՀՀ քննչական կոմիտեի հատկապես կարևոր գործերի քննության գլխավոր վարչությունում հարուցվել է քրեական գործ: Տեղեկությունը հայտնում է Հայրապետյանի փաստաբան Ամրամ մակինյանը։

«Հույս ունենք, որ այս քրեական գործով նույնպես կձեռնարկվեն բոլոր հնարավոր միջոցները արտերկրում գտնվող Հայկ Շահնազարյանին ՀՀ վերադարձնելու ուղղությամբ…»,– Facebook–ի իր էջում գրել է նա։

Մակինյանը հիշեցրել է` Հայկ Շահնազարյանն այն նույն անձն է, որին իբրև թե խոշտանգել ու ապօրինի ազատությունից զրկել են Ռուբեն Հայրապետյանի կազմակերպմամբ։

«Սակայն Հայրապետյանի առնչությունը նշվածին դատարանը չհաստատեց, փոխարենը օրեր անց քրեական գործ հարուցվեց Հայկ Շահնազարյանի կողմից առերևույթ առանձնապես խոշոր չափերի խարդախություն կատարելու փաստի առթիվ։ Ափսոսում եմ, որ քննչական կոմիտեի մամուլի ծառայությունը մոռացել է հանրությանը հայտնել նաև այս մասին, ինչպես արվեց Ռուբեն Հայրապետյանին առերևույթ մեղադրելու դեպքում…»,– եզրափակել է փաստաբանը:

Ավելի վաղ հայտնել էինք, որ Երևանի ընդհանուր իրավասության դատարանը բավարարել է ՀՖՖ նախկին նախագահ Ռուբեն Հայրապետյանին և ևս 4 անձի կալանավորելու միջնորդությունները։ Հայրապետյանը որպես մեղադրյալ է ներգրավել ՀՀ քրեական օրենսգրքի 119-րդ հոդվածի 2-րդ մասի 3-րդ, 5-րդ կետով (ֆիզիկական ուժեղ ցավ կամ հոգեկան տառապանք պատճառելը), 133-րդ հոդվածի 2-րդ մասի 1-ին, 2-րդ, 7-րդ կետերով (մի խումբ անձանց կողմից շահադիտական դրդումներով մարդուն առևանգելը) և 322-րդ հոդվածի 2-րդ մասով  (ինքնիրավչություն): Նա գտնվում է հետախուզման մեջ:

Ռուբեն Հայրապետյանին կանչել են հարցաքննության, իսկ նա Հայաստանում չէ

24
թեգերը:
Ամրամ Մակինյան, Ռուբեն Հայրապետյան, Հայաստան
Ըստ թեմայի
«Հորդորում էր, որ ես փախնեմ Հայաստանից». Ռուբեն Հայրապետյանը` Անդրանիկ Քոչարյանի մասին
Ռուբեն Հայրապետյանի որդին կամավոր ներկայացել է. դատարանը մերժել է կալանքի միջնորդությունը
Ռուբեն Հայրապետյանն իր ասածի պատասխանը կզգա ոչ միայն շորերի, այլև մարմնի վրա. Գրիգորյան
Դավա և Օլգա Բուզովա

Ալֆո՞նս, թե՞ երկար սպասված արքայազն․ ինչո՞վ է հայտնի Բուզովայի հայ փեսացուն

50
(Թարմացված է 01:03 02.06.2020)
Վիդեոբլոգեր Դավան բացառիկ է նրանով, որ բավականին կարճ ժամանակահատվածում նրան հաջողվեց համացանցում գրեթե 12 միլիոն հետևորդ հավաքել։

ԵՐԵՎԱՆ, 1 հունիսի – Sputnik. Բլոգեր և երգիչ Դավայի (Դավիթ Մանուկյան) մասին հասարակության մեծ մասն իմացավ

անցած տարվա աշնանը, երբ նա նկարահանվեց ռուս ճանաչված երգչուհի Օլգա Բուզովայի տեսահոլովակում։ Հենց այն ժամանակ լուրեր տարածվեցին, որ արտիստներն անտարբեր չեն միմյանց նկատմամբ։

Դեկտեմբերին արդեն Օլգան խոստովանեց բլոգերի հետ սիրավեպի մասին։ Դրանից հետո նրանք գրեթե մշտապես միասին են հանդես գալիս՝ սոցիալական ցանցերում, փոքրիկ հումորային համարներում և տեսահոլովակներում կամ պարզապես աշխատավայրից ու հանգստավայրից հրապարակած լուսանկարներում։

«Չէ՞ որ նա հայ է». Բուզովայի սիրեցյալի քույրը գաղտնիքներ է հայտնել

Բուզովայի երկրպագուների մեծաթիվ բանակը բաժանվել է երկու ճամբարի. մի մասը Դավային դուրսպրծուկ ու ալֆոնս է համարում, որը որոշել է հայտնի դառնալ ռուսական փոփ-բեմի արքայադստեր հաշվին, մյուսները՝ ի դեմս երիտասարդի, տեսնում են այն երկար սպասված արքայազնին, որին արժանի է Բուզովան։

Ի՞նչ է հայտնի Դավայի մասին

Դավիթ Մանուկյանը հայտնի է դարձել առաջին հերթին որպես վիդեոբլոգեր, բայց երիտասարդը նաև սեփական երգերն է թողարկում։ Ընդ որում` դրանցից մեկը, որը կոչվում է «Հարբած կլինեմ», կարճ ժամանակում այնքան հայտնի է դարձել, որ Բուզովան, դեռ անձամբ ծանոթ չլինելով Դավայի հետ, պարել է այդ երգի տակ և տեսանյութը հրապարակել Instagram-ի իր էջում։

«Այն ժամանակ դեռ ծանոթ չէինք, նա պարզապես stories էր նկարում։ Առաջին անգամ ես նրան գրեցի և ասացի՝ շնորհակալ եմ, որ լսում եք իմ երգը, շատ հաճելի է։ Որոշ ժամանակ անց նա ինձ գրեց և դեր առաջարկեց իր «Лайкер» տեսահոլովակում,-պատմել է Դավան «Алена блин!» հաղորդման ընթացքում։

Դավիթ Մանուկյանը ծնունդով Նովոսիբիրսկից է, տեղափոխվել է Մոսկվա ընդամենը երկու տարի առաջ։ Նա խոստովանել է, որ այդ ժամանակ Instagram սոցիալական ցանցում ընդամենը մոտ հինգ հազար հետևորդ ուներ։ Բայց շուտով, ընդամենը երկու տարում, արտիստի հետևորդների թիվը հասավ գրեթե 12 միլիոնի։

Այդ ֆենոմենալ թռիչքի շնորհիվ 27-ամյա երիտասարդը հայտնվեց շատերի ուշադրության կենտրոնում։  Վերջերս բլոգերը նկարահանվեց ճանաչված երգիչ Եգոր Կրիդի «Love is» երգի տեսահոլովակում։ Ամենայն հավանականությամբ երկու տաղանդավոր երիտասարդների համագործակցությունը այդքանով չի սահմանափակվի։

Շատերը զարմացած են Դավայի դերասանական տաղանդով, բայց երիտասարդը բավական հարուստ ստեղծագործական փորձ ունի։ Բանն այն է, որ նա պրոֆեսիոնալ պարող է։ Հայազգի երիտասարդը երեք տարեկանից պարով է զբաղվել, անգամ սպորտային-պարահանդեսային պարերի Ռուսաստանի չեմպիոն է եղել։ Վնասվածքների պատճառով ստիպված է եղել թողնել սպորտային կարիերան (Դավան ողնաշարի երեք ճողվածք ունի. մեծ դեր է խաղացել նաև հիասթափությունը)։

Ի դեպ, հենց պարի շնորհիվ է Դավան հանդիպել իր առաջին սիրուն՝ պարահանդեսային պարերի ներկայիս չեմպիոն Վալերիա Աղիկյանին։ Այն ժամանակ Դավան 16 տարեկան էր, ընտրյալը՝ 15։ Նրանց հարաբերությունները երկար չեն տևել. երկու տարի անց բաժանվել են։

«Տղամարդու խոսք եմ տվել, պիտի անեմ»․Դավա Մանուկյանը Բուզովային հավերժացրել է մաշկի վրա

Նույն «Алена блин!» հաղորդման ընթացքում Մանուկյանը խոստովանել է, որ սթրեսի պատճառով հաճախ նոպաներ է ունեցել։ Արտիստի խոսքով՝  այնպես էր սիրահարվել Վալերիային, որ պատրաստվում էր առաջարկություն անել, մինչդեռ աղջիկը օգտագործում էր իրենց հարաբերությունները առաջնություններից առաջ իրեն հունից հանելու համար։

«Նա իմ հակառակորդի պարային զույգն էր, և մրցումներից առաջ ինձ հաճախ լուսանկարներ էին ուղարկում, որտեղ Վալերիային ինչ-որ մեկը գրկում էր։ Դա ինձ շատ էր հունից հանում»,-ասել է նա։ Չնայած դրան, իր «Վերջին պարը» երգը Դավան նվիրել է առաջին սիրուն։

Ինչ վերաբերում է Բուզովայի հետ հարաբերություններին և անհավասար եկամուտներին, արտիստը (ինչպես և ինքը՝ Օլգան) մշտապես ընդգծում է, որ սիրելի կինն իրեն աջակցում է միայն բարոյապես, իսկ նյութական ծախսերը միշտ ինքն է հոգում։ Ի դեպ, երիտասարդներն ապրում են Մանուկյանի վարձակալած բնակարանում։

«Ես ոչ մի կնոջից փող չեմ վերցրել։ Երբեք նման բան չի եղել։ Եթե մենք Օլյայի հետ որևէ տեղ ենք գնում, միշտ ես եմ վճարում։ Հակառակ դեպքում ես ինձ տղամարդ չեմ զգա։ Իմ փրոդաքշնի համար ես մեծ գումարներ եմ ծախսում՝ գովազդ, նկարահանումներ։ Ճիշտ այդքան էլ ծախսում եմ Օլյայի վրա։ Ռեստորանում հաշիվը տարբեր է լինում՝ 20-ից մինչև 80 հազար ռուբլի՝ կախված տեղից»,-խոստովանել է նա։

Արտիստի խոսքով՝ ինքը շատ ծրագրեր ունի, իսկ Օլգայից իրեն միայն հոգեբանական աջակցություն է պետք։

50
թեգերը:
տեսահոլովակ, սեր, երգիչ, Օլգա Բուզովա, Դավիթ (Դավա) Մանուկյան
Ըստ թեմայի
Մոսկովյան բանկ ներխուժած տղամարդը պահանջել է փող և Բուզովային. տեսանյութ
«Մանդարինկա». Բուզովան բլոգեր Դավիթ Մանուկյանի հետ ամանորյա երգ է թողարկել
Օլգա Բուզովան հաստատել է` իր ընտրյալը հայ հայտնի բլոգեր Դավիթ Մանուկյանն է
Օլգա Բուզովան ծննդյան 34–ամյակը նշում է հայ սիրեցյալի հետ. տեսանյութ